TRAICTÉ

esté donnes au préjudice des precedens traictés , nonobstant icelles, le droict dudict sieur duc demeurera en son entier.

Que ledict seigneur roy très chrestîen fera administrer bonne et briefve justice au comte de Charaplite et aultres héritiers de la maison de Vergy, en ce qu'ils prétendent sur Sainct Dizier, Vitry en Partois, la seigneurie de Vergy , et aultres biens et droicts qu'ils maintiennent leur appartenir , et dont est faict mention par plusieurs precedens traictés.

Le semblable sera faict au sieur de Glayon , pour tous les droicts qu'il prétend lui appartenir dans le royaulme de France ^ et sur les prétentions du comte de Solre, à cause de madame sa femme ^ sur certain quartier de marais, qu'il dict estre des marais d'Audrun et Bredenarde ; lui sera aussi faict bonne et briefve justice, comme au semblable sera faict pour le droict pretendeu par madame Marie de Renti , femme de dom Gaston d'Espfliola , sur la baronie d' Ardres.

Sera aussi faict bonne et briefve justice au comte de Pont de Vaux, pour les biens qu'il prétend lui estre escheus par le trespas de feue la comtesse de Pont de Vaux et de Cerny, sa grand' mère, ensemble sur la restitution des meubles par lui pretendeus avoir esté déposés en la ville de Rheims par ordonnance de justice, et d'aultres occupés par qui que ce soit.

Et sur la plaincte par lui faicte de sa prison et rançon , présentant sa requeste audict seigneur roy très chrestien , il en sera ordonné en sorte qu'il aura occasion de se contenter de la justice qui lui en sera faicte.

Sera aussi faict bonne et briefve justice au sieur de Beaurepaire, sur ce qu'il prétend la terre d'Aix, en Boulonois, lui appartenir.