MÉMOIRES [15S2J

sembla que je ne ineritois pas celte récompense de ce que j'avois faict le malin. Elle le mit souvent en des humeurs pareilles contre moy.

Pendant que nous estions de cette façon, le Roy, qui n'ignoroit rien de tout ce qui se passoit en la maison de tous les plus grands de son royaume , et qui estoit particulièrement curieux de sçavoir les deportemens de nostre cour, ayant esté adverty de tout cecy, et conservant encor le désir de vengeance qu'il avoit conceu contre moy, pour l'occasion que j'ay dicte, de l'honneur que mon frère avoit acquis à la paix qu'il avoit faicte , pense que c'estoit un beau moyen pour me rendre aussi misérable qu'il desiroit; me tirant hors d'auprès du Roy mon roary, et espérant que l'esloingnemen t seroit comme les ouvertm^es du bataillon Macédonien. A quoy pour parvenir, il me fist escrire par la Royne ma mère qu'elle desiroit me voir; que c'estoit trop d'avoir esté cinq ou six ans esloingnée d'elle ; qu'il estoit temps que je fisse un voyage a la cour ; que cela serviroit aux affaires du Roy mon mary et de moy; qu'elle cognoissoit que le Roy estoit désireux de me voir; que si je n'a vois des commoditez pour faire ce voyage, que le Roy m'en feroit bailler. Le Roy m'escrivit le semblable, et m'envoyant Manniquet , qui estoit mon maistre d'hostel, pour m'y persuader (pour ce que, depuis cinq ou six ans que j'estois en Gascongne, je n'avois jamais peu me donner cette volonté de retourner a la cour) il me trouva lors plus aisée à recepvoir ce conseil, pour le mescontentement que j'avois à cause de Fosseuse, liiy rn ayant donné advis à la cour. Le Rov

et la Royne m'escrivent encore deux ou trois fois coup sur coup, et me font délivrer quinze mil ' escus , afin que l'incommodité ne me rekardast ; et la Royne ma mereme mande qu'elle viendroitjusquesen Xaintonge; que si le Roy mon mary me menoit jusques-là, qu'elle commnnicqueroit avecluy^ pour luy donner asseurance de la volonté du Roy; car il desiroit fort de le tirer de Gascongne, pour le remettre à la cour en la mesme condition qu'ils y avoient esté aultresfois mon frère et luy; et le mareschal de Matignon poussoit le Roy à cela, pour l'envie qu'il avoit de demeurer tout seul en Gascongne.

Le temps que j'avois demeuré en Gascongne ny toutes ces belles apparences de bienvueillance ne me faisoient poinct tromper aux fruicts que l'on doibt espérer de la cour, en ayant eu par le passé trop d'expériences ; mais je me résolus de tirer prouffict de ses coffres *, et y faire un voiage seulement de quelques mois, pour y accommoder mes affaires et celtes du Roy mon mary ; estimant qu'il serviroit aussy comme de diversion pour l'amour de Fosseuse, que j'emmenois avec moy; que le Roy mon mary, ne la voyant plus, s'embaixjueroit possible avec quelque aultre qui ne me seroit pas si ennemie. J eus assez de peine à faire consentir le Roy mon mary à me permettre ce voiage, pour ce qu'il se faschoit d'esloingner Fosseuse, et qu'il en fust parlé. Il m'en fîst meilleure cbere , désirant extresmement de m'oster cette volonté d'aller en France. Mais, l'ayant

* Var. cent,

* Var. ses offres.

182 MÉMOIRES DE MARGUERITE DE VALOIS. [158i]

desjà promis par mes lettres au Boy et à la Royne ma mère, mesmes ayant touché la somme susdicte pour mon voiage, le malheur qui m'y tiroit l'emporta sur le peu d'envie que j'avois lors d'y aller, voyant que le Roy mon mary recommençoit à me monstrer plus d'amitié.

TIV DES MEMOIRKd*