MÉMOIRES [167S

Pour raoy, l’on ne me disoit rien de tout cecy. Je voyois tout le monde en action; les huguenots desesperez de cette blesseure ; messieurs de Guise craingnans qu’on n’en voulust faire justice , se suschetans tous à l’oreille. Les huguenots me tenoient suspecte parce que j’estois catholique, et les catholiques parce que j’avois espousé le roy de Navarre, qui estoit huguenot. De sorte que personne ne m’en disoit rien, jusques ausoir qu’estant au coucher de la Royne ma mere, assise sur un coffre auprès de ma sœur de Lorraine , que je voyois fort triste , la Royne ma mere pai'lant à quelques-uns m’apperceut, et me dit que je m’en allasse coucher. Comme je lui faisois la reverence , ma sœur me prend par le bras , et m’arreste en se prenant fort à pleurer, et me dict : k Mon Dieu, ma sœur, n’y allez pas. » Ce qui m’effraya extrêmement. La Royne ma mere s’en apperceut, et app>ella ma sœur, et s’en courrouça fort à elle, luy deffendant de me rien dire. Ma sœur luy dit qu’il n’y avoit point d’apparence de m’envoyer sacrifier comme cela, et que sans doubte s’ils descouvroient quelque chose, ils se vengeroient sur moy. La Royne ma mererespond, que s’il plaisoit à Dieu , je n’aurois point de mal; mais quoy que ce fust, il falloitque j’allasse, de peur de leur faire soupçonner quelque chose qui empeschast l’eflect.

Je voyois bien qu’ils se contestoient et n’entendois pas leurs paroles. Elle me commanda encore rudement que je m’en allasse coucher. Ma sœur fondant en larmes me dit bon soir, sans m’oser dire aultre chose; et moy je m’en vois toute transie, esperdue, sans me pou-

voir imaginer ce que j’avois à craindre. Soudain que je fus en mon cabinet, je me mets à prier Dieu qu’il liiy plust me prendi’e en sa protection , et qu’il me gardast, sans savoir de quoy ni de qui. Sur cela le Roy mon mary qui s’estoit mis au lict, me mande que je m’en allasse coucher; ce que je feis, et trouvay son lict entourrë de trente ou quarante huguenots que je ne cognoissois point encore , car il y avoit fort peu de jours que j’estois mariëe. Toute la nuict ils ne firent que parler de l’accident qui estoit advenu à monsieur l’admirai, se résolvants, des qu’il seroit jour, de demander justice au Roy de monsieur de Guise, et que si on ne la leur faisoit , qu’ils se la feroient eux-mesmes. Moy j’avois tousjours dans le cœur les lai-mes de ma sœur, et ne pouvois dormir pour l’apprehension en quoy elle m’avoit mise sans sçavoir de quoy. I.a nuict se passa de cette façon sans fermer l’œil. Au poinct du jour, le Roy mon mary dict qu’il vouloit aller jouer à la paulme attendant que le roy Charles seroit esveillë, se résolvant soudain de luy demander justice. 11 sort de ma chambre, et tous ses gentils-hommes aussy. Moy voiant qu’il estoit jour, estimant que le danger que ma sœur m’avoit dict fust passë, vaincue du sommeil, je dis à ma nourrice qu’elle fermast la porte pour pouvoir dormir à mon aise.

Une heure apres, comme j’estois plus endormie, voicy un homme frappant des pieds et des mains à la porte, criant : «Navarre! Navarre!» Ma nourrice pensant que ce fust le Roy mon mary, court vistemènt à la porte et lui ouvre. Ce fust un gentil-homme

DiÿiiitOd by CjOOgIc

nommé monsieur de Léran ' , qui avoit un coup d’espée dans le coude et un coup de hallebarde dans le bras , et cstoit encores poui'suivy de quatre archets, qui entrèrent tous apres luy en ma chambre. Luy se voulant guarantir se jetta sur mon lict. Moy sentant cet homme qui me tenoit, je me jette à la ruelle, et luy apres moy, me tenant tousjours au travers du corps. Je ne cognoissois point cet homme, et ne sçavois s’il venoit là pour m’olTenser, ou si les archers en vouloient à luy ou à moy. Nous cryons tous deux, et estions aussi effrayez l’un que l’aultre. Enfin Dieu voulust que monsieur de Nançay ’, cappitaine des gardes y vinst , qui me trouvant en cet estat-là, encores qu’il y eust de la compassion , ne se peust tenir de rire ; et se courrouçant fort aux archers de cette indiscrétion , il les fist sortir, et me donna la vie de ce pauvre homme qui me tenoit, lequel je feis coucher et penser dans mon cabinet jusques à tant qu’il fust du tout guary. Et changeant de chemise, parce qu’il m’avoit toute couverte de sang , monsieur de Nançay me conta ce qui se passoit , et m’asseura que le Roy mon mary estoit

' Brantôme le nomme Leiac. La copie de la Bibliothèque de l’Arsenal porte seule Leran. On lit dans Mongez ( Histoire de Marguerite de Falois, p. io4) qu’il se nommait Teyran, et était gentilhomme de l’écurie du roi de France. — C’est probablement Gabriel de Levis , vicomte de Léran.

’ Gaspard de la Chastre, seigneur de Nançay, aïeul d’Edme, marquis de la Chastre, qui a laissé des Mémoires. Il était capitaine des gardes depuis i568. Il s’était distingué aux batailles de Dreux, Saint-Denis, de Jarnac, de Moncontoiir, etc. Mort en iSyS, suites d’une blessure reçue à la batiille de Dreux.

dans la chambre du Roy, et qu’il n’auroit point de mal. Me faisant jetter un manteau de nuict sur moj, il m’emmena dans la chambre de ma sœur madame de LoiTaine', où j’arrivay plus morte que vive, où entrant dans l’antichambre, de laquelle les portes estoient toutes ouvertes, un gentil-homme nommë Bourse, se sauvant des archers qui le poursui voient, fust percé d’un coup de hallebarde à trois pas de moy. Je tombay de l’aultre costé presque esvanouie entre les bras de monsieur de Nançay, et pensois que ce coup nous eust percez tous deux. Et estant quelque peu remise , j’entray en la petite chambre où couchoit ma sœur. Comme j’estois là, monsieur de Miossans, premier gentil-homme du Roy mon mary’, et Armagnac, son premier vallet de chambre, m’y vindrent trouver pour me prier de leur sauvei' la vie. Je m’allay jetter à genoux devant le Roy ’ et la Royne ma mere pour les leur demander; ce qu’enfin ils m’accorderent.

Cinq on six jours apres, ceux qui avoient commencé cette partie, cognoissansqu’ilsavoientfailly à leur prin-

' Claude de France, femme de Charles, dnc de Loiraine.

* Henri d’Albret, baron de Miossans, de Coaraze, etc.

’ Brantôme a sans donte confondn cette démarche avec celle qu'il attribue à la reine de Navarre, en faveur de son époux. 11 avance, dans l’éloge de Marguerite, « qu’elle se jeta à genoux devant le roy n Charles son frère, pour lui demander la vie de son mary et sci- < gnenr; le roy Charles le lui accorda assez difficilement, encore <« qu’elle fust sa bonne scenr. » — Marguerite , comme on le voit , n’a fait aucune mention de cette circonstance. Faut-il croire , avec un de ses biographes, que ce fut dans la crainte de choquer la délicatesse de Henri IV, et de paraître lui reprocher ce service? Quoi qu’on en

cipal dessein, n'en voulant point tant aux huguenots qu'aux princes du sang , portoient impatiemment que le Roy mon mary et le prince de Condé fussent demeurez. Et congnoissant qu'estant mon mary, que nul ne voiidroit attenter contre luy, ils ourdissent une autre trame. Ils vont persuader à la Royne ma mere qu'il me falloit desmarier. En cette resolution estant allée un jour de feste à son lever, que nous debvions faire noz Pasques, elle me prend à serment de luy dire vérité, et me demande si lé Roy mon mary estoit homme, me disant que si cela n'estoit, elle auroit moyen de me desmarier. Je la suppliay de croyre que je ne me cognoissois pas en ce qu’elle me demandoit (aussi pouvois-je dire lors à la vérité comme cette Romaine , à qui son mary se courrouçant de ce qu'elle ne l’avoit adverty qu’il avoit l’haleine mauvaise, luy respondit qu'elle croyoit que tous les hommes l'eussent semblable, ne s'estant jamais approchée d’aultre homme que de luy); mais quoy que ce fust, puis qu’elle m’y avoit mise, j’y voulois demeurer; me doutant bien que ce qu’on vouloit m’en séparer estoit pour luy faire un mauvais tour

Nous accompagnasmes le ruy de Pologne jusques à

pense , on ne saurait admettre l’assertion de ceux qui prétendent que la reine de Navarre sauva son époux, en le cachant sous son vertugadin. Il n’était permis qu’à un poète de dire :

Fameux Tertugadin d’ane cbarmaote Reine,

Ta défends un honneur qui se défend sans peine ;

Mais ta gloire est plus grande en un plus noble emploi ,

Tu lauret un héros en recèlent mon Roi.

Blamont', lequel, quelques mois avant que de partir de France, s’essaya par tous moyens de me faire oublier les mauvais offices de son ingratitude , et de remettre nostre première amitié en la mesme perfection qu’elle avoit esté à nos premiers ans, m’y voulant obliger par serment et promesses en médisant à Dieu. Sa sortie de France , et la maladie du roy Charles , qui commença presque en mesme temps, esveilla les esprits des deux partis de ce royaume , faisans divers projects sur cet estât. Les huguenots ayans à la mort de l’admirai faict obliger, par escript signé, le Roy mon mary et mon frere d’Alençon à la vengeance de cette mort (ayant gaingné avant la saint Barthélémy mondit frere sonbs esperance de l’establiren Flandre), leur persuadant, comme le Roy et la Royne ma mere reviendroient en France, de se desrober passant en Champaigne , pour se joindre à certaines trouppes qui les debvoient venir prendre là, monsieur de Miossans, gentilhomme catholique, qui estoit auprès du Roy mon mary, lequel m’avoit de l’obligation de la vie, ayant advis de cette entreprise, qui estoit pernicieuse au Roy son maistre, m’en advertit pour empescher ce mauvais effet qui eust apporté tant de maux à eux et à cet estât. Soudain j’allay trouver le Roy et la Royne ma mere, et leur dis que j’avois chose à leur communicquer qui leur importoit fort, et que je ne la leur dirais jamais qu’il ne leur pleust me promettre que cela ne porteroit aucun préjudice à ceux que je leur nommerois, et

‘ Bourj; de I.oiTainc, actuellement dopaitement de la Mciirlhe.

qu’ib y remedieroient sans faire semblant de rien sçavoir. Lors je leur dis que mon frere et le Roy mon mary s’en debvoient le lendemain aller rendre à des trouppes de huguenots qui les venoient chercher à cause de l’obligation qu’ils avoient faicte à la mort de l’admirai , qui estoit bien excusable pour leur enfance; et que je les suppliois leur pardonner, et, sans leur en monstrer nulle apparence, les empescherde s’en aller; ce qu’ils m’accorderent , et fust l’alfaire conduite par telle prudence , que sans qu’ils peussent sçavoir d'où leur venoit cet empeschement , ils n’eurent jamais moien d’eschapper.

Cela estant passé, nous arrivasmes à Saint Germain , où nous fismes un grand séjour à cause de la maladie du Roy; durant lequel temps, mon frere d’Alençon employoit toutes sortes de recherches et moyens pour se rendre agréable à moy, afin que je luy vouasse amitié , comme j’avois faict au roy Charles. Car jusques alors , pource qu’il avoit tousjours esté nourry hors de la cour, nous ne nous estions pas gueres veus , et n’avions pas grande familiarité. Enfin m’y voyant conviée par tant de submissions et de subjections et d’affection qu’il me tesmoingnoit, je me résolus de l’aimer, et embrasser ce qui luy concerneroit; mais toutesfois avec telle condition, que ce seroit sans préjudice de ce que je devois au roy Charles, mon bon frere, que j’honnorois sur toutes choses. Il me continua cette bienveillance, me l’ayant tesmoingnée jusques à la fin.

Durant ce temps, la maladie du roy Charles augmeii-

tant touajours, les huguenots ne cessoient jamais de rechercher des nouvelletez , pretendans encor de retirer mon frere le duc d’Alençon et le Roy mon mary de la cour, ce qui ne vint à ma cognoissance comme la première fois. Mais toutesfois Dieu permit que La Mole le descouvrit à la Royne ma mere , si près de l’ellèct, que les trouppes des huguenots dévoient arriver ce jour- là auprès de Saint Germain. Nous fusmes contraints de partir à deux heures apres la minuict, et mettre le roy Charles dans une lictiere pour gaigner Paris ; la Royne ma mere mettant dans son chariot mon frere et le Roy mon mary, qui cette fois là ne furent traictez si doucement que l’autre; car le Roy s’en alla au boys de Vincennes, d’où il ne leur permit plus de sortir. Et le temps augmentant tousjours l’aigreui- de ce mal, produisoit tousjours nouveaux advis au Roy pour accroistre la mesliance et mescontentement qu’il avoit d’eux ; en quoy les artifices de ceux qui avoient tousjours désiré la ruine de nostre maison luy aidoient, que je croy, beaucoup.

Ces meshances passèrent si avant que messieurs les mareschaulx de Montmorancy et de Cossé en furent retenus prisonniers au boys de Vincennes , et La Mole et le comte de Coconas en pâtirent de leur vie'. Les

■ « Dès la fla du mois d’avril (iS74}'-"CoQcon3s, gentilhomme piémontois , et La Molle , gentilhomme provençal , avoient été décapités et mis en quatre quartiers en la place de Grève , et les seigneurs mareschaux de Monmorancy et Cossey, dès le qnatriesme jour de may, mis prisonniers en la Ilastille et arrestés souhs seure garde. •> (Lss- TOUS, Journal de Henri III, juin iSyA-) — Voyez l’histoire de leur

choses en vindrent à tels termes que l’on députa des commissaires de la cour de parlement pour ouïr mon frere et le Boy mon mary, lequel n’ayant lors personne de conseil auprès de luy, me commanda de dresser par escript ce qu’il auroit à respondre, afin que par ce qu’il diroit il ne mist ny luy ny personne en peine. Dieu me fist la grâce de le dresser si bien qu’il en demeura satisfaict, et les commissaires estonnez de le veoir si bien préparé Et voyant que, par la mort de La Mole et du comte de Co* conas, ils se trouvoient chargez en sorte que l’on craignoit de leur vie , je me résolus (eneor que je fusse si bien auprès du roy Charles qu’il n’aimoit rien au monde tant que moy ) , pour leur sauver la vie , de perdre ma fortune ; ayant délibéré , comme je sortois <;t entrois librement en coehe sans que les gardes regardassent dedans, ny que l’on fit oster le masque à mes femmes, d’en desguiser l’un d’eux en femme, et le sortir dans ma coche. Et pource qu’ils ne pouvoient tous deux ensemble à cause qu’ils estoient trop esclairez des gardes, et qu’il suffisoit qu’il y en eust un dehors pour asseurer la vie de l’autre , jamais ils ne se peuvent accorder lequel c’estqui sortiroit, chacun voulant estre celuy-là , et nul ne voulant demeurer; de

conjuration dans les additions aux Mémoires de Castelnau, t. Il, )>. 376, éd. de Le Laboureur.

' Ce document nous a été conservé; il a été publié par Le Laboureur dans les additions aux Mémoires de Castelnau , t. II , p. 3go et »uiv., et réimprimé par Montez, Hist. de Marf’uerite de f'alois. — Noua le donnons 3 la suite des Mémoires . c’est une œuvre de Marguenle, qui de\ait trouver |>lace dans cette édition.

sorte que ce dessein ne se peust executer. Mais Dieu y remédia par un moyen bien misérable pour moy; car il me priva du roy Charles , tout l’appuy et support de ma vie , un frere duquel je n’avois receu que bien , et qui en toutes les persécutions que mon frere d’Anjou me fist à Angers m’avoit tousjours assistée, et advertie, et conseillée. Bref je perdois en luy tout ce que je pouvois perdre.

