CCLIII. — *ADVIS

Donné au roy par le sieur Jeannin, avant que la paixfeust concleue à Fervins.

Le bien que les souverains désirent à leurs amis, et alliés, et le mal qu'ils veullent à leurs ennemis, ne doibt jamais avoir tant de pouvoir sur eulx que le soing de conserver leurs estats et subjects.

Le roy est donc obligé de considérer meurement si la paix que l'Espaignol semble désirer est plus utile à son royaulme que la continuation de la guerre; et, s'il est ainsi, préférer leur bien à toute aultre passion, l'assaisonnant toutesfois du respect deu à ses amis et alliés.

Bien doibt il craindre que l'Espaignol ne feigne la désirer sans la voulloir, pour gaigner le temps, ou

5*6 advis *

prendre quelque aultre advantage; ruse assés ordinaire aulx souverains, et particulièrement à celui ci, accoustumé plustost à suivre la subtilité et 6nesse des Africains qui l'avoisinent, que la simplicité et franchise des princes septentrionaulx.

Mais quand il le feroit par artifice, c'est prudence an roy de faire démonstration qu'il la veult à bon escient; et semble qu'il en doibve tirer plus de commodité et profict que son ennemi.

Car les grandes ruynes que les subjects ont souffertes par ta calamité et longueur des guerres passées, font qu'ils crient tous k la paix ; et y en a de si meschans , qui calomnient sa majesté , comme si elle la pouvoit obtenir à des conditions honorables et advantageuses , et en feist refus pour favoriser ceulx de la nouvelle relligion , qui désirent ,la continuation de ceste guerre pour les considérations qui regardent leurs interests, non le bien de Testât

Ores, elle ne leur peuk mieulx oster ceste mauvaise impression qu'en se monstrant affectionnée à la voulloir par conférences, et toutes aultres actions qui tendent à leur acquérir le repos ; afin que , s'il en advient autrement , la baine en soit plus grande contre l'ennemi , et eulx plus prompts et mieulx disposés à la secourir, quand ils seront asseurés que la guerre est nécessaire pour là tuition du royaulme , et aussi de leur propre salut.

Elle s'est aussi trouvée en tel estât après la prise d'Amiens, que son crédit, tous ses moyens, et les bourses de ses subjects espuisees par ce dernier effort, elle ne pouvoit faire aulcung desseing et aulcane nouvelle entreprise; ainsi le pourparler de paix aura servi pour couvrir ceste foiblesse.

AU ROY. 5a *}

Si on dict que les ennemis y estoient aussi peu préparés que nous, il est vrai ; mais après avoir entamé si avant nostre frontière , oe leur estoit assés de garder leur advantage.

Il a encores servi pour donner loisir et moyen au roy d'aller en Breta igné, contre M. le duc de Mercœur, lequel 9 estonné de sa soubdaine veneue , et aussi des bruicts de paix avec l'Espaignol , qui s'en est aussi monstre moins soigneux à le secourir, a eu recours incontinent à sa bonté et clémence ; au lieu qu'il sembloit auparavant voulloir finir ses jours en sa rébellion.

Voyage de très grand profict, et qui aura esteint, s'il plaist à Dieu , le dernier flambeau de nos guerres civiles ; lequel toutesfois sa majesté n'eust osé entreprendre, se soubvenant du mal arrivé en Picardie pendant celui qu'il feit en Bourgoigne et à Lyon, quoiqu'il pensast«y avoir très bien pourveu, s'il n'eust bien recogneu que l'espoir de ce traicté avoit allenti le preparatif de ses ennemis, et empesché de faire la despense requise pour quelque nouveau desseing.

Le seul inconvénient que le roy a deu craindre , est le souspçon que ceste conférence pouvoit apporter à ses alliés, estant l'artifice ordinaire du prince estant en guerre, seul entre plusieurs, de rechercher par traictés et aultres practiques à les mettre en défiance les ungs des aultres; ce respect aussi l'a reteneu long" temps, et lui a faict souffrir de très grandes incommodités; mais enfin il a esté contrainct d'y entendre pour les considérations ci dessus deduictes, après en avoir communiqué à ses alliés, qui voient si avant dans nos affaires, qu'ils peuvent bien juger nostre conduicte estre sans artifice , et sans aulcung desseing de les tromper ni de leur nuire.

