ADVERTISSEMENT 5UR L'INTENTION

ses prédécesseurs ne feut jamais si severe observateur que lui , il choisit les plus excellens , soit en vie, soit en doctrine , qu'il cognoisse en son royaume , ou forclot toutes personnes indignes et incapables , sans acception et exception de qualités; n'y admet que ceuix qui naturellement peuvent exercer les charges; contraint les evesques de résider en leurs diocèses, plus sévèrement et plus exactement que ne faict le pape U mesmes ; monstre au reste à tous le chemin de zèle et ^ de dévotion. Que se peult il adjouster à ce bel ordre, ^ sinon le loisir d'en recueillir le fruict, de le voir profi- ^ ter ? Mais ce n'est pas la prédication de la parole de ^ Dieu qu'ils demandent , ils ne se soulcient pas que ce i royaume soit peuplé de bons prédicateurs, que le peuple soit instruit en son salut , que les brebis desvoyees y soyent ramenées ; ils veullent des *** qui in- j spirent lé venin de leurs conspirations, soubs ombre de saincteté en ce royaume, et soubs couleur de confession ; ( quelle horrible hypocrisie ) abusent de la desf votion de ceulx qui les croyent , et les obligent par se^ ment à ceste ligue et à leur parti ; qui exhortent leurs subjects à tuer et assassiner leurs princes , leur promettent plein pardon de leurs péchés , leur font croire que par actes exécrables, ils méritent paradis; vraies colonies d'Espaignols; mais disons plustost , vrai levain d'Espaigne, en ce royaume, qui, depuis quelques années,' a enaigri nostre paste, a espaignolisé , soubs ung sourcil pharisaïc, les villes de nostre France, desquels les couvens sont plus dangereux que citadelles , desquels les synodes ne sont rien que conspirations.. Tels sont ils cogneus, tels nous sont les fruicts de l'assemblée générale qu'ils tenoient à Paris n'agueres , en septembre , et presidoit certain *** du Pont à Mousson , directeur

(/e ces conseils : aultresy en a qui blasphèment le roy en pleine chaire, suscitent le peuple, s'arment de fureur ' contre les magistrats, preschent lès louanges, recommandent les vertus de ces pretendeus rejettons de Gharlemaigne. C'est ce zèle ardent, c'est ceste relligion qui les anime ; et voullés vous voir quand ils sont en Allemaigne, ils sont luthériens; sont ils mutinés contre celui qui leur prestoit la main , ils le remettoient sur les calvinistes; soigneux du clergé, soigneux du service, soigneux de tenir leurs résidences , qui possèdent nombre d'eveschés, nombre d'abbayes , contre les canons, contre les Conciles qu'ils nous vont preschant en France, en vendent les bois, en dissipent le domaine, laissent les églises , laissent les maisons aller par terre , vendent les reliques , retirent à eulx tout ce qu'il y a de predeux , d'aumosnes fort peu , les povres tout nuds , et les prestres mesmes y meurent de faim. Vrais héritiers, non deCharlemagne, certes, mais de Charles de Lorraine, qui sceut fort dévotement vendre à son profîct la grande croix , et les plus riches joyaulx de son evesché de Metz , feit vendre au clergé de ce royaume partie de son temporel , et augmenter les dismes : il n'eut poinct de honte pour le bon service qu'il pretendoit avoir fisiict en cest endroict , de s'en faire donner une partie en recompense.

Reste la justice, ces justes censeurs la nous veullent rétablir en son intégrité; qui a jamais veu qu'une guerre domestique ait esté propre à reformer la justice; qui ne voit assés qu'ung seul an de guerre lasche plus les nerfs des loix , et leur oste plus d'auctorité que dix ans de paix ne lui en peuvent rendre? lasche plus la bride au mal, que dix ans de paix ne la lui peuvent retenir? Ces gens , pour exemple, quand ils auront faict leur ra«

446 ADVERTISSEMENT SUR L'INTENTION vage, viendront à se repentir; il leur fauldra des pardons , des remissions , des abolitions : il fauldra que les loix dorment, il fauldra que les juges connivent, qui recommençoient à reprendre leur auctoritë. Mal tous- * jours sur mal ; desjà les défiances des partis , par la pnidence du roy , commençoient à se lever , ceulx de la relligion contraire recognoissoient peu à peu que , par la voye ordinaire , ils pouvoient avoir justice, sans qu'il leur feist grand besoing d*ung conflit de jurisdictions. Ces perturbateurs , protecteurs des parlemens , qui leur promettent ici plénitude de puissance , donnent nouveaulx argumens de défiance , ostent le moyen de reunir à ce poinct les volontés. Qui plus , on s'est plaint souvent de la vénalité des offices de judicature , introduite premièrement pour aider à supporter les guerres estrangeres, et, depuis, continuée pour subvenir aulx civiles. Or, sçait ung chacung que le roy n'a eu tant soit peu de relasche , qu'il n'ait aussi tost aboli ceste vénalité , et tous les moyens par lesquels indirectement on la pouvoit couvrir ; et si ceste saincte ordonnance est par lui sainctement observée, tous les parlemens et sièges de France eh sont tesmoings, qui se peuvent soubvenir que le roy n'a vouUeu admettre quelques résignations très favorables, desquelles la conséquence eust peu faire fraude à l'ordonnance à l'advenir ; quel seing il a eu de pourvoir aulx dignités principales en ses parlemens , quand elles sont veneues à vaquer. On le voit en ceulx qui aujourd'hui les tiennent nommés de son propre mouvement, et choisis par son bon jugement, gens d'intégrité, de capacité et de doctrine , desquels , la vie est une censure , et la doctrine une lumière entre les hommes. Quel soing il avoit mesmes sur le poinct que ce trouble est adveneu, d'abréger les procès entn

