CXXXVI. — 'V' MEMOIRE

De quelques poincts touchant le traicté d*entrQ là rojne cV Angleterre et le roy ctEspaigne.

Que les anciens traictés d'amitié, privilèges et libertés qui feurent conveneus entre le feu roy Henry Vlll son père et l'empereur Charles V, comme duc •de Bourgoigne, soyent renouvelles, avec abolition de toutes les contraventions qui y ont esté faictes. depuis le commencement des règnes de ladicte royne et roy.

Et que les subjects.de ladicte dame royne puissent avoir libre trafic en tous les pays du roy d'Espaigne, sans qu'ils soyent recherchés ni molestés en leurs personnes ou bien par l'inquisition ecclésiastique, si ce n'est qu'ils donnent cause apparente de scandale.

Aussi que les traictés et commerces soyent renouvelles et restablis, qui feurent anciennement entre l'Angleterre et le Portugal , avant-que le royaulme de Portugal feust annexé aulx Espaignes.

Que toutes les prises et déprédations faictes de part et d'aultre, soit par mer ou bien par terre, soyent mises en oubli, et que tous les prisonniers qui n'auront poinct composé pour leurs rançons soyent restitués de chaque costé.

Que ledict roy rembourse la royne des deniers qu'elle presta en l'année 1677 ^"'^ eslats qui se tenoient à

Bruxelles , à rinstance et requeste de ses ambassadeurs, pour Targent nécessité et pour le grand besoing de ses affaires.

A M, de Lomenie,

Monsieur, je feus fort marri de ne vous avoir veu premier que partir. J'avois eu congé du roy , auquel j'avois dict sommairement mes raisons ; mais je le pris sans cérémonie, parce que mon malheur m'oblige a cacher mes voyages, mesme au milieu des amis de mon ennemi. J'avois sceu que messieurs de la court de par* lement envoyoient commissaire pour informer de l'attentat faict contre moi , et vous sçavés encores que je ne me déclare pas partie; qu'aultre que moi, biei;! que soubs main , n'administrera les preuves. C'est à quoi je travaille et plus soigneusement , parce qu'on tasche à les me faire desperir. Aussi, s'estant passé six mois depuis une playe si cuisante sans grand progrès , tous momens m'y sont et doibvent estre chers, maintenant que j'y vois quelque voye ouverte; car la vérité est que je ne vis pas aussi peu qu'au feu. Je ne vous veulx d'ailleurs sceller que je crois voir que de mes plus intimes amis à bonne intention s'entremettent d'ung accord , auquel il m'est mal séant d'estre ni postulant ni commuant, directement ou indirectement, dont cependant je ne pourrois éviter le blasme , conversant à toutes heures si priveement ensemble , que je ne dissimulerai poinct à M. de Villeroy. Ores, le roy ne doibt trouver estrange que je sois ou chatouilleux, ou frémissant en une si sensible playe; doibt au contraire désirer, aimant

MSM. DE DuFLESSTS-MoRirAT. ToME TIII. 23

354 LETTRE DE M. DUPLESSIS, etc.

mon honneur, comme il lui a pieu tesmoigner, qu'il y soit recogneu tout entier. Ce que je vous dis, parce que quelqu'ung m'a escrit que sa majesté avoit e^té offensée que je ne l'avois reveue depuis mon congé , et laquelle je vous supplie de faire entendre ma raison , et que rien ne' me faict plus désirer de sortir de cest affaire, soit par son auctorité, soit par telle occasion que Dieu m'en présentera , que le regret de m'en voir moins capable de lui faire service ; car vous n'ignorés pas , oultre l'impatience d'esprit , que je ne puis estre en court qu'extraordinairement accompaigné, et par conséquent sans une despense que je ne puis longuement porter. Faictes moi donc ce bon office après tant d'aultres. Et sur ce, monsieur, je salue humblement vos bonnes grâces, et prye Dieu vous avoir en sa saincte garde. Yostre humble et affectionné ami à vostre service, Duplessis.

De Saulmur, ce 29 avril iSgS.

Je vous prye me marquer ce qui se sera passé de la part du roy avec M. le mareschal de Brissac ; car je ne pense avoir moins de subject de me plaindre de lui que de son beau frère.