5a8 advis

On met en avant d'aultres advantages que l'Espaignol en aura peu tirer , comme d'acquérir la bienveillance de nostre sainct père , désireux de faire finir ceste guerre qu'il croit préjudiciable à la chrestienté : mais sa majesté , monstrant de vçulloir la paix comme fui , se garantit de ce blasme. L'empereur Charles V, quoiqu'il feust aggresseur en la guerre qu'il faisoit au roy de France François II , publioit néant m oins qu'il ne pouvoit avoir de paix avec lui, et que ceste guerre l'empeschoit de secourir les chrestiens contre le Turc ; mais le roy s'en sçeut si bien justifier par ambassades envoyées vers la pluspart des potentats de la chrestienté , et par apologies mises par escrit, que le blasme de ceste calomnie tomba sur la teste de l'aucteur. Le roy en faict autant, se monstrant désireux de la paix ; ainsi son ennemi ne peult prendre aulcung advantage pour ce regard contre lui.

Que ce feint désir de la paix lui puisse aussi beaucoup aider pour contenir en obéissance et debvoir ses subjects du Pays Bas qui la désirent, il y a peu d'apparence, pour ce que le temps en aura esté trop bref, et à la vérité bientost descouvert par la rupture du traicté , s'il ne doibt aller plus avant , lui ostera le moyen d'en tirer aulcung fruict : aussi que les subjects de l'Espaignol du costé de nostre frontière sont plus à couvert, pour l'advantage qu'il a pris dedans nous en Testât, qu'il doibt moins craindre, et nous moins espérer leur rébellion que du passé.

Et non plus pour affermir les estats et l'auctorité du prince d'Espaigne; car le père vit encores, qui la retient à soi tout entière ; et n'y a aulcung mouvement présentement auquel il soit bésoing d'apporter ce bruict de paix pour remède.

Si c'est pour leur donner loisir de mettre des forces ensemble et se préparer à quelque nouveau desseing , l'advantage aura esté esgal et à l'ung et à l'aultre; ayant ce temps esté aussi nécessaire à sa majesté qu'à eulx , et ne voit on pas qu'ils se sont encores plus advancés que nous.

Ainsi , à balancer leurs commodités avec les nostres , nous pouvons dire avoir plus gaigné que perdeu jusques ici.

Reste maintenant à voir si la paix est plus utile en ce royaulme que la continuation de la guerre; sur quoi on estime que sa majesté escoutera volontiers les raisons et advis de ses alliés, et déférera beaucoup à leurs interests et contentement , pourveu qu'elle le puisse faire sans le trop grand dommage ou ruyne entière de ses subjects, aulxquels il a plus de debvoir et d'obligations qu'à tous aultres, etc.

Les raisons qu'on lui représente tous les jours pour lui faire désirer la paix, qu'il sçait très bien considérer lui mesmes, et qui se font si bien sentir et cognoistre qu'il n'y a poinct d'artifice qui les puisse cacher , sont l'impuissance et extresme povreté de ses subjects , ruynés du tout , et en estât qu'ils ne peuvent plus contribuer aulcune chose pour la despense de la guerre qu'il fera.

Les desordres et pilleries des soldats, lesquels achèvent de consommer ce qui reste de substance au peuple, mal qu'on ne peult faire cesser tant que la guerre ou nécessité d'argent durera.

Les partialités secrètes ou desseings sur ladvenir qui sont encores dans cest estât que la guerre fomente, contraignant le roy de dissimuler de plusieurs menées et choses mauvaises qu'il pourrait corriger par le seul

Mbk. de Duflemis-Mobhay. Tomk vu. 34

53o ADVIS

respect deu à sa dignité , ou seurement punir sans craincte d'esmotion ou aulfre mauvais accident, s'il avoit la paix, qui seule peult restablir son auctorité, et lui donner loisir et moyen de se mettre en estât de se faire craindre et respecter , tant par ses subjects que par les estrangers , emulateurs et ennemis de cest estât.

Il peult aussi, par la paix, recouvrer toutes les places que la guerre lui a faict perdre , qu'il ne sçauroit conquester par les armes qu'avec une grande despense, beaucoup de péril et ung long temps, dont l'événement et succès en sera bien incertain.