»Qn peuple, et d'oster les mangeries qui le consument : sçavent ceulx aussi qu'il a appelles en conférence , par lesquels il en a vouUeu estre informé par les menus : }esgens ci le sçavent, ces gens n'en peuvent doubter , f ayant partie d'eulx esté mesmes appelles; tout nostre mal est qu'ils vouldroient gouverner ou gourmander la court pour y mettre, comme ils faisoient aultrefois , j[ens à leur poste, s'ils eussent peu continuer de mesmes , les estats feussent venaulx , la justice en son entier, et ne parleroient ni de reformation à prespnt, ni d'abus.

Par là donc, voyons nous que ces protections et protestations ne sont que vains prétextes. La vraie cause , c'est l'ambition de gouverner, c'est la dissipation de nostre estât , pour en emporter une pièce, et y introduire l'estranger. C'est une continuation du desseing qu'ils ont eu de long temps, et duquel les mémoires feurent découverts des l'an 76 , lequel se manifeste au-^ JQord'hui plus clairement , selon qu'il s'approche plus de Texecution , et nous du danger. Cependant ils piyent le roy de ne poirict mal penser d'eulx , que c'est pour son bien, qu'ils n'ont tous juré que son service. Ainsi feit Pépin , et ceulx ci se disent de la race , employant contre son roy Chilperic la force et l'auctorité qu'il lui avoit donnée et la saincteté du pape Zacarie : le roy est prudent, le François loyal , le jeu descouvert, et à vous appris que la saincteté condamne les parjures , que la saincteté ne conseille jamais de faulser la foi , forcer sa patrie , et se rebeller contre son roy : à ce beau desseing ils n'ont poinct de honte^de convier la royne , mère du roy, de les assister de son auctorité ^ U royne qu'ils confessent avoir conservé cest estât par tant de fois ; à la ruyne et dissipation totale du royaume ,

448 ADVERTISSEMENT SUR LINTENTION à la conjuration qu'ils font contre le roy , son fils, conviennent les princes du sang à transporter leur honneur eu aultre nation et en aultre race ; tous les pairs de France à trahir Testât, les faict comme tuteurs, soubs Tauctorité de nostre roy ; les courts souveraines à soubscrire à leurs desseings , que Dieu a assés en jugement pour la condamnation de tels perturbateurs : les Gâtons , dis je , à estre catilinaires , et n'ont poinct de honte d'invoquer Dieu là dessus , et de prendre son 'nom en vain , de l'appeller à tesmoing de leur sincérité et droicture en ces te cause. Dieu jaloux de Son sainct nom, scrutateur des cœurs des hommes, qui ne peult tenir pour innocent qui employé son nom à vanité. Combien plus à desseings si exécrables ? desseings exécrables , qui , soubs nom de pieté , de justice et d'ordre, confondent tout ung estât, le remplissent de vengeances, de meurtres ^ de brigandages , font ung million de veuves et d'orphelins , reduicts à la faim et au bissac, tout pour contenter la seule ambition. Dieu voit tout cela , Dieu pénètre jusqu'au fond : Dieu duquel ils vont se moquant , en l'invoquant , et duquel ils sentiront le juste courroux et- la malédiction et la vengeance ; Dieu garde des roys , Dieu tuteur des loix, conservateur des pohces, protecteur du povre peuple, qui les détruira, qui les confondra , qui les foudroyera, detruisans son peuple, confondans tout ordre, renversans les loix , conjurans contre leur roy et son estât, abusans surtout de son nom sacré , du zèle de Jésus Christ et de son Eglise, pour, soubs ce beau voile, ^attenter à leur supérieur , voler la couronne , exposer en proye tous ses subjects.

Peuples qu'on veult mutiner , soubs ombre de bien public, ressouvenés vous de ces prétendus rejettons àê

