Nemours (Seine-et-Marne

nous estions à la campaigne; et led. sr Beutterich se feist lors prier et presser de venir vers led. sT duc, son maistre, et l'exhorter de ne passer oultre, l'asseurant que la royne venoit à Nemours sans faulte.

La venue et discours de Beutterich sur tout ce qu'il avoit bien recongneu à la court feist résouldre son maistre à ne reculer à la paix, pour les artifices qu'il avoit descouvertz tant aud. sr duc d'Àlençon qu'au roy de Navarre, par leurs propres depputez, qui s'estoient entièrement bandez contre noz demandes, et qu'encores Beauvois et d'Arènes faisoient si mal leur debvoir que toute la poursuite luy estoit demeurée sur les braz, que led. sr prince né pourrait pas tousjours résister seul à tant de contrariétez, et, quant à luy, il n'estoit tenu à faire plaisir à des gens malgré eux, que le roy de Navarre avoit faict tenir ce langage par Ségur Pardaillan *, envoyé de sa part en court, que nos demandes estoient ëxcessifves, et avoit, à la poursuite de la royne, envoyé led. Ségur vers led. sr prince pour l'en divertir; ne sçavoit ce qu'il avoit faict.

Led. sr duc Casimir deist n'en avoir aussy rien sceu, et, à la vérité, nous n'avions eu le moyem de l'en advertir, d'aultant que led. Ségur arriva au chasteau de Brie*, où estoit logé led. sr prince, prest à partir pour ceste cavalcade ; et rernist led. sr prince à en

1. François de Ségur Pardaillan, seigneur de Sainte-Aulaye, nommé, le 14 août 1576, gentilhomme de la chambre du roi de Navarre, devint surintendant de sa maison et chef de son conseil. U vivait encore en 1605. Le roi de Navarre l'employa souvent dans ses négociations les plus importantes, principalement en Allemagne. Nous le retrouverons dans la suite de ces Mémoires.

2. Probablement Brie (Seine-et-Marne), aujourd'hui appelé Brie-Comte-Robert. Une partie du château existait encore en 1830.

advertir led . s* duc Casimir à la première veue, comme il feist depuis, luy représentant les propos estranges que luy avoit tenu led. Ségur de la part du roy de Navarre, ayant faict tout son effort d'avoir audience dud. sr prince seul à seul, ce qu'il n'avoit peu obtenir, ayant led. sr prince voulu qu'il pariast en ma présence, pour en estre tesmoing, luy ayant tenu led. Ségur ung langage fort indiscret (comme il ne fut jamais estimé bien sage et il en apperra aux livres suivans) et indigne d'ung homme faisant estât de rechercher le bien du party qu'il disoit tenir, car il faisoit fort le huguenot et se sentoit fort dès lors des folies de son prophète futur, nommé Brocard ; et disoit qu'il avoit perdu à Paris1 deux de ses frères, mays qu'il aymeroit mieux y mourir encores, qu'à ceste occasion voir faire telles recherches (et c'estoit qu'on demandoit la justice des meurtres commis aux nopces de son maistre, lequel led. sr prince luy respondit y estre plus obligé qu'aultre quelconque, les ayans tous conduit pour son service à ceste boucherie) . Et adjoustoit led. Ségur aussy ces mots : « que de voir ainsy partager le royaume. — Et qui le partage, deist led. sr prince, sinon le duc d'Âlençon, qui demande ung appennage? Ne sçait ce que le roy de Navarre demande, mays quant à luy qu'il ne demande que cT estre bien restably et asseuré en son gouvernement de Picardie; que pour les trois villes de Metz, Thoul et Verdun, c'estoit pour l'asseurance des provinces delà la rivière de Seyne, bien que ce ne feussent patrimoine de France, ains protection, et que les Éveschez