Oultre , le roy d'Espaigne n'effectuera jamais le désir qu'il a de donner en appanage à sa fille les Pays Bas s'il n'a la paix ; estant vraisemblable qu'entre les raisons qui l'ont peu mouvoir à prendre ce conseil, celle ci en est une, qui a creu que la jalousie de France et d'Angleterre cesseront, remettant ledict estât es mains d'ung prince particulier duquel ils n'auroient rien h craindre, et qui seroit comme forcé de vivre en amitié avec eulx; par ainsi qu'il en auroit plus aiseement la paix, et seroit par ce moyen deschargé de la despense qu'il lui a conveneu faire jusquos ici , qu'il lui fauldroit continuer si la guerre duroit, estant si bien certain que sa fille et son gendre ne pourraient suffire.

Ores que peult mieulx désirer sa majesté, sinon que le roy d'Espaigne exécute son conseil , et au lieu de l'avoir pour voisin tousjours emulateur et ennemi par raison d'estat , il ait ung prince particulier, foible et moins à craindre s'il devient son çnnemi?

Entre ces raisons, celle de l'impuissance et nécessité présente, si cogneue que personne n'en peult doubler, semble oster le choix de tout aultre conseil , sans en*

AU ROT. 53 f

trer plus avant en considération s'il est utile au roy de faire la guerre ou non , puisque les moyens lui défaillent pour la continuer.

Car ce seroit trop grande imprudence au souverain qui tient le premier lieu en une considération , et par ainsi y doibt le plus contribuer le plus , de s'attendre aulx moyens et forces de ses alliés pour se deffendre ou entreprendre contre l'ennemi commun , n'y ayant rien de certain en ce qui despend d'aultrui. Il ne s'est aussi jamais veu que le prince qui a le plus à perdre se soit appuyé sur des forces et moyens que l'interest ou changement d'affection faict trop souvent manquer; et s'il le faict , qu'il ne s'en soit mal trouvé.

Dadvantage on voit des aujourd'hui entre tous nos alliés et confédérés, ce que les ungs qui sont les estats des Pays Bas , de la bonne intention desquels nous sommes asseurés , peuvent faire pour le secours du royaulme , se reservant les forces dont ils ont besoing pour se bien conserver et entreprendre.

Quantàlaroyne d'Angleterre, on doibt croire qu'elle vouldra tousjours pour nous ce qu'elle vouldra et doibt voulloir par raison d'estat, et non pas plus avant; et desjà l'expérience nous a appris qu'elle ne désire non plus nostre accroissement que celui de l'Espaignol, mesme dans les Pays Bas ; ainsi elle balancera tousjours son interest avec le nostre quand il fauldra nous assister, et sera plus ou moins affectionnée non selon qu'il nous sera besoing, et qu'elle en sera requise, mais selon qu'il lui sera plus utile et convenable à ses affaires.

On peult donc conclure de ceste nécessité et de l'interest de nos alliés , séparé du nostre, que la continuation de la guerre ne sera sans péril pour nous, et néant* moins sans aulcung profict.

53a ADVIS

On dict que le loyer de la victoire sera assés grand pour nous , si l'Espaignol , contre lequel le roy a tant de justes causes d'inimitié, de l'affaiblissement duquel despend aussi la seureté du royaulme , souffre de la diminution en ses estats, encores que sa despouille ne tombe en nos mains. Je l'accorderais, si nostre péril n'y estait 'conjoinct, et que je crois aussi apparent et plus certain que le sien ; ores le prince qui est sage, se doibt mettre en seureté et à couvert avant que penser à la vengeance, et plus il est grand et a de quoi perdre moins, il se doibt commettre à la fortune et au péril.

Aulcungs dient qu'il y a de la facilité à ruyner l'Espaignol, et se fondent sur le mauvais estât auquel sont de présent ses affaires dans le Pays Bas , par l'advantage que les estats ont pris sur lui, sur le mal que ses subjects dudict pays sentent de la guerre qui les rend enclins à révolte, le nombre et pouvoir de ses ennemis, ses desordres et la nécessité, et la vieillesse de leur roy , la mort duquel peult apporter du trouble.