Charlemaigne , et pour interprètes de leur dire , lises leurs precedens mémoires, là verres qu'ils veullent estre royaux dépens de noslre roy; là verres quel arrest ils ont conceu contre nous et nostre prince François* Restes de la France, considérés moi ces gens.soudoyés dung roy d'Espaigne. C'est donc la guerre d'Ëspaigne, le crible des vrais François; ils parlent ici d'ung successeur, et vous avés veu pourquoi ils vouldroient morts tous nos princes; ils parlent d'unir la foi, d'unir les relligions : mais pour diviser Testât , pour partager nos provinces. Ici n'est poinct question de relligion ; nous avons ung roy chrestien trop plus zélateur de Dieu <|u'eulx tous ensemble, qui sçaura pourvoir, et par moyens légitimes et convenables, à la seureté de la vraye relligion pour la postérité. Geste saincteté donc n'est que pure hypocrisie; ceste ligue, qu'ils appellent saÎDCte, une feinte dévotion, une vraye conjuration contre Testât ; ici aussi peu est il question de la reformation de ce royaume : ces gens, quand ils n'y ont poinct veu leurs interests, ne s'en sont jamais remués; ces gens au contraire, en ce peu que Dieu leur a donné d'auctorité, à ce peu qu'ils ont eu de subjects, n'ont monstre qu'eschantillons evidens de violence et tyrannie, et puis pensés, je vous prye, qi^el remède à tous ces maulx, de nous jetter en la guerre civile, c'est à dire, reformer le clergé par Tinsolence du soldat, espargner le sang de la noblesse par une suite de cruautés et de vengeances, soulager le povre peuple par les contributions, les foulles, les rançonnemens, les pillages, redresser la justice par l'anéantissement de toutes bonnes loix, remettre sus Tordre et la police, par la chose qui seule a tousjours introduit la confusion en toutes choses : mais , qui pis est , pensés que

Msia. DE DUPLESSIS-MOBITAY. ToME H. ÛQ

45o ADVERTISSEMENT SUR LINTENTICW c'est de restaurer la France en l'ouvrant de toutes et aulx deniers et aulx forces d'Espaigne; c*est à dir^^ vendre à TEspaigne nostre patrie , et chasser la Fran^^ hors de France pour y faire les logis de la Lorraine ^ de l'Espaigne. N'allèguent ils le roy de Navarre po^mxr nous abuser? Il est prince courageux, prince toxjit françois; ils Font pour suspect et le redoublent, & taschent par tous moyens de le rendre odieux , enli confédérés, eulx amis et serviteurs de TEspaignol ; lai vrai sang de France, lui vrai ennemi et à très grand droict , de la nation d'Espaigne. Reste donc que ce qu'il y a de la France en France se rallie et rejoigne contre ceste conjuration maudite, qu'on n'oye plus entre nous ces noms de papistes et huguenots, noms ensevelis«par lesedicts de la paix, noms bien plus à ensevelir maintenant en ceste guerre, qui n'a fondement qu'en nos divisions ; que, pour tout , il n'en soit plus parlé entre nous sinon d'Espaignols et de François ; que nous nous revoyons à ceste occasion reunis dessoubs la croix, je dis contre la croix rouge dessoubs la croix blanche, marque antique de nos roys ; qu'il soit dict à la postérité que cette division , comme aultrefois les Romains, nous ait reunis ensemble , que la rébellion de ces gens nous ait ramenés à la vraie obéissance, je dis de nos ioix et de nos roys. C'est la contre ligue que nous debvons faire tous; ligue née en nous, ligue naturelle du chef avec tous ses membres : pour y parvenir n'est besoing de brigues, n'est" besoing de monopoles; le sang court au cœur, et le bras pare la teste sans délibérer des qu'il ressent le danger, des qu'il apperçoit le coup venir; soyons tous unis , rangeons nous au roy , chaque membre se dispose à faire son office; je vois ces ligueurs, ballais déliés, pièces rapportées ^ fondre dessoubs nous^

fondre devant nous , fondre et se confondre par eulx mesmes; je les vois defaicts, je les vois rompus et plus par leurs propres armes, par leurs âmes et consciences, par leur cause mesmes, ou pour mieulx dire prétexte, que par les justes forces de leur roy, de leur prince et de leur magistrat : et se lira partout au lieu du tombeau qu'ils se promettent , ce dicton : Ce sont les premiers Espaignols françois.

ji Vadvertissement précèdent.

Combien que ceulx de la prétendue relligion ayent esté déclarés hérétiques par les premiers et seconds Conciles generaulx en sciences de FEglise , et que les roys François premier du nom et Henry second son fils , les ayent, par leurs edicts, condamnés, les courts de parlement de ce royaume les ayent faict mourir par le feu, qiie le roy François second lésait punis par glaive en la ville d'Amboise, les roys Charles neuviesme et nostre roy Henry troisie3me, à présent régnant, les ayent poursuives comme leurs capitaulx ennemis, par sièges de villes, et quattre batailles données; que le peuple les ait' par plusieurs fois courus à forces aulx massacres comme gens reprouvés; toutesfois ils se sont particulièrement tousjours attachés à la maison de Guise comme s'ils eussent esté seuls aucteurs , motif et cause de ce qu'ils n'estoient venus à leurs intentions. Et, après avoir quelque temps combattu par passages de l'Escriture saincte , et par les armes qu'ils ont peu amasser tant parla France, Allemaigne, que Angleterre; enfin , mettant et les armes spirituelles et les corporelles en leur

fourreaux, ils se sont mis à calomnier messieurs Guise de chose qui ne concerne en rien la relligû c'est qu'ils ont dict que feu monseigneur de Guise |i tendoit à la couronne de France, se disant estre d cendu de Charlemaigne , sur la race duquel Hug Capet a usurpé le royaume; à ceste cause ils disent i l'on a appelle huguenots nos royset princes du sang d cendus dudict Hugues Capet, comme si tous les hugi nots feussent princes du sang de France et héritiers la couronne , ou qu'il n'y eust que lesdicts princes sang huguenots.

