Thiel, ville sur le Waal, dans la Néerlande

voir Testât de ce régiment et l'advancer, et, selon cela, se résouldre; et pour cet effect y depeschèrent le secrétaire Mathieu, homme de bien. Mays je réptiquay que cette résolution ne pourroit pas asseurer led. sr duc Christofle, car il falloit du temps pour aller et venir en ceste frontière de France et Lorraine, communiquer avec lesd. Gratz et Disch et voir ce régiment, et que cependant les armées se pourraient aprocher et jouer des mains, au hazard d'une bataille et des événemens d'icelle. Ce nonobstant ilz continuèrent en leur résolution et commendèrent aud. Matthieu, qui y avoit desjà faict d'aultres voyages en vain, de faire toute diligence et que j'attendrais cependant à Heydelberg pour conduire led. régiment.

Le ministre Gapel perdoit cependant patience, employoit le crédit de Beaumont et pressoit extrêmement, ne saichant l'occasion très importante qui empeschoit led. sr électeur entre la conservation de son filz et l'entretenement de 1'aflaire, auquel il commendoit en bon estât, ne considérant pas que sa charge n'estoit poinct pressée, veu le peu de compte qu'avoit faict le duc d'Alençon de se servir d'une force preste pour en venir négotier une aultre de longue aleine. Et je trouvay ung expédient pour l'endormir, qui fut de le laisser embarquer en une conférance avec le ministre Des Roziers ', qui s'estoit retiré à Heydel-

1. Hugues 8ureau du Rosier devint pasteur à Orléans et fut jeté à la Bastille en 1566 comme auteur d'un pamphlet antimonarchique. A la Saint-Barthélémy il se fit catholique et convertit Gondé et le roi de Navarre. Plus tard il se refit protestant. Il mourut en 4575 (Bull, de l'histoire du Protest, franc., t. Vin, p. 602).

berg, sur les qualitez et conditions de l'église primitifve. Et pendant le voyage du secrétaire Mathieu je rendiz compte, selon le commendement que j'avois, ausd. s" électeur et duc Casimir de ce qu'avois veu et reoongneu en France, de l'asseurance que j'avois portée au duc d'Alençon de l'armée du duc Christofle, composée de dix mille hommes de pied Françoys, Walons et Alemandz, et troys mil chevaux, à deux journées de Sedan pour y joindre led. duc d'Alençon, s'il s'y vouloit retirer, dont il n'auroit tenu compte, quelque péril qu'on luy ait remonstré, s'il arrive que le roy meure en l'absence du roy de Polongne, et au lieu de cela se seroit de nouveau embarqué en une aultre négotiation de secours, pour laquelle il vient vers eulx; et qu'en ung mot les plus advisez ne croyent pas que le duc d'Alençon marche de bon pied, mays au contraire qu'il exécute les volontez de sa mère pour prendre authorité au party offensé et le conduire à son désir, en retarder les forces et secours, et, au pis aller, les rendre vaines et de nul effect soubz son commendement ; de sorte que de deppendre de luy du tout il estoit fort dangereux, ce que je vérifiay par toutes les circonstances de ses procédures, depuis qu'il a faict contenance d'estre mal content de la journée S' Berthélemy, qui a esté quand il a veu les armes reprises de tous costez sans moyem de les appaiser.

Je fuz ouy et creu, et led. Cappel eut tost après son audience, où il feist une harengue d'une heure au cabinet dud. sr électeur, qui voulut que j'y feusse présent, exaltant en somme le party dud. duc d'Alençon par ung dénombrement de tous les princes et seigneurs

qui en estaient, qui ne méritoient d'estre h&zardez sur si peu de chose que l'armée dud. sr duc Christofle. Sur lequel poinct le duc Casimir, qui faisoit profession des armes, luy deist : c Vous en parlez comme ung clerc d'armes. Est-ce peu de chose que de deux régimentz Alemandz, ung bon régiment françoys et ung aultre de divers nations, avec troys mil chevaux, commendez par mon frère, que nous avons bien hazardé, si hazard y a, pour satisfaire au désir du duc d'Àlençon? Et avons faict plus, car nous avons en cela, sans luy doner la peine de deslier la bourse, employé les cent mille escuz du roy, son frère, dont Frégose, qui est à Metz, nous faict des plaintes et accusations d'infidélité (et luy en monstra les lectres) , que nous employons l'argent de son maistre contre luy-mesmes ; et cependant on mesprise ung si bon office. Si vous désirez plus que cela, fournissez les deniers, et vous en aurez tant que vous vouidrez. Mays pour gaigner le temps n'estoit-ce pas ung grand coup? S'il en eust faict aultant de son costé, il eust mys six mil chevaux et vingt mille hommes de pied en campaigne. N'estoit-ce pas assez? Mays j'entendz bien que c'est. Apportez-nous de l'argent et on fera ce qui sera de raison. » Cappel demeura court et n'entendoit poinct ceste matière. Mays, aux fins de sa demande, asseura de fournir argent au temps qui luy seroit ordonné, pour le nombre de gens de guerre que led. duc Casimir vouldroit prendre la charge de conduire au secours du duc d'Àlençon, dont il le supplioit de luy en vouloir donner ung estât asseuré. c Et vrayment vous l'aurez, dist-il. » Et lors il me deist en l'oreille : c Dressez-le, La Huguerye,

de vingt mille hommes de pied et dix mil chevaux, six canons avec l'équippage. » Sur quoy ilz le renvoyèrent en son logis ; et je m'en allay au mien travailler aud. estât, que je dressay en six régimens d'infanterie, les deux de chacun quatre mille, l'ung pour l'avant* garde et l'aultre pour la bataille; et pour le vartgelt l 80 mille escus, et pour le moys six vingt mille florins d'Âlemaigne, sans les armes ; pour le vartgelt de la cavalerye, à \ 0 florins pour cheval, cent mille florins ; et pour le moys, chacun cheval compris, les estatz des colonelz et reittermaistres à 80 florins, 200 mille florins; pour l'achapt de l'artillerye, pouldres, chevaux et menues choses nécessaires, cent mille florins : Somme toute, cinq cent cinquante mille florins. Led. sr duc, ayant veu cet estât, l'approuva, le monstrant à son père, qui appella led* Gappel, et luy bailla sans aulcunes lectres, comme il n'en avoit poinot apporté. Et pour cela ne partit pas sitost pour s'en retourner par la Lorraine, demeurant avec led* Des Roziers en sa conférence de l'église primitive.

Et cependant je pressois tous les jours ma dépesche, y ayant desjà plus d'ung moys que j'estois party du camp, me doubtant tousjours de quelque malheur. Mays on attendoit tous les jours Matthieu, qui enfin arriva, ne rapporta rien d'asseuré du partement, Gratz disant qu'il en sollicitoit tous les jours Dicht, et Dicht au contraire qu'il feust desjà au camp sans luy qui le retenoit, l'asseurant de l'advertir quand il serait temps de partir, et que cependant les soldatz avoient mengé leurs deniers et leur convenoit ayder