Aix-la-Chapelle
vaux à Colongne, par l'hoste de YEscu de Juliers, pour aller à Dilembourg, entendant qu'il en avoit faict délivrer deux à ung Prançoys, qui y estoit aussy allé, il y avoit deux jours, qu'il attendoit le soir, il demanda qui estoit ce Françoys-là, et l'hoste luy figura tel qu'il recongneut, et son médecin Lusson, que c estoit celuy qui estoit venu dans le batteau de Mezières avec eux à Liège, où il avoit faict croire qu'il vouloit séjourner. Et sur ceste descouverture entrèrent en soupçon tel que led. Ringraff, qui, n'ayant aulcune mauvaise volonté, n'avoit subject de doubter d'aprocher dud. sr comte, qui l'avoit aymé et honoré de sa table, à Montz, aydé et secouru de ses moyems et favorisé en toutes sortes, résolut de ne passer pour lors à Colongne et d'envoyer led. Lusson premièrement vers led. sr comte, pour luy faire entendre l'occasion de son voyage estre pour faire service aud. sr prince d'Orenge et à luy, en recongnoissance de l'honneur et faveur qu'il en avoit receu, et qu'estant tout porté à Colongne il n'avoit besoing que des lectres de faveur de luy pour se mectre sur le Rhin et avaler1 en Holande, dont il le supplioit très humblement, n'estant chargé de beaucoup de commoditez pour séjourner et attendre longtemps.
Arriva led. Lusson deux jours après Sancy, que led. sr comte retenoit exprès. Et ayant led. Sancy veu entrer led. Lusson, environ la fin de janvier 1573, logé qu'il estoit près de la porte, où je le fei passer expressément, me feist entendre que c'estoit luy, comme je le déclaray aud. sr comte, le conduisant vers
1. Avaler en Hollande, suivre le Rhin en aval jusqu'en Hollande.
luy, qui s'excusa de parier à luy pour se trouver mal, et demanda ses lectres, me commendant de le loger près de moy et donner ordre à la porte qu'il ne sorte. Et ayant lëu les lectres, qui n'estoient que de créance, il m'ordonna de l'ouyr et luy en faire rapport, qui n'estoient que honestetez. Mays quand je luy demanday du chemin qu'ilz avoient tenu, qu'il me dissimuloit, disant qu'il estoit venu à la desrobée pour se retirer des dangers de la France, je fei apporter à disner en mon poîsle *, et, l'ayant faict seoir, il fut tout esbahy qu'il vit entrer Sancy et se seoir près de nous, dont il devint tout estonné et honteux. Et, sur la recongnoissance dud. Sancy, qui se mist à parler de son voyage et de leurs discours, il commença à changer de visage et se coupper en tant de sortes que il y avoit grande apparence de quelque mauvais dessein, dont il s'estoit ung peu trop descouvert aud. Sancy. Qui estoit cause qu'estant led. Lusson médecin, Valon de nation, led. sr comte avoit différé de parler à luy, doubtant qu'il y eust quelque artifice en ses lectres. Et, sur le rapport que je luy fei de tout, il ordonna qu'il feust arresté, et, cependant qu'on esclairciroit le faict avec luy, dépescher à Golongne pour faire en sorte, s'il estoit possible, que le baron de Rhingraff feust aussy mys en aires t, avec une bonne dépesche aud. sr prince d'Orenge pour l'advertir en tout cas de prendre garde à sa personne, si d'advanture led. baron estoit descendu vers luy. Mays le magistrat de Golongne, entendant d'où venoit led. Ringraff, ne voulut employer son authorité en cela, craignant de desplaire au roy de