En leur objectant le crime de leze majesté, ils a damnèrent aussi quasi tous les princes, seigneurs, gi tilshommes et subjects du roy comme complices aucteurs de crimes, quand ils ont pris les armes ai ceulx de la maison de Guise , comme le feu roy de I varre qui feut tué au siège de Rouen , les feus sieurs Montpensier, de la Roche sur Yon , prince dauphin clucs de Nemours , de Longueville et de Nevers , père, fils que gendre; le feu connestable qui \a.U vie à la bataille Sainct Denis , le mareschal Sainct y qui feut tué à la J)ataille de Dreux , les marescha Montmorency et Danville , de Brissac , de Tavan Biron, de Matignon; les sieurs de Martigues qi rurent devant Sainct Jean d'Angely, le sieur df qui mourut h Mussidam , et infinis aultres qui deu et les biens et la vie pour ceste querelle tous ont esté traistres et deloyaulx à leur roy, ' la maison de Guise, et ont esté déclarés lorda ignoré pourquoi ils portoient les armes.

Aussi de dire que nos roys ayent esté si qu'ils n'eussent jamais cogneu l'intention Guise, qui estoit de les despouiller de la co

S en investir , ce seroit leur faire tort. L'événement des g^uerres a monstre que toutes les villes et places fortes <Ju'ils ont eues en leurs mains, ils ne se sont jamais impatronisés d'une seule place comme ont faict les huguenots , qu'ils ont retenu pour leur dernière main les villes de La Rochelle , Sainct Jean d'Angely, Montauban et plusieurs aultres, et qui avoient mis entre les mains des Anglois, anciens ennemis de la France, les Havres de Grâce et aultres places de grande conséquence. Donc Ton peult dire à monsieur de Guise ce cjue Dion recite avoir esté escrit sur la sépulture des Xlufïus : Y gist RufFus, lequel , ayant chassé, l'ennemi , a recogneu l'empire, non pour lui, mais pour sa patrie; car monsieur de Guise, après y avoir perdeu la vie, a laissé sa maison engagée de plus de six cens mille livres comme il est tout notoire. ^

Mais c'est aultre chose de mesdire , aultre chose d'accuser ; car celui qui accuse s'inscrit à la preuve de Tullon administrer tesmoing, use d'argument, de conjecture et indice violent; celui qui mesdit se contente de vomir tout ce qu'il a dedalis le cœur pour se décharger, et ne se donne peine d'entrer en preuve.

Si ceulx de la relligion prétendue qui leur impose ce, craignent demeurer quelques indices de ce qu'ils dient qu'ils trouvassent les imprimeurs qui ont mis soubs la presse les généalogies dont ils parlent, ils auroient quelque apparence en leurs dires; mais ils en parlent fort impertinemment et sans verisimilitude aulcune : car il est tout certain que tant d'historiens qui en ont faict mention, tiennent que le dernier de la race de Charlemaigne mourut sans aulcung enfant masie, comme mesmes tesmoignent les historiens de Lorraine; celles des evesques de Verdun , par ung nommé Vas-

sabond; la généalogie de Lorraine , par Charles Estienne ; aultre livre qui est intitulé : Testamenta don. Lothcc-ringia y composé par ung chanoine de Thoul , subject du roy, lequel, pour s'eslre trop lié en parlant du ro/ nostre prince et le sien, feut faict prisonnier par monsieur le duc de Lorraine et accusé par monsieur de Guise. Estant donc ainsi que la race de Charlemaigne soit faillie en ligne masculine, quand il seroit vrai que ceulx de Lorraine seroient descendus des filles dMcelui , qui feut dernier de la race de Charlemaigne, toutesfois ils ne seroient capables d'hériter à la couronne de France, parla loi salique inviolablement gardée en ce royaume qui exclus les femelles , et ne donne la couronne à ceulx qui sbnt descendus par filles, non plus qu'elles ne tombent eh quenouille.

Et si ceulx de Braine sont descendeus par filles dudict Charlemaigne , aussi en sont descendeus nos roys et princes du sang de par la mère de Sainct Louis.

Et si, contre la loi salique, ceulx de Guise pretendoient à la couronne comme veneus deô filles de France, ils n'ont pas à rechercher leur race de si loing : car M. de Guise est petit fils du roy Louis XII, les ènfans de M. de Lorraine sont petits fils du roy Henry II , sans rechercher ni la maison d'Anjou , d'Alençon et de Bourbon , dont ils sont veneus par filles.

Cela donc est sans apparence, et seroit leur droict prescrit par sept cens ans passés, il fauldroit admettre ]a succession à l'infini , oîi le droict civil et canon n'admettent que le dixiesme degré, et encores où ce droict ne seroit prescrit pnr le temps. Ceulx de lorraine y auroient renoncé se trouvant au sacre des roys Charles V, Charles VI, Vfl, François I, Henry II, François II, Charles IX et nostre roy, oii ils ont assisté comme pairs

et ont aidé à couronner nos roys, ont pris estât soubs eiilx, leur ont faict foi et hommage comme à leurs Toys et princes souverains.