A la vérité , les estats ont occupé ung grand pays sur lui , et si la France et .l'Angleterre pouvoient retenir et empescher ailleurs cest ennemi commun , pendant qu'ils continueroient leurs entreprises , le succès en pourroit estre heureux; mais quant à nous, tant s'en fault que nous soyons en estât d'entreprendre à le troubler chés lui , qu'il nous fault pour le moins deux années de bon et heureux travail pour recouvrer ce qu'il a conquesté sur nostre frontière. Pour la royne d'Angleterre, elle a regardé plustost nos combats jusques ici qu'est re de la partie. Ses entreprises, quand elle en a farct, n'ont poinct eu de durée; elle est enfermée de la mer, qui la garantit de ces incommodités

de la guerre chés soi. Aussi elle n'entreprend qu'avec loisir et commodité, et doresnavant il lui sera difficile de faire la guerre dehors , pour ce que la noblesse et les bonnes villes de son pays, accoustumees de contribuer à la despense de telle guerre, en espérance aussi d'avoir leur part du butin, y ont tout perdeu du passé, qu'ils en sont fort diminués et endebtés , oultre que la cessation du commerce qui n'est pas permis aulx Anglois en Espaigne, ni aussi en Italie, ni ailleurs où ils ne peuvent arriver sans péril, à cause que le destroict est gardé par l'Espaigne, les a fort appauvris.

Nous voyons bien que les subjects du roy d'Espaigne es Pay§ fias reçoivent de grandes incommodités de la guerre, et qu'ils désirent ardemment la paix; mais qu'ils soient disposés d'entrer en rébellion contre lui , il n'y a poinct d'apparence; à qui donc vouldroient ils recourir? Ce ne sera pas à nous , car nos guerres ont rendeu les habitans des deux frontières si fort ennemis, qu'il n'y a domination qu'ils ayent aujourd'hui plus en horreur que la nostre ; et la soubmettre volontairement aulx estât s , encores moins : ils craignent et appréhendent trop l'exemple de leur conduicte, en ce qu'ils chassent les catholiques et changent la relligion partout où ils establissent leurs conquestes; et combien que ceste ri* gueur leur serve pour tenir avec plus de seureté ce qu'ils ont conquis par la force, elle leur nuit d'ailleurs, et oste le moyen d'attirer par bienveillance les villes csquelles le nombre des catholiques est le plus grand et le plus puissant, comme il est partout en celles qui $ont de l'obéissance du roy d'Espaigne dedans les Pays Bas.

Les voisins mesmes, soubs lesquels la relligion catholique est plus universellement receue, qui ont

534 advis

néant m oins grand nombre de leurs subjects séparés de l'Eglise, et unis ensemble comme en ung corps de faction, quoiqu'ils soient ennemis du roy d'Espaigne, et non aultrement désireux de la grandeur des estats, De peuvent prendre souspçon , et craindre justement que ceste façon , deveneue puissante , n'en veuille aider d'aultres dans leurs estats aulxquels la relligion pour* roit servir de cause ou de prétexte pour entreprendre contre leur auctotïté.

Quant aulx desordres et nécessités du roy d'Espaigne, elles sont bien graudes aussi bien que les nostres; mais pour ce qu'il est puissant, entier, et sans estre aulcunement entamé en tous ses estats, fors dans les Pays Bas, il trouve tousjours du crediçt et des moyens pour en sortir.

Encores ne voit on rien préparé dans tous lesdicts estats , dont lui ou son successeur puisse craindre quelque danger pour l'Espaigne; il n'y a ung seul homme- d'auctorité qui puisse estre capable de remuer ; le pays est fort foible par le dedans , par conséquent hors de périls de guerres civiles. En Italie , tous les princes sont nourris à l'oisiveté, à accroistre leurs thresors, et à garder ce qu'ils tiennent sans penser à l'aultrui; si la guerre de Ferrare eust contineué, elle eust sans doubte obligé le roy d'Espaigne à faire une grande despense pour la conservation de ses estats de Naples et de Milan , qu'il tient à présent avec petites garnisons, n'y ayant force n'y ennemi qu'il doibve craindre, et cela Teust rendeu moins puissant pour se defîendre ou entreprendre contre nous; mais elle est finie.

De croire que la mort du roy d'Espaigne, quand elle adviendra, puisse changer les affaires, son fils est desjà

en aage pour commander, est recogneu, aura de l'ardeur, sera plus entreprenant que son père, et ainsi plus à craindre et à redoubter , et y a grand danger que nous n'empirions plustost que d'en tirer aulcung profict ; car le, père veult encores manier aujourd'hui tous les affaires par lui mesmes, et à cause de sa -vieillesse, elles en vont plus lentement; la froideur le rend plus difficile et consideratif à entreprendre , et l'avarice , qui accompaigne ordinairement cest aage, rend le plus souvent ses entreprises inutiles, faulte d'y employer la despense requise et nécessaire.