Apres ce desastre, malheur poiur la France et pour moy, nous aliasmes à Lyon au devant du roy de Pologne , lequel possédé encore par le Guast , rendist de mesmes causes mesmes eHects , et croyant aux advis de ce pernicieux esprit , qu’il avoit laissé en France pour maintenir son party, conceut extreme jalousie contre mon frei'e d’Alençon , ayant pour suspecte et portant impatiemment l’union de luy et du Boy mon mary, estimant que j’en fusse le lien et le seul moyen qui maintenoit leur amitié, et que les plus propres expédients pour les divorcer estoient d’un costé , de me brouiller et mettre en mauvais mesnage avec le Roy mon mary, et d’autre , de faire que madame de Sauve, qu’ils servoient tous deux, les mesnageroit tous deux de telle façon qu’ils entrassent en extreme jalousie l’un de l’autre. Cet abominable dessein, source et origine de tant d’ennuys, de traverses et de maux , que mon frere et moy avons depuis soufferts , fust poursuivy avec autant d’animosité , de ruses et d’artifice qu’il avoit esté pernicieusement inventé.

Quelques-uns tiennent que Dieu a en particu-

liere protection les grands, et qu’aux esprits où il reluit quelque excellence non commune, il leur donne, par des bons genies, quelques secrets adyertissemens des accidens qui leur sont préparez ou en bien ou en mal ; comme à la Royne ma mere , que justement l’on peut mettre de ce nombre , il s’en est veu plusieurs exemples. Mesme la nuict devant la misérable course en lice , elle songea comme elle voyoit le feu Roy mon pere blessé à l’œil, comme il fust; et estant esveillée, elle le supplia plusieurs fois de ne vouloir point courir ce jour, et vouloir se contenter de voir le plaisir du tournoi, sans en vouloir estre. Mais l’inevitable destin ne permit tant de bien à ce royaume qu’il pust recevoir cet utile conseil. Elle n’a aussy jamais perdu aucun de ses enfans qu’elle n’aye veu une fort grande flamme, à laquelle soudain elle s’escrioit : u Dieu garde mes enfans ! » et incontinent apres , elle entendoit la triste nouvelle qui , par ce feu, lui avoit esté augurée. En sa maladie de Metz (où, par une flevre pestilentielle et le charbon, ellefust à l’extremité), qu’elle avoit prise allant visiter les religions de femmes, comme il y en a beaucoup en cette ville-là , lesquelles avoient esté depuis peu infectées de cette contagion; de quoy elle fut garantie miraculeusement. Dieu la redonnant à cet estât, qui en avoit encor tant de besoin, par la diligence de monsieur Castelan son médecin, qui, nouveau Esculape, fit lors une signalée preuve de l’excellence de son art; elle resvant, et estant assistée, autour de son lict, du roy Charles mon frere, et de ma sœur et mon frere de Lorraine, de plusieurs de

messieurs du conseil, et de force dames et princesses, qui, la tenants hors d’esperance, ne l’abandonnoient point, s’escrie, continuant ses resveries, comme si elle eust yeu donner la bataille de Jarnac : « Yoyezyous comme ils fuient ! Mon fils a la yictoire. Hé , mon Dieu ! releyez mon fils ! il est par terre ! Voyez, yoyez, dans cette haye, le prince de Condé mort! »

Tons ceux qui estoient là croyoient qu’elle resyoit , et que, sçachant que mon frere d’Anjou estoit en terme de donner la bataille, elle n’eust que cela en teste. Mais la nnict apres, monsieur de Lusses Iny en apportant la nouyelle comme chose tres-desirée, en quoy il pensoit beaucoup mériter : r Vous estes fascheux, lui dit-elle, de m’ayoir esyeillée pour cela; je le sçayois bien : ne l’ayois*je pas yen deyant hyer? « Lors on recongneust que ce n’ estoit point resyerie de la fieyre, mais un advertissement particulier que Dieu donne aux personnes illustres et rares. L’histoire nous en fournit tant d’exemples aux anciens payens, comme le fantosme de Brutus, et plusieurs autres, que je ne descriray, n’estant mon intention d’omer ces Mémoires, ains seulement narrer la yerité, et les adyancer promptement, afin que plustost yous les recepyiez. De ces divins advertissemens je ne me veux estimer digne; toutesfois, pour ne me taire comme ingrate des grâces que j’ay eues de Dieu , que je doibs et veux confesser toute ma vie, pour lui en rendre grâces , et faire que chacun le loue aux merveilleux eifects de sa puissance, bonté et miséricorde, qu’il iuy

a pieu faire en moy, j’advoueray n’avoir jamais esté ' proche de quelques signalez accidens, ou sinistres on heureux, que je n’en aye eu quelque advertissement, ou en songe ou autrement ; et puis bien dire ce vers ;

De mon bien ou mon mal mon esprit m’est oracle.

Ce que j’esprouvay lors de l’arrivée du roy de Pologne, la Royne ma mere estant allée au devant de luy. Cependant qu’ils s’embrassoient et faisoient les réciproques bien-venues, bien que ce fust en un temps si chaud qu’en la presse où nous estions on s’estouflfoit, il me prist un frisson si grand avec un tremblement si universel, que celuy qui m’aidoit s’en apperceut. J’eus beaucoup de peine à le cacher, quand apres avoir laissé la Royne ma mere, le Roy vint à me saluer. Cet augure me toucha au cœur ; toutesfois il se passa quelques jours sans que le Roy descouvrist la haine et le mauvais dessein que le malicieux Guast luy avoit faict concevoir contre moy, par les rapports qu’il luy avoit faicts, que depuis la mort du Roy j’avois tenu le party de mon frere d’Alençon en son absence, et l’avois faict affectionner au Roy mon mary. Parquoy, espiant tousjoursuue occasion pour parvenir à l’intention predicte de rompre l’amitié de mon frere d’Alençon et du Roy mon mary, en nous mettant en mauvais mesnage le Boy mon mary et moy, et les brouillant tous deux sur le subject de la jalousie de leur commun amour de madame de Sauve, uneapres-disnée, la Royne ma mere estant enti'ée en son cabinet pour faire quelques longues despeches , matlame de Nevers vostre cousine, madame de Raiz aussi

vostre cousine, Bourdeille * , et Surgeres *, me demandèrent si je me voulois aller promener à la ville. Sur cela madamoiselle de Monligny % niepce de madame d’Usez ^ , nous dit que l’abbaye de Saint Pierre estoit une fort belle religion. Nous resolusmes d’y aller. Elle nous pria qu’elle vinst avec nous, parce qu’elle y avoit

' Jeanne de Bonrdeille, fille d’honneur de la Reine, mariée plus tard il Charles d'Ardres, vicomte de Riberac, et, en secondes noces , k Charles d’Espinay, vicomte du Restai.

* Hélène de Fonsèque, CUe du baron de Surgères, aussi fille d’bonnenr de la Reine. Ces deux filles d’honneur, comme toutes celles de la reine Catherine, ne justifiaient guère leur titre, comme l’on sait. Voici un extrait d’un pamphlet satirique, publié en iSSy, sont le titre de Masirxsrx des Dauss oi la coca, et conservé par Lestoile {Journal de Henri III, i58y), qui donnera une idée de leur réputation :

« Lis damoisillis Victsi, Bouioiilli, Souidis, Bisacdx, Suacèii , et tout U reste des filles de la Hoine mère, disent toutes d'une voix t

« Ha , ha , ha , mon Dieu ! que ferons-nous , si tu n’estens ta grande miséricorde sur noos ? Mous crions donc è hante voix que tu nous veuilles pardonner tant de pecchés de la chair commis avec rois, princes, cardinaux, gentilshommes, évesqoes, abbés, prieurs, poètes, et toute autre sorte de gens de tous estats , raestiers , qualités et conditions ; et disons avec monsieur de Villequier : Mon Dieu ! miséricorde, donne-nous la grande miséricorde, et si noos ne pouvons trouver maris , nous nous rendrons aux filles repenties.

a Donné à Charchean , au voiage de Nérac.

. Signe' PÉRICART.

’ Fille de Claude d’Âmoncourt , seigneur de Montigny-sor-Aube , et de Charlotte de Clermont, mariée plus tard è M. Barillon, conseiller d’État. (Castilkau, t. I, p. 3ui.)

' Françoise de Clermont, fille d’Antoine, comte de Clermont, et de Françoise de Poitiers, et femme de Jacques de Crussol, duc d’Dseï

une tante, et que l’entrée n’y est pas libre sinon qu’avec les grandes. Elle y vinst; et comme nous montions en chariot, Liancourt, premier escuyer du Roy et Camille s’y trouvèrent, qui se jetteront sur les portières du chariot, encores qu’il fust tout plein de nous six , et de madame de Curton , ma dame d’honneur, qui alloit tousj ours avec moy , et de Thorigny Eux neantmoins tenant sur les portières comme ils peurent, et gaussans, comme ils estoient d’humeur boulTonne , dirent qu’ils vouloient venir voir ces belles religieuses. La compagnie de madamoiselle de Montigny, qui ne nous estoit aucunement familière, et d’eux deux qui estoient confidens du Roy, fust , que je croy, une providence de Dieu pour me guarantir de la calomnie que l’on me vouloit imputer.

Nous allasmes à cette religion, et mon chariot, qui estoit assez recognoissable pour estre doré, et de velours jaune garny d’argent, nous attendit à la place, entour de laquelle y avoit plusieurs gentilshommes logez. Pendant que nous estions dans Saint Pierre, le Roy ayant seulement avec luy le Roy mon mary, d’O*, et le gros RufTé, s’en allant voir Quelus qui estoit malade, passant par cette place et voyant mon chariot vuide, se tourne vers le Roy mon mary et luy dit : « Voyez, voila le chariot de vostre femme, et voilà le logis de Ridé, » qui estoit lors malade. (Ainsi nommoit-il aussi celuy qui a depuis servy

' Fille d’honnenr de Margnerite.

' François d’O, seigneur de Fresnes, l’an des mignons de Henri III, <]ui fat surintendant des finances et gouvernesir de Paris.

vostre cousine.) «Je gaige, dit-il, qu'elle y est; » et commanda au gros RulTé instrument propre de telle malice, pour estre amy du Guast d’y aller voir; lequel n’y ayant trouvé personne , et ne voulant toutesfois que cette vérité empeschast le dessein du Roy, luy dit tout haut devant le Roy mon mary : « Les oiseaux y ont esté, mais iis n’y sont plus.» Cela suffit assez pour donner subject d’entretenir jusques au logis le Roy mon mary par tout ce qu’il pensoit luy pouvoir donner de la jalousie , pour avoir mauvaise opinion de moy ; mais mon mary tesmoignant en cela la bonté et l’entendement de quoy il s’est tousjours monstré accompagné, détestant en son cœm' cette malice, jugea aisément à quelle fin il le faisoit. Et le Roy se hastant de retourner avant moy pour persuader à la Royne ma mere cette invention, et m’en faire recepvoir un affront, j’arrivay qu’il avoit eu tout loisir de faire ce mauvais effect, et que mesme la Royne ma mere en avoit parlé fort estrangement devant des dames, partie pour creance , partie pour plaire à ce fils qu’elle idolastroit. Moy revenant apres, sans sçavoir rien de tout cecy, j’allay descendre en ma chambre avec toute la troupe susdite qui m’avoit accompagnée à Saint Pierre. J’y trouvay le Roy mon mary, qui soudain qu’il me vist se prist à rire, et me dit : « Allez chez la Royne vostre mere, que je m’asseure que vous en reviendrez bien en colere. » Je luy demanday pourquoy, et ce qu’il y avoit. 11 me dit : « Je ne le vous diray pas, mais suffise

' Philippede VoWire, marquis de RuSec. (Castilsad, t. II, p. 768.)

à TOUS que je n’en crois rien , et que ce sont inventions pour nous brouiller vous et moy , pensant par ce moyen me séparer de l’amitié de monsieur vostre frere. » Voyant que je n’en poiivois tirer autre chose , je m’en vais chez la Royne ma mere. Entrant en la salle je trouvay monsieur de Guise, qui, prévoyant, n’estoit pas marry de la division qu’il voyoit arriver en nostre maison, espérant bien que du vaisseau brisé il en recueilleroit les pièces. Il me dit : « Je vous attendois icy pour vous advertir que le Roy vous a presté une dangereuse charité. » Et me fist tout le discours susdit qu’il avoit appris de d’O , qui estant lors fort amy de vostre cousine, l’avoit dit à monsieur de Guise pour nous en advertir. J’entray en la chambre de la Royne ma mere , où elle n’estoit pas. Je trouvay madame de Nemours, et toutes les autres princesses et dames, qui me dirent : « Mon Dieu, madame, la Royne vostre mere est en si grande colere contre vous ; je ne vous conseille pas de vous présenter devant elle. — Non, ce dis je, si j’avois faict ce que le Roy luy a dit; mais en estant du tout innocente, il faut que je luy parle pour l’en esclaircir. » J’entray dans son cabinet, qui n’estoit fait que d’une cloison de bois, de sorte que l’on pouvoit aisément entendre de la chambre tout ce qui s’y disoit. Soudain qu’elle me voit elle commence à jetter feu, et à dire tout ce qu’une colere oultrée et démesurée peut jetter dehors. Je luy représente la vérité , et que nous estions dix à douze ; et la suppliay de les enquérir, et ne croire pas celles qui m’estoient amies et familières , mais seulement madamoiselle

de Montigny qui ne me hantoit point, et Liancourt et Camille qui ne deppendoient que du Roy. Elle n’a point d’oreille pour la vérité ny pour la raison; elle n’en veut point recepvoir, fust pour estre préoccupée du faulx, ou bien pour complaire à ce fils, que d’affection , de debvoir, d’esperanee et de ci’ainte elle idolastroit , et ne cesse de tanser, crier et menacer. Et luy disant que cette charité m’avoit esté prestée par le Roy, elle se met encor plus en colere, me voulant faire croyre que c’estoit un sien valet de chambre qui passant par là m’y avoit veue. Et voyant que celte couverture estoit grossière , que je la recepvois pour telle, et restois infiniment offensée du Roy, cela la tourmentoit et aigrissoit davantage, ce qui estoit ouy de sa chambre toute pleine de gens.

Sortant de là avec le despit que l’on peut penser d’une telle offense , je trouve eu ma chambre le Roy mon mary, qui me dit : « Et bien , n’avez-vous pas trouvé ce que je vous avois dit ? » Et me voyant si affligée : « Ne vous tourmentez pas de cela , dit-il ; Liancourt et Camille se trouveront au coucher du Roy, qui luy diront le tort qu’il vous a faict, et m’asseure que demain la Royne vostre mere sera bien empeschée à faire les accords. » Je lui dis : « Monsieur, j’ay receu un affront trop public de cette calomnie pour pardonner à ceux qui me font causé; mais toutes les injures ne me sont rien au prix du tort qu’on m’a voulu faire, me voulant procurer un si grand malheur que de me mettre mal avec vous. » 11 me respondit : H U s’y est. Dieu mercy, failly. « Je luy dis : « Ouy,

Dieu mercy et vostre bon naturel ; mais de ce mal si faut-il que nous en tirions un bien. Que cecy nous serve d’advertissement à l’un et à l’aultre pour avoir l’œil ouvert à tous les artifices que le Roy pourra faire pour nous mettre mal ensemble; car il faut croyrc, puis qu’il a ce dessein , qu’il ne s’arrestera pas à cettuy-cy, et ne cessera qu’il n’ayt rompu l’amitié de mon fiere et de vous. » Sur cela , mon frere arriva , et les fis par nouveau serment obliger h la continuation de leur amitié. Mais quel serment peut valoir en amour?

Le lendemain matin , un banquier italien qui estoit serviteur de mon frere, pria mondict frere, le Roy mon mary et moy, et plusieurs aultrcs princesses et dames d’aller disner en un beau jardin qu’il avoit à la ville. Moy, ayant tousjours gardé ce respect à la Royne ma mere, tant que j’ay esté auprès d’elle fille ou mariée, de n’aller en un lieu sans luy en demander congé, je l’allay trouver en la salle, revenant de la messe, pour avoir sa permission pour aller h ce festin. Elle, me faisant un refus public , me dit que j’allasse où je voudi ois, qu’elle ne s’en soucioit pas. Si cet affront fust ressenty d’un courage comme le mien, je le laisse à juger à ceux qui , comme vous , ont congneu mon humeur. Pendant que nous estions à ce festin, le Roy, qui avoit parlé ii Liancourt et Camille, et à madamoiselle de Montigny, congneust l’erreur où la malice du grosRuffél’avoit faict tomber, cl ne se trouvant moins en peine à la rabiller qu’il avoit esté prompt à la recepvoir et à la publier, venant trouver la Royne ma mere luy confessa le vray, cl la pria de rabiller cela en

Digilized by Coogle

quelque façon que je ne Iny demeurasse pas ennemye ; craignant fort, parce qu’il me voyoit avoir de l’entendement , que je ne m’en sçeusse plus à propos revancher qu’il ne m’avoit sçeu offenser. Revenus que nous fusmes du festin , la prophétie du Roy mon mary fust véritable. La Royne ma mere m’envoya quérir en son cabinet de derrière, qui estoit proche de celuy du Roy, où elle me dit qu’elle avoit sçeu la vérité tie tout et que je Iny avois dit vray; qu’il n’estoit rien de tout ce que le valet de chambre qui luy avoit faict ce rapport luy avoit dit ; que c’ estoit un mauvais homme , qu’elle le chasseroit. Et congnoissant à ma mine cpieje ne recepvois pas cette couverture, elle s’efforça par tous moyens de m’oster l’opinion que ce fust le Roy qui m’eust preste cette charité. Et voyant qu’elle n’y advançoitrien, le Roy entra dans le cabinet, qui m’en fist force excuses, disant qu’on le luy avoitfaictaccroire. Et me faisant toutes les satisfactions et démonstrations d’amitié qui se pouvoient faire.