Dadvantage , si ainsi estoit qu'il y eust quelque droict

pour la maison de Lorraine, ce seroit premièrement

au duc de Lorraine, puis au duc de Mercœur, à la

débattre , avant que ceulx de Guise y puissent rien

-quereller.

Donc il n'est vraisemblable que feu M. de Guise eust pretendeu à la Couronne , ni son frère , et si vous xne dites que ce n'est pas assés de le denier, et si pour clenier ung crime on doibt absouldre ung homme, jamais il n'y auroit aulcung convaincu : je vous respondrai ce que dict ung grand empereur : S'il est ainsi que ce soit assés que d'accuser pour condamner , jamais homme ne se trouvera innocent.

Aussi ledict argument de ceulx de la prétendue relligion se trouvera bien foible et bien léger, quand, avec une délégation seule, il sera renversé et fellé; si donc ils ont quelques tesmoings de le dire , ils les doibvent produire, et accuser seulement ceulx de Guise de si grand crime : car qui ne deffera ung criminel de leze majesté par les loix civiles dudict royaume?

J'adjousterai encores le poinct , que, quand ceulx de Guise seroient descendeus par raison de Charlemaigne, ce que ne sont , toutesfois ce roy leur peult dire que Pépin , père de Charlemaigne , avoit usurpé le royaume contre les successeurs de Pharamond , consequemment que Hugues Capet et sa racé y ont autant de droict que * ceulx de Charlemaigne : mais qu'est il besoing de se défendre quand il n y a aulcun procès intenté pour ce Ëiict là, et qu'on ne doibt recevoir ung criminel à ses faicts justificatifs avant qu'on lui aitparfaict son procès?

Il est vraisemblable assés que M. le cardinal 3e Bourbon, s'il cognoissoit l'intention de M. de Guise estre telle qu'il vouUeust déshériter de la couronne MM. de Bourbon pour se l'approprier , il ne vouldroit adhérer à ses desseings , ou il s'oubliroit par trop.

Mais c'est la façon ordinaire des huguenots de se mesler des choses qui ne leur appartiennent en rien, et semer des noises entre les princes pour leurs rangs, cil ils debvroient disputer des poincts controversés en la relligion par-auctorité de la justice, Ëscriture et des pères de FÉglise.

Ils n'ont jamais cessé qu'ils n'ayent tiré hors de la court le roy de Navarre à qui le roy Charles avoit baillé sa sœur en mariaige, et qui aimoit singulièrement M. de Guise comme chacung sçait, estant ordinairement ensemble comme proches parens, enfans des deux cousins germains, ayant aussi M. de Guise sa cousine germaine, beau frère d'ailleurs de M. le prince de Condé; et de le rendre si ennemi de la maison de Bourbon , comme ils le font , c'est dissouldre une trop grande alliance : il n'y a maison plus alliée de celle de Bourbon gue celle de Lorraine; la grand'mere de feu Claude de Lorraine, duchesse de Gueldres, sa femme, se nommoit Ânthoinette de Bourbon , la mère de M. de Guise estoit sœur de M. le cardfnal de Bourbon ; la grand jnere du duc d'Elbœuf estoit sœur de feu M. de Montpensier; la grand'mere du duc de Lorraine estoit sœur de Charles de Bourbon, connestable de France ; feu M. de Montpensier avoit espousé la femme de feu M. de Guise ; la grand'mere de M. le cardinal de Bourbon • se nommoit de Lorraine, qui estoit duchesse d'Âlençon: voilà comment ils sont parens et alliés, et , n' estoit la relligion, très bons et fidèles amis.

De les rendre aussi ennemis de nos roys, est chose qui ne se peull croire , et qu'ils vouUeussent les priver de la couronne. Le roy François U avoit espousé la royne d'Escôsse, nièce de feu M. de Guise; le duc de Lorraine avoit espousé la fille du roy Henry II, dont il en a enfans , et le roy présent a faict cest honneur à la maison de Lorraine, que d'espouser la fille de feu M. de Vaudemont.

Et combien que la loi salique reprouve les femelles de la couronne, toutesfois elle n'est si forte qu'elle puisse esteindre le parentage qui est entre eulx de droict de nature, plus ancien et plus fort que la loi salique.

Ils imputent à la maison de Guise qu'ils se sont agrandis .aux despens du roy; toutesfois les terres de Guise, de Joinville, du Maine, d'Aumalle, d'Elbœuf et aultres qu'ils tiennent, leur viennent d'antiquité de la maison de Lorraine, le duché de Mercœur de la maison de Bourbon connestable, dont le duc de Lorraine estoit nepveu, aussi proche que M. de Montpensier, €t n'est poinct à rechercher, qu'ayant faict service à nos roys, ils se soient sentis quelquefois de leur libéralité, parce que plusieurs aultres qui sont en leur degré, ou de parenté ou de mérite, en ont beaucoup plus emporté en peu de temps.

