Cavalier, ouvrage avancé, terme de fortification

embassadeurs et agens que par plusieurs lectres dud. s' prince d'Orenge, qui avoient esté surprises par ses gens, il ne voyoit aultre expédient pour tromper la royne d'Angleterre que de proposer ce mariage et l'endormir en l'espérance de la conjonction des Pais- Bas à la couronne d'Angleterre*, et, pour se dépestrer des empeschemens dud. s' prince d'Orenge, quand il seroit receu pour prince, que de chercher quelque artificieux moyeni pour s'en defFaire du tout, gaignant les plus authorisés entre les Estats et ceux en particulier qui n'aymoient pas led. s' prince d'Orenge; ou pour s'en rendre le maistre, s'il pouvoit, et, en ce cas, le garder et joindre à la France, ou du moings y acquérir une si bonne part qu'elle peult luy servir à traicter avec le roy d'Espaigne et parvenir au mariage susdict.

Led. s' duc Casimir, par une confidence très estroicte qu'il avoit contractée avec le s' comte de Leycestre, qu'il appelloit son père (et led. s' comte appelloit led. s' duc son filz) sentant tous ces discours-là, prévit bien que ce n'estoit temps perdu de s'amuser à telz affaires ; et, estant assez asseuré que led. s' duc d'Alcnçon n'y proufiteroit rien, se contenta de ce voyage et de faire bien congnoistre le naturel dud. s' duc d'Alençon aux peuples desd. Pais-Bas par ung petit traicté appelle Le

\. Les projets de mariage du duc d'Anjou et de la reine d'Angleterre avaient été mis en ava'^.t par la reine Catherine dès l'année 1574 (Correspond, de La Mothc-Fénélon, t. V, p. 19). Elle y revint avec insistance en 1578 (Documents insères dans les Mémoires de Nevers, t. I, p. 540 et suiv.).La plupart des historiens ont pensé que la reine d'Angleterre, malgré ses hésitations apparentes, avait toujours été décidée à n'y pas donner suite.

Patriote, faict parled. Bcuttcrich, lequel le feist imprimer et publier par tout. Et, ayant prins congé de la royne et receu son ordre, s'embarqua et prist son chemin par la Rolande, où led. s' prince d'Orenge feist tout son effort vers les Estatz pour le faire arrestcr, soubz couleur d'avoir, disoit-il, mal faict leurs affaires. Mays lesd. Estatz, mieux advisez, ne se voulurent mesler des inimitiez de ces deux princes ; et, l'ayant au contraire fort honoré en son passage, recongnoissant encores leur ancienne subjection à la maison palatine, il se retira droict à Heydelberg, ayant laissé led. s' d'Hargenlieu avec son régiment au service de Gand et désiré que je demeurasse encores avecluy en Flandres ; comme je fei, pour voir comme toutes choses se passeroient et l'advertir, comme aussy led. s' prince de Condé, de toutes choses.

Avant qu'aller en Angleterre, led. s' duc Casimir avoit mandé le s' Hubert Languet, son conseiller, des plus grandz hommes d'estat de son temps, et qui, bien que François naturel, estoit aussy conseiller du duc de Saxe, beau-père dud. s' duc Casimir, pour voir s'il y auroit moyem par son entremise, fort agréable aud s"^ prince d'Orenge, qui avoit aussy espousé en secondes nopces la niepce ' du duc de Saxe % son maistre, fille du duc Moritz % de raccommoder les affaires. Et estoit allé et venu led. s' Languet de Gand en Anvers à cet