Poêle, chambre chauffée

France. Et comme il1 veit le retardement dud. Lusson, il se doubta de ce qui estoit, et, au lieu d'aller en Holande et de venir à Dylembourg, s'en retourna le mesme chemin ; ce qui argua sa mauvaise volonté, car, s'il feust venu librement vers led. sr comte et il luy eust faict entendre comme tout estoit passé à Paris avec luy et que par force il eust esté contrainct d'accepter la charge, mays en intention de luy venir descouvrir, comme il y estoit obligé par beaucoup de faveurs et bons traictemens, led. sr comte s'en feust contenté et peult estre l'eust employé en Holande. Mays sa retraicte argua2 entièrement sa mauvaise intention. Laquelle enfin led. Lusson, se voyant en peine seul, confessa librement et sans aucune question, car on n'en passa pas si avant. Et ayant faict ceste confession et de la charge qu'il avoit dud. Rhingraff de regarder s'il pourrait exécuter quelque chose en son voyage, led. sr comte comme led. sr prince, son frère, estans d'humeur de se contenter de leur conservation, ne passant à aultre vigueur, désira seulement qu'il couchast toute l'histoire par escript et la signast de sa main et la recongneust en justice devant lesschoppen3; dont il fut très joyeux, et le feist bien amplement. Et led. sr comte, l'ayant leu et releu et veu la mauvaise volonté du roy et de la royne, sa mère, envers led. sr prince et luy, et recongneu que cela avoit esté traicté par ung des ostages qui luy furent donnez, appelle le