Cela passé, apres avoir demeuré quelque temps à Lyon, nous allasmesen Avignon. ' Le Guast n’osant plus inventer de telles impostures, et voyant que je ne lui donnois aucune prise en mes actions pour, par la jalousie, me mettre mal avec le Roy mon mary, et esbranler l’amitié de mon frere et de luy, il se servit d’une aultre voye , qui estoit de madame de Sauve, la gaingnant tellement qu’elle se gouvernoit du tout par luy, et usant de scs instructions non moins perni-

• I.c mardi i6 de novembre (Listoil*, Journal tie Henri III.)

cieuses que celles de la CeleU\ne\ en peu de temps elle rendit Famour de mon frere et du Roy mon mary, para vaut tiede et lente comme celle de personnes si jeunes, en une telle extrémité (oublians toute ambition, tout devoir, et tout dessein), qu’ils n’avoient plus autre chose en l’esprit que la recherche de cette femme. Et en viennent à une si grande et vehementc jalousie l’un de l’aultre, qu’encor qu’elle fust recherchée de monsieur de Guise , du Guast , de Souvray ’ et plusieurs aultres, qui estoient tous plus aimez d’elle qu’eux, ils ne s’en soucioient pas ; et ne craingnoient CCS deux beaux freres que la recherche de l’un et de l’aultre. Et cette femme , pour mieux jouer son jeu, persuade au Roy mon mary que j’en estois jalouse , et que pour cette cause je tenois le party de mon frere. Nous croyons aisément ce qui nous est dit par personnes que nous aymons. Il prend cette creance, il s’esloigne de moy, et s’en cache plus que de tout aultre, ce que jusques alors il n’avoit faict; car quoi qu’il en eust eu la phantaisie, il m’en avoit tousjours parlé aussi librement qu’à une sœur, cognoissant bien que je n’en estois aucunement jalouse, ne désirant que son contentement. Moy voyant ceque j’avois le plus craint estre advenu, qui estoit l’esloingnement de sa bonne grâce, pour la privation de la franchise de quoy il avoit jusques alors usé avec moy, et que la meshancc

* Tragi-comédie espagnole, traduite en italien, et de l’italien en français. — Paris, par Nie. Cousteau. iSa^, ia-8° goth.

* Gilles de Souvré, marquis de Courtenvaux, favori de Henri III et grand-maître de la garde-robe.

(jui prive de la familiarilc est le principe de la haine , soit entre paren.s ou amis, et congnoissant d’ailleurs que si je pouvois divertir mon frere de l’afTection de madame de Sauve, j’osterois le fondement de l’artifice que le Guast avoit fabriqué à nostre division et ruine susdite à l’endroit de mon frere, j’usai de tous les moyens que je peus pour l’en tirer, ce qui eust servy à tout aultre, qui n’eust eu l’ame fascinée par l’amour et la ruse de si fines personnes.

Mon fi'ere , qui en toute chose ne croyoit rien que moy, ne peust jamais se regaigner soy-mesme pour son salut et le mien, tant forts estoient les charmes de cette Circé, aidez de ce diabolique esprit du Guast; de façon qu’au lieu de tirer profit de mes paroles , il les l'edisoit toutes à cette femme. Que peut-on celer à ce que l’on aime? Elle s’en animoit contre moy, et servoit avec plus d’affection au dessein du Guast, et pour s’en venger disposoit tousjours davantage le Roy mon mary à me hayr et s’estranger de moy ; de sorte qu’il ne me parloit presque plus. 11 reveuoit de chez elle fort tard, et pour l’empescher de me veoir elle luy commandoit de se trouver au lever de la Royne, où elle estoit subjecte d’aller, et apres tout le jour il ne bougeoit plus d’avec elle, Mon frere ne rapportoit moins de soin à la rechercher, elle leur faisant accroire à tous deux qulls estoient unicquemeiit aimez d’elle. Ce qui n’advançoit moins leur jalousie et leur division que ma ruine.

Nous fismes un long séjour en Avignon , et un grand tour pr la Bourgongne et la Champigne pour aller .à Rheims aux nopces du Roy, et de là venir à Paris, où

les choses se comportèrent tousjours de cette façon. La trame du Guast alloit par ces moyens tousjours s’advançant à nostre division et ruine. Estans à Paris, mon frere approcha de luy Bussy , en faisant autant d’estime que sa valeur le meritoit. 11 estoit tousjours auprès de mon frere, et par conséquent avec moy, mon frere et moy estans presque tousjours ensemble, et ordonnant à tous ses serviteurs de ne m’honnorer et rechercher moins que luy. Tous les honnestes gens de sa suite accomplissoient cet agréable commandement avec tant de subjection , qu’ils ne me rendoient moins de service qu’à luy. Vostre tante voyant cela, m’a souvent dit que cette belle union de mon frere et de moy luy faisoit ressouvenir du temps de monsieur d’Orleans mon oncle et de madame de Savoye ma tante.

Le Guast, qui estoit un potiron ‘ de ce temps , y donnant interprétation contraire, pense que la fortune luy offroit un beau moyen pour se haster à plus viste pas d’arriver au but de son dessein , et par le moyen de madame de Sauve s’estant introduit eh la bonne grâce du Roy mon mary, tasclie par toute voye lui persuader que Bussy me servoit*. Et voyant qu’il n’y advançoit rien , estant assez adverty par ses gens , qui estoient tousjours avec moy, de mes deportemens qui netendoientà rien de semblable, il s’adressa au Roy, qu’il trouva plus facile à persuader, tant pour le peu de bien qu’il vouloit à mon frere et à moy, nostre amitié luy estant suspecte et odieuse, que pour la

' Sic diDS tous les manuscrits.

' Eu quoi te Guast disait vrai , comme l'ou sait.

haine qu’il avoit à Bussy, qui l’ayant aiitresfois suivy, l’avoit quicté pour se dedier à mon frere. Acquisition qui accroissoit autant la gloire de mon IVere que l’envie de nos ennemys, pour n’y avoir en ce siecle-là de son sexe et de sa qualité rien de semblable en valeur, réputation , grâce , et esprit. En quoy quelques-uns disoient que s’il falloit croyre la transmutation des âmes, comme quelques philosophes ont tenu, que sans doubte celle de Hardelay voslre brave frere animoit le corps de Bussy. Le Roy imbu de cela par le Guast , en parle à la Royne ma mere , la conviant à en parler au Roy mon mary, et taschant de la mettre aux mesmes aigreurs qu’il l’avoit mise à Lyon. Mais elle, voyant le peu d’apparence qu’il y avoit, l’en rejecta, luy disant : k Je ne sçay qui sont les brouillons qui vous mettent telles opinions en la phantaisie. Ma fille est malheureuse d’eslre venue en un tel siecle. De nostre temps, nous parlions librement à tout le monde , et tous les honnestes gens qui suivoient le Roy vostre pere, monsieur le dauphin, et monsieur d’Orléans vos oncles , estoient d’ordinaire à la chambre de madame Marguerite vostre tante et demoy; pei'sonne ne le trouvoit estrange, comme aussi n’y avoit-il pas de quoy. Bussy voit ma fille devant vous, devant son mary , devant tous les gens de son mary en sa chambre, et devant tout le monde; ce n’est pas à cachette , ny à porte fermée. Bussy est personne de qualité , et le premier auprès de vostre frere. Qu’y a-

* Jean de tioiirdeille, frère de llranlome

t-il à penser? En sçavez vous aultre chose? Par une calomnie, à Lyon, vous me luy avez faict faire un affront Ires-grand , duquel je a'ains bien qu’elle ne s’en ressente toute sa vie ' . » Le Roy demeurant estonné luy dit: «Madame, je n’en parle qu’apreslesaultres ». Elle respondit : « Qui sont ces aultres, mon fils? ce sont gens qui vous veulent mettre mal avec tous les vostres ». Le Roy s’en estant allé, elle me raconte le tout, et me dit :

«Vous estes née d’un misérable temps ». Et appellant vostre tante madame de Dampierre , elle se mit à discourir avec elle de l’honneste liberté et des plaisirs qu’ils avoient en ce temps-là, sans estre subjects comme nous à la mesdisance.

Le Guast voyant que sa mine esloit esventée, et qu’elle n’avoit pris feu de ce costé comme il desiroit, »

s’addresse à certains gentils-hommes qui suivoient lors le Roy mon mary, qui jusques alors avoient esté compagnons de Bussy en qualités et en charges, lesquels en particulier avoient quelque haine contre luy pour la jalousie que leur apportoit son advancemcnt et sa gloire. Ceux-cy joingnants à cette envieuse haine un zele inconsidéré au service de leur maistre , ou pour mieux dire couvrons leur envie de ce prétexté, se résolurent un soir, sortant tard du coucher de son maistre pour se retirer en son logis, de l’assassiner. Et comme les honnestes gens qui estoient auprès de mon frere avoient accoustumé de l’accompagner, ils sçavoient qu’ils ne le trouveroient avec moins de quinze ou vingt

• Voyez plus haut, p. 47

Lonnestes hommes, et que bien que pour la blessure qu’il avoit au bras droict, depuis peu de jours qu’il s’estoit battu contre Saint Phale', il ne porlast point d’espëe, que sa presence serait sufiisantc pour redoubler le courage à ceux qui estoient avec luy. Ce que redoub> tans , et voulans faire leur entreprise asseurée, ils résolurent de l’attaquer avec deux ou trois cens hommes’, le voile de la nuict couvrant la honte d’un tel assassinat.

Le Guast, qui commandoit au régiment des gardes, leur fournit des soldats , et se meltans en cinq ou six trouppes en la plus prochaine rue de son logis où il falloit qu’il passast, le chargent, esteignans les torches et ilambeaux. Apres une salve d’arquebusades et pistoletades qui eust suffi, non à attaquer une trouppe de quinze ou vingt hommes , mais à desfaire un régiment, ils viennent aux mains avec sa trouppe , taschans tousjours dans l’obscurité de la nuict à le remarquer pour ne le faillir, et le cognoissans k une escharpe colorabine où il portoit son bras droit blessé , bien k propos pour eux, qui en eussent senly la force; qui furent toutesfoisbien soustenus de ceste petite U'oupped’hon* nestcs gens qui estoient avec luy, k qui l’inopinée rencontre ny l’horreur de la nuict n’osta le cœur ny le jugement; mais faisans autant de preuve de leur valeur que de l’alTection qu’ils avoient k leur amy, à

' Georges de Vaudray, seigneur de Saiut-Phal. ( Voyei Castsimad, t. II, p. 533.)

’ Voycr. le récit de ce combat dans Brantôme, Hommes illustres ^ éloge de Bussy.

force d’armes le passèrent jusques à son lo^ris , sans perdre aucun de leur trouppe , qu’un gentil-homme qui avoit esté nourry avec luy, qui ayant esté blessé par avant à un bras portoit une escharpe colombine comme luy, mais toutesfois bien differente pour n’estre enrichie comme celle de son maistre. Toutesfois en l’obscurité de la nuict, ou le transport ou l’animosité de ces assassins, qui avoient le mot de donner tous à l’escharpe colombine, fist que toute la trouppe se jetta sur ce pauvre gentil-homme, pensa ut que ce fust Bussy, et le laissèrent pour mort en la rue.

Un gentil-homme italien qui estoit à mon frere y estant blessé de premier abord, fefli'oy l’ayant pris, s’en recourt tout sanglant dans le Louvre , et jusques à la chambre de mon fi’ere qui estoit couché, criant <[ue l’on assassinoit Bussy. Mon frere soudain y voulust aller. De bonne fortune je n’estois point encore couchée, et estois logée si près de mon frere, que j’ouis cet homme effroié crier par les degrez cette espouvantable nouvelle. Aussy-tost que luy soudain je cours en sa chambre pour l’empescher de sortir, et envoyay supplier la Royne ma mere d’y venir pour le retenir, voyant bien que dans toutes autres occasions il me deferoit beaucoup, mais que la juste douleur qu’il sentoit l’emportoit tellement hors de luy-mesme, que sans considération il se fust précipité .à tous dangers pour couiTe à la vengeance. Nous le retenons à toute peine, la Royne ma mere luy représentant ([u’il n’y avoit nulle apparence de sortir seul comme il estoit pendant la nuict, que l’obscurité couvre toute

meschanoeté ; que le Guast estoit assez mescbant d’avoir faict cette partie expressément pour le faire sortir mal à propos , afin de le faire tomber en quelque accident. Au desespoir qu’il estoit, ces parolles eussent eu peu de force ; mais elle y usant de son autiiorité l’arresta , et commanda aux portes qu’on ne le laissast sortir, prenant la peine de demem-er avec luy jusques à ce qu’il sçeust la vérité de tout. Bussy, que Dieu avoit guaranty miraculeusement de ce danger, ne s’estant troublé pour cet hazard , son ame n’eslant pas susceptible de la peur, estant nay pour estre la terreur de ses ennemys, la gloire de son maistre, et l’esperance de ses amys, entré qu’il fust en son logis, soudain il se souvint de la peine en quoy seroit son maistre si la nouvelle de ce rencontre estoit portée jusques à luy incerlainement, et craingnant que cela l’eust fait jetter dans les filets de ses ennemis, (comme sans double il eust faict si la Royne ma mere ne l’en eustempesché), envoya soudain un des siens qui apporta la nouvelle à mon frere de la vérité de tout. Et le Jour estant venu, Bussy, sans crainte de ses ennemys, revient dans le Louvre avec la façon aussi brave et aussi joyeuse que si cet attentat luy eust esté un tournois pour plaisir. Mon frere, aussi aise de le revoir que plein de despi t et tic vengeance, tesmoingne assez comme il ressent l’offense qui luy a esté faicte, de l’avoir voulu priver du plus brave et plus digne serviteur que prince de sa qualité eust jamais, cognoissant bien que du Guast s’attacquoit à Bussy pour ne s’oser prendre de premier aborda luy-mesme.

La Royne ma mere, la plus prudente et 'advisëe princesse qui ait jamais esté, cognoissant de quel poids estoient tels effects, etprevoyantqu’ils pourroientenGn mettre ses deux enfans mal ensemble, conseilla mon frereque pour lever tel pretexte il fist quepour un temps Bussy s’esloingnast de la cour. A quoy mon frere consentit par la priere que je luy en feis, voyant bien que s’il demeuroit , le Guast le mettroit tousjours en jeu , et le feroit servir de couverture à son pernicieux dessein, qui estoit de maintenir mon frere et le Roy mon mary mal ensemble, comme il les y avoit mis par les artifices susdicts. Bussy qui n’avoit aultre volonté que celle de son maistre, partist accompagné de la plus brave noblesse qui fust à la cour, qui suivoit mon frere. Ce subject estant osté au Guast, et voyant que le Roy mon mary ayant eu en ce mesme temps , en une nuict, une fort grande foiblesse, en laquelle il demeura esvanouy l’espace d’une heure (qui luy venoit, comme je crois, d’excez qu’il avoit faicts avec les femmes ; car je ne l’y avois jamais veu subject) en laquelle je l’avois servy et assisté comme le debvoir me le coramandoit ; de quoy il restoit si content de moy qu’il s’en louoit à tout le monde , disant que sans que je m’eu estois apperceue, et avois soudain couru à le secourir, et appeller mes femmes et ses gens, qu’il estoit mort; qu’à ceste cause il m’en faisoit beaucoup meilleure chere, et que depuis l’amitié de luy et de mon frere commençoit à se renouer, estimant tousjours que j’en estois la cause, et que je leur estois (comme l’on voit en toutes choses natui’elles, mais plus apparemment aux scrpens cou-

LJ575] DE MARGUERITE DE VALOIS. fil

pez) un certain baulme naturel qui reunit et rejoinct les parties séparées ; poursuivant tousjours la poincte de son premier et pernicieux dessein , et recherchant de fabriquer tpielque nouvelle invention pour nous rebrouiller le Roy mon mary et moy, met à la teste du Roy, qui depuis peu de jours avoit osté, par le mesme artifice du Guast, à la Royne sa sacrée princesse, très -vertueuse et bonne, une fille qu’elle aymoit fort, et qui avoit esté nourrye avec elle, nommée Changy, qu’il debvoit faire que le Roy mon mary m’en feist de mesme, m’ostant celle que j’aymois le plus, nommée Thorigny ', sans en amener aultre raison , sinon qu’il ne falloit point laisser à des jeunes princesses des filles en qui elles eussent si particulière amitié.

