POUR
ROI DB IfAYABRB'.
Madame *, je m'estime tres-heureux du commandement qu'il TOUS plaist de me faire, encore que par droit
I je ne sois obligé de respondre qu'à vos majestez ; si ne
I craindray-je devant cette compagnie ' et toutes autres
personnes que tous trouverez bon , disant vérité , de vous faire paroistre mon innocence et la méchanceté de ceux qui pourroient avoir menty ^. Or, afin que je commence des mon enfance à vous tesmoigner ma vie et mes efiècts passez , je vous diray , madame , que le Roy
! mon père et la Royne ma mère , en l'aage de sept ans,
me conduirent en vostre cour, afin de me rendre aussi afiectionné h vous bien et fidellement servir comme le feu Roy mon père, qui n'a voulu aultres tesmoins de
i ce qu'il vous estoit que son sang et la perte de sa pro-
■ Voyez les Mémoires, p. 4o-
* La Reine mère.
* Les commissaires nommés par le Roi pour instraire le procès.
* Coconnas, qai, dans sa déposition, avait chargé le roi de Navarre.
pre vie : laquelle fust très prompte pour moy^ qui des Jors demeuray sous l'obeyssance de la Royne ma mère, laquelle continua à me faire nourrir en la religion qu'elle tenoit ; et, voyant qu'après le decez du feu Roy mon père, il fa loi t qu'elle me fist connoistre et aimer de mes subjects, elle me voulut mener en ses pays^ ce qui fut faict h mon très-grand regret, me voyant esloingné du Roy et du roy de Pologne, desquels, oultre que nos aages estoient quasi égaux , je recepvois tant d'honneur, que le lieu du monde où je me plaisois le plus estoit d'estre en leur compagnie. Âpres avoir demeuré quelque temps en ses pays, elle s'achemina pour retrouver vos majestez jusques à Nerac ; où estant, il arriva un gentil-homme de monsieur le prince de Condé , qui lui fit entendre que , leurs ennemis estant le.s plus forts , vos majestez s'estoient bien résolus sans doute de se def&ire de ceux qui portoient les armes, afin que plus aisément ils pussent exterminer les femmes et les enfants^ et par ce moyen ruyner du tout nostre maison ; et que cela, il le sçavoit pour le certain de bonne part; et, dans quatre ou cinq jours, qu'il seroit à La Rochelle avec sa femme et ses enfants. Ce qui l'esmut tellement à pitié que, craignant que le me&me malheur luy avint^ elle se délibéra de les aller trouver à La Rochelle, où elle me mena; et mon oncle, dressant son armée , elle m'envoya avec luy, où tous ceux qui y sont venus de vostre part pour traicter la paix, vous ont pu tesmoingner le désir que j'avois d'estre auprez de vos majestez pour vous faire tres-humble service; entre autres messieurs de Gros, de Brion et
POUR HENRI DE BOURBON. lg7
de Boisy, qui furent députez pour ce faict , vous l'ont pu asseurer.