Si vous me demandes quel service ils ont faict , voyant les histoires de France , qui sans passion en tesmoignent, oïl vous verrez qu'il y a peu de princes ou seigneurs de France, qui n'ayent quelquesfois faillis, se rangeant du cosle des ennemis du roy; mais nuls de ceulx de Lorraine, quoiqu'ils ne fussent subjects, se sont rendeus du parti contraire à nos roys, lesquels ont faict comme loye nourrie dans la ville de Rome, non pour la garde,

toutesfois feirent meilleure guerre que les chiens, et les mortes payes (i) qui estoient ordonnés et nourris pour ce faire.

On a escrit que le roy François I" les avoit pour suspects et ne les aimoit pas : si aultres que les huguenots l'avoient escrit, j'en passerois quelque chose, mais tel personnage est ainsi à reprocher. T\iM. de Lorraine lui avoient tousjours faict bon et loyal service ; à la journée de Marignan , Ânthoine , duc de Lorraine, y estoit, et Claude de Lorraine, duc de Guise, son frère, , qui feut trouvé, comme on recite tous les jours , parmi les morts, respirant ; son frère François de Lorraine feut tué en la bataille de Pavie , oii le roy feut pris. Le duc de Guise feut employé , durant ce règne, en toutes les armées , et est tout notoire que l'ung des plus favoris du roy François estoit Jean, cardinal de Lorraine; mais je crois qu'ils ont controuvé ceste calomnie, comme ils ont faict beaucoup d'aultres; quant est du roy Henry, ' l'histoire tesmoigne assés comme ils estoi<ent désirés et bien veneus vers lui , comme ayant gouverné les plus grandes affaires de son royaume, tant en guerre que pour la police; quand François, duc de Guise, en combattant contre les Anglois, receut ung coup de lance qui lui oultrepassa la teste , qu'il combattit l'empereur à Renty, qu'il défendit Metz, qu'il reconquit Calais, Guines et aultres places, qu'il feut son lieutenant gênerai en l'armée près Amiens. Ung peu devant la paix faicte entre le roy et l'Espaignol, on lui objecte qu'il a mené une armée en Italie pour lui conquérir le royaume de Sicile, comme s'il commandoit au roy,

(i) Gens qui, pour impôts, étaient commis à la garde de la ville.

autant aagé que lui , auquel on faict peu d'honneur de lui imputer qu'il se laissoit ainsi gouverner à son subject.

Quant à Charles ^ cardinal de Lorraine , on lui impute qu'il a ordonné des finances,' et demande , ou que ses héritiers en rendent compte , comme s'il eust esté ihresorier de Tespargne, et qu'il eust imanié les finances dont il feut comptable. Les thresoriers de ce temps là ont conipté en la chambre deS comptes , ou lors les finances alloient bien d'ung aultre train qu'elles ne font maintenant ; on sçavoit alors que le tout estoit devant jusqu'à ung liard : les deniers ne se rècevoient que par les comptables. Et pour finir le règne du roy Henry II lorsqu'il feut tué au tournoi, feu M. de Guise estoit l'ung des vivans avec lui.

Depuis on les a calomniés qu'ils s'estoient saisis du feu roy François II; mais quel tort lui ont ils faict? Ils l'ont préservé des embusches contre lui dressées à Amboise , ils ont faict révoquer les trois estats à Orléans , qui monstre qu'ils ne voulloient rien faire au préjudice du royaume.

Lui decedé, le roy Charles IX veint au royaume; incontinent les troubles commencèrent tels que ung chacung sçait; la bataille de Dreux se donna où feu M. le <îuc de Guise se trouva, comme il feit au siège de Paris, à Rouen, et d'Orléans, où il feut proditoirement occis; son frère , le duc d'Aumalle, occis devant La Rochelle , après s'estre trouvé aux batailles de Dreux , Sainct Denis, Jarnac et Montcontour , et demeurés endebtés tellement que leurs enfans n'en sont encores hors : quant à nôstre roy, il sera Icsmoing et juge de ce qu'il a veu à Tœil, comme des services que Henry de Lorraine , duc de Guise, le duc de Mayenne son frère ont faicts qui sont

46o RESPONSE DÉ MM. DE GUISE

trop recens pour le coucher en ce Heu , et lesquels, depuis dix ans en ça, ont eu si peu d'entremise aulx affaires du conseil , qu'ils n'ont eu moyen ni de s'aggrandir,ni d'avancer les leurs , encores que de ce règne certains seigneurs y ont tellement faict leur besogne , qu'ils se peuvent comparer aulx plus grands princes y en biens et honneurs.

Voilà , en somme , comme se sont gouvernés messieurs de Guise, à qui est plus d'honneur d'estre blàsmé et calomnié par ces boutefeux de ministres , que d'en estre esteint.

Quand est de la ligue qu'ils ont entreprise depuis quelques jours, pour ne voir la France reduicte en Testât où l'Angleterre est maintenant , que les princes catholiques sont gesnés et tourmentés continuellement, ou sont bannis et réfugiés hors de leurs pays , et privés de leurs maisons et biens, et de leurs parens et amis, le réserverai je d'en juger jusques à ce que le roy lui mesmes les ait jugés, et l'événement a assés découvert quelle est leur intention.

