Kreutznach, sûr la Nahe

Gratz n'estoit guères joyeux de ma venue, assez proche de la S1 Jehan. Après le disner je le priay de laisser la compaignye, qui estoit bonne et joyeuse, et de nous retirer en une chambre à part pour parler ensemble, ce qu'il feist assez tristement. Et estant en ung poisle seulz, je luy déclaray ma créance, consistant en une plainte de la longueur en laquelle ce régiment a voit esté entretenu, qui estoit levé pour marcher incontinent après les surprises faictes ou faillyes, lui ayant tousjours demeuré sur le lieu pour le haster et n'ayant eu faulte de rien, comme je avois esté présent à Heydelberg, quand j'en partiz, que le secrétaire Mathieu luy porta encores de l'argent, que ceste faulte-là avoit cousté la vie, comme je croyois, n'en ayant peu trouver nouvelles, au duc Christofle, filz de son maistre (et à ceste parole il sembla qu'il deust esvanouyr) et auxd. s1* comtes Ludovic et Henry, et mys les affaires du sr prince d'Orenge en ung grand désadvantage, au lieu qu'arrivant à temps la victoire estoit asseurée. G'estoit le premier poinct, et le second estoit qu'après une telle et si signalée faulte, au moings ce régiment feist son debvoir d'aller trouver led. sr prince en Holande et que j'avois de quoy luy pourvoir de batteaux et vivres pour descendre le Rhin, en telle diligence qu'ilz seraient joinctz avant qu'on en eust advis, veu notamment que je ne l'avois peu joindre que sur la retraicte, encores avoitril failly à me couster la vie. May s le sr Âffenstain, qui m'avoit précédé, devoit avoir gaigné ce poinctlà sur la Mozelle, affin de les y trouver, au lieu de rebrousser ; et qu'en ami je luy pouvois dire qu'il luy touchoit grandement de faire résouldre ce régiment

à reprendre son chemin d'icy, où nous pourvoirions de toutes choses. Je ne vei jamais homme si estonné. Et touteffois, me respondant au premier poinct, il se purgea du retardement, le rejettent sur led. sr d'ïsch, colonel, qu'il avoit hasté tant qu'il avoit peu ; et sur le poinct de descendre en Holande, qu'il seroitmal aisé de l'obtenir, l'ayant refusé sur l'instance dud. sr Affenstain, mays qu'il ne falloit pour cela se tenir esconduit ; qu'il avoit faict le Cartier où le régiment, qui passoit desjà contre ce qu'on m'avoit dict, alloit loger, et qu'il me mènerait et logerait en son logis. J'insistay à retenir encores le régiment delà l'eaue, mays, estant desjà devant le pont, il n'y eut moyem.

Et luy demanday ung petit logis pour moy, affin de pouvoir faire ma charge envers luy et le sp d'ïsch, que je prévoioys bien devoir estre contrariez sans soupson, ce qui le mist encores en plus grand alarme. Àinsy nous allasmes au cartier, après avoir premièrement veu sur le port du Rhin le nombre et capacité des bateaux qui y estoient, dont nous pouvions acconmoder avec l'ayde de ces chanoines, en bien payant. Et estant au cartier, en mon logis, j'allay trouver led. sr d'ïsch, auquel je donnay les lectres qui s'adressoient à luy, fei telle plainte et instance que dessus. Et sur la plainte il me deist franchement qu'il y avoit plus de deux moys qu'il estoit prest à marcher et que la longueur, en laquelle il avoit esté tenu par Gratz, luy avoit faict perdre beaucoup de soldatz et d'argent, mays que Gratz luy disoit tousjours qu'il n'avoit poinct encores receu le commendement de marcher ; et, envoyant souvent vers luy à cet eflPect, luy escripvoit de mesmes, de sorte que pour ce poinct-là il avoit

beau moyem de s'en justifier et faire congnoistre à tout le monde l'extrême regret qu'il avoit avec tout le régiment de ne s'estre trouvé à ceste journée-là, pour y faire tel debvoir; que, sur les discours que je luy avois faict, il tenoit pour tout asseuré ce que je luy disois, que la victoire leur feust demeurée, me disant rondement et en cavalier d'honneur, ainsy parloit-il, qu'avant que sortir du Cartier où il estoit, il vouloit nettoyer et par escript et avec l'espée, s'il estoit besoing, son honneur d'aucune faulte en sa charge. Et quant au second poinct, qu'il le desiroit et estoit tout prest pour sa personne et tout ce qui deppendoit de luy, mays que l'évesque de Triefves leur avoit donné telle alarme de ceste deffaicte de Moch qu'il sembloit à ses gens qu'ilz ne seraient jamays assez tost de retour en France, et qu'avec moy il ferait tel debvoir de poursuivre l'effect de ce poinct-là que je congnoistrois qu'il ne tiendrait pas en luy.

Sur sa responce au premier poinct je répliqua y que le sr Gratz, auquel j'avois parlé le premier, selon ma charge, n'estoit pas d'accord avec luy, sur lequel il rejectoit toute la longueur; et sur celle au second poinct, que je le priois d'employer son authorité en ce cartier-là, avant que s'esloigner du Rhin, où j'avois recongneu batteaux assez, et que de vivres nous n'en pouvions manquer, nous en prendrions icy et en trouverions à Golongne, où monsr le comte Jehan en faisoit provision , ce qu'il m'accorda de faire de tout son pouvoir, avec une response aux excuses de Gratz, plaine d'animosité, que je le suppliay de laisser là pour ceste heure et me faire voir la vérité par les lettres qu'il disoit avoir dud. Gratz. Et lors il appella son

