Roches-sur-Rognon (Haute-Marne

s' baron. Lequel envoya de bonne heure le rendezvous et passages aux colonelz et feist led. commandement aux colonelz Bouch et Berndorff.

Lesamedy, 9^ septembre, nous partismes à la diane, et, tant pour le meilleur chemyn que pour éviter les bois, allasmes passer la rivière devant Villers-sur- Marne', cartier des landzquenetz. Et, arrivez à Roches, le conseil estant assemblé au chasteau, pour faire le logis de l'armée, arriva ung soldat envoyé par led. s' de Chastillon, nous advertir qu'il estoit investy et avoit besoing de secours. Et le soldat nous deist qu'il estoit sorty de Grésilles, en grand danger ^ Et, luy demandant des nouvelles dud. s' comte et de ses trouppes, nous deist qu'il n'en sçavoit poinct et que led. s' de Chastillon n'en avoit poinct encores de nouvelles hier soir, quand il partit. Sur quoy, entrans en déhbération, nous pressasmes le département, craignant inconvénient à faulte de dihgence. Led. s' de Guitry, au contraire, faisoit le long, disant avoir peine à faire le logis, pour ne congnoistre le pais, adjoustant tousjours qu'aussy bien en estoit-ce faict ou failly et que la diligence ne serviroit plus de rien, tendant à rompre ceste entreprise et laisser perdre led. s' de Chastillon. A quoy je répliquay que, n'ayant poinct d'advis de ce qu'il disoit, par conjecture seulement, il n'y avoit subject de changer de résolution, et, veu les propos du soldat, lectres et désir dud. s' de Chastillon, il faloit partir et faire toute dihgence possible;