Le Roy, persuadé de ce mauvais homme , en parle plusieurs fois à mon mary , qui luy respond qu’il sçavoit bien qu’il me feroit un cruel desplaisir; que si j’aimois Thorigny, j’en avois occasion; qu’oultre ce qu’elle avoit esté nourrie avec la royne d’Espaigne ma sœur, et avec moy depuis mon enfance , qu’elle avoit beaucoup d’entendement, et que mesme elle l’avoit fort servy en sa captivité du bois de Yincennes ; qu’il seroit ingrat s’il ne s’en ressouvenoit , et qu’il avoit aultresfois veu que sa majesté en faisoit grand estât. Plusieurs fois il s’en deffendit de cette façon; mais enfin le Guast persistant tousjours à pousser le Roy,

' Gillone Goyon, tille de Jacques, sire de Matignon, maréchal de France, depuis mariée à Pierre de Harcourt, seigneur de Beuvron.

et jusques à luy faire dire au Roy mon mary qu’il ne l’aimeroit jamais si dans le lendemain il ne m’avoit oslë Thorigny, il fust contraint à son grand regret , comme depuis il me l’a advoué, m’en prier et me le commander. Ce qui me fust si aigre, que je ne me peus empescher luy tesmoingner par mes larmes combien j’en recepvois de desplaisir, luy remonsti-anl que ce qui m’en aflligeoit le plus n’estoit point l’esloignement de la presence d’une personne qui , depuis mon enfance, s’estoit tousjours rendue subjecte et utile auprès de moy; mais que chacun sçaehant comme je l’aimois, je n’ignorois pas combien son partementsi précipité porterait de préjudice à ma réputation.

Ne pouvant recepvoir ces raisons, pour la promesse ({u’il avoit faicte au Roy de me faire ce desplaisir, elle partist le jour mesme, se retirant chez un sien cousin, nommé monsieur Ghastelas. Je restay si offensée de cette indignité à la suite de tant d’aultres, que ne pouvant plus résister à la juste douleur que je ressentois, qui bannissant toute prudence de moy m'abandonnoit à l’ennuy, je ne me peus plus forcer à rechercher le Roy mon mary. De sorte que le Guast et madame de Sauve d’un costé l’estrangeant de moy, et moy m’esloignant aussi , nous ne couchions plus ni ne parlions plus ensemble.

Quelques jours apres , quelques bons serviteurs du Roy mon mary luy ayans faict congnoistre l’artifice par le moyen duquel on le menoil h sa ruine, le mettant mal avec mon frère et moy, pour le séparer de ceux de qui il debvoit esperer le plus d’appuy, pour apres le

laisser là , et ne tenir compte de luy, comme le Roy commençoit à n'en faire pas grand estât et h le mespriser, ils le feirent parler à mon frere, qui, depuis le parlement de Bussy, n’avoit pas amendé sa condition (car le Gnast tousjours luy faisoit recepvoir quelques nouvelles indignitez) , et cognoissant qu’ils estoieiit tous deux en mesme predicament à la cour, aussi desfavorisez l’un que l’autre ; que le Guast seul gouvernoit le monde; qu’il falloit qu’ils mendiassent de luy ce qu’ils vouloient obtenir auprès du Roy; que s’ils demandoient quelque chose, ils estoient refusez avec mespris; que si quelqu’un se rendoit leur serviteur, il estoit aussitost ruiné, et attaqué de mille querelles que l’on luy suscitoit; ils se résolurent , voyant que leur division estoit leur ruine, de se reunir, et se retirer de la cour, pour, ayant ensemble leurs serviteurs et amis, demander au Boy une condition et un traittement digne de leur qualité; mon frere n’ayant eu jusques alors son appennage, et s’entretenant seulement de certaines pensions mal assignées, qui venoient seulement quand il plaisoit au Guast; et le Roy mon mary ne jouissant nullement de son gouvernement de Guyenne, ne luy estant permis d’y aller, ny en aucunes de ses terres.

Cette resolution estant prise entr’eux, mon frere m’en parla, me disant qu’à celte heure ils estoient bien ensemble, et qu’il desiroit que nous fussions bien le Roy mon mary et moy, et qu’il me prioit d’oublier tout ce qui s’estoit passé; que le Roy mon mary luy avoit dit qu’il en avoit un exlresme regret, et qu’il

cognoissoil bien que nos ennemys avoient esté plus fins que nous; mais qu’il sc resolvoit de m’aimer, et de me donner plus de contentement de luy. 11 me prioit aussi, de mon costé, de l’aimer, et de l’assister en ses afiàires en son absence. Ayant pris resolution tous deux ensemble que mon frere partiroit le premier, se desrobant dans un carrosse comme il pourroit , et qu’à quelques jours de là le Roy mon mary, feignant d’aller à la chasse, le suivroit (regrettans beaucoup qu’ils ne me peussent emmener avec eux , toutesfois s’asseurans qu’on ne m’oseroit faire desplaisir, les sçachans dehors; aussi qu’ils feroient bientost paroistre que leur intention n’estoit point de troubler la France , mais seulement de s’establir une condition digne de leur qualité, et se mettre en seureté; car, parmy ces traverses, ils n’estoient pas sans crainte de leur vie, fust ou que véritablement ils fussent en danger, ou que ceux qui desiroient la division et ruine de nostre maison , pour s’en prévaloir, leur fissent donner des alarmes par les continuels advertissemens qu’ils en recepvoient) , le soir venu , peu avant le soupper du Roy, mon frere changeant de manteau, et le mettant autour du nez, sort seulement suivy d’un des siens, qui n’estoit pas recongneu , et s’en va à pied juscpies à la porte de Saint-Honnoré, où il trouve Simié ‘ avec le carrosse d’une dame , qu’il avoit emprunté pour cet effect, dans lequel il se mit, et va jusques à quelques maisons à un quart de lieue de Paris , où il trouva des

■ Jean de Seymer, maître de la garde-robe do duc d’Alençon, (Ahiiliis, VII, 4^0

chevaux qui l’atteiidoient, sur lesquels montant, à quelques lieues de là il trouva deux ou trois cens chevaulxde ses serviteurs qui l’attendoicntau rendez-vous qu'il leur avoit donné.

L’on ne s’apperçoit point de son partement qüe sur les neuf heures du soir. Le Roy et la Royne ma mere me demandèrent pourquoy il n’avoit point souppé avec eux, et s’il estoit malade. Je leur dis que je ne l'avois point veu depuis l’apres-disnée. Us envoyèrent en sa chambre voir ce qu’il faisoit; on leur vinst dire qu’il n’y estoit pas. Ils disent qu’on le cherche par toutes les chambres des dames, où il avoit accoustumé d’aller. On cherche par le chasteau , on cherche par la ville; on ne le trouve point. A cette heure l’allarme s’eschauife; le Roy se met en colere, se courrouce, menace, envoyé quérir tous les princes et seigneurs de la cour, leur commande de monter à cheval , et le luy ramener vif ou mort, disant qu’il s’en va troubler son estât pour luy faire la guerre, et qu’il luy fera congnoistre la folie qu’il faisoit de s’attaquer à un Roy si puissant que luy. Plusieurs de ces princes et seigneurs refusent cette commission, remonstrans au Roy de quelle importance elle estoit ; qu’ils voudroient mettre leur vie en ce qui seroit du service du Roy, comme ils sçavoient estrede leur debvoir; mais d’aller contre monsieur son frere, ils sçavoient bien que le Roy leur en sçauroit un jour mauvais gré; et qu’il s’asseurast que mon frere n’entreprendroit rien qui peust desplaire à sa majesté, ny qui peust nuire à son estât; que peut-estre c’estoit un mescontentement

qui Tavoit convié à s’esloigner de la cour; qu’il leur sembloit que le Roy debvoit envoyer devers luy, pour s’informer de l’occasion qui l’avoit meu à partir, avant que prendre resolution h toute rigueui* comme celle-cy . Quelques aultres acceptèrent, et se préparèrent pour monter à cheval. Ils ne peurent faire telle diligence qu’ils peussent partir plustost que sur le poinct du jour, qui fut cause qu’ils ne trouvèrent point mon frere, et furent contraincts de revenir pour n’estre pas en esquipage de guerre.

Le Roy, pour ce départ, ne monstra pas meilleur visage au Roy mon mary; mais, en faisant aussi peu d’estatqu’à l’accoustumée, le tenoit tousjours de mesme façon; ce qui le conGrmoit en la resolution qu’il avoit prise avec mon frere ; de sorte que peu de jours apres il partit, feingnant d’aller h la chasse. Moy, le lendemain du departement de mon frere, les pleurs qui m’avoient accompagnée toute la nuict m’esmeurent un si grand rheume sur la moitié du visage , que j’en fus , avec une grosse fievre, arrestée dans le lict pour quelques jours, fort malade et avec beaucoup de douleurs. Durant laquelle maladie le Roy mon mary, ou qu’il fust occupé à disposer de son parlement, ou qu’ayant, à laisser bientost la cour, il voulust donner ce peu de temps qu’il avoit à y estre, a la seule volupté de jouir de la presence de sa maislresse madame de Sauve, ne peust avoir le loisir de me venir voir en ma chambre; et revenant pour se retii’er à l’accoustumée à une ou deux heures apres minuict, couchans en deux licls comme nous faisions tousjours, je ne l’entendois poinct

venir ; et se levant avant que je fusse esveillée pour se trouver, comme j’ay dict cy-devant, au lever de madame ma mere, où madame de Sauve alloit, il ne se souvenoit point de parler à moy, comme il avoit promis à mon frere , et partit de cette façon sans me dire à Dieu.

Je ne laissay pas de demeurer soupçonnée du Roy que j’estois la seule cause de ce partement , et jettant feu contre moy, s'il n’eust esté retenu de la Royne ma mcre, sa colere, je crois, luy eust faict executer contre ma vie quelque cruauté. Mais estant retenu par elle, et n’osant faire pis, soudain il dit à la Royne ma mere que, pour le moins, il me falloit bailler des gardes , pour empescher que je ne suivisse le Roy mon mary, et aussi pour engarder que personne ne communiquast avec moy, afin que je ne les advertisse de ce qui se passoit à la cour. La Royne ma mere , voulant faire toutes choses avec douceur, luy dict qu’elle le trouveroit bon ainsy (estant bien aise d’avoir peu rabattre jusques là la violence du pi*emier mouvement de sa colere) , mais qu’elle me viendroit trouver pour me disposer à ne trouver si rude ce traictement-là ; que ces aigreurs ne demeureroient tousjours en ces termes ; que toutes les choses du monde avoient deux faces; que cette première, qui estoit triste et affreuse, estant tournée, quand nous viendrions à voir la seconde , plus agréable et plus tranquille , à nouveaux événements on prendrait nouveau conseil; que lors peut-estre on aurait besoin de se servir de moy; que comme la prudence conseilloit de vivre avec ses amys

comme debvans un joùrestre ses ennemys, pour ne leur confier rien de trop, qu'aussy l’amitié venant à se' rompre, et pouvant nuire, elle ordonnoit d’user de ses ennemys comme pou vans eslrc un joiu’ amys.' Ces remonstrances empescherent bien le Roy de me faire à moy ce qu’il eust bien voulu; mais le Guast, luy donnant invention de descliarger ailleurs sa colere, fist que soudain ,’ pour me faire lé plus cruel desplaisir qui se pouvoit imaginer, il envoya des gens à la maison de Chastellas , cousin de Thorigny, pour, souhs ombre de la prendre pour l’amener au Roy, la noyer en une riviere qui estoit près de là. Eux arrivez, Ghastelas les laisse librement entrer dans la maison, ne se doubtant de rien. Eux soudain se voyans dedans les plus forts, usans avec autant d’indiscrétion que d’imprudence de la ruineuse charge qui leur avoit esté donnée, prennent Thorigny, la lient, l’enferment dans une chambre , attendans de partir que leurs chevaulx eussent repeu ; cependant usans à la françoise sans se garder de rien, se gorgeans jusques au crever de tout ce qui estoit de meilleur en cette maison, Chastellas, qui estoit homme advisé, n’estant pas marry qu’aux despens de son bien on peust gaingner ce temps pour retarder le partement de sa cousine, espérant que qui a temps a vie , et que Dieu peut-estre changeroit le cœur du Roy, qui contremanderoit ces gens icy pour ne me vouloir si aigrement offenser, et n’osant ledict Chastellas entreprendre par aultre voye de les empescher, bien qu’il avoit des amys assez pour le faire.

[1576] DE MARGUER1TE.de VALOIS.

Mais Dieu , qui a tousjours regardé mon idlliction , * pour me garantir du danger et desplaisir que mes ennemys me pourchassoient , plus h propos que moymesme ne l’en eusse peu requérir, quand j’eusse sçeu cette entreprise que j’ignorois, prépara un inespéré secours pour délivrer TLorigny des mains de ces scélérats, qui fut tel que, quelques valets et chambrières s’en estans fuis, pour la crainte de ces satellites, qui battoient et frappoient là dedans comme en maison de pillage, estans à un quart de lieue de la maison, Dieu guida par là La Ferté et Âvantigny ', avec leurs trouppes , qui estoient bien deux cens chevaulx , qui s’en alloient joindre à l’armée de mon frere, et feist que La Ferté recongneust parmy cette trouppe de païsans un homme espleuré, qui estoit à Chastellas, et luy demande ce qu’il avoit, s’il y avoit là quelques gens d’armes qui leur eussent faict quelque tort. Le valet luy respond que non, et que la cause qui les rendoitainsy tourmentez estoit l’extremité en quoy il avoit laissé son maistre, pour la prise de sa cousine. Soudain La Ferté et Avantigny se résolurent de me faire ce bon office de délivrer Thorigny, louans Dieu de leur avoir offert une si belle occasion de me pouvoir tcsmoingner l’affection qu’ils m’avoient toujours eue; ethastans le pas, eux et toutes leurs trouppes, arrivent si à propos à la maison dudit Chastellas, qu’ils trouvent ces scélérats sur le poinct qu'ils vouloient mettre Thorigny sur un cheval pour l’emmener noier, en-

' Tous deux chambellans du duc d’Aleiujon. ( Mémoires du duc de Nevers, t. I, p- et 578. Paris, i665 )

irent tous à cheval, i'espée au poing, dans la court, crians : u Arrestez-vous, bourreaux ! si vous lui faictes mal, vous estes morts! » et commençans à les charger, eux à fuir, ils laissèrent leur prisonnière aussi transportée de joye que transie de fraieur; et apres avoir rendu grâces à Dieu et à eux d*un si salutaire et necessaire secours, faisant apprester le chariot de sa cousine de Ghastellas, elle s’en va avec sondit cousin, accompagnée de l’escorte de ces honnestes gens , trouver mon frere qui fust tres-aise, ne me pouvant avoir auprès de luy, d’y avoir personne que j’aimasse comme elle. Elle y fust, tant que le danger dura, traictée et respectée comme si elle eust esté auprès de moy.