varlet de chambre, feist apporter ung petit coffret d'acier, dans lequel il serrait ses papiers et lectres d'importance, et tira une petite liasse de toutes les lettres dud. Cratz à luy et des minutes de celles qu'il luy avoit escript; lesquelles ayant toutes leues, je m'arrestay principalement aux lettres dud. sr Cratz qui tesmoignoient ouvertement la vérité et justifîoient led. sr d'Isch, lequel néantmoings je suppliay de n'entrer en aulcune querelle pour cela contre led. Cratz, avec lequel je mectrois peine de m'esclaircir tellement sur lesd. lectres, que je voyois bien que la honte luy en demeurerait et peult estre seroit suivye d'ung grand dommage à sa maison ; ce que led. sr d'Isch me promist, me déclarant néantmoings franchement que je trouverais ce bien, recherchant la source du mal, que led. Cratz n'avoit poinct failly par ignorance, mays par malice et corruption, et qu'il avoit assez d'amys en France et prez le mareschal de Retz pour le vérifier, qu'il ne me dirait que cela. Et en demeurant là il me feist souper avec luy, avec asseurance qu'il me donna de séjourner en ce cartier-là, tant que l'occasion de mon voyage feust résolue.

Ce soir-là je n'allay pas si chaudement voir Cratz, et advisay comment je l'aborderais le lendemain, que je le trouvay tombé en ses gouttes, force de l'appréhension qu'il avoit de mon voyage. Et luy fei le discours des propoz que nous avions eu, led. sr d'Isch et moy, sans luy parler d'aucunes menaces de voye d'armes, mays ne luy célay pas que j'avois veu grand nombre de ses lectres, par lesquelles il paroissoit qu'il avoit tousjours retardé au lieu d'avancer, et, qu'estant bien esclaircy de ce poinct-là, je n'en voulois plus disputer,

pour éviter querelles entr'eux, sans aulcun fruit ny remède au mal qui en est provenu, duquel ceux qui y ont intérest sçauront bien rechercher la raison. Sur ce mot de lettres le visage luy changea, n'ayant pas tenu led. sr d'Isch si advisé que de les garder si soigneusement. Et me deist qu'il s'en justifierait bien envers son maistre. Mays ce fut depuis en se retirant du tout au service du roy, qui avoit par luy faict ce dernier tour aux affaires dud. sr prince d'Orenge, en ruinant ses frères, après la journée S'Berthelemy et la descouverture des entreprises d'Anvers* et Maestrich; et en son absence, on se prist à ses biens. Entra aussy led. sr Gratz au service de monsr de Lorraine *, duquel il tiroit pension de colonel entretenu.

Et, quant au second poinct, il résolut avec moy de le solliciter8. Pour le premier poinct, je me contentay comme dessus, en prenant coppie des lectres de Gratz que j'emportay . Et pour le second, nous séjournasmes deux jours là, au grand mescontentement desd. chanoines qui nous vouloient esloigner de leurs villages,

1. La Hugùerye commet ici une confusion. Il n'y eut pas de coup de main tenté sur Anvers en môme temps que sur Maastricht. La Correspondance de Philippe II constate que pendant les mois de février et de mars le commandeur de Requesens ne quitta pas Anvers (t. ni, passim). Ge ne rat qu'en décembre 1575 que le prince d'Orange y fomenta une conspiration (Corresp. de Philippe II, t. III, p. 303).

2. Charles de Lorraine, né à Nancy le 48 février 1543, fut élevé en France, et épousa en 1559 la princesse Claude, fille de Henri H. 8a politique fut de conserver l'alliance de la France. Sous Henri HI il passa à la Ligue et prit même La Hugùerye à son service au moment des États de 1593. Il mourut le 14 mai 1608.

3. Cette phrase demande une explication : t Et quant au second point (la jonction du régiment avec les troupes de Guillaume d'Orange), il (d'Isch) résolut avec moy de le (Gratz) solliciter. •

et feusmes contrainctz d'aller lors près d'ÀttzayS où je ne peux rien gaigner sur les cappitaines, qui ne se pouvoient résouldre à l'effect de mon voyage. Et moings le feirent, quand, par ung des gens de mons* l'Electeur qui venoit pour conserver ses subjectz, le bruit fut tout commung que monsr le prince de Gondé estoit arrivé à Heydelberg, qui s'estoit, et monsr de Thoré avec luy, sauvé en France, où tous les autres princes et seigneurs estoient prisonniers*. Et lors je perdois temps de leur plus parler de descendre en Holande, car ilz s'asseurèrent d'avoir assez de besongne taillée en France. Ce qui fut cause que je me résolu de les prier de n'advancer guères et de séjourner en chacun lieu ung jour, pour me donner loisir d'allef à Heydelberg faire mon rapport et voir que faire, et quel moyem je pourrais trouver pour joindre à la bonne volonté dud. sr d'Isch, qui me le promist. Et m'en allay à Mayence, où je trouvay le maistre d'hostel3 dud. sr comte Jean, qui avoit esté nourry chez le comte de Mongommery et me cherchoit. Et luy ayant communiqué tout ce qui estoit

1. Alzei, dans le bas Palatinat, près de Mayence et de Worms.

2. Gondé était à Amiens. A la nouvelle de l'arrestation des seigneurs compromis dans le procès des Politiques , il sort de la ville sous un prétexte de chasse, fait vingt lieues d'une seule traite et se retire par Sedan à Strasbourg, où Montmorency-Thoré et d'autres mécontents allèrent le trouver. Il écrivit alors aux églises réformées pour leur promettre de los prendre sous sa protection. 8a lettre est datée du 4 mai 1574. La fuite de Gondé, qui équivalait à une déclaration de guerre, est racontée avec de curieux détails par La Popelinière (1581, t. H, f. 227), d'Aubigné (1626, col. 689), de Thou (1740, V, 37), et les Mémoires de l' Estai de France (1578, t. III, f. 363).