AD VIS AU HOY

le mal qui presse que le remède présent. Ores , la nécessité nous enseigne celui de la paix , et nous contrainct à recognoistre qu'il n'y en a poinct d'aultre pour maintenant.

A MM. de BeUievre et de Sillety, pour la paix de

Vervins, en janvier 1598.

M. le cardinal de Florence, légat de nostre sainct père le pape , depuis son arrivée en ce royaulme , a souvent exhorté et pryé le roy, au nom de sa saineteté, d'entendre à la paix avec le roy d'Espaigne, pour mettre la chrestienté en repos et délivrer les subjects de l'ung et l'aultre prince, des calamités et misères de la guerre, non sans donner espérance, voire asseurance à sa majesté, que sa saincteté moyenneroit, et feroit en sorte que ladicte paix seroit accordée, à conditions si honorables et utiles pour sa majesté et pour la France, qu'elle auroit toute occasion de s'en louer et s'en contenter.

Chose qui depuis auroit encores esté confirmée à sa majesté de la part de sadicte saincteté par le père Bonaventure Calatagirone , gênerai de l'ordre de Sainct François , envoyé devers sa majesté exprès pour cest effect; lequel sa saincteté auroit faict passer premièrement par le Pays Bas de Flandres , devers le cardinal Albert, archiduc d'Autriche, pour sesclaircir et asseurer dadvantage du pouvoir et de la volonté qu'il avoit de traicter de ladicte paix, afin d'en respondre à sa majesté; et, en ce faisant, lui deferer de l'y entendre ou non.

INSTRUCTION , etc. 5^9

Mais ledict père gênerai ayant trouvé d'ung costé ledict cardinal fortifié de la prise de la ville d'Amiens, et de l'aultre sa majesté très resoleue de la recouvrer par les armes devant que de s'engager à aulcung traicté, il s'est passé plusieurs mois sans que ledict gênerai ait peu y donner advancement.

Dadvantage sa majesté a voulleu , devant que de donner parole aulcune d'entendre à ladicte paix , estre asseuree que ses alliés et amis , et spécialement la royne d'Angleterre, et les estats des Provinces Unies des Pays Bas seroient compris en icellé, comme prince jaloux de la réputation et de l'observation de sa foi engagée sur ce à sesdicts alliés , desquels sa majesté a recéu en sa nécessité toute amitié et bonne assistance.

Ores Dieu ayant faict la 'grâce à sa majesté, avec l'aide et assistance de sesdicts alliés et bons subjects , d'avoir remis en son obéissance ladicte ville d'Amiens, avec les advantages que chacung sçait, au lieu de se refroidir de ladicte paix , et enchérir les conditions proposées pour y parvenir, elle s'est restreincte et contentée de demander celles auxquelles elle s'estoit arrestee des la première fois , que lesdicts sieurs légat et père gênerai avoient faict ouverture d'icelles à sa majesté qui consistent en deux poincts.

L'ung, que les villes et places qui lui appartiennent, et qui ont esté prises et usurpées sur la France, lui feussent restituées.

Et l'aultre, que sesdicts alliés feussent admis et receus audict traicté avec elle , comme elle avoit déclaré des le commencement ; ne voullant entrer en aulcune sorte de traicté qu'elle n'eust bonne asseurance des susdicts deux poincts.

Laquelle lui ayant esté depuis rapportée par ledict

père gênerai de la psfrt dudict cardinal Albert, et sur ce ayant esté requise tant par ledict sieur légat que par ledict gênerai, au nom de sadicte saincteté, de ne voulloir différer, ne retarder dadvantage d'envoyer sur la frontière des députés pour, en s'aboucbant avec ceulx dudict roy d'Espaigne, que ledict cardinal envoyeroit, donner acheminement à teste negotiation ; sadicte majesté désirant tesmoigner à ung chacung l'affection qu'elle porte au bien public de la chrestienté, par la justice de ses actions, a faict élection des personnes du sieur de Bellievre , conseiller en son conseil d'estat, et du sieur de Sillery, aussi conseiller audict conseil et président au parlement de Paris, pour la servir en ceste occasion , pour la confiance entière qu'elle a en leur probité, loyaulté et prudence, par elle et de longue main esprouvee; aulxquels sa majesté a faict despescher et bailler les lettres de pouvoir pour ce nécessaires, lesquelles elle a voulleu accompaigner du, présent mémoire, plus pour leur ra mente voir les poincts conteneus en icelui que pour leur servir d'instruction qui seroit superflue à leur longue expérience , et à la parfaicte fiance que sa majesté a en eulx.

