CCXIII. — * LETTRE

De M- Théodore de Beze à madame Duplessis.

Madame, comme entendant les plus que tristes nouvelles dé ce qu'on disoit estre adveneu, et non pas du tout sans ung subject trop véritable, en la personne de M. Duplessis , nous estions tous en larmes et gemissemens. Aussi a il pieu à nostre bon Dieu et père de nous soulager aucunement , par ce que nous en entendismes hier seulement, ce qui nous donna encores espérance de mieulx , s'il lui "plaist exaucer nos pryeres assiduelles, esquelles nous continuons sans cesse jusques à ce que nous en entendions l'isseue qu'il lui aura pieu d'ordonner. Cependant , comme vous ne pouvés estre qu'en une extresmë angoisse, et à bon droict, aussi nous faisons nous aulcung dbubte que le Seigneur , d'aultre costé, ne vous fasse part de la grâce qu'il a promise aulx siens; comme vous n'estes aussi oubliée en nos pryeres et pour lui et pour vous; espérant que, moyennant sa très grande grâce, finalement ce mal tournera en une action de grâces d'autant plus expresse, qu'ung tel faict le requiert ; vous suppliant nous faire ce bien de nous foire bien entendre, et tout au long , tout ce faict, pour aussi le communiquer jusques bien loing à ceulx qui ne désirent moins que nous d'en estre bien informés. J'estois en délibération d'addresser ces présentes à lui mesmes; mais sçachant qu'encores que le tesmoignage de l'affection de ses braves amis et serviteurs ne lui puisse estre qu'agréable , toutesfois il peult estre encores en tel estât qu'il n'a besoing que de reposer son esprit , j'ai mieulx aimé m'addresser à vous , qui sçavés

456 LETTRE DE M. THEODORE DE BEZE , etc. très bien user de cela avec toute bonne prudence. Et pour ce que celui qui vous aura rendeu Ja présente a quelque affaire par delà, pour lequel il desireroit estre recommandé à M. Duplessis, je laisse aussi cela, madame, à vostre discrétion, m'osant cependant promettre vostre assistance selon que l'estimerés lui pouvoir aider : ce que je n'entreprendrois de vous escrire, si je n'est ois très asseuré de bonne part de la pieté et aultres bonnes qualités; comme aussi je vous prye en cest esgard de l'avoir pour recommandé. Quant à nostre estât en gênerai, il est encores en l'incertitude accoustumee pour estre despendant des affaires de par delà, mesmement depuis que la guerre d'entre sa majesté et son altesse, nostre voisin, s'eschaufïe de plus en plus, en telle sorte toutesfois que nous n'avons occasion jusques à présent que d'en bien espérer, n'en estant encores que spectateur, Dieu merci. Et quant à ma santé en particulier, elle est aussi à l'accoustumee; c'est à sçavoir telle que je suis tousjours, reteneu de foiblesse au dedans de la maison, attendant d'arriver au port tant désiré , surtout en ce tant misérable temps; vous pryant de vous soub venir tousjours de nous en vos sainctes pryeres, comme vous n'estes et ne serés oubliée aulx nostres envers nostre bon Dieu et père, lequel je supplie, madame , qu'il lui plaise, selon l'espreuve bien rude en laquelle il lui plaist vous exercer, vous accompaigner de mesme de l'invincible vertu de son esprit, et de toute la consolation qu'il a promise et qu'il n'espargne jamais aulx siens en leur plus grande nécessité; regardant aussi de son œil vraiment paternel son fidèle serviteur, en la personne duquel nous sommes tous grandement affligés, en attendant Teffect de nos pryeres.

De Genève, ce 9 décembre à l'ancien calcul 1 5^7.

LETTRE DE M. DE FRESNE FORGET, etc. ^5j