Guillaume le Taciturne, prince d'Orange

sant en cela mon affection à son service, oubliant pour son respect l'ingratitude extrême dud. sr prince d'Orenge en mon endroict; mays qu'il protestoit de ne vouloir jamays avoir rien affaire avec luy et que je ne luy en parle plus. Et comme il veit par ce moyem l'occasion passée de poursuivre son chemin plus oultre avec led. sr duc Casimir, il désira que par forme de discours je luy feisse trouver bon de luy conseiller de suivre led. sr duc d'Àlençon, affin de tirer tout ce qu'il pourrait de luy pour l'exécution de l'édict de paix et de son restablissement particulier en son gouvernement de Picardie et la délivrance de la ville de Péronne à luy promise pour son asseurance particulière ; ce que je fei envers led. sr duc Casimir, lequel recongneut bien, ce que je luy remonstray, que, si led. sr prince s'esloignoit passant plus oultre dans les frontières de Champaigne et Bourgongne, il pourrait à son retour courir fortune, se contentant dud. sr d'Hargenlieu et de moy avec lesquelz il discourrait aux occasions de toutes choses. Âinsy se trouvans ensemble et ayans tous deux regretté la perte d'une si belle occasion au retour de La Garde et prins telle résolution que dessus pour le retour dud. sr prince, ilz prindrent congé l'ung de l'aultre, se donnèrent la main, promirent et jurèrent amitié perpétuelle, avec asseurance de s'advertir réciproquement de toutes choses qui se passeroient souvent et plustost par homme exprès que d'y faire faulte.

Led. sr duc d'Alençon ne sçavoit rien de tout cecy et pressoit fort led. sr prince d'aller avec luy à Bourges , au duché de Berry, qui luy avoit esté baillé entre aultres

pour appennage par le moyem des armes dud. sr prince, non pour bien qu'il luy voulust, mays pour empescher que, passant oultre avec led. sr duc Casimir, ilz ne renouassent quelque chose. Led. sr prince se faisoit prier, remonstrant qu'il estoit obligé de reconduire led. sr duc Casimir jusques sur la frontière avec ung nombre de forces, que, pour si peu qui restoit de sa promesse, il n'y vouloit faillir. Led. sr d'Àlençon le pressoit au contraire et le faisoit solliciter par Montagu et aultres, ses confidens, l'asseurant d'employer le verd et le sec pour le faire restablir en son gouvernement et luy faire délivrer Péronne, et d'abondant de le constituer son lieutenant général en tout son appennage, auquel il luy donnerait encores telle retraicte qu'il vouldroit. Led. sr prince deist qu'il s'accommoderoit volontiers au désir dud. sr duc d'Alençon, moyennant telles promesses, pourveu que led. sr duc Casimir le voulust excuser de le reconduire; ce qu'obtint led. sr duc d'Alençon en ce séjour; lequel pressoit aussy mon maistre de me laisser entrer en son service actuellement en la qualité dont il m'avoit honoré et de me retenir à ceste fin près de luy, ne trouvant pas bon que je continuasse le voyage avec led. sr duc Casimir, doubtant tousjours que ce feust pour traicter quelque chose avec luy; mays je m'en excusay fort pertinemment sur une maladie et débilité d'estomach que j'avois acquis par mes peines et veilles en ce voyage de guerre, pour quoy j'avois esté conseillé d'aller aux bains d'Aix, pour ung moys seulement, et que si tost que j'aurois faict je retournerais trouver mon maistre près de sa personne, dont il se contenta.

Et en prenant congé dud. sr prince, je le suppliay de prendre bien garde à luy pendant qu'il seroit avec led. 8r duc d'AIençon.

Ainsy se séparèrent ces troys princes, led. duc d'AIençon et mon maistre tirans en Berry1, et led. duc Casimir vers la Lorraine, lentement et actendant son payement, lequel enfin arriva à Ândelot soubz Monteclair*, où la distribution fut faicte partye en argent content, partye en draps de soyes. Et quand ce vint à sortir de France et que le nombre desd. ostages ne se trouva complet, faulte de deux, les reistres se persuadèrent que c'estoit de la faulte dud. sr de Belièvre, qui estoit présent avec le sr de Harlay, disans qu'il leur sçavoit bien faire trouver bon de prendre des stapelons' de soye, mays ne se soucioit pas de satisfaire au nombre desd. ostages, pour auquel suppléer ilz emmenèrent lesd. s™ de Belièvre et Harlay en Àlemaigne, ayans les Suisses pris leur main droicte vers la Bourgongne pour leur retour6.

À grande peine estions-nous hors de France que

1. Le duc d'Anjou prit congé, le 7 juillet, de Jean Casimir, et se dirigea lentement vers le Berry (lettre du duc d'Anjou du 7 juillet 1576; f. fr., vol. 3247, f. 49).