Premièrement, le roy entend que l'assemblée des— dicts députés se fasse en la ville de Vervins, auprès de la personne et en la présence dudict sieur légat et gênerai des cordeliers , en laquelle assemblée lesdicts sieurs de Bellievre et de Sillery auront soing de conserver et garder le rang deu à la royale dignité de sa majesté.

Et diront audict sieur légat que trois raisons et considérations ont meu sadicte majesté de passer par dessus plusieurs aultres très importantes à son service , qui ont agité son esprit sur la resolution et approbation

de ladicte assemblée , recherchée par lesdicts sieurs légat et gênerai des corde li ers, comme nécessaires pour parvenir à ladicte paix , lesquelles ne seront de peu de poids et considération au bien de son royaulme, et à sa réputation première, en Testât auquel se trouvent les affaires de la chrestienté.

La première a esté le désir très grand que sa majesté a eu de contenter nostre sainct père en ceste occasion, pour les grands et signalés tesmoignages de la bienveillance et affection que sa sainteté lui a departies, fortifié de la très grande fiance que sadicte majesté a prise de la bonne volonté dudict légat, s'asseurant qu'il ne consentira ni permettra jamais estre faict chose en sa présence ni soubs le nom et auctorité de sa saincteté, qui soit honteuse et préjudiciable à sa majesté ni à la France.

L'aultre, l'affection et le soing que doibt avoir tout prince chrestien d'embrasser et favoriser de tout son pouvoir le repos public de la chrestienté, en ceste saison qu'elle est plus troublée et affligée en soi, et plus menacée par les armes du commun ennemi d'icelle qu'elle n'a oneques esté , qui est ung debvoir duquel si bien les travaulx ordinaires qui ont esté donnés à sa majesté , devant et depuis son advenement à la couronne , ne lui* ont permis de s'acquitter selon son désir, lui a neantmoins tousjours esté très cher et recommandé.

Mais la dernière est la parole et asseurance que ledict père gênerai a de nouveau rapportée et donnée au nom dudict roy d'Espaigne et dudict cardinal Albert , audict sieur légat représentant la personne de sa saincteté et à sa majesté , de lui rendre par ladicte paix toutes les villes et places qui ont esté prises par ledict

roy et les siens en ce royaulme , depuis le traicté de paix faict entre les deux couronnes de France et d'Espaigne Tan i55c), sans aulcune réservation; et pareillement de recevoir et comprendre au présent accord la roy ne d'Angleterre et les estats des provinces unies des Pays Bas, avec les aultres alliés de sa majesté, suivant l'instance qu'elle en a tousjours et de tout temps faicte.

Sur lesquels deux poincts, comme sa majesté entend que le présent traicté soit fondé , elle a commandé aussi aulxdicts sieurs de Bellievre et de Sillery de ne s'en despartir ni dispenser aucunement, quoi qui en puisse arriver et succéder.

Les députés du roy d'Espaigne estans arrivés auprès dudict sieur légat, lesdicts sieurs de Bellievre et de Sillery, demanderont que les pouvoirs donnés de part et d'aultre pour entrer au présent traicté soient représentés et communiqués en la forme accoustumee , et que copies d'iceulx collationnees à l'original soient baillées , lesquelles ils envoyeront incontinent à sa majesté par courrier exprès; surtout ils demanderont le pouvoir donné par le roy d'Espaigne audict cardinal Albert, pour traicter deladicte paix, pourvoir s'il est faict mention par i celui de ladicte royne d'Angleterre, et des aultres alliés et confédérés de sa majesté, comme il est nécessaire pour la seureté et satisfaction de ladicte royne et des aultres; partant, s'il estoit en cela défectueux , ils demanderont qu'il soit reformé devant que de traicter d'aultre chose , ou avoir receu aultre commandement de sa majesté.

