Prédict, dit auparavant

luy feist par contraincte, il pouvoit sçavoir qu'en le bien payant par le roy on en seroit quictç, et que personne ne s'y pourrait opposer, et que lesd. éveschez estoient fiefz et principaultez de l'empire, auquel il faisoit tort d'en attribuer la disposition à la couronne de France, qui n'y avoit encores poinct touché; que si ce traicté tant important, voire à sa propre maison, s'arrestoit sur son particulier, qu'il en perdrait beaucoup de réputation et en attirerait de grandz inconvéniens sur Testât palatin, et d'ung bon voisin, parent et amy qu'il avoit aud. sr duc de Lorraine, il en ferait ung ennemy, luy ostant ces éveschez qui luy sont plus séans qu'à aultre prince quelconque et dont il ne pourrait recepvoir valable récompense; que led. sr duc de Lorraine ne luy avoit donné ny à nous aulcun subject de l'incommoder, dont led. sr prince se sentoit fort obligé à luy et l'honorait fort. Mes remonstrances l'esbranloient fort, mays son docteur Wayer ne s'estonnoit de rien et demeurait ferme en ses propos, alléguant au contraire qu'en cela consistait l'asseurance et grandeur de la maison palatine; que led. sp prince ne debvoit faire difficulté d'accorder cela, dont l'exécution ne deppendoit de luy, ains des forces dud. sr duc. A quoy je répliquay, présent son maistre, qu'il n'avoit pas bonne mémoire de la pratique qu'il debvoit avoir des affaires de France par le voyage qu'il y avoit faict avec le feu duc des Deux Pontz4, qui n'avoit receu que du vent, pour toutes promesses semblables, que, par son conseil, led. sr duc avoit extorqué,

1. Wolfgang de Bavière, duc de Deux- Ponts. Sur son expédition en France voyez la note 2 de la page 265.

par la nécessité des affaires, du sr de Francourt, nonobstant les belles forces que led. sr due des Deux-Pontz a voit conduit en France ; qu'il estoit plus utile et honorable aud. s' duc Casimir de demander choses justes et modérées, pour ne contraindre pas led. sr prince à ung effect impossible, mays l'affectionner et rendre dévot à r exécution de choses raisonnables, comme à ses propres affaires. Ces derniers motz touchèrent au vif le cueur dud. sr duc et néantmoings, se confiant en nostre nécessité, il se promectoit d'emporter ces conditions-là de haulte lutte.

Sur cet acrochement, led. sr prince entra en conseil, avant que se résouldre de partir et rompre du tout. Et me demandant mon advis avant tout aultre, je luy diz que tout ce que je voyois ne m'estoit poinct nouveau, que je luy avois bien prédict; et que pour cela j'avois esté d' advis qu'on pressast la négotiation des colonelz et avois conseillé aud. sr de Méru d'obtenir dud. sr électeur que ce traicté feust faict près de luy, pour remédier aux difficultez; que je n'y voyois qu'ung remède, de remonstrer le tout aud. sr électeur et le supplier d'y apporter de la facilité, en s'interposant entre deux, comme arbitre ; et, cas advenant que led. srduc, son filz, ne se voulust rendre aux remonstrances de son père, le supplier pour le dernier poinct de ne laisser pour cela à nous fournir les cinquante mille escuz d'Angleterre et y adjouster telle somme qu'il luy plaira, de sa part, pour faire la levée soubz l'auctorité dud. sr prince, sans incommoder led. sr électeur pour la personne de son filz, en faveur du voyage, duquel nous recongnoissions bien qu'il avoit promis pareille somme que celle d'Angleterre ; et que j'avois bonne

espérance que led. sr électeur luy accorderait de luy délivrer la somme d'Angleterre et y adjousteroit encores quelque chose de sa part; que de cela led. sr prince se servirent à faire sa levée avec les moyems particuliers desd. colonelz, et se servirent du colonel Àas vom Halstat pour sa levée d'ung bon régiment de landsquenetz, et trouverait le moyem en Suisse de lever deux bons régimentz, m'asseurant que si tost que led. sr duc Casimir entendrait le progrez de ceste levée et sçauroit que nous aurions capitulé avec led. colonelz, qu'il ne vouldroit laisser aller l'armée sans luy et renouerait le traicté avec led. sr prince ; adjoustant encores ce mot qu'il estoit bon que led. sr prince parlast aud. Wayer et le gaignast par une promesse, tant d'une somme contente que d'ung honorable estât et traictement au voyage. Et sur ceste mienne ouverture, suivie de l'advis de tous, led. sr prince conclud que le sr d'Hargenlieu et moy irions et ferions lesd. remonstrances aud. sr électeur et la prière pour lad. somme d'Angleterre, au moings s'il n'y vouloit rien adjouster de sa part.