Apres la paix faicte, il se commença de mettre eu avant le mariage de madame vostre fille, duquel je m'estimay tres-heureux, pour me voir rapprocher de vos majestez; lequel mariage n'estant du toutresolu, elle vous vint trouver pour achever de le conclure^ et me laissa en attendant en ses pays; où bien-tost après elle m'envoya quérir, comme aussi firent vos majestez par Perqui , lequel vous a pu dire le plaisir que ce me fut d'avoir ce commandement : comme je le montray m'acheminant trois jours après, ayant eu vingt accez de fièvre tierce. Âpres m'estre acheminé sept à huict journées, je sçeus la mort de la Roy ne ma mère, qui m'eus t esté une excuse assez valable de m'en retourner, si j'en eusse eu envie ; toutesfois je m'acheminay un jour aprcs , avec la meilleure troupe de mes serviteurs que j'avois pu assembler, et ne fus content que je ne fusse arrivé près de vos majestez; où, tost après ces nopces^ nvint la Saint-Barthelemy, où furent massacrez tous ceux qui m'avoient accompagné, dont la pluspart n'avoient bougé de leurs maisons durant les troubles. Entre les aultres fut tué Beauvais, lequel m'avoit gouverné des l'aage de neuf ans ; dont vous pouvez penser quel regret ce me fut, voyant mourir ceux qui estoient
venus soubz ma simple parole , et sans aultre asseu- •
i^nce que les lettres que le Roy m'avoit faict cet hon- a
neur de m'escrire, que je le vinsse trouver; m'asseurant qu'il me tiendroit comme frère. Or ce desplaisir ''
me fust tel, que j'eusse voulu les racheter de ma vie,
188 lilÉMOIRE JUSTIFICATIF
puisqu'ils perdoient la leur à mon occasion; et mesmes, les voyant tuer jusques au chevet de mon lict, je demeuray seul d'amis et en desfiance. En ces peines , Thoré % lequel estoit picqué de la mort de son cousin *, et se voyant désespéré , se vint joindre avec moy, me remettant devant les yeux Tindignité que j'avois receuc et le peu d'assurance que je pouvois attendre pour moy-mesme , voyant l'honneur et bonne chère que vous, madame^ et le Roy vostre fils et le roy de Pologne, faisiez à ceux de Guise : lesquels, non contens de ce qu'ils avoient voulu faire au feu Roy mon père, et à monsieur le Prince, mon oncle, triomphoient de ma honte. Non toutefois qu'il m'entrast jamais en l'intention de vous estre aultre que tres-fidelle et tres-aflectionné serviteur; ce que j'esperois vous faire paroistre à La Rochelle , où je fus résolu de vous bien et fidellement servir, et de suivre de si prez le Roy de Pologne, qu'il vous pust tesmioigner le fonds de mes intentions.
Or estant si prez de luy, je fus adverti par plusieurs de mes bons amis que l'on vouloit faire une seconde Saint-Barthelemy , et que monsieur le Duc ^ et moy n'y serions non plus espargnez que les aultres. Oultre, le vicomte de Turenne me dist qu'il avoit sçeu pour certain de la cour que monsieur de Villeroy apportoit la depesche pour faire l'exécution, et que si ma femme estoit accouchée d'un fils , que le Roy avanceroit ma
' Guillaume de Montmorency, seigneur de Thoré, de Dangu, etc. * L'amiral de Goligny.
' Le dac d'Âlençon.
mort. Mesmes quelques uns de mes gentils-hommes furent advertys de leurs amys, qui estoient à monsieur (le Guise, qu'ils sortissent de leur quartier pour aller ou leur; parce qu'il ne faisoit pas seur pour les miens : et aussi le Gast me venant voir, disoit tout haut que, la Rochelle prinse, on feroit parler tout aultrement des huguenots et des nouveaux catholiques. Vous pouvez penser, si en ayant eu tant d'advertissements , et mesme de luy, en qui le roy de Pologne se fioit entièrement, disant ces choses, s*il n'y avoit pas juste occasion de le croire. Toulesfois ayant promis au roy de Pologne que, si j'entendois quelque chose pour le service du Roy et le sien , je l'en advertirois , comme je fis l'allant trouver le soir à son cabinet, luy faisant entendre comme le tout se passoit. De quoy il m'asseura qu'il n'en estoit rien, et des lors il me promit tant d'amitié, que, me séparant de cette frayeur, je cessay de faire garde à mon logis comme j'avois esté contrainctde faire pour l'asseurance de ma vie. Depuis je ne perdis aucune occasion de me tenir auprès de luy, pour faire preuve que je n'avois rien de phis cher que ses bonnes grâces. En ce temps-là le ramp fut rompu, et nous revinsmes de La Rochelle vous trouver, où il ne s'est parlé que du départ du roy (le Pologne, lequel vos majcstez furent conduire jus- (]ues a Vitry, où j'eus advertissement de plusieurs endroits que Ton vouloit tuer le Roy (ce que je ne voulus jamais croire), ensemble monsieur le Duc et moy, et faire le roy de Pologne roy. Toutesfois, faisant entendre ce que j'avois aprins a monsieur le Duc,
il me dit qu'il en aToit eu beaucoup d'avis et d'appareils y et que monsieur de Guise faisoit assemblée à Joinville , pour faire Texecution de cette entreprise : et moy estant à la chasse, je trouvay dix ou douze cbe- Yaux a?ec armes , comme fit le guidon de monsieur le prince de Condé, qui en trouva quarante ou cinquante en ce mesme esquipage, qui estoit assez pour nous faire croire quelque chose. Toutesfois le roy de Pologne estant arrivé à Vitry, je ne faillis à luy dire tous les bruits qui couroient de luy; lequel m'asseura qu'il n'en sçavoit rien , et que si j'estois en doute là de messieurs de Guise^ que je ferois bien de demeurer auprez du Roy, et l'aller trouver à Nancy pour prendre congé de luy; ce que la lloyuc me fist commander par le Roy.
