XXXI. — * ARTICLES SECRETS

Touchant la negotiation de Bretaigne y à Chenon-

ceaux , près de la roy ne.

i. Qu'il plaise au roy maintenir le sieur duc de Mercœur en son gouvernement , avec pension honorable.

Le roy veult maintenir et conserver ledict sieur duc en sa charge de gouverneur de Bretaigne; et pour le regard de la pension, sa majesté. lui accorde vingt quattre mille escus.

a. Qu'il plaise au roy gratifier les prélats , seigneurs , capitaines, et aultres qui assistent ledict duc d'estats, charges, pensions, ainsi que sa majesté en sera plus particulièrement suppliée.

Ledict sieur duc baillera à sa majesté la liste de ceulx qu'il désire estre gratifiés ; et déclarera de ce qu'il requiert estre faict pour eulx.

3. Qu'il plaise à sa majesté ne mettre aulcung en tiltre de lieutenant gênerai de ladicte province, ni aussi en tiltre d'admiral de Bretaigne, attendeu que la qualité et charge d'admiral en ladicte province n'a esté ci devant séparée de celle de gouverneur

Le roy ne peult, sous plusieurs dignes considérations, supprimer, ni esteindre la charge de son lieutenant gênerai en ladicte province, et n'y peult ledict duc, se faisant serviteur de sa majesté, y prétendre aulcung interest ; et pour le regard de l'admiraulté, sa majesté veult que le règlement faict avec le feu sieur duc de Joyeuse par le feu roy soit observé, et les déclarations depuis sur ce interveneues , et neantmoins sur la demande verbale du sieur de La Ragotiere , sa majesté lui accorde le dixiesme , lequel sera levé soubs le nom du roy, à la façon accoustumee.

4* Qu'il plaise au roy, en considération des pertes souffertes par ledict sieur duc, et des debtes esquelles il s'est constitué à raison des guerres et plusieurs de ses amis avec lui, lui donner le moyen de les acquitter; et à cest effect accorde audict sieur duc une somme des deniers.

Sa majesté lui accorde la somme de deux cens soixante et six mille sept cens soixante et six escus deux tiers, payables en quattreans.

5. Qu'il plaise au roy lui accorder ïà survivance audict gouvernement pour ung sien fils, si Dieu lui en donne : sinon pour celui qui espousera mademoiselle sa fille.

Accordé, à charge qu'il ne pourra marier sa fille qu'avec le sceu, gré et volonté de sa majesté.

6. D'autant que la lésion des droicts de la maison de Penthievre n'a esté jugée inutile à )§i couronne de France , et par laquelle les récompenses promises par les traictés n'ont esté fournies, qu'il plaise au roy, en

58 NEGOTIATION

ceste considération, assigner sur quelque partie de son domaine de Bretaigne, ladicte recompense rachetable pour une somme de deniers, afin qu'il ne soit distraict aulcune chose de ce qui est réuni à la couronne.

Faisant apparoir à sa majesté des traictés faicts avec les roys ses prédécesseur , Louis XII , François Ier et Henri II, et de ce qui en reste à exécuter leur y sera pourveu comme de raison.

7. Qu'il plaise à sa majesté faire rendre audict sieur la ville de Concarneau , qui lui feut baillée par le feu roy pour ville de seureté.

Sa majesté estime qu'il est suffisamment pourveu à sa seureté par les articles qui lui sont respondeus, et partant ne peult entendre à cest article.

8. Ledict sieur de Mercœur estime estre à propos faire une trefve pour la Bretaigne avec les Espaignols , plustost que de venir la guerre contre eulx ; mais, au cas qu'il y falleust venir , désire estre asseuré d'une armée composée de trois mille Suisses et trois mille hommes de pied François , et de la cavallerie qui est dans la province, qu'il juge suffisante, et que l'assignation du payement de ladicte armée soit sur la recepte qu'a le susdict pays , et aultres proches si elle ne suffit, desquelles forces et aultres qu'il sera requis avoir tant par mer que par terre , ledict sieur duc aura le commandement et non aultre , et aussi le commandement des places; lesquelles, pour l'occasion de ladicte guerre /sa majesté vouldra estre fortifiées.

Le roy d'Espaigne , déclarant voulloir traicter avec

sa majesté , elle y entendra volontiers par les formes en ce requises; et en cas qu'il soit besoing d'opposer ces forces aulx Espaignols , lorsque ledict sieur duc de Mercœur sera reduict à son service, entend sadicte majesté envoyer forces suffisantes pour conserver et nettoyer sadicte province , et leur pourvoir de solde et 'd'entretenement nécessaire, selon Testât qui en sera dressé ; desquelles forces veult sa majesté que ledict sieur duc ait le commandement , $i sa majesté n'y est en personne.