Pendant que le Roy faisoit cette belle despesche pour faire sacrifier Thorigny à son ire, la Royne ma mere, qui n’en sçavoit rien, m’estoit venue trouver en ma chambre que Je m’habillois encore, faisant estât, bien que je fusse encor mal de mon rheume, mais plus malade en l’ame qu’au corps de l’ennuy qui me possedoit, de sortir ce jour-là de ma chambre, pour voir un peu le cours du monde sur ces nouveaux accidens, estant tousjours en peine de ce qu’on enlreprendroit contre mon freine et le Roy mon mary. Elle me dit ; « Ma fille, vous n’avez que faire de vous haster de vous habiller. Ne vous faschez point , je vous prie, de ce que j’ay à vous dire. Vous avez de l’entendement. Je m’asseure que ne trouverez point estrange que le Roy se sente offensé contre vostre frere et vostre mary, et que, sçachant l’amitié qui est entre vous, il croit que vous sçachiez leur parlement, et est re-

[1575] DE MARGUERITE DE VALOIS, solu de TOUS tenir pour ostage de leurs deporlcuients. 11 sçait combien vostre mari vous aime, et ne peut avoir un meilleur gage de luy que vous. Pour celte cause il a commandé que l’on vous mist des gardes, pour empescher que vous ne sortiez de vostre chambre. Aussy que ceux de son conseil luy ont représenté que si vous estiez libre parmy nous, vous descouvririez tout ce qui se delibereroit contre vostre frere et vostre mary, et les en advertiriez. Je vous prie ne le trouver mauvais: cecy, si Dieu plaist, ne durera gueres. Ne vous faschez point aussy si je n ose si souvent vous venir voir, car je craindrois d’en donner soubçon au Roy; mais asseurez-Tous que je ne permettray point qu’il vous soit faict aucun desplaisir, et que je feray tout ce que je pourray pour mettre la paix entre vos freres. » Je luy representay combien estoit gi'ande l’indignité qu’on me faisoit en cela. Je ne voulois pas desadvouer que mon frere m’avoit tousjours librement communiqué tous ses justes mescontentements; mais pour le Roy mon mary, depuis qu’il m’avoit osté Thorigny, nous n’avions point parlé ensemble; que mesme il ne m’avoit point veue en ma maladie, et ne m’avoit poinct dict à Dieu. Elle me respond : « Ce sont petites querelles de mary à femme; mais on sçait bien qu’avec douces lettres il vous regaignera le cœur, et que, s’il vous mande l’aller trouver, vous y irez, ce que le Roy mon fils ne veult pas. »

Elle s’en retournant, je demeure en cet estât quelques mois , sans que personne , ny mesme mes plus privez amis, m’osassent venir voir, craingnants de se

ruiner. A la cour, l'adversité est tousjours seule, comme la prospérité est accompaignée ; et la persecu* lion est la coupelle des vrais et entiers amys. Le seul brave Grillon ' est celuy qui , mesprisant toutes deffenses et toutes desfaveurs, vinst cinq ou six fois en ma chambre, estounant tellement de crainte les cerbères que l’on avoit mis à ma porte , qu’ils n’oserent jamais le dire , ny lui refuser le passage.

Durant ce temps- là , le Roy mon mary estant arrivé en son gouvernement, et ayant joinct ses serviteurs et amys, chacun luy remonstra le tort qu’il avoit d’estre party sans me dire à Dieu , luy représentant que j’avois de l’entendement pour le pouvoir servir, et qu’il falloit qu’il me regainguast; qu’il retireroit beaucoup d’utilité de mon amitié et de ma presence lors que , les choses estant paciüées, il me pourrait avoir auprès de luy. Il fust aisé à persuader en cela , estant esloingné de sa Circé , madame de Sauve. Ses charmes ayans perdu par l’absence leur force (ce qui luy rendoit sa raison pour recognoistre clairement les artifices de nos ennemys, et que la division qu’ils avoient trouvée entre nous ne luy procurait moins de ruine qu'à moy), il m’escrivist une tres-honneste lettre, où il me prioit d’oublier tout ce qui s’estoit passé entre nous, et croire qu’il me vouloit aimer, et me le faire paroistre plus qu’il n’avoit jamais faict; me commandant aussy le tenir adverty de l’estât des affaires qui se passoient où j’estois, de mon estât et de celuy de

■ C’est le faïueus Lmiis de Herlon de ('rillon, qui n'e’tnil /la f à la bataille d’Aiques.

mon frere; car ils estoient esloignez, bien qu’unis d’intelligence, mon frere estant vers la Ghampaigne, et le Roy mon mary en Gascongne. Je reçeus cette lettre estant encore captive, qui m’apporta beaucoup de consolation et soulagement, et ne manquay depuis, (bjen que les gardes eussent charge de ne me laisser escrire), aydée de la nécessité, mere de l’invention, de^luy faire souvent tenir de mes lettres.

Quelques jours apres que je fus arrestée , mon frere sçcut ma captivité, qui l’aigrist tellement, que s’il ii’eust eu l’affection de sa patrie dans le cœur auUant enracinée comme il avoit de part et d’interest à cet estât, il eust faict une si cruelle guerre (comme if en avoit le moien, ayant lors une belle armée), que le peuple eust porté la peine des effecls de leur prince; mais retenu pour le debvoir de cette naturelle afTection , il escrivit h la Roy ne ma mere que si l’on me traictoit ainsy, que l’on le mettroit au dernier desespoir. Elle, craingnant de voir venir les aigreurs de celte guerre à cette extrémité qu’elle n’eust le moyen de la pacifier, reraonstre au Roy de quelle importance cette guerre luy estoit, et le trouve disposé à recepvoir ses raisons, son ire estant modérée par la congnoissance du péril où il se voyoit, estant attaqué en Gascongne, Dauphiné, Languedoc, Poictou, et du Roy mon mary et des huguenots, qui tenoient plusieurs belles places, et de mon frere en Ghampaigne, qui avoit une grosse armée, composée de la plus brave et gaillarde noblesse qui fust en France; et n’ayant peu, depuis le despart de mon frere, par

pricres, commaiidemens ny menaces, faire monter personne à cheval contre mon frci'e , tous les princes et sei^rneurs de France redoubtants sagement de mettre le doigt entre deux pierres. Tout ce considéré, le Roy preste l’oreille aux remonstrances de la Roy ne ma mere, et se rend non moings désireux qu’elle de faire une paix , la priant de s’y employer et d’en trouver le moicu. Elle soudain se dispose d’aller trouver mon frere, représentant au Roy qu’il estoit necessaire qu’elle m’y menast; mais le Roy n’y voulut consentir, estimant que je luy servirois d’un grand ostage. Elle donc s’ en va sans moy et sans m’eu parler; et mon frere, voyant que je n’y estois pas, luy représenta le juste mescontentement qu’il avoit, et les indignitez et mauvais Iraictemens qu’il avoit receusà la cour, y joingnantceluy de l’injure qu’on m’avoit faicte, m’ayant retenue captive , et de la cruauté que , pour m’oU’enser, on avoit voulu faire à Tliorigny, disant qu’il n’escouteroit nulle ouverture de paix que le tort que l’on m’avoit faict ne fust reparc, et qu’il ne me vist satisfaicte et en liberté.

La Royne ma mere voyant cette response, revinst, et représenta au Roy ce que luy avoit dist mon frere; qu’il estoit necessaire, s’il vouloit une paix, qu’elle y retouruast, mais que d’y aller sans moy, son voiage scroit encor inutile, et croistroit plustost le mal que de le diminuer ; qu’aussy de m’y mener sans m’avoir premier contentée, que j’y nuirois plustost que d’y servir, et que mesme il seroit à craindre qu’elle eust peine à me ramener, et que je voulusse aller trouver

mon mary ; qu’il falioit m’osler les gardes , et trouver moyen de me faire oublier le traictement qu’on m’avoit faict : ce que le Roy trouve bon, et s’y affectionne aultant qu’elle. Soudain elle m’envoye quérir, me disant qu’elle avoit tant faict qu’elle avoit disposé les choses à la voye d’une paix ; que c’estoit le bien de cet estât ; qu’elle sçavoit que mon frere et moy avions tousjours désiré qu’il sepeust faire une paix si advantageuse pour mon frere, qu’il auroit occasion de rester content, et hors de la tyrannie du Guast et de tous autres tels malicieux , qui pourroient posséder le Roy ; qu’oultre tenant la main à faire un bon accord entre le Roy et mon frere, je la delivrerois d’un mortel ennuy qui la possedoit, se trouvanten tel estât, qu’elle ne pouvoit sans mortelle offense recepvoir la nouvelle de la victoire de l’un ou de l’aultre de ses fils ; qu’elle me prioit que l’injure que j’avois receue ne me fistdesirer plustost la vengeance que la paix ; que le Roy en estoit marry ; qu’elle l’en avoit veu plorer ; et qu’il m’en feroit telle satisfaction que j’en resterais contente. Je luy respondis que je ne prefererois jamais mon bien particulier au bien de mes freres et de cet estât , pour le repos et contentement duquel je me voudrais sacrifier ; que je ne souhaittois rien tant cpi’une bonne paix , et que j’y voudrais servir de tout mon pouvoir.

Le Roy entre sur cela en son cabinet, qui avec une infinité de belles parolles tascheà me rendre satisfaicte , me conviant à son amitié , voyant que ny mes façons ny mes paroles ne demonstroient aucun ressentiment de l’injure que j’avois receue. Ce que je fai.sois plus

pour le mcspris de l’offense que pour sa satisfaction ; ayant passé le temps de ma captivité au plaisir de la lecture, où je commençay lors à me plaire; n’ayant celte obligation à la fortune , mais plustost à la Providence divine, qui des lors commença à me produire un si bon remede pour le soulagement des ennuys qui m’estoient préparez à l’advenir. Ce qui m’estoit aussi un acheminement h la dévotion, lisant en ce, beau livre universel de la nature tant de merveilles de son Créateur, que toute ame bien née, faisant de cette congnoissance une eschelle de laquelle Dieu est le dernier et le plus hault cschelon, ravie, se dresse à l’adoration de cette merveilleuse lumière et splendeur de celte incompréhensible essence ; et faisant un cercle pai-fnict, ne se plaist plus à aultre chose qu’à suivre cette chaisne d’IIomere, cette agréable encyclopédie, qui, partant de Dieu mesme, retourne à Dieu mesme, principe et lin de toutes choses. Et la tristesse contraire à la joye, qui emporte hors de nous les pensées de nos actions , réveille nostre ame en soy-mesme, qui rassemblant toutes ses forces pour rejetter le mal et chercher le bien, pense et repense sans cesse pour choisir ce souverain bien, auquel pour asseurance elle puisse trouver quelque tranquillité; qui sont de belles dispositions pour venir à la congnoissance et amour de Dieu. Je receus ces deux biens de la tristesse et de la solitude à ma première captivité, de me plaire à l’estnde, et m’addonner à la dévotion , biens que je n’eusse jamais goustes entre les vanitezet magnificences de ma prospéré fortune.

Le Roy, comme j’ay clict, ne vopnt en moy nulle apparence de mescontentement, me dit que la Royne ma meres’en alloit trouver mon frere en Champaigne pour Iraicter une paix , qu’il me prioil de l’accompaigner, et y apporter tous les bons oflices que je pourrois; et qu’il sçavoit que mon frere avoit plus de creance en moy qu’en tout aultre ; que de ce qui en viendroit de bien il m’en donneroit l’honneur, et m’en resteroit obligé. Je luy promis ce que je voulois faire, car je, cognoissois que c’esloit le bien de mon frere et celuy de l’estât, qui estoit de m’y employer en sorte qu’il en resteroit content.

La Royne ma mere part , et moy avec elle, pour s’en aller à Sens, la conférence se debvant faire en la maison d’un gentil-homme, à une lieue de là. Le lendemain nous allasmes au lieu de la conférence. Mon frere s’y trouve, accompaigné de quelques-unes de ses trouppes, et des principaux seigneurs et princc-s catholiques et huguenots de son armée, entre lesquels estoit le duc Casi mir, et le colonel Poux , qui luy avoient amené six mille reistres, par le moyen de ceux de la religioji qui s’estoient joincts avec mon frere à cause du Roy mon mary. L’on traicta-là, par plusieurs jours, les conditions de là paix, y ayant plusieurs disputes sur les articles, principalement sur ceux qui concernoient ceux de la religion , austjuels on accoixla des conditions plus avantageuses qu’on n’avoit envie de leur tenir, comme il parust bien depuis ; Je faisant la Royne ma mere seulement! pour avoir la paix , renvoyer les reistres , et retirer mon frere d’avec eux , qui n’avoit moins

d'envie de se séparer, pour avoir tousjours esté trescalholique, et ne s’estre servy des huguenots que par nécessité.

En cette paix, il fut donné partage à mon frere selon sa qualité , à quoy mon frere vouloit que je fusse comprise , me faisant lors establir l’assignat de mon dot en terres; et monsieur de Beauvais, qui estoit député pour son party, y insistoit fort pour moy. Mais la Royne ma mere me pria que je ne le permisse, et qu’elle m’asseuroit que j’aurois du Roy ce que je luy demanderois; ce qui me ilst les prier de ne m’y faire comprendre, et que j’aimois mieux avoir ce que j’aurois du gré du Roy et de la Royne ma mere , estimant qu’il me seroit plus asseuré. La paix estant conclue, les asseurances prises d’une part et d’aultre, la Royne ma mere se disposant à s’en retourner, je reçeus lettres du Roy mon mary, par lesquelles il me faisoit paroistre qu’il avoit beaucoup de désir de me revoir, me priant, soudain que je verrois la paix faicte, de demander mon congé pour le venir trouver. J’en suppliay la Royne ma mere. Elle me rejette cela et par toutes sortes de persuasions tasche de m’en divertir , me disant que, lors qu’apres la saint Barthélémy je ne voulus recepvoir la proposition qu’elle me feist de me séparer de nostre mariage, qu’elle loua lors mon intention parce qu’il s’ estoit faict catholique; mais qu’à cette heure qu’il avoit quitté la religion catholique et qu’il s’estoit faict huguenot , elle ne me pouvoit permettre que j’y allasse. Et voyant que j’insistois tousjours pour avoir mon congé, elle, avec la larme à l’œil, me dit

que si je ne revenois avec elle, que je la ruinerais : que le Roy croiroit qu’elle me l'auroit faict faire, et qu’elle luy avoit pi-omis de me ramener, et qu’elle feroit que j’y demeurerois jusques à ce que mon frare y fusl; qu’il y viendrait bientost, et que soudain apres elle me feroit donner mon congé.

Nous nous en retournasmes à Paris trouver le Roy, qui nous receust avec beaucoup de contentement d’avoir la paix ; mais toutesfois aggreant peu les advantageuses conditions des huguenots , se délibérant bien, soudain qu’il aurait mon frere à la cour , de trouver une invention pour rentrer en la guerre contre lesdits huguenots , pour ne les laisser jouir de ce qu’à regret et par force on leur avoit accordé seulement pour en retirer mon frere, lequel demeura un mois ou deux à venir pour donner ordre à renvoyer les reistres, et licencier le reste de son armée. Il arrive apres à la cour, avec toute la noblesse catholique qui l’avoit assisté. Le Roy le receust avec tout honneur, monstrant avoir beaucoup de contentement de le revoir ; et fîst bonne chere aussi a Bussy, qui y estoit : car le Guast lors estoit mort, ayant esté tué par un jugement de Dieu *, pen-

’ « Le lundi dernier octobre (iS^S) Teille de la Toussaints, sur les dix heures du soir, le capitaine Gast, geutilhomnie dauphinois, favori du Roy, lequel il avoit suivi en Polongne, fust tué dans sa maison à Paris, rue Saint-Honoré, et avec lui son valet de chambre et un sien laquais, par certains hommes armés et masqués qui l’assassinèrent à coups d’espées et de dagues, sans estre congueus ne retenus. 11 dit mourant que c’estoit le baron de Vitcaux, qui estoit i Monsieur, qui l’avoit tué : toutefois cela ne fust point avéré, cncorcs que la présumption en fust grande.... » [l.x.sToits, Journal de Henri III.)

dant qu’il suoit une dicttc, comme aussy c’estoit un coi'ps gasté de toutes sortes de villanies, qui fust donné à la pourriture qui des long-temps le possedoit, et son ame aux dæmons, à qui il avoit faict hommage par magie et toutes sortes de raeschancetez. Ce fusil de haine et de division estant osté du monde , et le Roy ji’ayant son esprit handé qu’à la ruine des huguenots, se voulant servir de mon frere contre eux pour rendre mon frere et eux irréconciliables, et craingnant pour ceste mesme raison que j’allasse trouver le Roy mon mary, nous faisoit à l’un et à l’aultre toutes sortes de caresses et de bonne chere pour nous faire plaire à la coiu'. Et voyant qu’en ce mesme temps monsieur de Duras estoit arrivé de la part du Roy mon mary pour me venir quérir, et que Je le pressois si fort de me laisser aller, qu’il n’y avoit plus lieu de me refuser, il me dict (montrant que c’estoit l’amitié qu’il me portoit, et la congnoissance qu’il avoit de l’ornement que je donnois à la cour, qui faisoit qu’il ne pouvoit permettre que je m’en allasse que le plus tard qu’il pourroil) , qu’il me vouloit conduire jusques à Poictiers, et renvoya monsieur de Duras avec cette asseurance.

