VERS LE ROY HENRY IH

pemon ^ où il le trouva tout seul ; et mesmes ledict sieur d'Espernon s'en retira. Le roy leut ses lettres contenans créance, et lui commanda de Texposer; ce qu'il feit en ces mesmes mots.

Sire, il y a environ quinze jours qu'il pleut à vostre majesté envoyer au roy de Navarre, ung de vos valets de chambre, par lequel vous lui escrivistes qu'ayant

descouvert la mauvaise et scandaleuse vie de vous

vous estiés resoleu de les chasser d auprès de la royne ▼ostre sœur, sa femme, comme vermine très pernicieuse, indigne d'approcher d'ung si grand lieu. Le roy de Navarre, sire, en remercia très humblement vostre majesté, et recogneut ce soing particulier, qu'il vous plaisoit avoir de l'honneur et réputation de sa maison , à très grande obligation. Tost après , sire , il a entendeu que l'indignation de vostre majesté ne s'est

poinct arrestee sur mais qu'elle a passé jusques à la

royne sa femme; que vostre majesté, revenant de Mezieres, après ung esloignement de trois mois, ne Ta poinct veue à son arrivée. Que, des les premiers jours de son retour , elle lui a faict commandement de s'en aller en Gascongne trouver le roy de Navarre son mari, qui n'estoit pas pour la revoir bien tost, et toutesfois sans qu'elle ait eu cest honneur de vous dire adieu. Que s'estant ainsi départie , vous passastes en vostre carosse au Bourg la Royne , où elle feit sa première disnee, les fenestres abatteues, sans lui parler. Qu'à peu d'heures de là , sire , entre Palaiseâu et Sainct Gler , pa* reut une trouppe d'arquebusiers commandée par ung capitaine de vos gardes , qui arresta son train ', sa litière propre, la visita, mit le nés dedans , jusques à lui faire abattre le masque avec propos plein de rigueur ; qui plus est, feit quelques personnes de sa suite prison-

, 366 NÊGOTIATION DE M. DUPLESSIS

nieres à sa veue. C'est ung affront , sire , que princesse de ce rang ne receut jamais, mesmes d'ung frère ; qui s'est faict au reste à la veue du soleil, et est aujour« d'hui public par toute la chrestienté. Quand le roy de Navarre, sire, vient à considérer quelle peult avoir esté la faulte proportionnée à ceste amende , il est ea grande peine , et ne peult à quoi se resouldre , d'autant* plus qu'il a cogneu la modération de vostre majesté en toutes aultres actions, qui ne peult avoir passé sans grande occasion à telle extrémité. C'est pourquoi , sire, il m'a commandé de venir trouver vostre majesté et la supplier très humblement de'deux choses ; l'une, c'est qu'il vous plaise lui déclarer la cause de ceste si grande indignation , qui la vous ait faict estimer digne de telle indignité. L'aultre, qu'en la peine où il est, qui ne peult estre que très grande , vous lui voulliés dire, ce qu'il a à faire. Ce qu'il attend de vous, comme d'ung bon maistre, tel que lui avés tousjours promis de lui estre; tel aussi qu'il l'a tousjours espéré; et pour ce, sire , j'ai commandement exprès de m'en adresser seulement à vostre majesté.

Le roy respondit que le roy de Navarre n'auroit peu mieulx faire que ce qu'il faisoit , d'envoyer vers lui pour cest effect , mesmes personne de telle confiance. Qu'il le tenoit a grande obligation , et s'en souviendroit toute sa vie. Puis venant au propos : Il est vrai, dict il, que j'envoyai, comme vous dictes, il y a quinze jours, ung mien valet de garde robbe au roy de Navarre , et

lui escrivis telles choses de Je crois que cela nefeut

pas nouveau au roy de Navarre, et qu'il en sçavoit assés d'ailleurs , et vous aultres mesmes , à mon advis , ne l'ignorés pas. Nous adressons quèlquésfois des athitiés sur personnes qui n'en sont pas dignes , et en sommes

VERS LE ROY HENRY lU. Sôy

telles fois aveuglés. De moi, qui ne veulx pas vivre seulement comme bon prince, mais comme homme de bien, j*ai désiré repurger tout ce qui est autour de moi, et surtout qui me touche de si près, de tout ce qui y pouvoit apporter tache ou biasme , m'asseu^ant que le roy de Navarre m'en sçauroit bon gré ; et quelques semblables mots à ce propos.

