A Paris, au massacre de la Saint-Barthélémy

estaient purement et simplement de l'Empire ; que ce n 'estoit pas cela qui luy faisoit dire ces propos, irtays je ne sçay quoy qu'il diroit ung jour si hault qtie tout le monde l'entendroit, que voilà ce qu'il avoit gaigné à se tuer pour leur délivrance et qu'il eust mieux faict de suivre le conseil de ses serviteurs et faire ses affaires, luy ayant prédict la vérité qu'il n'auroit plus grande difficulté que de ceux pour lesquelz il travaillent jour et nuict, mays qu'il estoit encores en luy de prendre ce chemin-là et faire rafraischir l'armée de la seconde levée qui estoit toute preste soubz le commendement du duc de Lignitz 4 et du vidame de Chartres. Et que led. Ségur l'ayant ouy parler si courageusement luy avoit commencé à toucher une aultre chorde, qu'après le roy de Navarre il avoit le plus grand intérest à la grandeur de la couronne de France. Et led. sr prince l'interrompant luy deist : « Ce n'est pas de vostre creu, c'est de l'instruction de la royne, comme Belièvre, > dont Ségur s'offensant : c Vous me tenez donc pour ung traistre, deit-il, prenant instruction de noz ennemis !» — c Vous tenez leur langage, Ségur, et parlez pour eux, et pour ce, je vous metz de ce nombre là. » Et, taschant de l'adoucir, luy adjousta que le roy de Navarre, de crainte d'altérer quelque chose en son espérance, n'avoit jusques à présent voulu faire aultre profession que de catholique*; et led. sr prince deist : c qu'il laisse donc aux Huguenote faire leurs affaires et ne les en empesche point! » Puis deist que led. sr roy

1. Jean Georges, duc de Lignitz, allié en 1582 à une fille du duc de Wurtemberg, mort ayant 1594.

2. Sur cette erreur malveillante de La Huguerye, voyez la note 2 de la page 388.

ne se vouloit poinct mesler de telz traictez. « Nous nous en sommes bien passez jusques icy , Dieu mercy ! » deist led. sr prince. Et quand led. sr de Ségur luy deist que tout le mal et la disgrâce de ce traicté tomberoit sur luy et qu'aussy bien tout cela ne servirait de rien et ne durerait pas troys moys, led. sr prince luy répliqua : c Le roy, vostre maistre, et vous en sçavez bien des nouvelles, à ce que je voy, mays, si en la foy publique on use d'infidélité, j'espère que Dieu en sera le vengeur. Bref, Ségur, dictes au roy que je le supplie de ne me presser point d'estre meschant et perfide; je ne fuz jamays nourry en telle eschole. Et pour la fin de noz discours, deist led. sr prince, je vous diray, monsr de Ségur, en peu de paroles : pour la délivrance de Mr d' Alençon et du roy de Navarre j'ay faict ceste levée et faict les promesses et obligations dont est question, lesquelles led. sr duc d9 Alençon a agréées, et qu'aujourd'huy que par son moyem ilz sont en liberté, qu'ilz veuillent abandonner et luy et le prince et forces qu'il a amenez pour leur bien et service, il ne Tavoit jamais voulu croire quand on luy a bien prédict ; mays quoy qu'il en peust arriver il seroyt trouvé homme de bien et prince véritable, que sa foy estoit obligée estroictement, qu'il luy cousteroit la vie ou il s'en deschargeroit avec son honneur et rendrait led. sr duc Casimir content de luy. De quoy led. sr de Ségur fut très mal content ; s'en retourna fort mal édifié dud. sr prince et luy feist de très mauvais offices, comme plusieurs aultres des serviteurs dud. sr roy de Navarre, à qui mieux mieux, dont on a veu depuis les mauvaises suites jusques à la mort dud. sr prince.

Led. sr duc1 fut très content du rapport de ceste négotiation, que je luy asseuray avoir esté récitée de poinct en poinct; et luy en délivray le mémoire que j'en avois gardé par le commandement dud. sr prince ; et led. sr Beutterich trouva ce discours dud. sr prince des plus éloquens, de son aage, du tout conforme à ce qu'il en sçavoit, et que le rapport en ayant esté faict à la royne, elle avoit mis de l'eaue en son vin, mays qu'il ne falloit se fier en toutes les promesses qu'ilz pourraient faire, qu'ilz toe garderoient jamays que par vifve force. Sur quoy, estant seulement lesd. sw prince et duc et Beutterich et moy, je prins la parole et suppliay lesd. seigneurs, prince et duc d'oublier le juste mescontentement qu'ilz avoient dud . sr prince d'Orenge, duquel jusques icy ilz avoient rejecté les poursuites et négotiations, faictes par le cappitaine La Garde une fois et l'aultre par led. Calvard, qu'il n'y avoit homme qui sceut plus du juste subject qu'ilz avoient que moy led. sr prince, pour avoir empesché ses affaires au lieu de luy ayder et s'allier avec luy, et led. sr duc, pour estre cause de la mort dud. sr duc Christofle, son frère ; mays que, puisqu'ilz prévoyoient une telle infidélité en ceux ausquelz on avoit affaire et qu'il serait besoing de les brider par la force, que la négotiation desd. La Garde et Calvard estant encores sur pied, je les suppliois, au nom de Dieu, en l'occurrence de la mort de dom Ludovic de Requesens*, gouverneur des