Cependant il demeure quelques jours à partir de Paris, retardant à me refuser ouvertement mon congé qu’il eust toutes choses prestes pour pouvoir déclarer la guerre, comme il l’avoit desseignée, aux huguenots , et par conséquent au Roy mon mary. Et pour y trouver un prétexté, on faict courir le bruit que les catholiques se plaingnent des ad vantagouses conditions que l’on avoit accordées aux huguenots , à la paix de

Sens. Ce murmure et mescontentement des catholiques passe si avant, qu’ils viennent à se liguer à la cour, par les provinces et par les villes , s’enroollatis et signans, et faisants grand bruict, tacitement du sçeu du Roy, monstrans vouloir eslire messieui's de Guise. 11 ne

se parle d’aultre chose à la cour depuis Paris jusques à

Blois, où le Roy avoit fait convoquer les Estais; pendant l’ouverture desquels le Roy appella monfrere en son cabinet , avec la Royne ma mere et quelques-uns de messieurs de son conseil. 11 lui représente de quelle importance estoit pour son estât et pour son authorité la ligue que les catholiques commençoient , mesmes s’ils venoient a se faire des chefs, et qu’ils esleussent ceux de Guise ; qu’il y alloit du leur plus que de tout aultre (entendant de mon frere et de Iny); que les catholiques avoient raison de se plaindre, et que son debvoiretconsciencel’obligeoientàmescon tenter plustost les huguenots que les catholiques; qu’il prioit et conjuroit mon frere, comme fils de France et bon catholique qu’il estoit , de le vouloir conseiller et assister en cette affaire, où il y alloit du hazard de sa couronne et de la religion catholique. Adjoustant à cela qu’il luy sembloit que pour couper chemin à cette dangereuse ligue, que luy-mesme s’en debvoit faire le chef, et pour montrer combien il avoit de zele à sa religion, et les empescherd’eslire d’autre chef, la signer le premier comme chef, et la faire signer à mon frere, et à tous les princes et seigneurs, gouverneurs, et aultres ayant charge en son royaume. Mon frere ne peust lors que luy offrir le service qu’il debvoit à sa majesté, et à

8i MÉMOIRES [1576]

la conservation de la religion catholique. Le Roy ayant pris asseurance de l’assistance de mon frere en cette occasion , qui estoit la principale Gn où tendoit l’artiGce de cette ligue, soudain faict appeller tous les princes et seigneurs de sa cour , se faict apporter le roolle de ladite ligue, s’y signe le premier comme chef, et y fait signer mon frere et tous les autres qui n’y avoient encor signé.

Le lendemain ils ouvrent les Estats, et ayant pris les advis de messieurs les eves(|iies de Lyon , d’Ambrun et de Vienne , et des autres prélats qui estoient à la cour, qui luy persuadèrent qu’apres le serment qu’il avoit faict à son sacre, nul serment qu’il peust faire aux hérétiques ne pouvoit estre vallable, ledict serment de son sacre l’aGranchissant de toutes les promesses qu’il avoit peu faire aux huguenots. Ce qu’ayant prononcé à l’ouverture des Estats, et ayant déclaré la guerre aux huguenots , il renvoya Genissac le huguenot , qui depuis peu de jours estoit là de la part du Roy mon mary pour advancer mon partement, avec paroles rudes, pleines de menaces, luy disant qu’il avoit donné sa sœur à un catholique, non à un huguenot, que si le Roy mon mary avoit envie de m’avoir, qu’il se Gst catholique.

Toutes sortes de préparatifs à la guerre se font, et ne se parle à la cour que de guerre ; et pour rendre mon frere plus irréconciliable avec les huguenots, le Roy le faict chef d'une de ses armées. Genissac m’estant venu dire le rude congé que le Roy luy avoit donné, je m’en vais droict au cabinet de la Royne ma

mere, où le Roy estoit, pour me plaindre de ce qu'il m’avoit jusques alors abusée, m’ayant tousjours empeschée d’aller trouver le Roy mon mary, et ayant feinct de partir de Paris pour me conduire à Poictiers pour faire un effect si contraire. Je luy representay que je ne m’estois pas mariée pour plaisir ny de ma volonté ; que ç’avoit esté de la volonté et auctorité du roy Charles mon frere, de la Royne ma mere, et de luy ; que puis qu’ils me l’avoient donné, qu’ils ne me pouvoient point empescher de courre sa forlune; que j’y voulois aller; que s’ils ne me le permettoient , je me desroberois , et y irois de quelque façon que ce fust au hazard de ma vie. Le Roy me respondit : << Il n’est plus temps , ma sœur, de m’importuner de ce congé. J’advoue ce que vous dites , que j’ay retardé exprès pour vous le refuser du tout ; car depuis que le roy de Navarre s’est refaict huguenot, je n’ay jamais trouvé bon que vous y,allassiez. Ce que nous en faisons la Royne ma mere et moy c’est pour vostre bien. Je veux faire la guerre au huguenots, et exterminer cette misérable religion qui nous a faict tant de mal ; et que vous, qui estes catholique, et qui estes ma sœur, fussiez entre leurs mains comme ostage de moy, il n’y a point d’apparence. Et qui sçait si , pour me faire une indignité irréparable, ils voudroient se venger sur vostre vie du mal que je leur feray ? Non, non, vous n’y irez point ; et si vous taschez à vous desrober, comme vous dites, faictes estât que vous aurez et moy et la Royne ma mere pour cruels ennemys, et que nous vous ferons ressentir nostre inimitié autant que nous en avons de pou-

voir, en quoi vous empirerez la condition de voslre mary pluslost que de l’amender. »

Je me rctiray avec beaucoup de desplaisir de cette cruelle sentence, et prenant advis des principaux de la cour, de mes amys et amies, ils me représentent qu’il me seroit mal séant de demeurer en une cour si ennemie du Roy mon mary, et d’où l’on luy faisoit si ouvertement la guerre; et qu’ils me conseilloient, pendant que celte guerre dureroit, de me tenir hors de la cour, mesmc qu’il me seroit plus honnorable de trouver, s’il estoit possible, quelque prétexte pour sortir du royaume, ou sous couleur de pèlerinage, ou pour visiter quelqu’une de mes parentes. Madame la princesse de La Roche- sur- Yon ‘ estoit de ceux que j’avois assemblez pour prendre leur advis, qui estoit sur son parlement pour aller aux eaux de Spa. Mon frere aussi y estoit présent, qui a voit amené avec luy Mondoucet, qui avoit esté agent du Roy en Flandre , et en estant depuis peu revenu, avoit représenté au Roy combien les Flamans souifroient h regret l’usurpation que l’Espagnol faisoit sur le roy de France de la domination et souveraineté de Flandre, que plusieurs seigneurs et communautez des villes l’avoient chargé de luy faire entendre combien ils avoient le cœur françois, et que tous luy tendoient les bras. Mondoucet voyant que le

' Philippe de Montespedon, veuve de Charles de Bourbon, prince de L.a Roche-sur- Yoii, duc de Beaupréau. Elle avait épousé en premières noces René de Montejean , maréchal de France. Elle était mère du marquis de Beaupréau dont il est parlé ci-dessus , page 5. Morte le lî avril iSjS.

Roy mesprisoit cet advis, n’ayant rien en la teste que les huguenots, à qui il vouloit faire ressentir le dcsplaisir qu’ils luy avoient faict d’avoir assiste mon frere, ne luy en parle plus , et s’adresse à mon frere , qui , du vray naturel de Pyrrus, n’aymoit qu’à entreprendre choses grandes et hazardeuses, estant plus né à conquérir qu’à conserver; lequel embrasse soudain cette entreprise, qui luy plaist d’autant plus qu’il voit qu’il ne faict rien d’injuste, voulant seulement r’acquerirà la France ce qui luy estoit usurpé par l’Ëspaignol ' . Mondoucet pour cette cause s’estoit mis au service de mon frere, qui le renvoyoit en Flandre soubs couleur d’accompaigner madame la princesse de La Roche-sur-Yon aux eaux de Spa; lequel voyant que chacun cherchoit quelque prétexté apparent pour me pouvoir tirer hors de France durant cette guerre (qui disoit en Savoye, qui disoit en Lorraine, qui à saint Claude, qui à Nostre-Dame de Lurette), dit tous bas à mon frere : « Monsieur, si la royne de Navarre pouvoit feindre avoir quelque mal , à quoy les eaux de Spa , où va madame la princesse de Roche-sur-Yon, peussent servir, cela viendroitbien à propos pour vostre entreprise de Flandre , où elle pourroit frapper un grand coup. » Mon frere le trouva fort bon, etfust fort aise de celte ouverture, ets’escria soudain : «0 Royne, ne cherchez plus, il faut que vous alliez aux eaux de Spa, où va madame la princesse de La Roche-sur-Yon. Je vous ay veu autrefois

' C’éUit l’ancienne sonverainetc de France sur la Flandre et l’Artois , à laquelle il avait été renoncé par les traités de Madrid et de Cambrai.

une ereslpele au bras ; il faut que vous disiez que lors les médecins vous l’avoient ordonné, mais que la saison n’y estoit pas si propre; qu’à cette heure c’est leur saison, que vous suppliez le Roy vous permettre d’y aller. »

Mon frere ne s’ouvrist pas davantage devant cette compagnie pourquoy il le desiroit, à cause que monsieur le cardinal de Bourbon y estoit, qui tenoit pour le Guisart et l’Espaignol ; mais moy, je l’entendis soudain, me doubtant bien que c’estoit pour l’entreprise de Flandres, de quoy Mondoucet nous avoit parlé à tous deux. Toute la compagnie fust de cet advis, et madame la princesse de La Roche-sur-Yon, qui y debvoit aller, et qui m’aimoit fort ' , en receut fort grand plaisir, et me promit de m’y accompagner, et de se trouver avec moy quand j’en parlerois à la Royne ma mere pour luy faire trouver bon.

Le lendemain je trouvay la Royne seule, et luy re-

' Faut-il voir nue preuve de cette affectiou dans la leçon très-sage, mais très-rude qu’elle adressa, en mourant, i Marguerite? « Deux jours devant qu’elle mourust, dit Lestoilc, la ruine de Navarre, qui l’aimoit fort, la fust voir, à laquelle elle dit ces mots ; n Madame, vous voyés ici un bel exemple en moi que Dieu vous propose. 11 faut mourir, madame, et laisser ce monde ici, songés-y. Il passe et nous fait passer à cè grand juge , devant le throsne judicial duquel il faut tons comparoistre, et grands et petits, rois et roines. Retirés-vous , madame, je vous prie; car il me faut prier et songer à mon Dieu, et vous ne me faites que ramentevoir le monde, quand je vous regarde. » Cela disoit -elle, ajoute Lestoile, pour ce que la roine de Navarre estoit, comme de coustume, diaprée et fardée, ce qu’on appelle à la cour bien accoustrée à son avantage. » {Journal de Henri III, avril

presentay le mai et desplaisir que ce m’estoit de voir le Roy mon mary en guerre contre le Roy, et de me voir esloingnée de luy ; que, pendant que cette guen-e dure^ roit, il ne m’estoit honnorable ny bien séant de demeurer à la cour; que, si j’y demeurois, Je ne poorrois éviter de ces deux malheui's l’un, ou que le Roy mon mary penseroit que j’y fusse pour mon plaisir, et que je ne luy servirais pas comme je debvois; ou que le Roy prendroitsoubçon de moy, et croyroit quej’advertirois tousjours le Roy mou mary ; que l’un et i’aultre me produiroient beaucoup de mal; que je la suppiiois de trouver bon que je m’esloingnasse de la cour pour l’esviter ; qu’il y avoit quelque temps que les médecins m’avoient ordonné les eaux de Spa pour l’eresipele que j’avois au bms, à quoy depuis si long-temps j’estois subjecte; que la saison à cette heure y estant propre , il me sembioit que si elle le trouvoit bon , que ce voyage estoil bien à propos pour m’esloingner en cette saison , non seulement de la cour, mais de France, pour faire congnoistre au Roy mon mary que ne pouvant estre avec luy, pour la desfîance du Roy, je ne voulois point estre au lieu où on luy faisoil la guerre ; que j’esperois qu’elle, par sa prudence , disposeroit les choses avec le temps de telle façon, que le Roy mon mary obtieudroit une paix du Roy, et rentreroit en sa bonne grâce; que j’attendrais cette heureuse nouvelle pour lors venir prendre congé d’eux pour m’en aller trouver le Roy mon mary ; et qu’en ce voiage de Spa , madame la princesse de La Roche-sur-Yon , qui estoit là présenté, me faisoit cet honneur de m’accompaigner. Elle approuva

cette condition , et me dit qu elle estoit fort aise que j’eusse pris cet advis; que le mauvais conseil que ces evesques avoient donné au Roy de ne tenir ses promesses, et rompre tout ce qu’elle avoit promis et contracté pour luy, luy avoit, pour plusieurs considérations, apporté beaucoup de desplaisir; mesme voyant que cet impétueux torrent entra inoit avec soy et ruinoit les plus capables et meilleurs serviteurs que le Roy eiist en son conseil (car le Roy en esloingna quatre ou cinq des plus appareils et plus entiers) ; mais qu’entre tout cela, ce qui luy travailioit le plus l’esprit, estoit de voir ce que je luy representois , que je ne pouvois éviter, demeurant à la cour, l’un de ces deux malheurs : ou que le Roy mon mary ne l’auroit agréable et s’en prendroit à moy, ou que le Roy entreroit en desfîance de moy, pensant que j’advertirois le Roy mon mary; qu’elle persuaderoit au Roy.de trouver bon ce voyage, CQ qu’elle fit. Et le Roy m’en parla sans monstrer d’en estre en colere, estant assez content de m’avoir peu empescher d’aller trouver le Roy mon mary, qu’il hayoit lors plus qu’aucune chose du monde; et commande que l’on despeschast un courrier à dom Jean d’Autriche, qui commandoit pour le roy d’Espaigne en Flandres, pour le prier de me bailler les passeports necessaires pour passer librement au païs de son authorité, pour ce qu’il falloit bien avant passer dans la Flandres pour aller aux eaux de Spa, qui sont aux terres de l’evesché de Liege.

Cela résolu, nous nous separasmes tous à peu de jours de là, lesquels mon frere employa à m’instruire

des oflSces qu’il desiroit de moy pour son entreprise de Flandres; le Roy et la Royne ma raere s’en allans à Poictiers, pour estre plus près de l’armée de monsieur de Mayenne qui assiegeoit Brouage et qui de là debvoit passer en Gascongne pour faire la guerre au Roy mon mary. Mon frere s’en alloit avec l’aultre armée, de quoy il estoit chef, assiéger Issoire et les aultres ■villes qu’il prinst en ce temps-là ; moy en Flandres, accompagnée de madame la princesse de La Roche-sur- Yon , de madame de Tournon ' ma dame d’honneur, de madame de Mouy de Picardie ^ , de madame la castellane de Milan, de madnmoiselle d’Atrie^, de madamoiselle de Tournon ®, et de sept ou huict aultres filles; et d’hommes, de monsieur le cardinal de Lenoncourt®, de monsieur l’evesque de Langres’, de

* Ville de la Saintonge , pri'S de La Rochelle. Cette place fut rendue le ao août au duc de Mayenne, après un siège de près de cinq mois.

* dandine de lat Tour-Turenne, femme de J ust II , seigneur de Tournon , comte de Roussillon.

’ Catherine de Snsannes, comtesse de Ccrny, femme de Charles, marquis de Mouy, nommé ci-dessous.

* Ajine d’Aquaviva, dite d’Aragon, fille de Jean-François, duc d’Atri , au royaume de Naples, depuis mariée au comte de Châteauvilain. (CaSTELNAU, t. I, p.

‘ Hélène de Tournon, fille de Just II, seigneur de Tournon, et de dandine de la Tour-Turenne.

* Philippe de Lenonconrt, qu’on appelait à Rome te beau chevalier français , évêque d’Auxerre en i56o, et cardinal seulement en i586.‘

’’ Charles d’Escars, connu par son éloquence et par les discours fjn’il prononça devant les ambassadeurs polonais à Metz , et devant le roi Hehri III , à son retour de Pologne.

monsieui' de Mouy, seigneur de Picardie maintenant beau-pere d’un frere de la royne Louise, nommé le comte de Ghaligny % de mon premier maisti'e dliostel, de mes premiers escuyers, et aultres gentilshommes de ma maison. Cette compaignie pleust tant aux estrangers qui la virent, et la trouvèrent si leste, qu’ils en eurent la France en beaucoup plus d’admiration.

