CXXXIV.—'V' LETTRE DE M. DE BELLIEVRE

A M, de Villeroy,

Monsieur, je vous fais ceste lettre à part, touchant ce que vous escrivés à M. de Sillery, et à moi, du voyage de M. de Sancy en ces quartiers.

Quant à l'occasion du voyage elle est cessée^ comme vous voyës, par la despesche que nous faisions au roy , vous asseurant que je suis bien marry que plus test il n'en a esté parlé. J*ai toute occasion d'aimer et honorer M. de Sancy, et de désirer sa bonne çompaignie. Je désire en cela tout ce qu'il désirera^ et vous responds que M. de Sillery a la mesme volonté. En cest esloingnement de la court que nous peult il mieulx arriver et advenir que de vivre avec ung personnage de valeur que nous aimons et sommes obligés d'aimer? Nous laissons donc ce jugement à ce que vous deux trouvères le meilleur. Il sera question d'envoyer par devers le cardinal et en Espaigne, pour recevoir le serment; en Taultre paix de Tan iSSg, le cardinal de Lorraine, MM. le mareschal de Sainet André et de Morvilliers feurent députés pour recevoir le serment de ce roy catholique. M. de Sancy en peult estre Tung. Considérés si c'est chose où il veuille servir.

Il y a ung aultre faict qui nous met en peine; vous sçavés que M. le conhestable faisoit eslat d'estre employé en ce traicté; M. le mareschal de Biron s'est déclaré à quelqu'ung de mes amis, que le roy lui à dict qu'il l'y voulloit employer. Vous jugés assés que Mi de Sillery et moi nous avons deu désirer que ces grands personnages soyent nommés au traicté, comme

a esté faict en celui de Tan iSSq; mais la nature de la cliose n'a permis qu'ils se soyent trouvés en ceste negotiation; car ils faisoient trop de lustre pour laisser croire aulx Anglois et Hollandois que l'on ne faisoit ici qu'esbaucher la matière, et vous dis en vérité que, selon mon petit jugement qui eust manié ce traicté aultrement qu'a esté faict, suivant les bon^ advis qui ont esté pris pour le roy, qu'il y avoit danger trop évident, ou que l'on ne feist rien du tout, qui estoit le but des Anglois et Hollandois , ou que tout le fruict de ce traicté feust tombé en l'escuelle de la royne d'Angleterre; ce qu'encores elle espère obtenir par Feloquence du fils de son grand thresorier. Pour vous en dire l'opinion de M. le légat, il n'estoit pas d^advis que l'on envoyast ici des grands du royaulme, non pas pour ce qu'il lî'aye opinion que M. le connestable ne désire la paix , mais disoit le cardinal Albert en \ouldra aussi envoyer, et peult estre seront ils d'une humeur si difficile qu'au lieu d'accommoder les affaires ils les gasteront, et y auroit peult estre telle jalousie pour les précédentes que la feste se gasteroit. Nous ne le voulleusmes pas escrire ; car il eust peu sembler que nous n'eussions pas voulleu voir ici M. le connestable, duquel je puis dire qu'estant à Lyon, lui parlant du service du roy , il m'a tousjours faict plus d'honneur que je ne puis mériter; à quoi qu'il plaise au roy de se resouldre en cest affaire , nous tiendrons la main à ce qu'il soit trouvé bon par les aultres, et n'en advienne reculement au service de sa majesté; jugés seulement de ce qui est le plus expédient; et pour vous dire à quoi j'en suis , je vouldrois desplaire à personne , mesmes à ceulx que j'honore et doibs honorer; jugés, estant resoleu et signer ce traicté par

A M. DE VILLEROT. 347

aultres, comme on mettroit leurs noms. Vous estes si bon médecin que vous trouvères remède à ceste maladie.

M. de Montpensier estime que, traictant avec M. de Savoye, nous pourrons aiseement obtenir qu'il lui laisse Chastillon et quelques aultres places qu'il a occupées sur lui en la Bresse , et ce pour le récompenser et satisfaire de grandes ruynes que les armées dudict duc ont faictes en son pays, de bombes durant ces dernières guerres. Son conseil est d'advis que c'est chose qui s'obtiendra facilement en faveur du roy ; ce que je crois, pourveu.que le roy le veuille acheter aulx despens de son marquisat de Saluées.

