CXLI. — * LETTRE De madame de Rohan à madame Duplessîs

Madame, j'ai donné charge à ce porteur que j'envoye en Poictou de me rapporter à son retour de vos nouvelles, dont je suis en peine, ayant entendeu que vous vous portiés plus mal que de coustuuie. Je prye Dieu vous envoyer bientost telle guerison que tous vos amis ayent subject de l'en louer. Je suis maintenant au camp devant Amiens , m' estant resoleu à Rouen , où mes affaires m'avoient amenée , de venir voir mes enfans, et avoir par mesme moyen l'honneur de baiser les mains du roy et de madame comme j'ai faict. J'ai trouvé mon fils ung peu creu; mais, du reste, nullement changé, dont je n'ai poinct esté marrie. Pour mon second fils, il n'est poinct changé, aussi c'est à dire qu'il n'est pas beaucoup sage; mais toutesfois il n'a pris aulcung des mauvais plis que je craignois le plus. Plusieurs m'ont parlé des procédures de 4?» J'ai tousjours tesmoigné de la doulceur qu'y apportoit 43. et que je sçavois son affection envers l'ii. 672. tant parce que j'en avois appris de l\i. que par les conseils qu'il m'avoit donnés. Je le dis encores hier à M. 810. i74-4a» 132.672.67.97. i34« 137. i45. il. Le dernier me dict que i32. 672. ne le c roy oit pas pour le long temps qu'il avoit esté sans le voir , nonobstant les lettres qu'il lui avoit escrites pour venir , et qu'il en attribuoit une partie de la faulte à. 684. ayant opinion que c'estoit par là qu'il estoit reteneu. Vous l'en pourrés advertir pour y pourvoir, s'il en

est besoing ; io. a faict bonne chère à 20. raeslee toutesfois d'ung peu de froideur; 1 1. en feit ainsi les premiers jours; mais à la fin, toutes choses se réconcilièrent avec mille asseurances d'amitié ; la despartie d'avec io. n'est pas encores faicte, bien que quand toutes choses demeureroient ainsi , 20. auroit de quoi se contenter, et persister en sa resolution de l'affectionner avant toutes aùltres personnes. Ledict 10. se plaignit à 20. de 49. <* encores plus de son 28. 14. 54. Il lui monstra aussi trouver mauvais qu'il eust mené M. 97. 32. ni. 57. 169. 43. i34- 49* là où il a esté. Voilà ce que j'ai appris de nouveau de ce costé là. Faictes tousjours estât asseuré de moi , madame , comme de vostre obéissante et plus affectionnée à vous servir.

Catherine de Parthehat.

De Pequigny, ce 4 aoust 1597.