CCXIV. — * LETTRE De M. de Fresne Forget à M. Duplessis

Monsieur, si la douleur que j'ai eue de l'accident qui vous est adveneu a esté muette jusques ici auprès de vous, je n'ai laissé de la ressentir autant qu'aulcung de ceulx qui vous appartiennent, et l'ai tesmoigné par deçà en tout ce qui a peu despendre de moi. Je ne vous y puis donner de consolation; c'est nous qui l'attendons de l'exemple de vostre vertu , qui s'est expérimentée en tant d'aultres fortunes qu'elle ne succombera pas en celle ci, qui vous doibt estre plus légère de ce que tous les gens d'honneur y contribuent , et y peuvent estre intéressés comme vous, qui n'avés à y regretter qu'ung malheur auquel ung chacung pouvoit estre subject , tous eslans bien d'accord qu'il n'y a rien du vostre. Je laisserai à ceulx qui ont plus de cognoissance de tels affaires de vous y donner advis; et vous dirai seulement que j'apprends de ceulx qui tiennent les premiers lieux, que le faict estant ung pur crime d'assassinat, vous debvés en attendre la justice du roy, et plustost le poursuivre que traicter cest affaire comme une querelle , parce que ce seroit trop honorer le faict que de le qualifier ainsi. Je m'asseure que le roy l'entreprendra, comme chose qui concerne sa dignité et sa personne. Je lui en parlai encores hier, et le trouvai en ceste resolution de vous en rendre content. Je crois que vous debvés attendre cette justice de sa bonté encores quelque temps, avant que d'y prendre aultre voye, à laquelle quand vous vous resouldrés, je m'asseure qu'il n'y a

458 LETTRE DE M. DE FRESNE FORGET , etc. pas ung des vostres qui ne vous aille trouver pour vous y servir. Je vous responds que le comte Sainct Aignan ne sera pas des derniers ni des plus mal accompaignés , à quoi je le suivrai de tout mon pouvoir, lequel je vous présente, et ma personne pour vous en servir en tout ce que vous la jugerés propre.

De Sainct Germain, ce 9 décembre 1597.