CX'LIL — LETTRE DU ROY

A M. Duplessis, escrite de la main de sa majesté.

M. Duplessis , Montmartin rapporte au sieur de Schomberg le, mémoire qu'il m'avoit apporté , avec les responses que j'y ai faictes, qui touchent quasi plus aulx formes qu'à la substance. Quoi que ce soit , il fault croire que ce que j'en ai faict n'est qu'à bonne intention , et pour rendre les choses plus faciles et recevantes , où vous sçavés qu'elles doibvent estre veues ; si tous le sçavoient aussi bien considérer que vous , je tiendrois l'affaire pour achevé; mais parce qu'il y en pourra avoir' d'au ltres , qui sont plus souspçonneux et difficiles , il fault que vous aidiés à les ramener à ce

3o8 LETTRE DU ROY

que vous sçavés estre de la raison, et que vous tous mes serviteurs qui estes par delà , vous unissiés pour la resolution de cest affaire, qui importe non seulement au public , comme il faict extresmement , mais à mes particuliers serviteurs, quand ce ne seroit que cela les tient esloingnés de moi , qui n est ni le bien de mon service, ni le leur particulier. Favorisés le donc à caste fois, je vous en prye, et vous disposés , cela faict , de me venir trouver , pour m'assister en ceste occasion , qui m'est si importante. Vous serés dispensé pour ceste fois d'y amener trouppe, parce que le temps presse trop, et me contenterai de vostre personne, et de ce que pourrés amener de vos amis. Vous sçaurés Testât du siège par ledict Montmartin, qui me gardera de -vous en rien dire ici , ni estre ceste ci plus longue. Adieu, M. Duplessis. Henry.

An camp devant Amiens, ce 5 aoust 1 597.