Ledict Dtrpféssis, qui voyoit que le roy s'arrestoit

sur sans venir à la royne sa sœur, lui répliqua :

Sire , je ne suis poinct venu ici pour plaider la cause de.... Le roy de Navarre a recogneu à grande obligation, comme vous avés veu par ses lettres , ce que vostre majesté a faict en leur endroict ; et me ferés bien cest honneur de croire que le roy de Navarre ne faict pas si peu de cas de moi , que de me donner ceste commis^on, ni moi si peu de moi mesmes, que de la prendre, il m'a despesché vers vostre majesté pour le faict de la royne sa femme. Si elle a commis une faulte digne de l'afiront qui lui a esté faict , il vous en de* mande justice, comme au maistre de la maison et au père de la Emilie. Sinon , sire , comme il ne le croira que le plus tard qu'il pourra, il la vous demande, comme à prince qui en faict pofession , des calomniateurs , sur le rapport desquels une telle injure auroit esté précipitée.

Le roy alors voulleut mettre l'affront en doubte; que le roy de Navarre pouvoit avoir esté mal informé ; que les choses n'estoient pas passées du tout ainsi ; qu'il ne feHoit pas croire les bruits , etc. Ledict sieur Duplessis répliqua : Sire, je n'ai passé en lieu sur le chemin, où ceste histoire ne m'ait esté particulièrement contée; je n'ai veu depuis homme d'honneur qui ne me l'ait confirmée. Ce n'est pas la voix du peuple seulement, qui

368 NEGOTIATIOW DE M. DUPLESSIS

peult parler par ouïr dire , mais celle de la court et de ceulx qui y voyent plus clair. Et de faict , sire, il n'a pas esté faict pour estre celé , en plein midi et eh plein chemin, mais pour estre publié par tout. Les ambassadeurs en ont escrit par tout à leurs, maistres. - Desjti ceste nouvelle est sceue par toute la chrestîenté; j'ai charge de vous dire , sire , que vostre majesté a fkict ' en ce cas trop ou trop peu ; trop , s'il n'y a poinct eu de faulte, ou si elle n'a esté extrême : car l'Honneur des femmes ne se doibt jamais profaner, si elles ne Tont profané elles mesmes. Trop peu , si la faulte a esté digne de ceste peine ; car de qui vous n'avés vouUeu espargner l'honneur, quelle part réservés vous pour espargner ?

Le roy là dessus le pressa de dire ce qu'il en avoit entendeu et à diverses fois; sur quoi, il respondit qu'il le supplioit très humblement de ne le faire poinct entrer en ces fascheux discours; que sa majesté pouvoit assés penser la liberté que chacung se seroit donnée d'interpréter la cause de ceste injure, que nul ne se pouvoit représenter que très estrange , veu les circonstances; qu'en somme, le jugement commun tomboitlà, que l'honneur ne s'oste poinct qu'à ceulx qui en eifect l'ont jà perdeu ; moins à une sœur par ung frère , qui a aulcunement le sien conjoint avec le sang, et que d'aultre part, plus on presupposoit de sagesse au costé de sa majesté en la considération de ce faict, plus on estoit contraint de conclurre de folie de l'aultre , etc. Le roy l'en repressant, il respondict : Je supplie vostre majesté , sire , de se contenter que le roy de Navarre en sçait autant du public comme vous en pensés sçavoir en secret. Les princes sçavent des petits ce qu'ils ne peuvent sçavoir des grands; des fols, ce qu'ils ne

VERS LE ROY HEITOY HI. 36g

feroient des sages; des femmes, ce qui leur seroit celé des hommes. Ceci estant sceu de tout le monde , il estoit malaise qu'il Tignorast tout seul.

