IX. — ADVIS DE M. DUPLESSIS

Sur les moyens de contenter les catholiques romains ^ demandans le restablissement de V exercice de leur relligion en Bearn , erjLvoyé au roy de Navarre en Van i58o.

Il est mal aisé de parler pertinemment des choses à qui n'est sur les lieux; car la moindre circonstance en change la nature , et aussi n'est le présent mémoire que pour servir au meilleur advis de ceulx qui voient les choses de plus près.

Partie des subjects du roy de Navarre en Bearn lui demandent l'exercice de la relligion romaine, et sont leurs requestes favorisées du roy. Or, soit que ledict seigneur roy l'accorde ou le refuse, il y a des inconveniens grands et difficiles à éviter.

S'il le refuse , partie de son peuple sera mal content, aussi sera le roy mesme , et ses ennemis prendront cestc occasion pour susciter ses subjects contre lui , que par «ipres ils aideront de tous leurs moyens; de là, par une suite comme nécessaire, nous rentrons en guerre en France ; davantage le roy alléguera que le roy de Navarre l'aura pressé d'une chose qu'il n'aura vouUeu pratiquer en son propre Estât.

S'il l'accorde , en voici derechef d'aultres. Toute mutation , quelque licite qu'elle puisse estre, a du danger en soi; i'aultre partie de son peuple , qui est la plus

ADVIS DE M. DUPLESSIS, «te. g5

affectionnée, le trouvera mauvais; les princes et estais qui font profession de nostre relligion pareillement, et sa majesté sçait assës qu'il n'y a poinct faulte de gens qui embrassent volontiers ung subject de calomnier, veu que, sans subject, ils n'en ont faict conscience; or est il trop plus à craindre d'offenser ses amis et bien* veillans , que non pas ceulx dont l'amitié ne se peut acquérir, ni l'inimitié diminuer , ni peut estre «iccroistre.

De deux maulx c'est quelque prudence de choisir le moindre , plus grande de les éviter toirs deux , mais très grande quand on les convertit à son bien et advancement.

Le roy (Je Navarre y a prudemment procédé quand il a respondu que la relligion romaine avoit esté abolie en ses pais par une légitime convocation d'estats, et ne s'y pouvoit ni ne debvoil r'establir que par une semblable; car par ce moyen il a gaigné temps, et qui a temps , dit Tltalien , a vie. Davantage il se gaigne toujours quelqu'ung à nostre relligion , et les aultres s'accoustument plus à se passer d'idolâtrie; qui pourroit tousjours dilaier ainsi , ce seroit ung grand bien , et peut estre que la déloyauté ordinaire de nos ennemis en continuera les occasions au roy de Navarre, veu qu'ils ne se peuvent contenir de surpendre ores une place, et ores l'aultre , et faire des infractions évidentes. '

Mais parce qu'il est mal aisé que tous délais n'aient une fin, et que la longueur pourroit estre interprétée pour ung refus , semble que le roy de Navarre en pourroit tirer de l'advancement pour la relligion, et de la réputation grande pour lui , s'y conduisant en la façon qui s'ensuit, asçavoir :

Qu'estans les choses en quelque repos en France, il publiast un concile ou conférence pour le faict de la