SUR LES OCCURRENCES DU TEMPS

qu'il proposa à ses confidens à Rome, comme s'il eust jà esté à la veille de se servir de l'auctorité du pape Zacharie , contre Chilperic , pour lever la couronne à nos rois, et la mettre sur sa maison. Que, depuis trois ans en ça , ceulx ci ont faict publier ung livre , composé par Tarchidiacre de Thoul, par lequel ils prétendent prouver qu'ils sont roys de France , avant la race de Merouee, de Charles le Grand et de Capet; lequel auroit esté monstre à sa majesté , qui auroit pris peine d'en lire les plus notables passages, dont seroit ensuivi que l'archidiacre, pris, et son procès faict, auroit recogneu sa faulte digne du dernier supplice, et d'îcelle neantmoins obteneu pardon de sa majesté. Que, pour fortifier ce droict , ils auroient entreteneu les guerres civiles en ce royaume , soubs ombre de relligion , tant qu'ils auroient peu ; tant ^our exterminer partie de la maison de Bourbon , qui leur faisoit empeschement, que pour establir leur créance entre les capitaines et gens de guerre , en commandant aulx armées. Que ceste ruse auroit esté apperceue par la prudence du roy à présent régnant , et de la royne sa mère, bien que trop tard; lesquels, pour leur en retrancher le fruict, se seroient très sagement resoleus de perpétuer la paix à leurs subjects , remettant à Dieu les différends de relligion, qui seul les peult composen Mais qu'aussi tost ils auroient brassé des ligues par les provinces, soubs ombre du bien public, pour eslever le peuple, nommeement en Picardie, Normandie, Bretagne , Bourgongne , Dauphiné , Provence , etc* Aulxquelles mesmes auroient tasché attirer ceulx de la relligion pretendeue reformée , avec promesse de leur laisser , voire accroistre leurs libertés et exercices. Item , auroient envoyé negotier avec le duc Casimir

564 LETTRE DE DISCOURSl

pour le joindre à eulx , soubs prétexte de ce qui lui est deu en France ; en lui offrant des frontières de ce royaume ( qui lors estoient plus à leur dévotion que maintenant ) pour gages de leur fidélité. Bref, auroient à ces fins faict provision de grandes sommes de deniers, traicté par divers entremetteurs en Espaigne , Italie et Savoye , assemblé plusieurs fois les plus notables d'entre leurs partisans , pour resouidre de la conduite de leur entreprise , comme encores , depuis n'agueres , au Temple, à Paris. Toutes lesquelles choses seroient comme publicques, et ne pou voient estre secrettes ni cachées à la vigilance de leurs majestés. Adjoustent, que ces messieurs voyant le roy sans enfans , et monseigneur non encores marié , pour forclorre le roy de Navarre de la succession , et régner à l'ombre d'ung chapeau, auroient, depuis deux ans en ça, commencé à rechercher monseigneur le cardinal de Bourbon , avec toutes espèces d'hypocrisie , lui faisatit entendre qu'il debvoit précéder ledict seigneur roy de Navarre son neveu ( comme si les successions des couronnes se regloient par l'ancienne coustume du Chastelet de Paris), mesmes auroient faict composer en sa faveur ung certain livre en latin, auquel sa prétention seroit vivement débattue , lequel auroit esté envoyé à Rome , et communiqué à plusieurs jurisconsultes d'Italie, et mainte^ nant couroit en diverses mains de ce royaume. Ce que voyant sa majesté se reschauffer de plus en plus , et considérant que, qui n'est plus qu'à deux degrés d'une longue attente et d'une grande prétention, s'en voyant si près , de bien loing qu'il estoit , est souvent emporté de l'object , et forcé de la violence du désir , pour franchir d'ung sault ce qui lui reste, au heu de suivre tout doulcement les degrés, auroit pensé de mettre quelque