Rheinfels, forteresse sur le Rhin, près de Baint-Goard

je vei la Moselle bordée de peuple au devant pour empocher le passage de ce régiment, qui en battit et chassa plusieurs, tellement qu'ilz mouraient, faulte d'alaine, deffeit le sr Ëltz l, mareschal de l'électeur de Trefve, lequel ne pouvant empescher ce régiment, qui estoit beau, de passer à discrétion par tout son païs et ayant eu la nouvelle de la bataille de Moch, ne trouva aultre expédient que d'envoyer vers led. régiment, soubz couleur de traiter avec luy pour son passage, mays en effect pour les advertir de ceste nouvelle et les desbaucher, comme il avoit faict l'an précédent, ayant descouvert la négotîation avec les évesques et icelle du tout empeschée.

- Et comme j'estois sur ung saults, voyant devant moy la rivière devant Trarbach8, bordée de peuple en armes, et derrière moy les païsans courans pour me devancer par les secrez chemins qu'ilz sçavoient, je laissé mon guide, descendy dans un valon assez près de l'eaue et en toute diligence remonté la montaigne avec mon homme. Et si j'eusse ung peu tardé j'eusse trouvé le sault du passage gaigné par les païsans, qui, me voyant en la campaigne, crioient de tous costez. Et comme je me sauvoys d'eux, ayant l'œil partout, j'advisay une trouppe de cavalerie dud. évesque de Triefve, qui sortoit du bois et venoit vers moy. Et avant qu'ilz m'eussent descouvert, je me glissé en ung fondz entre deux colines qui me firent perdre de veue aux païsans et ostèrent le moyem aux gens de cheval

4. Capitaine probablement parent de rélecteur de Trêves, qui s'appelait Jacques d'Eltz.