Or, d'autant que, pour esblouir les yeux de quelques ungs qui ne seroient assés bien confirmés en leur relligion , ou qui prefereroient les misères de ce monde aux béatitudes de la vie éternelle, le diable et ceulx qui sont conjurés avec lui pourroient leur proposer que les princes catholiques qui sont à présent armés, vouldroient, soubs le manteau de relligion , s'addresser à Testât et à la personne du roy; iceulx princes desclarentappertement, et désirent que ung chacung s'accorde, que tant s'en fault que telle soit leur intention; et qu'avec la cause de Dieu , lecfuel , avec la vérité de sa parole, sont agréables injures et torts de çeulxquî les remettent en la main de justice, y veullent rien mes-

A UADVERTISSEMENT PRECEDENT. 46 1

1er de leur particulier; qu'ils n'ont aultre chose sur ce, comme n'ont les armes sur le dos , et ne se sont disposés d'employer leur vie et leurs moyens et ceulx de leurs subjects et confédérés , que pour la manutention de l'Eglise , la tuition et défense d'icelle ; et comme eulx, estant les premiers princes du sang, pairs de France et officiers de la couronne , ils pensent avec raison et auctorité de Testât, chacung sachant assés en quelle disposition il est à ceste heure. Ce n'est toutesfojs leur but et leur fin , encores moins de toucher aux deportemens du roy , la majesté duquel leur est saincte et sacrée, pour lequel ils sont armés, et non contre lui; pour la vie duquel ils veullent mourir, et non attenter à sa personne ; ainsi la seule cause de l'Eglise catholique, de laquelle il s'asseurent que le roy De se devoyera jamais, les a unis, leur a faict ceindre les armes et jurer qu'ils mourront piustost mille fois, si feire se pourroit, que voir l'Eglise appovrir par ses ennemis. Sçavent iceulx princes , fort bien, que l'Eglise bien establie, et la reunion en nos cœurs, Testât sera aussi; et qu'icelle abolie et délaissée, Testât sera bien ébranlé.

Pour ce, vos très humbles subjects et serviteurs, qu'ils sont du roy ses proches parens , ses plus fidèles conseillers, ceulx desquels de ses yeulx il a veu lui mesmes combattre ses ennemis , qu'il a veu au milieu des batailles, ramener blessés pour son service, non une fois, mais plusieurs, qui ont heureusement defendeu les villes , assailli et pris celles de ses adversaires, réuni ses provinces en 5on obéissance , reteneu tousjours celles qui leur ont esté commises en leur deb- Voir et fidélité, desquels les membres blessés sont les marques et le sceau de leur foi envers Dieu et envers

462 lŒSPONSE DE MM. DE GUISE

le roy, prosternés devant sadicte majesté, le supplient embrasser avec eulx la défense de l'Eglise, ne se séparer poinct, s'il lui plaist, d'icelle, et se soubvenir du nom de très chrestien , qui est le plus beau et recommandable de celui de monarchie du monde; se soubvenir du premier serment qu'il a faict, prenant la couronne, non de France seulement, qui est beaucoup toutesfois d'avoir le nom de fils aisné de FEglise, du protecteur et défenseur d'icelle, qui est encore dadvantage; et à considérer que ne prenant en main ceste tuition, laquelle et comme chrestien et. comme roy, très chrestiennement s'est obligé, oultre les maledictions, ruynes, renversement d'estat qui auroient et sont adveneus aulx anciens roys et princes, lesquels ont manqué à Dieu , à l'Eglise, et à leur foi, et à son service, ou il fault qu'il demeure neutre et spectateur des batailles que donneront ces princes , que Dieu , pour la défense de son Eglise , a de sa propre main armés , ou il sera besoing qu'il se range du costé des ennemis de Dieu : demeurant neutre, il n'y aura nul double que sera la proye des victorieux ; se rangeant du costé des ennemis de Dieu et de son Eglise , comme furieux et reprouvé du sens, il déchirera ses entrailles et se coupera la gorge lui mesmes. Aura il donc plus de fiance aulx armes desquelles il a veu maintefois les lances et piques baissées contre lui, aux chefs capitaines, desquels il a veu l'espee tirée poiir la lui cacher dedans le cœur, qu'à ceulx qu'il a senti apposer leurs corps propres pour empescher que le sien ne feust blessé? aura il plus d'asseurance en la parole de ceulx qui la lui ont faulsee tant de fois , qu'à peine se peult i dire, que non pas à la foi des princes et bons subjects qui la lui ont inviolablement gardée et la lui conservent en-