M. le mareschal de Balagny nous demande advis de ce qu'il doibt pryer le roy de nous commander de faire instance. Il désire avoir quelque recompense pour la perte qu'il a faicte de Cambray. Je le désire aussi; mais en cela je suis despourveu de conseil; aultre response ne lui ai je peu faire. Je vous envoyé la lettre qu'il m'en a escrite, je lui désire tout bien; mais, s'il n'aura aultre bien que celui que les Espaignols lui veullent faire, il ne fault pas que sur ceste espérance il haulse son train.

Les princes d'Espinoy nous ont faict escrire par M. le connestable , etc.

Le comte Amoral d'Egmont nous faict aussi parler pour estre remis en ses biens ; c'est chose que nous désirerions pouvoir faire ; il se fault resouldre par ce qui se peult. Attendant le retour du père gênerai , j'avois commencé la lettre ; depuis son retour nous avons pris resolution de finir et de concleure l'affaire tout d'ung coup, comme vous verres par la lettre que nous en escrivons au roy. Je vous baise , etc.

Du 26 avril 1 5g8..

^ MM. de Beliici^re et de Sillery.

Messieurs, le 19 de ce mois nous receusmes, par ung des gens de Louvet , vos lettres du 14? aulx.quelles je feis response le 22 par la mesme voye. Depuis nous avons tousjours attendeu La Fontaine, lequel vous nous promettiés faire partir des le samedi d'après 18 mai. Il ne comparoist poinct encores, dont je suis en peine; car je crains qu'il soit surveneu chose qui accroche la resolution de vostre traicté. Toutesfois je veulx croire que si cela esloit , que vous n'auriés plainct vostre peine ni celle d'ung courrier pour nous en donner advis, cognoissant, et vous ayant aussi escrit, combien Tincertitude de ce faict nous importe. Il est vrai que si vous nous y laissés plus long temps, ce ne sera sans donner subject au roy de s'en plaindre, et augmenter nostre souici ; car nous avons- esté^ contraincts de despescher et licentier les ambassadeurs d'Angleterre et de Hollande, parce qu'ils ont vouHeu s'en retourner, et n'a esté possible de les retenir dadvantage; les ungs et les aultres s'en sont allés très mal contens : ceulx là, parce qu'ils voulloient nous obliger à ne resouidre et conclure nostre accord sans eulx, sans aultrement nous asseurer de leurs volontés, ni du temps qu'ils feroient trouver leurs députés en Tassem^ blee pour traicter ; et les aultres , parce qu'ils s'attendoient de nous porter à la guerre , et nous leur avons faict cognoistre que nous les voullions portera la paix avec nous ; et , comme ils nous ont dict qu'ils n'a voient

pas pouvoir de ce fhire, sa majesté a pris resolution de renvoyer devers leurs supérieurs le sieur de Buzenval , pour les y persuader, si faire se peult, suivant ce que nous vous avons escrit par nostre despescbe du 9 de ce mois. Les choses estant en tels termes, je vous laisse à penser où nous nous trouverions , si à présent on rompoit par delà avec vous, et quelle peine nous aurions de regaigner avec les ungs et les aultres nostre première créance; car, bien que nos intérêts en la poursuite de la guerre nous rejoignent, ce ne pourroil estre toutesfois avec telle confiance et asseurance que devant, qui est le seul mal que nous avons tousjours crainct debvoir advenir de vostre negotiation et des bruicts de paix qui ont esté publiés. Ores , soit qwe nous debvions boire ce calice ou non, je vous dis, comme je vous ai jà escrit, qu'il nous importe fort d'en estre esclaircis, et mis hors de doubte bientost pour donner ordre en nos affaires en une sorte ou aultre. .

Le poy doibt partir demain pour aller à Rennes. Il demeurera en ce voyage douze ou quinze jours, et reviendra après ici pour prendre les dames, et nous acheminer du costé de Paris. Cependant nous ferons partir, des jeudi prochain , des environs de Rennes , sept ou huict mille hommes de pied , accompaignés de cavallerie, pour retourner en Picardie, par la Normandie, qui est le plus court et droict chemin; mais lesdictes gens de guerre ne pourront arriver au plus tost qu'à la fin de mai. Ce sera le temps aussi que sa majesté pourra arriver à Paris, où je vouidrois avoir payé chose qui me feist faulte, et qu'elle feust desjà aurivee, tan t. j'estime sa présence et son approchement par delà nécessaire.