Nous trouvasmes led. sr électeur desjà embouché de son filz et de Wayer, et, bien qu'il trouvast noz remonstrances très pertinentes, sinon en ce qu'il disoit que ces villes et éveschez estoient d'Empire et non de France, il nous respondit toutesfois qu'il ne vouldroit presser son filz de faire chose quelconque contre son gré ; qu'il estoit bien affectionné à faire le voyage de France, mays que, si il n'y alloit de gayeté de cueur, l'armée ne ferait pas tant de fruict. Et congnoissans bien que led. sr électeur ne ferait rien envers son filz, duquel il estoit embouché, pour ce regard nous en-

trasmes en la seconde partye de nostre charge, que les affaires si importans seraient donc demeurez et acrochez au particulier de son filz, s'il ne luy plaisoit nous 'délivrer la somme d'Angleterre, dont il estoit chargé; que ce n'estoit l'honneur ny prouffit de sa maison de retarder ung si grand bien sur le particulier de son filz, pour le respect duquel led. sr prinoe recongnoissoit bien qu'il avoit principalement promis d'y adjouster pareille somme, mays que nous estions si asseurez de son zèle et bonne volonté qu'il ne laisserait pour cela à nous assister de quelque somme de sa part, saichant qu'en parlant ainsy, comme je portois la parole, je l'esmouverois fort. Et aussy nous respondit-il promptement, nous promectant fournir lad. somme d'Angleterre et faire de son costé ce qu'il pourrait : nous le prinsmes au mot et l'obligeasmes par ceste promesse, sur laquelle il n'a voit pas esté embouché par son filz, qui ne jugeoit pas que nous en voulussions venir si avant, et nous ayant confirmé ceste promesse et donné charge d'en asseurer led. sr prince et eu agréable que de cela il taschoit à faire ses affaires avec lesd. colonelz, vers lesquelz il nous promist de nous ayder de tout ce qui deppenderoit de luy, nous prinsmes congé dud. sr électeur, prince vrayment réal et si homme de bien que led. sr duc, son filz, adverty de ceste promesse, que nous avions tiré de luy, ne s'en peult jamais divertir et pour ce eut recours à traicter secrètement avec lesd. colonelz, pour faire qu'ilz ne capitulassent sans luy.

Et sur cela Wayer, son conseiller, se voyant pris et privé du prouffit qu'il s'estoit promis de ce voyage, vint parler à nous, faisant contenance que led. sr duc,

son maistre, estoit bien aise de la promesse que son père nous avoit faitte, mays qu'il estoit bien asseuré qu'elle serait vaine et que les colonelz ne feraient rien pour si peu de chose, ou que leur levée serait Yoible et subjecte à beaucoup de difficultez, dont led. sr prince ne se pourrait pas desvelopper, ne nous disant mot que les colonelz ne vouldroient rien traicter, sans son maistre, comme ilz le négotioient; et je m'en mooquois, saichant au contraire qu'ilz feraient plus volontiers le voyage sans luy qu'avec luy, pour les raisons que j'en avois discouru aud. sr prince, provenant en partye de l'avarice dud. sr duc et dud. Wayer, qui consommoient tout le prouffit d'ung voyage, comme je Pavois assez apprins de plusieurs colonelz. Nous luy feismes responce que nous avions meilleure espérance desd. colonelz, que nous ferions nostre debvoir, et Dieu y apporterait sa bénédiction, mays que s'il vouloit s'employer à modérer les demandes de son maistre, il ferait beaucoup pour son honneur et luy n'y perdrait pas ses peines, ayant affaire à ung prince qui le sçauroit bien recongnoistre, et qu'il estoit plus expédient à ceste maison palatine de se fortifier de l'amitié de tant de princes et seigneurs, qui estaient à présent en peine et n'y seraient pas tousjours, que de regarder tant à son prouffit particulier. A quoy j'adjoustay l'exemple tout fraiz dud. sr prince d'Orenge, qui avoit faict pareille faulte de prendre ma négotiation avec luy par la queue et dernier poinct, qui concernoit l'honneur et prouffit particulier de sa maison, laissant là les poinctz généraulx, en faveur desquelz toutesfois je luy avois faict une ouverture très advantageuse à sa maison, laquelle il pou voit avoir entendue

de son maistre, qui en avoit eu communication de son père, auquel j'en avois touché quelque chose exprès et à dessein, saichant que cela pourrait encores servir à renouer quelque aultre chose. Nous jugeasmes, led. sr d'Hargenlieu et moy, que cestoit assez diet, ayant çongneu led. Wayer esbranlé prendre goust en noz propos, principalement pour son particulier, qu'il debvoit attendre de la libéralité dud. sr prince et non de son maistre, qui n'estoit pas coustumier de faire de grandz présens, tenans tousjours roide sur nostre résolution de conduire avec lesd. colonelz; ce qu'ilz ne pouvoient croire et s'asseuroient de nous en empescher.

Nostre rapport ouy par led. sr prince en son conseil, et comme nous l'aVions relevé par occasion de la peine malséante à sa personne de parler aud. Wayer, il fut résolu de faire diligence d'envoyer vers lesd. colonel?, principalement vers le colonel Stain, pour les faire trouver à Herford * , au jour S* Jehan, avec asseurance que led. sr prince y ferait trouver aud. jour ses depputez, pour traicter avec eux. Auquel effect je fuz dépesché à Herford. Et me fut joinct ung jeune gentilhomme françois, nommé Couvrelles*, qui sçavoit fort bien la langue alemande, pour avoir esté nourry page en la maison du comte Wolrad de Mansfeld3; et s'es-

1. Herford, capitale du comté de Ravenstein, en Westpnalie, siège d'une célèbre abbaye de dames de la confession d'Àugsbourg, dont l'abbesse était princesse de l'Empire et avait voix et rang à la diète.

2. Gouvrelles était chambellan du prince de Gondé en 1582 (Voyez le t. III des Mémoires de la Huguerye). Il remplit un rôle très-important dans les négociations qui précédèrent l'expédition de 1587 (t. IU, ibid.).