f A L'ADVERTISSEMENT PRECEDENT. 463

cores en son entier, sans jamais avoir changé ni de foi^ ni de relligion , ni de roy ? aura il certitude des catholiques incertains, qui remercieront Dieu pour s'as« seurer du monde? estans prests à combattre, qui lui proposera que Dieu est pour eulx , pour lequel ils ont pris les armes, qu'il n'est pour leur foi et relligion, laquelle ils ont abandonnée ; pour les sainctes Eglises et aultres <[u'ils combattent ; qu'ils fortifient et accompagnent les bras de ceuix qui les détruisent ; pour leurs enfans et famille , qui peult estre combattront entre eulx mesmes, parce que nous ne sommes pas tant redevables à nos pères et nos princes , que nous sommes redevables à Dieu et à son Eglise , et parce que, si sa majesté se range du costé de ses ennemis mesmes et des ennemis de Dieu, il n'allumera pas seulement ung feu qu'il ne pourra esteindre dans les provinces de son royaume , mais dans les maisons particulières et dans les cœurs de ses subjects. Le roy, premier après, marchant à la leste de son armée , desquels se gardera il plus tost , ou de ceulx qui seront derrière lui pour le tirer, comme par tant de fois ils ont tasché de faire et l'ont entrepris , Qu de ceulx qu'il aura en front, lesquels le salueront plus tost et lèveront les bras, que de toucher à sa personne, leurs armées n'estant poinct duites ni prises, pour offenser le roy, comme sont celles des ennemis de Dieu et de l'Eglise, entre les bras desquels, s'il se jette, il ne doibt attendre qu'une subite mort, une ruyne et désolation de son estât; et la raison de ceci est que iceulx hérétiques, demeurans maistres et supérieurs, si des rheure mesmes du combat ils ne mettent à mort le roy après la victoire obtenue , ils se priveront de son auctorité sans doubte, ou attenteront à sa vie.

Que la volonté des hérétiques n'ait esté réelle JU5ques ici , chacung le peult considérer ; qui ne sça/t que la lance du feu prince de Gondé en la rencontre de Jarnac , ne cherchoit pas plus tost l'estomslc du rojr que de nul aultre; que Tespee du feu admirai en la bataille de Montcontour n'estoit pas traicte pour la baigner au sang de sa majesté ; que tous les hérétiques ne menaçoient pas sa teste et ne souhaitoient pas sa mort plus tost que nulle aultre? et eulx le sçavent vraiment , qui lors ont combattu avec le roy , qui l'ont relevé de cheval , et ont esté ministres et aucteurs en partie de sa victoire; or que lesdicts hérétiques changent d'opinion lorsqu'ils se verront au dessus de leurs affaires. Celui là seul le peult comprendre qui sçait si tels personnages pardonnent à leur ennemi quand ils le tiennent foulé à leurs pieds, et ung tel ennemi encores qui, sans cesser, leur a faict la. guerre, les a rompus, poursuivis et domptés comme a faict le roy, duquel la mort et la fin est le commencement et la vie de leur auctorité, et qu'ils n'ignorent poinct estre vrai catholique en son courage.

Le chef mis à bas , que peuvent espérer les catholiques tiedes et fluans en leur foi , lesquels , ayant combattu pour les hérétiques, auront combattu contre eulx mesmes , sinon que les hérétiques estans venus au sommet de leur puissance, et où il y a si long temps qu'ils s'y désirent et se promettent quasi desjà estre , rendront avec usure aulx catholiques ce qu'ils leur ont preste par ci devant; c'est à dire ils osterônt des gouvernemens, charges et offices, tant de judicature que de finances et des estats particuliers des villes, ceiilx qui ne seront de leur relligion, et empescheront que aulcung catholique y puisse parvenir; car, quant aulx eccle-

siastîques, comme l'extermination de leurs personnes, les massacres qui se commettront auparavant sur iceulx, ilsdoibvent estreasseurés qu'il sera jette sur leurs robbes, ce qui sera la dernière ruyne de l'Eglise, parce que Pambition et l'avarice ont tant de pouvoir sur le cœur des mortels que nous avons veu, depuis six ans, la chambre mi partie avoir plus faict d'heretiques en France , seulement pour gaigner le temps en ung procès, que les presches des ministres et leur institution n'avoient faict vingt ans auparavant. Que sera ce donc lorsque les hérétiques seront roys, tiendront les armes, les provinces, la justice, les finances, et bref tout Testât en leurs mains, sinon qu'ils se souilleront de la vengeance si long temps préméditée contre nous aultres povres jniserables catholiques? ou au contraire, s'il plaist au roy ne prendre poinct le nom de protecteur de l'Eglise, lequel, par tant de victoires, il s'est acquis; s'il lui plaist tirer du fourreau le coustelas sacré qui lui feut envoyé par nostre sainct père le pape comme à celui , la valeur et magnanimité duquel avoit faict paroistre qu'il estoit lors le plus fort et le plus vigoureux défenseur de l'Eglise entre tous les princes chrestiens ; s'il plaist à sa majesté estre chef de ceulx qui lui ont tousjours obéi, entendu sa voix et receu tousjours ses commandemens , et qui sont prests à les recevoir, qui ont tousjours combattu avec lui , et sont retournés victorieux, il n'y a nul doubte que Dieu verra le cœur de ses subjects , renversera ses ennemis, asseurera les trophées que par ci devant il a eslevés des despouilles des hérétiques , et que sa majesté viendra à bout de ce qu'elle a par tant de fois demandé à Dieu , qui est l'extermination d'heresie, restablira son estât, régnera en paix asseuree et non incertaine, et Dieu enfin lui don-

MiM. DE DUPLESSIS-MOKITAY. ToME II. 3o

466 REPONSE DE MM. DE GUISE, etc.

nera des enfans, ayant esté peult estre différée cestebe* nediction, jusqu'à ce que, suivant la trace de ses prédécesseurs , ce que par ci devant il a si heureusement faict , la dextre de sa majesté soit armée pour la tuition et défense des affaires de Dieu et de son Eglise.