35o LETTRE DE M. DE VILLEROY

Quand ces ambassadeurs d'Angleterre arrivèrent , ils ne nous parloient que d'attendre l'arrivée du pouvoir que l'on avoit envoyé quérir en Espaigne , pour envoyer en l'assemblée et traicter , nous parlant de la continuation de la guerre en termes qui nous faisoient croire qu'ils n'avoient aulcune envie de s'y engager plus avant; mais, quand ils ont sceu que ledict pouvoir estoit arrivé, et qu'il a esté question de se resouldre , ils nous ont déclaré que le pouvoir que leur souveraine leur avoit donné de traicter estoit restrainct au consentement de ceulx des estats des Provinces Unies, de sorte quils ne pouvoient rien faire sans eulx ; et , voyant qu'ils n'avoient charge de s'engager en ceste negotiation , ils estoient d'advis de continuer la guerre, pour laquelle ils ofFroient d'envoyer au roy six mille hommes payés , mesme pour reprendre Calais; à quoi , si nous ne voullions entendre, ils ont dict qu'il falloit donc qu'ils retournassent en Angleterre pour faire lever iadicte restriction, pour pouvoir entrer en traicté sans lesdicts estats , et sont partis isur cela le 25 de ce mois, ayant pris leur chemin par Caen. Ils ont faict ce qu'ils ont peu pour tirer parole du roy de n'arresler cependant ses conditions devant leur retour d'Angleterre , qu'ils ont dict debvoir estre dedans ung mois ou dix jours après; mais sadicte majesté n'a voulleu leur donner ceste parole là , oui bien d'entretenir les choses en estât, que, s'y présentant dedans ce temps là, ils trouveroient encores la porte ouverte pour y entrer et y estre receus. Sur cela , ils m'ont faict bailler , par escrit , les articles qu'ils prétendent proposer s'ils traictent, lesquels ils m'ont pryé de vous envoyer, afin que vous preniés la peine d'en discourir comme de vous mesmes avec les ambassadeurs d'Es-

paigne, pour, s'il est possible, descouvrir leur intention sur iceulx , et nous en donner advis. Je vous envoya donc ledict mémoire pour faire cest office, si vous pouvés; car sa majesté l'aura bien agréable : sinon en user comme vous jugerés estre pour le mieulx; car sa majesté ne veult retarder ni gaster ses affaires pour eulx ni pour aultres, comme je vous ai escrit par nostre despesche du i4 de ce mois, que j'ai addressee par exprès à Louvet pour vous faire tenir, au conteneu de laquelle nous nous arresterons.

J'ai bien recogneu que lesdicts Anglois ne s'attendent de rendre aulx Espaignols les places que les estais leur ont engagées, et qu'ils gardent, disant que s'il fault qu'ils les quittent , ce doibt estre à ceulx qui les leur ont baillées , après qu'ils auront esté remboursés de leurs advances, qu'ils font monter bien hault; et semblent qu'ils ayent appris, par les lettres interceptées dont je vous ai donné advis , quel est je but sur ce desdicts Espaignols. Quant à moi, je' vois que lesdicts Anglois feront toute sorte de diligence , offres et efforts pour traverser vostre traicté envers lesdicts Espaignols , puisqu'ils n'y ont rien gaigné avec nous , afin d'avoir Calais, où gist toute leur ambition. S'estant gouvernés ici avec tant de dissimulation et artifice grossier, toutesfois que nous avons moindre occasion d'en bien attendre que jamais ; partant il vous plaira d'y prendre garde; et vous asseure que si vous pouviés advancer la restitution de ladicte ville de Calais , vous fériés beaucoup pour le roy et pour le royaulrae. Il me semble qu'il vauldroit mieulx se passer de moindre nombre d'ostages pour les aultres, et advancer la reddition dudict Calais. Toutesfois, je vous dis cela comme <Ie moi mesmes , et le remets à vostre meilleur advis ;.

352 LETTRE DE M. DE VILLEROY, etc.

mais je vous supplie de nous faire sçavoirde vos bonnes

nouvelles , et me continuer , etc.

Du 28 avril iSgS.