Antoine de Bourbon, roi de Navarre

mon maistre, avoient ung aultre vice qu'avoit enoores aydé à gaster tout, mays que je pouvois dire avec vérité que je n'avois reoongneu aud. sr prince, mon maistre, que fort peu de vice et peu de soing de son particulier, fort ductible à tous bons conseilz pour le bien des affaires publiques, voire à son dommage ; que si il avoit pieu à Dieu disposer les meurs1 dud. sr duc Casimir et de son maistre8 au modelle dud. sr électeur palatin, son père, et de mon maistre, je tenois pour tout asseuré que ces quatre testes-là feraient de grandz mouvemens et affaires; que, pour la fin de noz discours, je le priois de servir de son costé à modérer son maistre et luy faire tourner le visage vers ses amys certains et obligez par conformité d'affaires; espérant que led. sr duc Casimir serait plus sage au retour de France, où il a reoongneu la faulte qu'il a faicte en traictant avec luy et la congnoistroit encores mieux au progrez de ses affaires. Àinsy je le mené vers led. sr prince et depuis vers led. sr duc Casimir, ausquelz ayant faict son rapport entier et dict sa résolution de s'en retourner ainsy, sans rien faire, à son très grand regret, il print congé d'eux et s'en retourna en Holande bien marry.

Tost après le partement dud. sr de La Garde, led. sr prince, mon maistre, me deist estre fort marry de ce que le prince d'Orenge avoit rompu ung si bon affaire concernant l'utilité commune de tous deux ; que c'estoit la seconde importante ouverture que j'avois faicte pour les unir et lier estroictement ; recongnois-