Mais si lesdicts pouvoirs sont par eulx trouvés suffisons et tels qu'ils doibvent estre, dont sa majesté se repose sur leur jugement, ils pourront, en attendant

la response de sa majesté sur iceulx , commencer à esbaucher et acheminer les affaires , par l'entremise desdicts sieurs légat et gênerai, principalement pour estre asseurés et tirer parole desdicts députés , de la restitution générale de toutes lesdictes villes et places occupées en ce royaulme , et de la remise des choses entre les deux couronnes de France et d'Espaigne , en Testât qu'elles feurent accordées par le susdict traicté de l'an 1 559.

Ce qu'ils negotieront et manieront toutesfois le plus couvertement qu'ils pourront, et si possible sans faire assemblée qui paroisse, jusques à ce qu'ils ayent receu la volonté de sadicte majesté sur lesdicts pouvoirs, d'autant qu'il fault que sa majesté les envoyé à la royne d'Angleterre, ou les faire voir aulx députés qu'elle envoyé devers elle , pour satisfaction à ce que ladicte royrie a demandé et lui a esté promis pour ce regard, comme sçavent lesdicts de Bel lièvre et de Sillery.

Lesquels pourront faire entendre sur cela aulxdicts sieurs légat et gênerai , et pareillement aulxdicts députés dudict roy d'Espaigne et cardinal Albert , la resolution qu'ont prise ladicte royne, et lesdicts estats des provinces unies des Pays Bas, d'envoyer les leurs devers sa majesté sur ceste occasion , qui doibvent estre en France à la fin de ce mois, et leur diront leurs noms et qualités, afin qu'ils cognoissent par là combien ladicte royne et lesdicts estats estiment que ceste negotiation leur importe , et les offices que sa majesté faict envers eulx pour cest effect.

Le susdict poinct de la restitution des places estant accordé, asseuré et mis par escrit en la forme qu'il doibt estre , lesdicts sieurs de Bellievre et de Sillery passeront à l'exécution d'icelui, nommant et spécifiant

toutes les villes et places que les Espaignols ou aultra estant advoués ou souldoyés par le roy d'Espaigne , occupent en toutes les provinces de ce royaulme, comme en Picardie, Calais, Ardres, Dourlans, La Capelle et le Castelet, et Monthulin, et en Bretaigne , Blavet et toutes aultres qui sont reteneues par des capitaines et soldats dudict roy d'Espaigne , sans en reserver ou excepter aulcune pour quelque occasion que ce soit.

Lesquelles villes et places ils demanderont estre restituées et rendeues à sa majesté, ou à ceulx qu'elle commettra pour les recevoir, réellement et de faict, sans fraude, longueur et remise , ou tergiversation aulcune, fondée sur quelque prétexte que ce soit, dans ung mois après la conclusion et resolution du présent traicté, avec toute l'artillerie françoise qui estait en icelles quand elles ont esté prises, ensemble les boulets, pouldre et canon du calibre et tiltre de France , comme meubles qui appartiennent à sa majesté et à la couronne qui ne lui peuvent estre justement déniés.

Dadvantage ils demanderont que lesdictes places et villes soyent pour le regard des fortifications et réparations qui ont par eulx esté faictes en icelles depuis qu'ils les possèdent , et aultres qui y estoient auparavant, délaissées et rendeues en Testât qu'elles sont de présent , sans estre aulcunement abatteues ni démolies, ni que sa majesté soit teneue et obligée à rembourser et payer les deniers qu'ils y ont employés; sa majesté désire que l'exécution de ladicte restitution soit commencée par les villes de Calais et Ardres , et après suivre et continuer par les aultres, sans aulcunè intermission jusques à ce qu'elle soit entièrement accomplie.