Puis l'en pressant encores , sire , le roy de Navarre a sceu, comme j'ai jà dict à vostre majesté, qu'au retour d'ung assez long voyaige, la royne vostre sœur ne vous salua poinct; que, partant pour ung plus long, elle ne vous dict poinct adieu ; que vous passastes au Bourg la Royne où elle disnoit, sans qu'elle eust cest honneur de vous voir; qu'à peu d'heures de là, ung capitaine de vos gardes, nommé Saliers, arresta toute sa suite et sa. litière propre , lui fit abattre le masque , disant en avoir commandement de vous; que ce mesme se saisit en sa présence de quelques ungs de ses serviteurs, qu'il emmena prisonniers ,. nommeement l'escuier Tuti ; qu'en mesme temps vous envoyastes sur ung aultre chemin prendre madame de Duras, de Bethune et Barbe, et en feistes poursuivre et chercher quelques aultres ; que vostre majesté se feit amener toutes ces personnes en Fabbaye de Ferrieres , près Montargis , les sépara en diverses chambres , les interrogea chacung à part, voulleut avoir leur déposition escrite et signée de leur main ; au partir de là, en renvoya aulcuns à la Bastille, où ils ont mesmes esté examinés par le lieutenant du prevostU sçait, sire, que vostre majesté les a enquises de sa propre bouche de la conversation , des mœurs , de la vie et de l'honneur de la royne vostre sœur. Quand un roy prend ceste peine, quand un frère procède si jaridicquement , si criminellement, qui peult penser, sire , que ce soit pour moins qu'ung crime et encores bien énorme? Je reviens donc, avec la permission de vostre majesté, au commandement exprès que j'ai eu du roy de Navarre : si la royne vostre sœur, sa femme,

MÉX. DE DtlPLESSIS-MoBKAT. ToME II. Ol/{

Syo NEGOTIATÏON DE M. DUPLESSIS

a mérité cest affront, il vous en demande justice toute entière; sinon, sire, il s'asseure pour Tînterest mesme de vostre maison , que vous lui ferés raison des aucteurs d'une telle injure.

Le roy ne nia ni affirma les propos que dessus, mais bien dict qu'il n'y avoit personne qui peust eschapper des calomnies. Que le monde s'estoit licentië de tout temps de parler des plus gens de bien , etc. Puis veint à dire que ce faict estoit d'importance , qu'elle estoit sa sœur, mais qu'elle avoit une mère et ung aultre frère qui y avoient interest comme lui , qu'il esperoit les voir bientost, et se resolvoit d'en prendre advis avec eulx, qui seroit tel , que l'honneur d'ung chacung y seroit satisfaict. De là passa aux louanges de la royne sa mère, de prudence, sagesse, vie incoulpee, etc.; aux 'obligations qu'il avoit envers elle, non seulement pour l'avoir mis au monde , mais pour lui avoir conservé sa cou* ronne et la révérence que Dieu nous commande de rendre aux pères et mères , adjoustant bénédiction à ceulx qui le feront, et malédiction au contraire : qu'il avoit en somme commencé cest affaire avec son advis, et se deliberoit de le finir de mesme.

Ledict Duplessis répliqua que cela seroit bien long, que sa majesté considerast que le roy de Navarre avoit le trait dedans le corps, et que par là il ne lui ostoit poinct. Au contraire, que, quand il entendroit que ce qui s'est passé auroit esté avec l'advis de la royne sa mère , il y auroit de quoi redoubler sa peine , veu le soigneux égard qu'ont ordinairement les sages mères de contregarder la réputation de leurs filles , le pryant, pour ce respect, d'abréger la peine du roy de Navarre par quelque response qui le satisfeist davantage.

