Il se nommait le s. de Nimetz. Voyez plus loin, p

advenu, depuis mon partement de Colongne, je luy conseillé, pendant que j'irais à Heydelberg, pour employer l'authorité de monsr le prince de Gondé à faire résouldre ce régiment, de descendre en Holande, d'aller au cartier dud. régiment et y faire de son costé ce qu'il pourrait; ce qu'il feist. Et je continuay mon chemin jusques à Heydelberg, où j'arrivay au commencement de juillet.

Et y trouvant led. sr vicomte d'Hargenlieu qui me recongneut, et, ayant entendu de moy tout ce qui s'estoit passé, depuis que je ne l'avois veu, et l'occasion de mon voyage, me donna accez vers led. sr prince estant lors avec led. sr électeur. Lequel, si tost qu'il me vit, me donnant la main, feist ung grand sousrir, et, me faisant beaucoup de démonstration d'amitié, me deist : c Que j'ay esté mal conseillé, La Huguerye, de ne vous avoir creu ; mon filz ne feust pas perdu! Il ne sera jamais que je ne vous ayme et qu'il ne me souvienne de vostre ad vis, contraire à celuy de mes conseillers. » Lesquelz propos donnèrent subject aud. sr prince de m'escouter plus volontiers en la requeste que je luy fei de moy-mesmës, pour n'avoir lectres à luy, duquel on ne sçavoit la retraicte, bien que j'eusse tousjours mal espéré du retardement du duc d'Alençon, qui estoit cause de sa ruine et de la nostre, comme led. sr d'Hargenlieu luy tesmoigna que j'en avois ainsy toujours parlé à Sedan en m'en retournant, le suppliant de vouloir employer son authorité à faire résouldre le régiment d'Isch de descendre en Holande, où led. sr prince d'Orenge, estant d'aultant fortifié, les affaires dud. prince se porteraient mieux ; ce qu'il feist volontiers. Et y envoya un gentil-

homme que j'adressay aud. maistre d'hostel, appelle le sr de Nimetz, ayant désiré, led. sr électeur et prince, que je demeurasse près d'eux pour leur faire entendre comme tout estoit passé, attendant la responce du régiment, lequel, tant s'en fault qu'il inclinast aux prières dud. sr prince, qu'au contraire il luy offroit son service. Et leur ayant faict le discours et satisfaict aud, sr électeur sur ce qu'il désiroit sçavoir de moy, de ce que j'avoiz recongneu de faulte au retardement dud. régiment, led. sr prince me preist à part, et, par mon discours, faisant estât que led. sr comte Ludovic estoit perdu, dont il estoit extrêmement marry, ayant espéré le trouver pour luy servir de père en Alemaigne, me pressa de prendre party en son service; et le pressoit à cela led. sr d'Hargenlieu. Dont je m'excusay pour l'heure, n'ayant encores eu aulcune certitude de la mort dud. sr comte, mays, acceptant l'honneur qu'il me faisoit, je luy promis, si led. sr comte estoit mort, après avoir faict mes affaires avec le sr prince d'Orenge et le comte Jehan, son frère, que je le viendrais trouver là part où il serait, pour luy faire très humble service, ce qu'il feist entendre aud. sp électeur, qui trouva mon excuse légitime, estant raisonnable de prendre congé de la maison de Nassau. Et fut bien aise que led. sr prince m'eust retenu, me congnoissant et se fiant en moy de bons affaires. Àinsy ayant faict ceste promesse et veu le retour du gentilhomme, qui asseura n'y avoir moyem d'obtenir ce que je désirais dud. régiment et me donna lectres dud. sr de Nimetz, qui m'escripvoit de m'attendre à Mayence, je pris congé dud. sr prince, et m'y acheminay, et de là ensemble à Dilembourg.

Avant que partir de Heydelberg, led. sr prince commenda aud. sr d'Hargenlieu, qui avoit la charge principale de ses affaires, de communiquer avec moy sur la poursuite qu'il prétendoit faire pour le secours des princes et seigneurs prisonniers et de ceux de son part y, auquel effect led. sr d'Hargenlieu m'ayant mené en son poisle, je luy diz en somme que nostre defiaicte à Moch leur servirait beaucoup (non tant que l'armée eust faict si le duc d'Alençon n'eust différé1, car tous feussent en liberté et les armes fort advancées en France, d'aultant que led. sr électeur palatin, oultre son zèle qui est grand, depuis la peine où il se trouva, lorsqu'il fut appelle en plaine diète, à Augsbourg*, pour rendre compte de sa foy, avoit tousjours tenu comme une reigle asseurée de là conservation de sa maison d'employer ses deux filz aux armes, et, ne le pouvant faire à ses fraiz, prendre les occasions de le faire aux despens d'aultruy; et, comme les troubles de France et Flandres se sont présentés, led. sr électeur aurait mys en délibération en son conseil secret avec lesquelz il se debvoit plus estroictement joindre pour se mieux asseurer contre ses ennemys, ou avec les Françoys ou avec les Flamengs) ; qu'en3 ne laissant