Pour seureté de quoi lesdicts siçurs de Bellievre et de Sillery demanderont que lesdicts donnent et engagent la foi dudict roy d'Espaigne et celle dudict cardinal archiduc , par escrit expédié en bonne et deue forme, en vertu de leur pouvoir, es mains dudict sieur légat, représentant la personne de sa saincteté en eeste negotiation.

Et dadvantage , qu'il soit accordé et baillé à sa majesté des personnes en ostage, qui soient de qualité et. considération , et s'il est possible de nation espaignole , pour estre reteneues et gardées jusques à l'entière et pleine restitution chesdictes villes, lesquels ostages ils promettront, au nom de sa majesté, estre traictés selon leurs qualités, et, après ladicte restitution, renvoyés seurement avec leur suite.

Mais d'autant que sa majesté est advertie que les garnisons d'aulcune des villes, et spécialement de Calais et de Blavet, se sont mutinées et saisies des .citadélies, soubs prétexte de n'estre payées de leur solde,, lesdicts sieurs de Bellievre et de Sillery en sçauront la vérité , pour asseurer, tellement ladicte restitution qu'elle ne puisse estre mise en doubte, excusée ou prolongée pour quelque cause que ce soit, sans aulcung déboursement de deniers de la part de sadicte majesté, soubs prétexte du payement et contentement desdictes garnisons mutinées ou aultrement , pareillement ils feront instance que la ville de Gambray soit remise et délaissée au pouvoir de l'evesque , qui en est seigneur temporel et spirituel, pour estre par lui possédée et teneue comme ville neutre soubs la protection de l'empire, ainsi qu'elle estoit devant la construction de la citadelle, laquelle à ceste fin ils demanderont

M£m. de DupLBssts-MoaiuY. Ton vti. 35

estre abatteue, pour obvier aulx jalousies que la gar-

oison d'icelle pourroit nourrir sur la frontière.

Estant accordé que toutes choses seront remises entre les deux couro'nnes de France et d'Espaigne, comme elles estaient par le traicté faict au chasteau de Cambresis en i55g; comme le lieu et place de Blavet doibt estre restitué à sa majesté avec les aultres , sadicte majesté entend aussi que ce soit avec les fortifications d'icelles faictes par les Espaignols , en Testât qu'elles sont de présent; partant, lesdicts sieurs de Bellievre et de Sillery en feront instance comme de chose que sa majesté a très à cœur, et qui peult estre très utile à la seureté de !a province de Bretaigne, y employant pour l'obtenir l'auctorité dudict sieur légat , ' et tout ce qu'ils cognoistront y pouvoir servir-, mais en cas qu'ils ne puissent gaigner ce poinct que sa majesté a en singulière recommandation, ils obtiendront et consentiront ladicte forteresse estre démolie , pour estre ladicte place remise et délaissée à sa majesté, en Testât qu'elle estoit devant que les Espaignols s'en finissent emparés, et que le tout soit effectué sans di-

lation.

Partant, si lesdicts «députés , prenans exemple sur

l'alliance et confédération que sa majesté a avec les estats des provinces unies des Pays Bas , de laquelle elle ne veult se despartir, entendoit opiniastrer ce poinct, plustost lesdicts de Bellievreet de Sillery rompront la negotiation et tout traicté que d'y consentir; mais remonstreront aulxdicts députés y avoir trop grande différence entre lesdicts estats et ledict duc de Mercœtir, pour avoir ceulx là fondé leurs reparutions et distractions de l'obeissauce de leur prince naturel,

POUR hk PAIX DE VERVINS. 547

tant sur leurs privilèges qu'ils prétendent avoir esté violés, que sur leur relligîon, en laquelle on les avoulleu forcer; joinct qu'ils sont establis de longue main assés forts et puissans par mer et par terre, pour se deffeadre et maintenir d'eulx mesmes , comme ils ont faict longtemps, qu'ils estoient beaucoup plus foibles qu'ils ne sont de présent, ce que ne peult faire aulcunement ledict duc de Mercœur.