Il respondit qu'il estoit homme de jugement pour

VERS LE ROY HENRY III. 3ji

cognoistre que la chose ne pouvoit ni se debvoit faire aultrement ; qu'il partiroit dans trois jours de Lion , s'en iroit aulx bains de Bourbon , où il avoit à séjourner sept jours avec la royne sa femme , pour voir , selon le conseil des médecins, si Dieu leur vouldroit donner des enÊins par ceste aide là ; que , si c'estoit le bien de son estât, il l'en supplioit de tout son cœur, sinon qu'il acquiesçoit volontiers à sa volonté. Qu'en somme , dedans le commencement d'octobre , il seroit à Paris avec la royne sa nlere, où peult estre mesmes il verroit son frère , et tost après il depescheroit personnage qualifié, qui donneroit contentement au roy de Navarre.

Ledict Duplessis répliqua .'Cependant, sire, la royne Yostre sœur s'achemine vers le roy son mari : que dira la chrestienté s'il la reçoit ainsi , par manière de dire , toute barbouillée? et s'il caresse et embrasse ce que TOUS aurés si indignement esloigné de Vostre court , lui estant mari , vous n'estant que frère ? Sire , le roy de Navarre ne vouldra poinct estre réputé prince sans courage. Il a cherché réputation de magnanimité toute sa vie. Yostre majesté juge s'il vault pas mieux que l'injure soitsatisfaicte, premier qu'elle passe plus oultre?

Le roy lui dict alors : Que sçauroit on dire , quand il la recevra , sinon que c'est la sœur de son roy ? Oui , sire, mais d'un roy juste, qui faict profession de droicture , et ne vouldroit pas estre obeï de ses subjects , mesmes de la qualité du roy de Navarre , aulx despens de leur honneur et réputation.

La fin feut qu'il ne se pouvoit faire aultre chose, qu'il le feist trouver bon aU roy de Navarre , qu'il lui rendist en cest acte preuve de bon subject, tel qu'il lui estoit né , et ass^urast au reste le roy de Navarre derechef qu'il recognoistroit ceste obligation d'avoir

372 NEGOTIATION DE M. DUPLESSIS

envoyé incontinent vers lui personne, en qui il lé sçait avoir pleine confiance , et qu'il tiendra Thonneur dudict sieur roy aussi cher que le sien propre, comme il lui feroit appercevoir dans peu de temps.

Ledict Duplessis le supplia d'escrire au roy de Navarre particulièrement ce qu'il lui commandoit de dire, que c'estoient matières chatouilleuses, desquelles il ne se voulloit reposer en sa mémoire, pour les inconve — niens qui en adviennent , y estant question d'une part de son souverain , et de l'aultre de son maistre. Le roy respondit que telles choses ne se pouvoient bonnement escrire , et que le roy de Navarre s'en fieroit prou en lui. Sur quoi il supplia au moins sa majesté de voulloir jetter en ses lettres quelques semences des responses qu'il lui avoit pieu lui faire , afin qu'il eust plus de matière et de parler et d'estre creu. Ce que sa majesté lui ayant promis, lui demanda quand elle trouveroit bon qu'il veinst quérir ses lettres ; il respondit qu'il les escriroit présentement et tout devant lui. Ce qu'il feit de sa main, puis les lui leut (encores, disoit-il, qu'il n'eust ceste coustume de monstrer ses lettres ) ; et les ayant faict fermer par du Halde, qu'il appella de la garderobbe, les lui bailla , ajoustant plusieurs paroles gracieuses du roy de Navarre, et répétant le gré qu'il lui sçavoit d'aVoir envoyé vers lui pour ce feict, mesme personne qui tient lieu tel auprès de lui.

Ce propos conclu, il dict audict sieur Duplessis : Et bien , ne verrai je jamais le roy de Navarre , mon frère? Il lui respondit que ce lui estoit ung grand malheur de ne pouvoir accomplir le désir qu'il avoit de baiser très humblement les mains de sa majesté; mais que, des qu'il tournoit teste vers la France pour s'en approcher, il sèmblbit qu'on prist plaisir de le mordre par derrière