VERS LE ROY HENRY III

pour le faire tourner ailleurs , comme tout fraischement se seroit veu , qu'estant à Saincte Foi pour passer en Xaintonge , on surprit Aleth avec grand carnage de ceulx. de la relligion , dont le voisinage est troublé , en danger, s'il n'y eust pourveu en se rapprochant, de remettre par là toute la province, et consequemment tout Testât en trouble. Le roy lui dict que telles choses lui desplaisoient grandement; qu'eè provinces plus proches de sa résidence on ne voyoit telles choses advenir, parce qu'elles se ressentoient de plus près de son intention , qui n'estoit que de maintenir ses subjects en paix ; qu'il s'asseuroit que ses subjects ne lui imputoient tels actes , et sçavoient bien considérer que la prise d'une ville d'Aleth n'estoit pas l'entreprise d'ung prince tel que lui. Ledict Duplessis répliqua que ses subjects de la relligion ne se plaignoient pas de l'intention de sa majesté , mais du peu de debvoir que ses officiers rendoientà l'exécution d'icelle; que l'impunité engendroit coustumierement l'injustice, et qu'à la vérité la tolérance de tels attentats, en plusieurs endroicts, n'avoit peu apporter aultre chose; que le roy de Navarre supphoit très humblement sa majesté d'y mettre à bon escient la main , parce que le povre peuple , qui est trop esloigné de lui pour. pénétrer son intention, ne la peult juger que par les efFects qu'il sent, lesquels toutesfois, le plus souvent, tiennent plus de la passion des exécuteurs, que de la nature de celui qui commande. De là il veint à parler des défiances qu'avoit esmeu en Dauphiné et Languedoc son voyaige de Lion, comme s'il y feust veneu pour y dresser Ih guerre contre ses subjects de la relligion. Qu'estant veneu à Bourbonnanci pour sa santé , il avoit esté pryé de venir visiter sa ville de Lion et sa noblesse des paya

374 NEGOTIATION DE M. DUPLESSIS

circonvoisins. Qu'il n'avoit aultre désir que la paix , qu'il l'avoit promise et la vouUoit sainctement tenir, comme prince qui faisoit singulier estât de sa parole* Qu'il n'eut jamais vouUoir de tenir la paix de 76 ^ mais qu'aussi ne le cela il poinct , pour, la façon dont elle avoit esté faicte. Qu'aultresfois il avoit pensé ramener. ses subjects de la relligion par la rigueur des armes, mais que Dieu lui avoit faict cpgnoistre avec l'expe-rience , que tels moyens n'estoient pas propres à telle fin. Qu'il faisoit estât de sa relligion , la croyoit fermement, pryoit Dieu de lui donner plustost la mort, que de s'en départir tant soit peu, mesmes vouldroit avoir donné un bras , et que tous ses subjects en feissent profession; mais que ce seroit quand il plairoit à Dieu, et que doresnavant il estoit resoleu de les laisser vivre en paix soubs le bénéfice de aes edicts , seulement qu'on ne commençast rien contre lui.

Ledict sieur Duplessis respondit qu'il estoit aulcune^ ment à pardonner au peuple, esloigné de sa majesté, s'il se defioit quelquesfois sans subject, parce que bien souvent il sentoit du mal par la main des serviteurs, encores qu'il n'y eust rien que bien, au cœur du maistre , qui n'estoit découvert qu'à ceulx qui avoient cest honneur d'en approcher. Qu'il pryoit Dieu qu'il le mainteinst en ceste bonne resolution , de n'attenCer plu$ sur les consciences par les armes qui sont naturellement instrumens de division et non de reunion ; et qu'y continuant, il ne pourroit attendre que toute bénédiction, et consequeroment toute prospérité de sa main. Quant au roy de Navarre et à ceulx de la relligion , que sa majesté pouvoit s'asseurer qu'ils ne pensoient qu'à jouir de ses edicts, et qu'il n'en falloit aultre argunaent 9 que le peu de profit qui leur peult revenir des guerres ci-