Leur sera aussi représenté que c'est le bien et advantage dudict roy d'Espaigne et dudict cardinal, que sa majesté s'entremette de la reconciliation desdicts estats, y employé la créance et le pouvoir qu'elle a parmi eulx , ne pouvant estre difficilement attirés et persuadés par aultres que par sa majesté , ni côntraincts à ce faire par les armes dudict cardinal, qu'avec grand péril, beaucoup de temps et d'argent; au lieu que sa majesté peult, quasi par sa seule présence, chasser du tout de Bretaigne ledict* sieur de Mercœur, mesme quand il ne sera deffendeu et appuyé dudict roy d'Espaigne. Aussi sa majesté n'a besoing qu'aùltre qu'elle fc'employast pour le persuader de poser les armes et recognoistre son debvoir, poursuivant jà et recherchant importuneement ce que lesdicts estats ont monstre jusques à présent fuir trop obstineement , de sorte qu'il ne seroit pas moins honteux que préjudiciable à sa majesté , si maintenant elle enduroit ou consentoit que ledict duc de Mercœur, qui est prest à rendre les abois, feust compris audict traicté; et d'autant plus que la redduction d'icelui par les armes est recogneue et jugée de tous si facile , et est si désirée des Bretons , qu'ils reprocheroient à sa majesté , à perpétuité , la division infaillible qui resteroit en ladicte province, si ledict duc estoit compris audict traicté.

Chose que Jesdicts sieurs de Bellievre et de Sillery remonstreront et feront si bien entendre et comprendre audict sieur légat, que, s'il fault rompre la negotiation sur ce poinct, comme sa majesté leur commande de faire , si lesdicts députés s'y aheurtent , ils en rejettent la faulte sur eulx.

Quant à l'instance que les députés pourraient faire, des prétentions dudict roy d'Espaigne, et de sa fille aisnee, sur ledict duché de Bretaigne, lesdicts sieurs de Bellievre et de Sillery estans comme ils sont bien informés et munis des raisons avec lesquelles elles doibvent estre combatteues et rejettees, il n'en sera faict mention en ce Mémoire, seulement ils seront advertfs qu'il ne soit rien escrit pour ce regard qui puisse porter aulcung préjudice à sa majesté.

Sa majesté leur faict pareil commandement pour le regard du royaulme de Navarre , à ce qu'il ne soit rien faict ni accordé par le présent traicté qui affaiblisse ou dimineue aulcunement les droicts qu'a sa majesté sur ledict royaulme, mais plustost qu'ung chacung cognoisse s'il fault qu'il en soit parlé, dont sa majesté se remet à eulx , qu'elle a eu soing de la conservation de ses justes prétentions sur icelui, tant pour elle que pour ses successeurs.

Et comme par le susdict traicté de Tan i55(), sur lequel celui que l'on prétend faire présentement doibt estre basti, les précédera faicts avec l'empereur Char* les II sont confirmés, sinon en ce qui est changé par icelui; il fault considérer que sa majesté renoncera pour Tadvenir à tous les droicts qu'elle peult prétendre sur Naples, Milan, le comté d'Ast, et au ressort des comtés de Flandres et pays d'Artois, s'il n'est autrement conveneu et escrit; lesdicts sieurs de Bellievre

-POUR LA PAIX DE VERVINS. 34g

et de Sillery feront valloir aulxdicts députés le plus qu'ils pourront le mérite de ladicte confirmation et ratification , pour améliorer de plus en plus les conditions de sa majesté audict traie té, sans toutesfois permettre qu'il soit faict mention plus particulière par icelui de la renonciation desdicts droicts.