Le Roy partit de Vitry pour aller à Chaalons^ où j'allay avec luy ; où estant ^ luy demanday congé pour tenir la promesse^ que j'avois faicte au roy de Pologne, d'aller prendre congé de luy à Nancy, ce qu'il me refusa, et me commanda me tenir prez de luy. Sept ou huit jours après avoir esté à Chaalons, je sceus le départ du roy de Pologne ; et me fnst asseuré qu'à son dernier à Dieu, oubliant l'amitié et bonne chère qu'il m'avoit promis^ il ne se souvint de vous supplier, madame, que vous m'eussiez en vostre protection ; mais au contraire il vous recommanda monsieur de Guise, afin que par vostre moyen il fust faict con* nestable, ce que je ne voulois nullement croyre; mais estant vostre majesté de retour à Rheims, vous me fistes une si maigre mine , et commençastes là d'avoir
une telle deffiance de mojr, que cela me fist penser qu'il en estoit quelque chose. En ce niesme temps monsieur de Thoré arriva y lequel ne fnst seulement fasché devoir en cette peine; mais mêla continua, me di- ^^nt que c' estoit chose très certaine que/ demeurant ^ la cour, je ne debvois attendre que beaucoup de mes- ^nlentement, et que ma vie n'y estoit trop asseurée. ^e là vos majestés allèrent à Soissons , où vous conti- '^Uastes encore plus les meffiances que vous preniez de ^^^i sans vous en avoir donné une seule occasion : qui lu'estoit un extresme ennuy. Là , les capitaines des gardes commencèrent à venir tous les jours dans la chambre de monsieur le duc et la mienne , et regarder dessous nos licts, pour voir s'il n'y avoit personne; et commandastes qu'il ne coucheroit en ma garde robe qu'un seul vallet de chambre pour me servir ; et mesme, me levant le matin pour me trouver à vostre lever, madame, comme j'avois accoustumé^ chocquant à vostre porte , vous distes que l'on me respondist que vous estiez chez le Roy. Toutesfois vous parliez a la Chastre et à quelques aultres, de qui il ne me souvient des noms, qui avoient esté les principaux exécuteurs de la Saint-Barthelemy et du tout serviteurs de monsieur de Guise : qui me fist croyre que vous desiriez plus vous servir de ceulx de cette maison que de ceulx qui ont cet honneur de vous estre plus proches et plus fidelles serviteurs. Le lendemain y ne me voulant de rien rebuter de ce que je sçavois venir de vous, je retournay encore pour vous trouver en vostre chambre ^ de laquelle vous estiez sortie pour aller chez le
Roy; où, pensant entrer, vous commandastes que Ton
me dist que le Roy donnoit; encore que^ passant par
la salle, plusieurs gentils-hommes , mesmes de ceux de
» ' mon gouvernement 9 y eussent veu entrer cinq ou six
du conseil : ce que sçachant , je chocquay à la porte , et lors vous me fistes respondre que le Roy ne vouloit pas que j'y entrasse; qui me fust une grande honte, mesmes estant connu de tous les hommes qui le virent.
