DUC DE LORRAINE ET DE BAR

ET

MARQUIS DU PONT, COMTE DE VAUDEMONT, etc.*

Monseigneur,

L'amitié perfaicte que feu monseigneur le duc Casimir de Bavières vous a toujours porté et l'honorable réputation de Vostre Altesse m'ont esmeu, avant qu'estre congneu de vous, à vous faire de bons services en maniant les très importans affaires desquelz j'avoys charge de feu Monseigneur le prince de Condé, mon maistre. Et, depuis que la qualité de sa mort et plusieurs aultres très urgentes raisons m'ont inopinément conduit au service de Vostre Altesse, vous avez veu de quel zèle et avec combien de fidélité je m'y suis comporté, et ne veux aultre meilleur tesmoing que Vostre Altesse des signalez services que vous avez