Sa majesté a chargé lesdicts sieurs de Bçllievre et de Sillery d'ung passeport pour l'ambassadeur ou député du duc de Savoye, afin qu'il puisse venir en ladicte assemblée pour les affaires de son maistre, dont sa majesté leur a donné pouvoir de traicter comme des aultres; toutesfois ils différeront et laisseront passer quelques jours devant que de bailler ledict passeport , s'il est possible, pour donner loisir à sa majesté d'ouïr les ambassadeurs que la royne d'Angleterre et les estats des provinces unies des Pays Bas envoyent devers elle, et sçavoir d'eulx s'ils vouldront envoyer en ladicte assemblée, et partant sa majesté obtienne poureulx pareils saufs conduicts qu'elle a accordés aulx députés dudict duc, comme sa majesté sera très aise qu'ils voulleussent faire pour les mettre en repos avec elle.

Sur quoi lesdicts sieurs de Bel lièvre et de Sillery recevront bientost les advis et commandemens de sa majesté.

Quant aulx conditions du traicté que l'on peult faire avec ledict duc de Savoye , avec lequel sa majesté est contente de s'accorder, s'il lui veult faire raison des choses passées , tout ainsi que le présent traicté avec le roy d'Espaigne doibt estre basti et réglé sur celui de l'an 1 559, ^ ^aa't auss* raPPorter a icelui ce qui concerne ledict duc de Savoye, dont lesdicts sieurs de Bellievre et de Sillery sont si bien informés, qu'il n'est jà besoing de leur prescrire ce qu'il fault qu'ils demandent

55o INSTRUCTION

poar ce regard , afin que sa majesté et la France soient restitues et rentrent dans les villes et places et pays dont ledict duc de Savoye et son père les ont spoliés depuis ledict temps, et que toute l'artillerie et les munitions de guerre 'qui estoient en icelles soient ren* deues , et dadvantage, que sa majesté soit conservée en t<*us les au I très droicts et prétentions , etc., qu'elle peul t avoir sur le pays de Savoye et de Piémont, dont la de* cision a esté réservée par ledict traicté de l'an i55<).

Sa majesté entend comprendre en ladicte restitution le marquisat de Saluées, avec la ville de Savillan et aultres semblables dépendantes dudict marquisat, que possedoient anciennement les roys ses prédécesseurs, sans aulcune réservation ; de quoi , si lesdicts députés font refus , lesdicts sieurs de Bellievre et de Sillery en advertiront incontinent sa majesté, et attendront sur ce ses commandemens, sans s'engager cependant en d'aultres conditions et ouvertures d'accord avec ledict duc, ni mesmes admettre celles qui ont esté ci devant proposées entre les députés de sadicte majesté et les siens, pour estre les raisons changées qui mouvoient lors sadicte majesté de les agréer, par la faulte dudict duc ou de ses gens, comme sçàuront très bien représenter lesdicts sieurs de Bellievre et de Sillery, par les mains desquels ceste negotiation a passé.

Sa majesté ne peult encores instruire et asseurer lesdicts sieurs de Bellievre et de Sillery de l'intention de sadicte majesté sur le subject de la royne d'Angleterre, ni des susdiets estats des provinces unies des Pays Bas pour n'en estre certaine, mais elle espère en estre eselaircie à l'arrivée de leurs députés, qu'elle attend, comme il a esté dict, à la fin de ce mois, dont elle les advertira incontinent

POUll LA PAIX DE VERVINS. 55 1

Cependant ils prendront garde à se conduire, en cç qu'ils negotieront par delà, avec telle prudence et discrétion, que ladicte dame et lesdicts estats n'ayent occasion de s'en plaindre, se souvenans combien il importe à sa majesté qu'elle conserve son crédit avec eulx, principalement durant l'incertitude des succès dudict traicté, dont sa majesté a tousjours eu, comme elle a encores, plus de craincte que d'espérance pour la juste défiance qu'elle a de la volonté des Espaignols, lesquels elle ne croira jamais procéder de bonne foi avec elle qu'elle n'en voye les, effects.