J’allois en une lictiere faite à pilliers doublez de velours incarnadin d’Espaigne, en broderie d’or et de soye nuée, à devise; cette litiere toute vitrée, et les vitres toutes iàictes à devise, y ayant, ou à la doublure pu aux vitres, quarante devises toutes differentes, avec les mots en espaignol et italien, sur le soleil et ses effects. Laquelle estoit suivie de la litiere de madame de La Roche-sur-Yon, et de celle de madame de Toumon ma dame d’honneur, et de dix filles à cheval avec leur gouvernante , et de six carrosses ou chariots, où alloit le reste des dames et filles d’elles et de moy. Je passay par la Picardie, où les villes avoient commandement du Roy de me recepvoir selon que j’avois cet honneur de luy estre , qui , en passant , me firent tout l’honneur que j’eusse peu desirer.

Estant arrivée au Gastelet, qui est un fort à trois lieues de la frontière de Cambresys, l’evesque de Cam-

' Charles, marquis de Mouy, chevalier des ordres du Roi, châtelain héréditaire de Beauvais.

* Henri de Lorraine, comte de Chaligny, petit-fila d’Ântoinc, duc de Lorraine, et frère de Louise de Lorraine, femme de Henri dlL

bray, qui estoit lors terre de l’Eglise et pays souverain, qui ne recognoissoit le roy d’Espaigne que pour protecteur, m’euvoya un gentil-homiue pour sçavoir l’heure à laquelle je partirais, pour venir an devant de moy jusques à l’entrée de ses terres, où je le trouvay tres-hien accompagné, mais de gens qui avoient les habits et l’apparence de vrais Flamands, comme ils sont fort grossiers en ce quartier-là. L’evesque estoit de la maison de Barlemont, une des principales de Flandres, mais qui avoit le cœur espaignol , comme ils ont monstré, apnts esté ceux qui ont le plus assisté dom Jean. 11 ne laissa de me recepvoir avec beaucoup d’honneur, et non moins de ceremonies espagnoles. Je trouvay cette ville de Cambray, bien qu’elle ne soit bastie de si bonne estolTe, que les nostresde France, beaucoup plus agréable, pour y estre les rues et places beaucoup mieux proportionnées , et disposées comme elles sont, et les églises tres-grandes et belles, ornement commun à toutes les villes de Flandres. Ce que je recognus en ceste ville d’estime et de remarque, fust la citadelle, des plus belles et des mieux achevées de la chrestienté; ce que depuis elle fît bien esprauver aux Espagnols, estant soubs l’obeissance de mon frere. Un honneste homme, nommé monsieur d’ Ainsi fils du comte de Frezin, en estoit lors gouverneur, lequel en grâce, en apparence, et en toutes belles parties requises à un parfaict cavalier, n’en debvoit rien à nos plus parfaits coirntisans , ne participant

' Baudouin deGavre, «ieur d’inchy. (Histoire de Cambray, t. I,

nullement de ceste naturelle rusticité qui semble estre propre aux Flamans. L’evesque nous fist festin, et nous donna apres soupper le plaisir du bal , où il Hst Tenir toutes les dames de la ville ; auquel ne se trouvant, et s’estant retiré soudain apres soupper, pour estre , comme j’ay dict , d’humeur cerimonieuse espagnole , monsieur d’ Ainsi estant le plus apparent de sa trouppe, il le laissa pour m’entretenir durant le bal, et pour apres me mener à la collation de confitures , imprudemment, ce me semble, veu qu’il avoit la charge de la citadelle. J’en parle trop sçavante à mes dcspens, pour avoir plus appris que je n’en desirerois comme il se faut comporter à la garde d’une place forte

La souvenance de mon frere ne me partant jamais de l’esprit, pour n’affectionner rien tant que luy, je me ressouvins lors des instructions qu’il m’avoit données, et voyant la belle occasion qui m’estoit offerte pour luy faire un bon service en son entreprise de Flandres , cette ville de Cambray et cette citadelle en estaùs comme la clef, je ne la laissay perdre, et employay tout ce que Dieu m’avoit donné d’esprit à rendre monsieur d’ Ainsi affectionné à la France, et particulièrement à mon frere. Dieu permit qu’il me réussit si bien que, se plaisant en mon discours, il

' Cette observation est d’une rare modestie. Mar^erite savait à merveille comme il se faut comporter pour garder une place forte et même pour la prendre. Ijl manière dont elle s'empara du château d’Csson , et dont elle s’y maintint [icndant dix-neuf ans, fait beaucoup d’honneur à son habileté. (Voyez Bsa.vtùme, Dames illustres, éloge de Marguerite.]

délibéra de me voir le plus longtemps qu^il pourroit, et de m’accompagner tant que je serois en Flandres; et pour cet eifect demanda congé à son maistre de venir avec moy jusques à Namur, oii dom Jean d’Austriche m’attendoit , disant qu’il desiroit de voir les triomphes de cette réception. Ce Flament espagnolisé , fust neantmoins si mal advisé de le luy permettre. Pendant ce voyage, qui dura dix ou douze jours, il me parla le plus souvent qu’il pouvoit, monstrant ouvertement qu’il avoit le cœur tout François, et qu’il ne respiroit que l’heur d’avoir un si brave prince que mon frcre pour maistre et seigneur, mesprisant la subjectioi et domination de son evesque, qui, bien qu’il fust son souverain, n’estoit que gentiLhomme comme luy, nais beaucoup son inferieur aux qualitez et grâces de l’esprit et du corps.

Partant de Cambray, j’allay coucher à Valencimnes, terre de Flandres, où monsieur le comte de I^iain *, monsieur de Montigny * son frere, et plusieurs aultres seigneurs et gentils-hommes jusques au nombre ce deux ou trois cens vindrent au devant de moy pour me recepvoir au sortir des terres de Cambresys , juscues où l’evesque de Cambray m’avoit conduicte. Estant urivée à Valenciennes, ville qui cede en force à Cambray, et non en l’ornement des belles places et belles églises, où les fontaines et les horloges, avec industrie propre

‘ Philippe, comte de Lalain, baron d'Escornaix, grand-failli de Hainaut.

* Emmanuel de Lalain, baron de Montigny, chevalier de h Toison d’Or, marie à Anne de Croy, maiTjuise de Renty et de Chiè/i'es.

aux Allemands , ne donnoient peu de merveille à nos François, ne leur estant commun de voir des horloges représenter une agréable musique de voix, avec aultant de sortes de personnages que le petit chasteau que l’on alloit voir pour chose rare au faulxbourg Sainct-Germain. Monsieur le comte de Lalain , ceste ville estant de son gouvernement, (ist festin aux seigneurs et gentils-'hommes de ma trouppe, remettant à Mons à traicter les dames, où sa femme, sa belle-sœur madame d’Aurec ', et toutes les plus apparentes et galantes dames de ce pays-là m’attendoient pour me reœpvoir, où le comte et toute sa trouppe me conduisit le lendemain. Il se disoit estre parent du Roy mon mary, et estoit personne de grande authoritë et* de glands moyens, auquel la domination de l’Espaignol ivoit tousjours esté odieuse, en estant tres-olTensé depuis la mort du comte d’Egmont ’ , qui luy estoit pixich; parent. Et bien qu’il eust maintenu son gouvemenent sans estre entré en la ligue du prince d’Orange ny des huguenots, estant seigneur très -catholique , il n’avoit neantmoins jamais voulu voir dom Jtan, ny permettre que luy ny aulcun de la part de l’Eipagnol entrast eu son gouvernement; dom Jean ne l’ayant osé forcer de faire au contraire, craignant, s’il l’attaquoit, de faire joindre la ligue des catholques de Flandre, que l’on nomme la ligue des Estats , à celle du prince d’Orange et des huguenots ,

' Diane de Oompmartin , marquise d’Havrec ou d’Havre.

’ Lamsral, comte d’Egmond , priucc de Gavre , exécuté à Bruxelles le 4 juin i568.

prévoyant bien que cela luy donneroit aultaut de peine, comme depuis ceux qui ont esté pour le roy d’Espaigne l’ont esprouvé.

Le comte de Lalain estant tel, ne pouvoit assez faire de démonstration de l’aise qu’il avoit de me voir là ; et quand son prince naturel y eut esté , il ne l’eusl peu recepvoir avec plus d’honneur et de démonstration de bien veuillance et d’alfection. AiTivant à Mons à la maison du comte de Lalain, où il me fist loger, je trouvay à la cour la comtesse de Lalain ' , sa femme , avec bien quatre vingts ou cent dames du païs ou de la ville, de qui je fus receue, non comme princesse estrangere, mais comme si j’eusse esté leur naturelle dame, le naturel des Flamandes estant d’estre privées, familières et joyeuses. La comtesse de Lalain tenant de ce naturel , mais ayant d’avantage un esprit grand et eslevé , de quoy elle ne ressembloit moins à vostre cousine que du visage et de la façon , cela me donna soudain asscurance qu’il me seroit aisé de faire amitié estroicte avec elle, ce qui pourroit apporter de l’utilité à l’avancement du dessein de mon frere , cette honneste femme possédant du tout son mary. Passant cette journée à entretenir toutes ces dames, je me rends principalement familière de la comtesse de Lalain, et le jour mesme nous contractons une estroicte amitié.

L’heure du soupper venue, nous allons au festin et au bal , que le comte de Lalain continua tant que je

' Marguerite de Ligne , femme de Philippe, comte de Lalain.

fus à Mons; qui fut plus que je ne pensois, estimant debvoir partir des le lendemain. Mais cette faonneste femme me contrainguist de passer une sepmaine avec eux, ce que je ne voulois faire, craingnant de les incommoder. Mais il ne me feust jamais possible de le persuader à son mary ny à elle, qui encore à toute force me laissèrent partir au bout de huicl jours. Vivant avec telle privauté avec elle, elle demeura à mon coucher fort tard, et yeust demeuré davantage, mais elle faisoit chose peu commune à personnes de telle qualité, qui toutesfois tesmoingne une nature accompagnée d’une grande bonté. Elle nourrissoit son petit fils de son lait; de sorte qu’estant le lendemain au festin, assise tout auprès de moy à la table, qui est le lieu où ceux de cc païs-là se communiquent avec plus de franchise, n’ayant l’esprit bandé qu’à mon but, qui n’estoit que d’advancer le dessein de mon Irere, elle parée et toute couverte de pierreries et de broderies, avec une robille à l’espagnole de toille d’or noire, avec des bandes de broderie de canetille d’or et d’argent, et un pourpoint de toille d’argent blanche en broderie d’or, avec des gros boutons de diamant (habit approprié à l’ofllce de nourrice), l’on luy apporta à la table son petit fils , emmaillotlé aussi richement qu’estoit vestue la nourrice, pour luy donner à taicter. Elle le met entre nous deux sur la table, et librement se desboutonne, baillant son tetin à son petit, ce qui eust esté tenu à incivilité à quelque autre; mais elle le faisoit avec tant de grâce et de naïfveté, comme toutes ses actions en estoient accompaignées.

qu’elle en receost autant de louanges que la compagnie de plaisir.

Les tables levées, le bal commença en la salle mesme où nous estions, qui esloit grande et belle, où estants assises l’une auprès de l’aultre, je luy dis : qu’encore que le contentement que je recepvois lors en cette compagnie se peust mettre au nombre de ceux qui m’en avoient plus faict ressentir, que je souhaittois presque ne l’avoir point receu, pour le desplaisir que je recepvrois partant d’avec elle, et voyant que la fortune nous tiendroit pour jamais privez du plaisir de nous voir ensemble ; que je tenois pour un des malheurs de ma vie, que le ciel ne nous eust faict naistre elle et moy d’une mesme patrie : ce que je disois pour la faire entrer aux discours qui pouvoient servir au dessein de mon frere. Elle me respondit : « Ce païs a esté aultresfois de France, et à cette cause, l’on y plaide encor en françois, et cette affection naturelle n’est pas encore sortie du cœur de la pluspart de nous. Pour moy, je n’ay plus aultre chose en l’ame, depuis avoir eu cet honneur de vous voir. Ce païs a esté aultresfois tres-aflèctionné à la maison d’Austriche; mais cette affection nous a esté arrachée en la mort <lu comte d’Egmont , de monsieur de Home ' , de monsieur de Montigiiy *, et des aultres seigneurs qui furent lors desfaiets , qui estoient noz proches prens, et apprtenans à la pluspart de la noblesse de ce pays. Nous n’avons rien de plus odieux que la domination

' Philippe «le Montmorency, comte «le Homes, mort en i JW.

• Floris «le Montmorency, baron deMontignv, mort en li^o.

(le ces Espaignols, et ne souhaitions rien tant que de nous délivrer de leur tyrannie; et ne sçaurions toutesfois comme y procéder, pource que ce pais est divisé à (»use des différentes religions. Que si nous estions tous biens unis , nous aurions bientost jetté l’Espagnol dehors; mais cette division nous rend trop foibles. Que pleust à Dieu qu'il prist envie au roy de France, vostre frere, de r’acquerir ce païs, qui est sien d’ancienneté! Nous luy tencb'ions tous les bras. »

Elle ne me disoit cecy à l’improviste , mais premeditement, pour trouver par' mon moyen, du costc de la France, quelque remede à leurs maulx. Moy, me voyant le chemin ouvert à ce que je desirois, je luy respondis : « Le roy de France mon frere n’est d’humeur pour entreprendre des guerres estrangeres, mesmes ayant en son royaume le party des huguenots , cpii est si fort , que cela l’empeschera tousjours de rien entreprendre dehors; mais mon frere, monsieur d’Alençon , qui ne doibt rien en valeur, prudence et bonté , aux roys mes pere et freres, entendroit bien à celte entreprise, et n’auroit moins de moiens que le roy de France mon frere de vous y secourir. Il est nourry aux armes, et estimé un des meilleurs cappitaines de nostre temps ; estant mesme à cette heure commandant l’armée du Roy contre les huguenots, avec la- (juelle il a pris, depuis que je suis partie, sur eux, une tres-forte ville nommée Issoire ', et quelques aultres. Vous ne sçauriez appellcr prince de f|ui le

’ Prise lp inercrrdi njuin iSj; (Lestoiie, Journal île Henri lll.)

[ 1577] DE MARGUERITE DE VALOIS, secours vous soit plus utile, pour vous estre si voisin, et avoir un si grand royaume que celuy de France à sa dévotion; duquel il peut tirer hommes et moyens, et toutes commoditez necessaires à cette guerre. Et, s’il recepvoit ce bon office de monsieur le comte vostre mary, vous vous pouvez asseurer qu’il auroit telle part à sa fortune qu’il voudroit : mon frere estant d’un naturel doux, non ingrat, qui ne se plaist qu’à recognoistre un service ou un bon office reçeu. 11 honnore et chérit les gens d’honneur et de valeur : aussi est-il suivy de tout ce qui est de meilleur en France. Je croys que l’on traictera bientost d’une paix en France avec les huguenots, et qu’à mon retour en France je la pourray trouver faicte ; si monsieur le comte vostre mary est en cecy de mesme opinion que vous et de mesme volonté, qu’il advise s’il veult que j’y dispose mon frere , et je m’asseure que ce païs , et vostre maison en particulier, en recepvra toute félicité. Que si mon frere s’establissoit par vostre moien icy, vous pourriez croire que vous m’y reverriez souvent, estant nostre amitié telle qu’il n'y en eust jamais, de frere à sœur, si parfaicte. » Elle reçoit avec beaucoup de contentement cette ouverture, et me dit qu’elle ne m’avoit pas parlé de cette façon à l’adventure; mais, voyant l’honneur que je luy faisois de l’aimer, elle avoit bien résolu de ne me laisser partir de là qu’elle ne me descouvrist l’estai auquel ils estoient, et qu’ilz ne me requissent de leur apporter du costé de France quelque remede, pour h>s affranchir de la crainte où ilz vivoient, de se voir en une perpe-

tuelie gueiTe, ou reduicts sous la tyrannie espagnolle; me priant que je trouvasse bon qu’elle descouvrist à son mary tous les propos que nous avions eus, et qu'ilz m’en peussent parler le lendemain tous deux ensemble, ce que je trouvay tres-bon. Nous passasmes cette apres-disnée en tels discours, et en tous aultres que je pensois servir à ce dessein ; à quoy je voiois qu’elle prenoit un fort grand plaisir.

