Monréal (Yonne

reçongnoistre que leur maistre avoit esté mal informé, me prier de n'avoir esgard à cela et donner ce tortlà au public que j'obligerais extrêmement leur maistre à changer d'opinion de moy, à quoy ilz serviroient et rendraient tesmoignage de ce qu'ils avoient apprins du dernier bon office que j'avois faict en cet affaire, me priant de les excuser comme serviteurs obligez à exécuter les commendementz de leur maistre. Je leur fei response que je ne voulois chercher aultre justification que de la bouche de mon maistre qu'ilz avoient ouy parler, que je ferais mon debvoir et ne tiendrait pas à moy que le bien ne s'advance; qu'ilz recherchent monsr le duc Casimir, et quand ces deux princes gousteront leur affaire, la force estant toute à eux, tout ira bien; dont ilz me remercièrent, me disans qu'ilz avoient parlé aud. sr duc, lequel les avoit envoyé au sr Beutterich. Je leur répliquay que nous estions bons amys et que je m'asseurois qu'il ne tiendroit pas aud. sr Beutterich que tout n'aille bien, mays qu'il estoit besoing de faire diligence pour conduire l'affaire avant la conclusion de la paix, affin [d']asseurer l'armée de bonne heure, laquelle autrement ne penserait qu'à son retour, comme ilz asseurèrent de faire. Et ainsy je remys ceste négotiation, non en faveur dud. sr prince d'Orenge, mays pour servir à noz affaires à ses despens ; ce que j'escrips à cause de la négotiation suivante seulement.

Led. sr Beutterich avoit bien recongneu en court qu'on obtiendrait à peu près noz demandes générales, excepté pour la punition des meurtres de Paris, et la tenue des estatz en armes, à fin de l'omologation et exécution du traicté de paix que le roy et la royne

vouloient remectre au terme de six mois après lad. paix, lors de laquelle ilz seraient convoquez. Et avoit senty d'advantage que lesd. estatz seraient subornez au contraire, pour rompre lad. paix et en descharger le roy. Et Ségur nous en avoit aussy assez apprins, quand il deistaud. sr prince que tout ne durerait pas troys mois, nous faisant assez congnoistre que son maistre estoit de la partye et pour ce, au contraire, de ce dessein malicieux et infidèle de faire en ung mesme temps une paix et disposer les moyems de la rompre. Je proposay de sonder la négotiation du prince d'Orenge, pour servir au public et au particulier desd. sr prince et duc Casimir, au premier pour le maintenir par les armes voisines en la main en son gouvernement et retraictede Kcardye, et à l'aultre pour luy faire tenir ce qui luy serait promis en son particulier; auquel effect [que] led. sr prince commendast l'armée et la menast en Flandres, composée de 4000 chevaux alemandz seulement, en quatre régimentz; renvoyant le reste avec led. sr duc et mil chevaux françoys, quatre mille suisses, en ung régiment, qui auraient la garde de l'artillerie que led. sr dup laisserait et les munitions, ung régiment de lansquenetz de 3000 ; renvoyant le reste des Suisses et landzquenetz malades et cinq mil harquebuziers françoys, en quatre régimentz, desquelz celuy dud. sr de Tureyne seroit le premier et luy colonel général, et le comte de Laval colonel des chevaux légers françoys , et led. sr de La Personne en sa charge de l'artillerye , avec beaucoup de noblesse qui vouloit suivre led. sr prince, et ses gardes; que led. sr duc Casimir retournast avec le reste en Àlemaigne, obligeans pour ung tel effect

lesd. estats, avec bonne caution en Àllemaigne, de fournir, à la foire de septembre, en Tan 1576, auquel nous estions, pour l'enritgelt et le premier moys, es mains dud. sr duc, la somme de 450 mille écus, avec laquelle somme, ses reistres estans contens du moys de retour, led. sr duc tiendrait en Àlemaigne une aultre armée toute preste à entrer en Champaigne, si on rompoit la paix dans les estatz, et led. sr prince rentrerait en Picardie avec l'armée de Flandres, s'il en estoit besoing, comme led. sr duc en seroit bien adverty envoyant ausd. estatz solliciter l'exécution des promesses.

Ayant amené lesd. s" prince et duc à trouver cela bon et s'y résouldre, tant pour le bien public que pour le particulier, adjoustant aud. sr prince qu'il pourrait dadvantage mesnager les affaires de Flandres, pour la grandeur et accroissement de la couronne de France, en général, et quelque petit canton voisin de son gouvernement pour sa retraicte et asseurance particulière, en recongnoissance de ses bons offices, luy descouvrant à cet effect mon opinion du duché de Gambray et Gambresiz, nous eusmes charge, led. sr Beutterich et moy, seulz participans à ce traicté secret desd. deux princes, qui se donnèrent sur ce la main, de traicter selon ce que dessus avec lesd. depputez et de n'en communiquer à personne; sur quoy led. sr Beutterich deist aud. s* prince : c Gardez-vous donc bien, Monseigneur, d'en dire rien à Montagu, si vous ne voulez que la rayne, qui s'en vient à Nemours, ne le saiche aussy tost et rompe vostre dessein, en faisant traicter par le duc, son filz ; car je vous diray, avec vostre congé, que quand je me metz à lire Tacite

MÉMOIRES DE LA HUGUSRYfi. 44 4

et que je tombe sur eeste sentence eadem faeilitate bona et mala, je pense tousjouro à vous, qui estes trop bon et communicatif . » Et en peu de temps il a voit bien recongneu le naturel dud. sT prince. May s, pour éviter à cela, je me tenois si subject près dud* sr prince que me voyant il se souvenoit tousjours du secret quy luy avoit esté reçommendé.

Nous estions lors à la fin d'apvril audit an 4 576 et l'armée estoit logée es environs de Beaumont et Boy&commung *, logis desd. s* prince et duc Casimir, led. sr duc d'Alençon demeurant avec la royne, sa mère, pour la conduite de leurs desseins, à l'effect desquelz ilz s'advisèrent d'ung artifice pour abréger, disoientilz, la négotiation, sçavoir : de traicter eux-mesmes de bouche, choisissant le lieu de leur abouchement en l'abbaye de Cerquensaux', près lad. ville de Nemours, lieu fort et tout environné de la rivière du Loing et n'ayant qu'ung accez par une longue chaussée, laquelle ilz feirent encores retrancher et mectre au devant ung corps de garde du régiment dud. Bussy à leur poste. Led. sr prince ne saichant la qualité de ce lieulà, trompé du nom d'abbaye, y alla à l'heure assignée, y entra et sans y penser se trouva pris; ce qui eust esté sans remède, si led. sr Casimir y eust esté, car sans doubte ilz eussent esté en danger de leur vie ou du moings prisonniers. Ce lieu me dépleut fort et en eusse desjà voulu estre hors; et vei led. sr prince fort triste, faisant toutesfois bonne mine. Led. sr duc