Partant, ils seront considérés et reteneus en leurs procédures, jusqu'à ce qu'ils ayent receu les commandemens de sa majesté , ou tiré bonne asseurance de ce qu'ils ont charge d'obtenir desdicts députés , spécialement pour la restitution des susdictçs villes, de laquelle ils advanceront la resolution tant qu'ils pourront , et d'autant plus que sa majesté n'est sans advi* qu'elle doibt estre traversée de la part d'Angleterre, principalement à cause de la ville de Calais, de sorte que plus tost elle pourra estre asseuree , ce sera le service de sa majesté.

Mais d'autant que sa majesté ne désire pas , s'il est possible, se séparer d'avec ses alliés, et moins leur donner ung subject de se plaindre d'avoir esté abandonnés par elle , centime à Tadventure ils vouldroient prétendre avoir esté , si sadicte majesté se tiroit de la presse et des incommodités de la guerre sans eulx , sadicte majesté vouldroit que lesdicts sieurs de Bellievre et de Sillery peussent obtenir au nom d'icelle, pour ladicte royne d'Angleterre et lesdicts estats des provinces unies des Pays Bas, leurs pays, villes et subjects, une trefve ou cessation d'armes pour six mois ou ung

55a INSTRUCTION

an, durant laquelle ils peussent traficquer les ungt avec les aultres seurement et librement , afin de donner plus de loisir et moyen à sa majesté de persuader a ladicte royne et aulxdicts estats d'entrer en ce traicté, et prendre part au bénéfice d'i celui.

Et£omme ladicte cessation d'armes peult estre aussi utile au cardinal Albert qu'aulx aultres, veu Testât présent de ses affaires, lesdicts sieurs de Bellievre et de Sillery en rendront demandeurs lesdicts députés, s'il est possible , afin que l'acceptation en demeure au choix de sa majesté , laquelle aura plaisir d'estre advertie incontinent de ce qui s'en fera ; comme sa majesté désire l'estre journellement de tout ce qui s'advancera en ceste negotiation , en laquelle ils auront souvenance de faire comprendre les anciens amis , alliés et confédérés de la couronne de France , comme il a tousjours esté practiqué en semblables traictés, sans oublier la ville de Genève traictant avec le duc de Savoye , et aultres semblables dont ils se pourront soubvenir.

Et afin que ladicte assemblée et conférence se puisse faire plus commodément, sa majesté a accordé et ordonné qu'il ne sera faict course de gens de guerre, prises ni aultres actes d'hostilité quattre lieues aulx environs dudict Vervins, pourveu que le semblable soit accordé de la part desdicts roy d'Espaigne et cardinal Albert , comme il est porté par la déclaration particulière qui a esté expédiée et délivrée aulxdicts sieurs de Bellievre et de Sillery, de laquelle ils se contenteront d'advertir les gouverneurs du pays et des villes d'icelui , sans en faire aulcune aultre publication , pour pe pas mettre en plus grand ombrage ni en plus grande jalousie les alliés, amis et confédérés de sa majesté.

Dadvantage sa majesté a accordé que tous ceulx qui seront envoyés pour les affaires de ceste negotiation, ayans passeport dudict cardinal d'Autriche ou de ses députés, pourront passer librement sans estre arrestés, pris ou déclarés de bonne prise , depuis ladicte ville de Vervins jusques en celle de Bruxelles, à la charge aussi que le semblable sera accordé pour ceulx qui seront envoyés, tant par sadicte majesté que par ses députés, depuis ladicte ville de Vervins jusques en celle de Paris. Il a esté baillé ung chiffre aulxdicts sieurs de Bellièvre et de Sillery, afin qu'ils advertissent sa majesté plus librement de tout ce qui se passera avec des lettres addressantes à M. le comte de Sainct Paul et aulx gouverneurs particuliers , voisins de ladicte ville de Vervins., en créance sur eulx, afin qu'ils adjoustent foi à tout ce qu'ils leur feront sçavoir pour le service de sadicte majesté; laquelle finalement recommande à leur affection particulière , fidélité et prudence , sa réputation et ses affaires en ceste occasion , qui est des plus importantes et signalées qui se soient jamais présentées. Henry.

Et plus bas , de Neufville.

Faict à Pari», le s8 janvier i5g8.