Le bal estant llny , nous allasmes ouyr vesprcs aux chanoinesses, en leur eglise appelée Sainte-Vaudrud, qui est un ordre de fdles de bonne maison , de quoy nous n’avons point en France. Ce sont toutes damoiselles, que l’on y met petites , pour faire profiter leur mariage jusques à ce qu’elles soient en aage de se marier. Elles ne logent pas en dortoirs, mais en maisons séparées, tou tesfois toutes dans un enclos, comme les chanoines; et en chaque maison il y en a trois ou quatre, cinq ou six jeunes avec une vieille, desquelles vieilles il y en a quelque nombre qui ne se marient point, ny aussy l’abbesse. Elles portent seulement l’habit de religion le matin, au service de l’eglise, et l’apresdisnée à vesprcs; et soudain que le service est faict, clics quicteiit l’habit, et s’habillent comme les aultres filles à marier, allants par les festins et par les bals librement comme les aultres : de sorte cpi’elles s’ha- Itillent quatre fois le jour. Elles se trouvèrent tous les jours au festin et au bal, et y dansèrent d’ordinaire.

Il taivloil à la comtesse de Lalain que le soir ne fnst venu, pour faii-e entendre .à son mary le bon eommencemenl (pi’elle a^oit donné h leurs adhii'es. (ie

Digilized by GoogI

[1577] DE MAlUiUERlTE DE VALOIS. lOI

qu’ayniil fnict la niiict suivante, le lendemain elle m’amene son mary, qui, me faisant un grand discours des justes occasions qu’il avoit de desirer de s’affranchir de la tyrannie de l’Espaignol (en qnoy il ne pensoit point entreprendre contre son prince naturel , sçaehant que la souveraineté de Flandre appartenoit au roy de France), me représente les moiens qu’il avoit d’establir mon frere en Flandre, ayant tout le Haynault à sa dévotion, qui s’estendoit jusques bien près de Bruxelles. Il u’estoit en peine que du Cambresis, qui estoit entre la Flandre et le Haynault, me disoit qu’il seroit bon de gaigner monsieur d’Inchy, qui estoit encore là avec moy. Je ne luy voulus descouvrir la parole que j’en a vois; mais luy dis que je le priois luy-mesme de s’y emploier, ce qu’il pourroit mieux faire que moy, estant son voisin et amy; et lui ayant asseuré de l’estât qu’il pouvoit faire de l’amitié et hienvueillance de mon frere, à la fortune duquel il participei-oit aultant de grandeur et d’auctorité, que meritoit un si grand et si signalé service reçeu de personne de sa qualité, nous resolusmes qu’à mon retour je ra’arresterois chez moy, à La Fere , où mon frere viendi'oit, et que là monsieur de Montigny, frere du comte de I^abiin, viendrait traicler avec mon frere de cette affai/'e.

Pendant que je fus là, je le conbrmay et fortifiay tousjours en cette volonté, à quoy sa femme apportoit non moins d’affection que moy. Et le jour venu «ju’il me falloit partir de cette belle compagnie de Mons, cc ncfiist sans recipio<jue regret, et de toutes

ces dames flamandes et de moy, et sur tout de la comtesse de Lalain, pour l’amitié tres-grande qu’elle m’avoit vouée; et me fit promettre qu’à mon retour je passerais par là. Je luy donnay un carquan de pierreries , et à son mary , un cordon et enseigne de pierreries, qui furent estimez de grande valeur, mais beaucoup chéris d’eux, pour partir de la main d’une personne qu’ilz aimoient comme moy. Toutes les dames demeurèrent là, fors madame de Havrech, qui vint à Naraur, où j’allois coucher ce jour-là, où son mary et son beau-frere, monsieur le duc d’Ârscot', estoient : y ayants tousjours demeuré depuis la paix entre le roy d’Ëspaigne et les estats de Flandre; car bien qu’iiz fcussent du party des estats, estant le duc d’Arscot un vieil courtisan, des plus galands qui fussent de la cour du roy Philippe, du temps qu’il estoit en Flandre et en Angleterre , se plaisoit tousjours à la cour auprès des grands.

Le comte de Lalain, avec toute la noblesse, me conduisit le plus avant qu’il peust, bien deux lieues hors de son gouvernement , et jusques à tant que l’on vit paroislre la trouppc de dom Juan. Lors il print congé de moy, pour ce, comme j’ay dit, qu’ilz ne se voyoient point. Monsieur d’Inchy seulement vinst avec moy , pour estre son maistre, l’çvesque de Cambray, du party d’Espaigne. Cette belle et grande troupe s’en estant retournée, ayant faict peu de chemin, je trouvay dom Juan d’Austriche accompagné de force estaffiers , mais

' PhilippellI, sire dcCrov, duc d’Arscliot, prince de Chimay, etc., né en i5a6, et mort en iSgS.

[ 1577] DE MAKGL’ERITE DE VALOIS 103

seulemenl de vingt ou trente chevaulx, ayant avec luy de seigneurs : le duc d’Ârscot, monsieur d’Havrech le marquis de Varembon *, et le jeune Balançon gouverneur pour le roy d’Espagne du comté de Bourgongne, qui, galands ethonnestes hommes, estoient venus en poste pour se trouver là à mon passage. Des domestiques de dom Juan, n’y en avoit de nom ny d’apparence qu’un Ludovic de Gonzague, qui se disolt parent du duc de Mantoue *. Le reste estoit de petites gens de mauvaise mine, n’y ayant nulle noblesse de Flandre. Il mit pied à terre pour me saluer dans ma littiere, qui estoit relevée et toute ouverte : je le'saluay à la françoise, luy, le duc d’Arscot, et monsieur d’Havrech. Apres quelques honnestes paroles , il remonta à cheval, parlant tousjours à moy jusqnes à la ville, où nous ne peusmes arriver qu’il ne feust soir, pour ne m’avoir les dames de Mons permis de partir que le plus tard qu’elles peurent; mesmes m’ayants amusée dans ma littiere plus d’une heure à la considérer, prenants un extreme plaisir à se faire donner l’intelligence des devises. L’ordre toutesfois fnst si beau à Namur (comme les Espagnols sont excellens en cel.n), et la ville si esclairée, que les fenestres et boutiques estans pleines de lumières, l’on voioit luire un nouveau jour.

' Charles-Philippe de Croy, marquis d’Havrech, ûls de Philippe II, sire de Croy, duc d’Arschot.

‘ Marc de Rye, marquis de Varembon, qui fut plue tard chevalier de la Toison d’Or et gouverneur général d’Artois.

’ Philibert de Hye, comte de Varaix, baron de Balançon.

* C’est peut-être Ludovic de Gonzague, surnomme le Rodomont, seigucur do S.ibionvtta.

104 MÉMOIRES [*û77]

Ce soir dom Juan fist servir et moy et mes gens dans les logis et les chambres , estimant qu’apres une longue journée il n’estoit raisonnable de nous incommoder d’aller à un festin. La maison où il me logea estoit accommodée pour me recepvôir ; où l’on avoit trouvé moien d’y faire une belle et grande salle, et un appartement pour moy de chambres et de cabinets , le tout tendu des plus beaux , riches et superbes meubles que je pense jamais avoir veu : estants toutes les tapisseries de velours ou de satin, avec des grosses colomnes faictes de toiles d’argent, couvertes de broderies de gros cordons et de godrotis de broderies d’or, relevez de la plus riche et belle façon qui se peut voir; et, au milieu de ces colomnes, de grands personnages habillez à l’antique, et faicts de la mesme broderie. Monsieur le cardinal de Lenoncourt, qui avoit l’esprit curieux et délicat, s’estant rendu familier du duc d’Ârscot, vieil courtisan, comme j’ay dict, d’humeur gallante et belle, tout l’honneur certes de la trouppe de dom Juan , considérant, un jour que nous fusmes là, ces magniGcences et superbes meubles, luy dict : « Ces meubles me semblent plustost d’un grand roy, que d’un jeune prince à marier tel qu’est le seigneur dom Juan. » Le duc d’Arscot luy respondit ; it Ils ont esté faicts aussi de fortune, non de prevoiance ny d’abondance, les estolfes luy en ayant esté envolées par un bascha du grand seigneur, duquel, en la notable victoire qu’il eust contre le Turc ', il avoit eu pour prisonniers les enfans; et le seigneur

• .Mlusion à la ci'lc))re bataille de Lepante, livrée en iSyi.

dom Juan luy ayant faict courtoisie de les luy renvoier sans rançon , le bascha , pour revenge , luy fist présent d’un grand nombre d’estoffes de soyc, d’or, et d’argent, qui luy arrivant, estant à Milan, où l’on approprie mieux telle chose, il en fist faire les tapisseries que vous voyez ; et pour la souvenance de la glorieuse façon de quoy il les avoit acquises, il fist faire le lict et la tente de la chambre de la Royne en broderie des batailles navalles, representans la glorieuse victoire de la bataille qu’il avoit gaignëe sur les Turcs. »

Le matin estant venu, dom Juan nous fist ouyr une messe à la façon d’Espaigne, avec musicque, violons et cornets; et allans de là au festin de la grande salle, nous disnasmes luy et moy seuls en une table : la table du festin où estoient les dames et seigneurs esloingnée trois pas de la nostre, où madame de Havrech faisoit l’honneur de la maison pour dom Juan ; luy se faisant donner à boire, à genoux, par Ludovic de Gonzague. Les tables levées , le bal commença , qui dura toute l’apres-dinée. Le soir se passe de cette façon, dom Juan parlant tousjours à moy, et me disant souvent qu’il voioit en moy la ressemblance de la Royne sa signora ', qui estoit la feue Royne ma sœur, qu’il avoit beaucoup honnorée,metesmoingnant, par tout l’honneur et courtoisie qu’il pouvpit faire à moy et à toute ma trouppe, qu’il recepvoit très-grand plaisir de me voir là Les

' Elisabeth, fille de Henri II, née en i545, troisièrac femme de Philippe II , roi d’Espagne, morte le 3 octobre <568.

’ Ce n’etait pas la première fois que le vainqueur de Lcpaiilc

batteaux où je debvcis aller par la riviere de Meuse jusques à Liege ne pouvants estre si-tost prests , je fus contrainte de séjourner le lendemain, où, ayants passé toute la matinée comme le jour de devant, l’apres-disnée nous mettants dans un tres-beau batteau, sur la rivière , environné d’aultres batteaux pleins de haultsbois, cornets et violons, nous abordasmes en une isle, où dom Juan avoit faict apprester le festin , dans une belle salle faicte exprès de lierre, accommodée de cabinets autour remplis de musicque et haults-bois et autres instruments , qui dura tout le long du soupper. Les tables levées, le bal ayant duré quelques heures, nous nous en retournasmes dans le mesme batteau qui nous avoit conduict jusques-là , et lequel dom Juan m’avoit faict préparer pour mon voiage.

Le matin voulant partir, dom Juan m’accompagne jusques dans le batteau, et, apres un honneste et courtois à Dieu , il me baille pour m’accompaigner jusques à Huy, où j’allois coucher, première ville de la terre de l’evesque de Liege, monsieur et madame d’Havrech. Dom Juan sorty, monsieur d’Inchy, qui demeura là le dernier dans le batteau , et n’avoit congé de son maistre

voyait la reine de Navarre. L’année précédente , il avait passé par 1a France en se rendant de Milan en Flandre, pour prendre le gouvernement de cette province. Il avait pam à la conr, dans une de ces fêtes que la Reine mère aimait tant ; mais, à son grand regret, il j avait pem incognito et travesti en nianre. Il avait admiré la rare beanté de Marguerite, qu’il mettait an-dessus de celle des Italiennes et des Espagnoles, ajoutant que , « combien que la l)cauté de cette Reine fût plus divine qu’humaine, elle était plus pour perdre et damner les hommes que pour les sauver. » nis.'srÔMs, iVoge de Marguerite de France.)

de me cooduire plus loing, preud congé de moy avec aultant de regrets que de protestations d’esti-e à jamais serviteur de mon frere et de moy.

La fortune envieuse et traistre ne pouvant supporter la gloire d’une si heureuse fortune qui m’avoit ao compaignëe jusques-là en ce voiage , me donne deux sinistres augures des traverses, que, pour contenter son envie, elle me preparoit à mon retour : dont le premier fust que, soudain que le batteau commença à s’esloingner du boid , madamoiselle de Toumon , fille de madame de Tournon, ma dame d’honneur, damoiselle tres-vertneuse, et accompagnée des grâces que j’aymois fort, prend un mal si estrange, que tout soudain il la met aux haults cris pour la violente douleur qu’elle ressentoit, qui provenoit d’un serrement de cœur, qui fust tel, que les médecins n’eurent jamais moien d’empescher que, peu de jours apres que je fus arrivée à Liege, la mort ne la ravist. J’en diray la funeste histoire en son lieu, pour estre remai'quable. L’aultre est, qu’arrivant à Huy, ville située sur le pendant d’utie montaigne, dont les plus bas logis mouilloient le pied dansl’eaue, il s’esmeutun torrents! impétueux, descendant des ravages d’eaues de la montaigne en la riviere, que la grossissant tout d’un coup , comme nostre batteau abordoit , nous n’eusmes presque loisir de sauter à terre , et courants tant que nous peusmes pour gaingner le hault de la montaigne, que la riviere ne fust anssytost que nous à la pins haute inie, auprès de mon logis qui estoit le plus hault; où il nous fallut contenter ce soir là de ce ejue le maistre de la maison pouvoit

avoir, n’ayant moyen de pouvoir tirer des balteaux ny mes gens , tiy mes hardes, ny moins d’aller par la ville, qui estoit comme submergée dans cedeluge, duquel elle ne fust avec moins de merveille délivrée que saisie ; car, au poinct du jour, l’eaue estoit toute retirée et remise en son lien naturel.

Partant de là, monsieur et madame d’Havrech s’en retournèrent à Namur trouver dom Juan ; et moy, je me remis dans mon batteau pour aller ce jour là coucher à Liege, où l’evesque ' , qui en est seigneur souverain, me receust avec tout l’honuem' et démonstration de bonne volonté, qu’une personne courtoise et bien alTcctionnée peut tesmoingner. G’estoit un seigneur accompaigné de beaucoup de vertus, de pnidence, de boute, et qui parloit bien François ; agréable de sa personne, honnorable , magniûcque et de compagnie fort agréable; accompagné d’un chapitre et plusieurs chanoines, tous fils de ducs, comtes, ou grands seigneurs d’Allemaigne, pour ce que cetevesché, qui est un ^at souverain de grand revenu , d’assez grande estendue , remply de beaucoup de bonnes villes , s’obtient par élection, etfault qu’ilz demeurent un an résidants, et qu’ilz soient nobles pour y estre reçeus chanoines. La ville est plus grande que Lion, et est presque en mesme assiete , la riviere de Meuse passant au milieu ; tres-bien bastie , n’y ayant maison de chanoine qui ne paroisse un beau palais ; les rues gi-andes et larges ; les places belles, accompagnées de tres-belles fontaines;

■ Gcrard de Groesbek, évêque de Liège en i5(54, créé cardinal en 1J78, mort en i584-

[1577] DE MARGUERITE DE VALOIS, les églises omëes de tant de marbre ( qui se tire près de là), qu’elles en paroissent toutes; les horologes faictes avec l’industrie d’ÂIlemaigne, chantans et representans toute sorte de musique et de personnages. L’evesque m’apnt receue sortant de mon batteau, me conduisit en son plus beau palais, tres-magnifique, d’où il s’estoit délogé pour me loger; qui est, pour une maison de ville , le plus beau et le plus commode qui se puisse voir, accompaigné de tres-belles fontaines, et de plusieurs jardins et galleries ; le tout tant peiuct que doré, accommodé avec tant de marbre, qu’il n’y a rien de plus magnifique et plus délicieux.

Les eaues deSpa n’estants qu’à trois ou quatre lieues de là, n’y ayant auprès qu’un petit village de trois on quatre meschantes petites maisons , madame la princesse de La Roche-sur-Yon fust conseillée par les médecins de demeurer à Liege , et d’y faire apporter son eaue, l’asseurant qu’elle auroit aultant de force et de vertu estant portée la nuict , avant que le soleil fust levé. De quoy je fus fort ayse, pour faire nostre séjour en lieu plus commode et en si bonne compagnie; car oultre celle de Sa Grâce (ainsy appelle-t-on l’evesque de Liege, comme on appelle un roy Sa Majesté, et un prince Son Altesse), le bruit ayant couru cpie je passois par là , plusieui's seigneurs et dames d’Allemaignc y estoient venus pour me voir, et entre aultres madame la comtesse d’Aremberg ' ( cpii est celle qui a voit eu l’hon-

' Margurritc <le I,.i MarcU, vciivc ilc .Ican île Ligne, comtesse souveraine d’ A reniberg