CCX. — ^ AULX ESTATS ET SElGTfEURS

Des Pajrs Bas ; envoyée Van i SqS , après la mort de Lojrs de Requesens , grand commandeur de Castille.

Encores que la tyrannie que nostre povre pays endure depuis quelques années doibve d'elle mesines assés inviter ung chacung à l'en délivrer , et que l'occasion qui s'en présente soit suffisante pour y inviter tous ceùlx qui l'aiment : si est ce que quand je considère que les plus grands maulx et plus longues prisons à la longue s'accoustument , ou des qu'on en a quelque relasche s'oublient; que les plus belles occasions par ce moyen en différant tousjours se perdent, et que les plus prudens sont ^ubjects à temporiser, et en temporisant perdre le temps et les occasions de bien faire, il me semble qu'il ne peult estre superfleu de nous soubvenir à ceste heure des maulx que nous avons eus et avons encore soubs la tyrannie de l'estranger, et nous représenter aux yeulx les faciles moyens que Dieu nous présente ; à ceulx qui ne voyent pas du tout clair en tels affaires (qui toutesfois d'eulx mesmes sont assés clairs), peult estre apporterons nous quelque lumière; et ceuk qui les voyent assés d'eulx mesmes , voyans les yeulx d'aultrui s'accorder avec les leurs , seront d'autant plus conformés en leur opinion.

Quant à la tyrannie que nous avons endurée soubs