Au lieu que l'ardeur bouillante du fils lui fera passer par dessus toutes ces considérations, et bazarder plustost que non pas estre reteneu, et n'en pouvons rien attendre de bon, sinon qu'il fasse des faultes par soubdaineté, qui nous donnent prise sur lui ; mais ce n'est pas sagesse que de fonder ung grand desseing sur les faultes de son ennemi, attendeu mesme qu'il aura le conseil du père, nourri des long temps à la conduicte de ses estais, pour modérer et régir avec prudence son ambition.

On dict que la fille , qui est ambitieuse et de grand cœur , le pourra brouiller ; elle est sans credict et auctorité dans le pays, et n'a aulcung instrument capable pour la servir en ce desseing; aussi que le père l'en veult mettre dehors, lui donnant les Pays Bas en appanage, en la mariant avec l'archiduc Albert, dont elle ne sera que trop contente, et se sentira bien obligée de servir et honorer son frère , s'il approuve ceste donation , et lui donne secours et assistance pour la bien conserver.

Ces raisons bien considérées doibvent suffire pour nous persuader et pour nous faire voir que ce n'est

536 advis

une entreprise facile , de peu de temps et d'ung succès asseuré, que de voulloir conquester par les armes les Pays Bas sur le roy d'Espaigne, ainsi que ce n'est sans cause , si le roy se trouve empesché en la résolution qu'il y doibt prendre , et si la paix lui semble bien désirable en la grande et extraordinaire nécessité où le royaulme est à présent reduict.

Elle voit bien , d'aultre costé , qu'elle a ses incommodités; et premièrement que la royne d'Angleterre, qui ne vouldra supporter seule la despense et le péril de ceste guerre, en fera autant, ainsi que les estats, leurs communs alliés se trouveront abandonnés, et en très grand danger au blasme de celui qui aura esté le premier aucteur.

Que , par ce moyen , l'Espaignol ou l'archiduc se pourront bien rendre maistres des Pays Bas, et en devenir formidables à leurs voisins.

Et tout ce que doibt plus craindre et redoubter la France, est que l'ancienne alliance d'Angleterre avec la maison de Bourgoigne , à laquelle l'archiduc aura succédé, ne se renouvelle entre eulx contre \a France , qui en a ressenti aultresfois tant de maulx.

On y peult encores adjouster que l'archiduc Albert et sa femme seront tousjours partisans de l'Espaignol ; et que si le fils venoit à mourir sans enfans, que tous ses estats seroient derechef remis et reunis tous ensemble.

Ceste première considération du danger et interest des estats, doibt estre de grand poids envers le roy, prince généreux, et accoustumé de mespriser tous périls pour suivre ce qui est de l'honneur ; mais il pensera avoir sntisfaict à l'amitié et à la protection qu'il leur a promis comme à ses alliés, quand il offrira de les

assister pour obtenir conditions seures et advantageuses s'ils veullent traicter , ou bien s'ils sont resoleus de continuer la guerre, et de les aider sourdement autant qu'il pourra, et de faire mieulx quand le royaulme sera remis en estât de leur estre ami aussi utile qu'il peult avoir d'interest et d'obligation à les maintenir et conserver.

Quant à la royne d'Angleterre, il n'y a rien qui l'oblige à faire la paix , l'Espaignol ne peult entreprendre sur elle pour tous les grands advantages qu'elle a sur la mer par ses propres forces et celles des estats.

Ils pourront induire et exciter ladicte royne d'Angleterre d'en faire autant, et peult estre joindre en confédération ouverte avec eulx les villes maritimes d'Allemaigne, puissantes en moyens pour les secourir, par ainsi se conserver pour ung temps contre ung ennemi plus foible que celui qu'ils avoienl auparavant; car encores que le roy d'Espaigne ne veuille poinct abandonner son gendre et sa fille , si en sera il moins soigneux , et n'y vouldra tant employer que si le pays estoit encores sien; et lui venant à mourir, son fils, qui n'est desjà content de cest appanage, y sera encores moins affectionné. Le temps fera cependant naistre quelque occasion plus commode au roy pour les assister. L'interest de l'ung des alliés ne doibt jamais estre considéré seul , mais tousjours balancé , et mis en comparaison avec celui des aultres; et si les estats le font, ils pourront justement et raisonnablement demander au rôy qu'il se mette en péril à ses subjects pour les conserver , et aggrandir le temps et beaucoup d'occurrences que les hommes ne. peuvent prévoir, les délivrant souvent des inconveniens qui sont loing, mais rien ne destourne aucunement