DEIJBERATION SUR UNG VOYAIGE
dient ils, il 5 fondent par là de plus près les mœurs et esprits les ungs des aultres, et si ils y rencontrent de la vertu, elle leur est suspecte, dont s'engendre une envie, et de l'envie la haine; et s'ils remarquent du vice, comme en tous hommes il n'y a que trop d'imperfection , ils en entrent en mesprisrungderaultre,dont ils ne tiennent plus compte de s'entretenir ni rechercher. Sans aller plus loing, l'exemple s'en est veu en ceste dernière entreveue de monseigneur et du roy de Navarre, qui s'en sont refroidis plus que jamais; et si on dict que ce propos est dict pour l'en treveue de princes égaux, et non del'ungqui soit subject à l'aultre, j'advoue bien qu'il est vrai; mais parce que le roy de Navarre a esté chef d'ung parti, contre l'intention du roy, dont il est esloigné si loing et de si long temps de la court, en ceste considération il lui convient, et n'est pas dict mal à propos pour lui.
Dient au surplus que par la reconciliation du roy de Navarre avec le roy ne s'ensuit la reconciliation de toute la France , ains tout le contraire, parce que le but du conseil du roy ne sera pas de rejoindre le parti de la relligion au roy par ce moyen, mais de desjoindre, soubs ce prétexte, le roy de Navarre du parti de la relligion , et le soubstraire de leur cause ; et par ce aussi , d'aultre part, que les Eglises généralement n'approuveront poinct ce voyaige , ains l'interpréteront comme si le roy de Navarre les abandon noit , dont adviendra qu'ils chercheront leurs recours et secours ailleurs ; et quand viendra le temps de la rendition des places, le roy de Navarre n'y aura plus de crédit. De là donc s'ensuivra que le roy entrera en mespris du roy de Navarre , comme lui estant inutile envers son propre parti , et prendra occasion de ruyner ledict parti, comme
DU ROY DE NAVARRE. ij3
désobéissant à ses commandemens, et négligeant les conseils dudict sieuj: roy de Navarre , n'agueres leur chef et protecteur, lequel, sans y penser, se trouvera enseveli en leur ruyne, à sçavoir au milieu de ses ennemis et sans parti.
Dient qu'à la vérité Dieu a mis des grâces au roy de Navarre, qui le pourroient rendre agréable à la noblesse s'il pouvoit converser de plus près avec eulx; mais requiert aussi estre receus à dire que beaucoup de princes se sont maintenus en réputation par absence , plus qu'ils n'eussent par présence, d autant que leurs vertus, qui ont l'aile plus légère , esclatoient partout, et les vices ou defaults , qui sont bas, pesans et abjects , ne sortoient poinct de cbés eulx ; que nous ne nous pourrons peult estre despouiller de certains plaisirs de jeunesse^ qui seront" fomentés à Tenvi par nos ennemis mesmes, qui puis après s'esbattront à les divulguer calomnieusement envers tous. Au reste , si ceulx de la noblesse d'une ou d'aultre relligion viennent rechercher le roy de Navarre , qu'on l'en rendra suspect au roy mesmes, et qu'il sera plus court à ses ennemis, nommeement à ceulx de Guise qui le redoutent , de lui faire oster la vie par quelque pratique , que de lui soustraire la créance. Et si la noblesse ne s'en eschauffe pas beaucoup , comme il y a plus d'apparence, les ungs pour le peu d'affection, et les aultres pour la crainte, ses ennemis s'en orgueilliront et le mespriseront, ses amis mesmes et serviteurs s'en refroidiront, et sera cogneu et desployé à ung chacun ce qui est en doubte et enveloppé maintenant , et que les bonsmarchans ne descouvrent que le moins qu'ils peuvent, à sçavoir le fonds de nostre crédit et de nos moyens et facultés.
Dient que véritablement les grands bienfaicts se
