Sous-entendu pour lui remontrer que

dépescher led. sr Beutterich avec plus de poix, envoya avec luy le colonel Walbron1, de la part des Alemandz, et le cappitaine Tilman, qui estoit le cappitaine de la garde des Suisses dud. sr prince, de la part des Suisses, pour faire instance de leurs payemens, ausquelz on avoit ftilly à lad. foire de Francford.

Et je luy drçssay ses mémoires, suivant lesquelz, estant arrivé à Blois, il estonna fort la compaignye, protestant en général contre tous les infracteurs de î'édict de paix de recouvrer sur eux tous les despens, dommages et intérests, esquelz led. sr duc, son maistre, estoit contrainct d'entrer, pour s'acquiter de l'obligation que le roy avoit tiré de luy d'armer contre le premier infracteur dud. édict; et parla si hardiment que, ne laissant aulcun moyem de le corrompre à tous ceux qui en avoient la charge, il se laissa aller sans y penser à ung festin dud. sr de Belièvre, lequel, en recongnoissance de l'honneur qu'il avoit receu dud. feu sr électeur et dud. sr duc Casimir d'estre mys en Alemaigne en liberté et renvoyé en toute seureté avec présens de carrosses , chevaux et aultres, luy donna à l'issue du repas tant de prunes de Brigades qu'il trouvoit bonnes (et en mangea trop) que, sans sa jeunesse et ung grand flux de ventre qui le print et mena jusques à Heydelberg, en poste, il estoit lors près de la mort ; mays depuis en mourut en Languedoc. Les

1. Beutterich et Walbron arrivèrent à filois dans le courant de février 4577, et lurent au conseil du roi, au nom de Casimir, une remontrance datée du 25 février, qui est publiée par La Popelinière (Hist. de France, t. II, f. 355). Le 8 mars, Beutterich en prononça une seconde. Le roi envoya à Casimir le s. de Villequier, porteur de sa réponse (ibid., f. 356 et suiv.).

cappitaines alemand et suisse, aymans mieux à boire que cela, s'en garantirent. Hz espéraient qu'ayant osté led. Beutterich, qui estoit le limonier des affaires dud. sr duc Casimir, ilz auraient après bon marché de luy, mays Beutterich se conserva encores quelques année», et, après avoir faict sa charge avec une asseurance admirable aux plus grandz desd. Estatz, jusques à rendre au roy les expéditions patentes des duché, baronnies, rente, pension et compaignye de gendarmes qui l'obligeoient à son service, et aud. sr duc d'Alençon de son duché de Ghasteau-Thierry, et, à leur refuz, jectées sur la table, leur feist congnoistre que c' estoit pour faire encores pis, quand il serait de retour en Alemaigne*.

De cet acte si hardy et honorable s'ayda fort la royne d'Angleterre, laquelle, jalouse de voir led. sr duc Casimir obligé au service du roy de France par serment et bienfaietz, comme elle en avoit esté advertye par led. sr Wilques*, son ambassadeur en l'armée, à son retour vers elle , envoya tost après vers luy, pour sçavoir si c'estoit à bon escient ; qu'elle n'avoit jamais creu qu'il se voulust obliger à aulcun prince, ayant refusé une si belle pension d'Espaigne, et que, s'il estoit, après la mort dud. sr électeur, plus disposé à cela, au lieu de cent mil livres qu'il avoit de France, elle luy donnerait quarante mille angelots de pension,

4. La lettre par laquelle Beutterich rend au roi, au nom de son maître, ses dons et ses faveurs, le duché d'Estampes et les neuf seigneuries du duché de Bourgogne, datée du 7 mars 1577, est conservée dans les V« de Golbert, vol. 398, f. 419.

2. Thomas Wilhs ou Wilkes, agent de la reine Elisabeth, fat envoyé en ambassade en France au mois de septembre 1593.

qui valoient le double, et son ordres pour estre tousjours prest à son service. Et pour erres de sa bonne volonté luy feist lorz présent de deux grands vases d'or.

J'estois lors près dud. sr due Casimir, qui, se resouvenant de ce que je luy en avois dict, en passant, lorsqu'il estoit encores en France, me deist : c Vous avez bien préveu! » Et estant, à nostre instance, desjà résolu de quicter son serment et tout ce qu'il a voit en France pour l'injure à luy faicte en la routure dud. édipt contre des promesses si solennelles, ceste offre nous ayda à luy faire franchir le sault, et nous servit pour obliger la royne, en l'acceptant, à nous assister encores ceste fois de ses moyems, car elle désiroit surtout le retirer à son service pour l'employer aux affaires des Pais-Bas, qui commençoient à florir par l'union générale conclue entre toutes les provinces. Led. sr duc Casimir ne goustoit aulcunement led. sr de La Personne, pour plusieurs raisons, et me deist librement qu'il ne se pouvoit fier du roy de Navarre, ayant quelque subject de juger qu'il feust de la partye pour rompre artificieusement cet édict ; croyant que ceste négotiation dud. sr de La Personne ne feust que mine pour faire semblant de solliciter secours, et cependant traicter d'ung retranchement dud. édict, au contentement desd. Estatz, comme il avoit bon nez et avoit esté bien adverty de grand lieu et gens du party contraire qui abhorraient telles trahisons et desloyaultez, en repassant en Lorraine, encores qu'ilz feussent du conseil secret du roy. Gela venoit de la part du duc