Mussey (Haute-Marne

feld-mareschal et colonelz sur icelluy, affîn que là-dessus ilz advisassent promptement à ce qui se debvoit et pourroit faire au plus tost. Et, voyant qu'ilz remectoient cela après disner, disans qu'on ne pourroit partir ce jourd'huy, je renvoyay led. s"^ Beutterich vers led. s' baron, l'advertissant de ne se mectre en peine pour ce jour, que je demeurois là pour estre présent à la résolution qui seroit prise sur l'advis que j'avois apporté, laquelle je luy reporterois incontinent. Le s" de Guitry estoit l'autheur de la longueur, bien aise, comme il paroissoit évidemment à son visage, de cet acrochement et retardement. Et, après disner, nous entrasmes en conseil ; et, toutes choses par moy bien débatues, encores que led. s"^ de Guitry y consentist fort mal volontiers, fut trouvé expédient de rebrousser avec toute l'armée droict à Bazeilles, aux plus grandes journées que faire se pourroit, mays que de partir aujourd'huy il n'y avoit moyem, d'aultant que l'artillerie ne pourroit faire si grandes journées. Ainsy fut résolu de partir le lendemain, dès le poinct du jour, le rendez-vous à Roches', les passages de la rivière de reistres et landzquenetz chacun devant son logis, et que les colonelz Bouch et Berndorff, plus proches des Suisses, se trouveroient en la plaine de Saint-Urbain pour faire la retraitte et marcher avec eulx, à cause dud. s'^ duc de Guyse qu'on disoit estre près Joinville. Et fut commendé au s' de Gouvrelles, pour plus grande diligence, de faire faire ce jour-là mesme une lieue à l'artillerie. Gela faict, malgré led. s"^ de Guitry, je m'en retournay en advertir led.