XXXII. — *POINCTS

Procédant des articles particuliers proposés de la part de M. de Mercœur , sur lesquels sa majesté est très humblement suppliée de commander sa volonté.

Sur l'article a« des Mémoires particuliers, ledict sieur duc supplie sa majesté d'avoir agréable d'accorder, pour le petit marquis de Belle Isle, le gouvernement de Belle Isle et de Machecoul, et le commandement d'iceulx pendant son bas aage au sieur de La Pardieu.

A esté respondeu que sa majesté n'en vouldroit disposer sans le consentement de M. le mareschal de Rhetz.

Sur le 3e, supplie sa majesté de trouver bon qu'il y ait deux Jieutenans generaulx en Bretaigne, et que, pour le second, il lui nomme ung gentilhomme de qualité requise, bon serviteur de sa majesté „ et qu'il s'asseure lui sera agréable. A esté persisté en Fintèn-

60 NEGOTIATION DE BRETAIGNE.

tion de sa majesté d'y maintenir M. le mareschal de Brissac.

Sur le 6° 9 a faict instance le sieur de La Ragotiere sur les droicts de la maison de Penthievre, pretendeus par la dame de Mercœur, et a icelui respondeu que, s'il restoit quelque chose en encontre des traictés faicts par les roys ses prédécesseurs , sa majesté estoit preste lui satisfaire.

Commandera donc, s'il lui plaist, sa majesté, que les traictés et contracts concernant cest affaire, nous soient envoyés , nommeement ceulx qui ont esté faicts paï les roys ses prédécesseurs, Louis XII, François Ier et Henri H, afin que sur iceulx on puisse prendre pied au plus dadvantage que faire se pourra , pour sa majesté particulièrement, parce que ledict sieur duc requiert qu'il lui soit permis de poursuivre le sieur d'Avaugour, et qui auroit jusqu'ici esté empesché par le procureur gênerai de sa majesté.

Lui plaise ordonner qu'ils soient par icelui esclaircis et instruicts des causes qui l'ont meu d'empescher ceste poursuitte, afin qu'il ne se fasse rien au préjudice des droicts de sa majesté.