Gela estoit suffisant de me mettre en une extresme peine , n'ayant jamais rien sçeu qui importast à vostre service, que je n'en eusse adverty le roy de Pologne, comme il vous a tesmoigné de La Rochelle et de Vitry; et vous, madame, estant à Rheims, ayant ouy parler de quelque requeste que l'on vouloit présenter à vos majestez, je ne faillis incontinent de le vous dire; qui ne meritoit pas vous mettre en deffiance de moy, mais au contraire vous convioit à vous y fier. Et voyant que mes ennemis avoient telle part auprès de vos majestez, que, pour nul de mes effects, vous ne pouvez perdre la deffiance qu'à grand tort avez prinse de moy ; j'ay creu que les bruicts que l'on faisoit courir, que l'on nous vouloit mal faire, estoient véritables. En cette peine, monsieur le Duc, qui n'en avoit pas moins, me contoit les desdaings que l'on luy faisoit; et je luy dis les miens en la présence de Thoré. De là vos majestés allèrent à Chantilly, et de là à Sainct-Germain; où vinrent les nouvelles que l'on avoit failly à prendre La Rociielle : et fust dict tout haut que, si elle eust esté
' prinse , l'on eust mis monsieur de Montmorency pri-
sonnier, et que l'on eust exécuté sur nous la mauvaise
volonté que Ton nous porte. Et voyant les grandes
meffiances^ que vos majestez avoient de nous^ s'ac--
croistre tous les jours ^ et recepvant beaucoup d'aver-
tissemens tons nouveaux, que Ton nous vouloit mef-
faire, cela fust cause que monsieur le Duc se résolut^
pour s'oster de ce danger et pour l'asseurance de sa
vie, de s'en aller;- où je luy promis de l'accompagner,
et de là m'en aller en mon païs , tant pour ma seureté
que pour donner ordre en Bearn et Navarre, où, pour
mon absence, je ne suis nullement obey. Et lorsque nous
estions, pour l'asseurance de nos vies, sur le poinct de
nous absenter de la présence de vos majestez , il advint
que vous en fustes advertis, et vous nous appellastes en
vostre cabinet, où nous vous dismes tout ce que nous ^
I sçavions. Alors vous nous asseurastes de nos vies, et
nous distes que le Roy donneroit si bon ordre, que
nous n'aurions cy-apres occasion de nous plaindre. Depuis, estant au fauxbourg Sainct-Honoré , nous I eusmes les mesmes allarmes qu'auparavant, mesmes
I que l'on disoit qu'on nous vouloit mener au bois de
Vincennes prisonniers. Alors le vicomte de Turenne
ariMva de la part où vos majestez l'avoient envoyé;
lequel nous confirma les mesmes occasions de peur
et craincte , et nous représenta devant les yeux le
danger où nous estions de nos vies; qui fust cause que '*
monsieur le Duc m'envoya dire par la Vergne et Mon- ♦
tegu qu'il estoit résolu, pour ces mesmes raisons, de ^v
se retirer. Ce qu'entendant, je me deliberay de partir
pour l'accompagner, et de là me retirer en mes pays ,
pour les mesmes raisons que j'ay cy -devant dictes. Voilà p madame , tout ce que je sçay ; et tous supplie tres^humblement de considérer si je n'avois pas juste et apparente occasion de m'absenter ; et qu'il plaise au Roy et à vous me vouloir doresnavant faire tant de bien et honneur que de me traiter comme estant ce que je vous suis, et qui n'a aultre volonté que vous estre à tous deux tres^humble , tres-fidelle et tresobeissant serviteur*. Signé Henri.
' Pabiié par Le Laboureur, dans les additions aux Mùnoires de. Casteînau, t. Il, p. Sqo, où il faut lire l'histoire de la conjuratioD de La Molle et de Coconnas.
DE
