Wartgeld, solde de retraite, ou demi-solde provisoire

pour partir. Pourquoy led. sr électeur renvoya Mathieu avec une somme pour les faire partir devant luy, et me dépescha avec asseurance que Mathieu viendrait trouver led. sr duc Christofle, s'il ne pouvoit faire partir led. régiment d'Isch, et porteroit la résolution dud. sr électeur, qui estoit le sommaire des lectres qui me furent délivrées avec une coppie de la charge de Gappel, qui avoit baillé sa harangue par escript, de la responce qui luy avoit esté faicte et de Testât de la levée qui luy avoit esté délivré, avec asseurance de faire tout servir, tant qu'il seroit possible, au secours et advancement des affaires des Pais-Bas. Et en prenant congé dud. électeur qui me serra la main et me feist ung bon présent, je priay Dieu me faire la grâce de les trouver en estât d'attendre led. régiment.

Et aussy party de Heydelberg, environ le xme may aud. an, passay à Dilembourg où je n'ouy encores aulcunes nouvelles ; mays passant de Dilembourg à Seigen â, Fredembourg * et de là à Colongne, je trouvay plusieurs de nos reistres qui s'en retournoient en leurs maisons. Les ungs me congnoissoient, aultres non. J'estois vestu à la françoyse et ces gens-là, quand ilz trouvent lieu à propoz, ne se soucient guères de faire une volerie ; qui fut cause que je me voulu destourner ; mays je n'y gaignai rien, car j'en rencontrais tousjours pires les ungs que les aultres. Et, entre plusieurs, il y en eut ung qui m'eust volontiers faict ung mauvais tour, si ses compaignons ne