H MÉMOIRES

la guerre et la charge que j’ay me contraignent d’en estre presque tousjours esloingné. Cependant le Roy mon frere est tousjours auprès d'elle, la llatte, et luy complaist en tout. Je crains qu’à la longue cela ne m’apporte préjudice , et que le Roy mon frere devenant grand , estant courageux comme il est , ne s’amuse tousjours à la chasse, mais devenant ambitieux, vueille changer celle des bestes à celle des hommes, m’ostant la charge de lieutenant de Roy qu’il m’a donnée pour aller luy-mesme aux armées; ce qui me seroit une ruine et desplaisir si grand, qu’avant que recepvoir une telle cheute j’eslirois plustost une cruelle mort. En cette appréhension, songeant les moyens d’y remedier, je trouve qu’il m’est necessaire d’avoir quelques personnes tres-bdelles qui tiennent mon party auprès de la Royne ma mere. Je n’en cognois point de si propre comme vous, que je tiens comme un second moymesme. Vous avez toutes les parties qui s’y peuvent désirer, l’esprit, le jugement, et la fidelité. Pourveu que me vouliez tant obliger que d’y apporter de la subjection (vous forçant d’estre tousjours à son lever, à son cabinet , et à son coucher, et bref tout le jour) cela la conviera de se communiquer à vous ; avec ce que je luy tesmoigneray vostre capacité, et la consolation et service qu’elle en recepvra, et la supplieray de ne plus vivre avec vous comme un enfant, mais de s’en servir en mon absence comme de moy. Ce que je m’asseure qu’elle fera. Perdez cette timidité; parlez-luy avec asseurance comme vous faites à moy, et croyez qu’elle vous aura agréable. Ce vous sera un grand heur et hon-

heur d’estre aimée d’elle. Vous ferez beaueoup pour TOUS et pour moy ; je tiendray de tous, apres Dieu, la eoiiserr’ation de ma bonne fortune. »

Ce langage me fust fort nouveau , pour avoir justjues alors vescu sans dessein, ne pensant qu’à danser ou aller à la chasse, n’ayant mesme la curiosité de m’habiller ny de paroistre belle , pour n’estre encore en l’aage de telle ambition , et avoir esté nourrie avec telle crainte auprès de la Royne ma mere, que non seulement je ne luy osois parler, mais quand elle me regardoit je transissois, de peur d’avoirfaict chose qui luy despleust. Peu s’en fallut que je ne luy respondisse comme Moïse à Dieu, en la vision du buisson : « Que suis-je moy ? Envoyé celuy que tu doibs envoyer. « Toutesfois trouvant en moy ce que je ne pensois qui y fust, des puissances excitées par l’objet de ses paroles, qui par avant m’estoient incogneucs, bien que née avec assez de courage en moi , revenue de ce premier estonnement, ces paroles me pleurent, et me sembloit à l’instant que j’estois transformée, et que j’estois devenue quelque chose de plus que je n’avois esté jusques alors. Je commençay à prendre conûance de moy-mesme, et luy dis : « Mon frere, si Dieu me donne la capacité et l’hardiesse de parler à la Royne ma mere, comme j’ay la volonté de vous servir en ce que desirez de moy, ne doubtez point que vous n’en retiriez l’utilité et le contentement que vous vous en estes proposé. Pour la subjection, je la luy rendray telle, que vous cognoistrez que je préféré vostre bien à tous les plaisirs du monde. Vous avez raison de vous asseurer de moy ;