Gnadengeld, argent de grâce, gratification

Arrivez à Herford , nous y trouvasmes les colonelz S tain, Bouch et Dech, desjà arrivez avec chacun deux reittermaistres seulement, les plus traictables qu'ilz avoient peu choisir. Et entrant en conférence, voulant sçavoir de nous si on traictoit avec le duc Casimir ou si le prince commenderoit seul, je me doubtay bien que led. duc leur en avoit deqà faict parler; et leur laissay cela comme incertain, leur faisant entendre que led. sr prince traictoit de cela, mays qu'il ne vouloit perdre temps, et que, quand bien ilz n'auroient aultre chef que luy et quelque personnage de qualité, son lieutenant général sur les reistres (dont nous taschions à part à faire prendre la charge aud. comte deMansfeld, sans en rien dire, résoluz à son refuz d'en chatouiller les aureilles aud. colonel S tain, gentilhomme sage et ambitieux) , que il suffirait. Et remectans les affaires au lendemain, estans arrivez tard, nous soup* pasmes ensemble, ayans pris logis en mesme hostelerie sur la rivière, lieu fort propre pour faire noz affaires secrètement. Et pour ce que nous avions faict donner heure aud. comte de l'aller trouver avant soupper, nous le feusmes saluer; et, ayans traicté avec luy, nous le trouvasmes en son particulier plain de bonne volonté, mays recongnoissant le peu de moyem qu'il avoit de son costé et que nous n'en avions pas à demy pour noz affaires; il s'en excusa et nous déclara sur le poinct dud. duc Casimir qu'il estoit de mon advis et que, sans doubte, saichant la capitulation faicte avec les colonelz, il ne vouldroit perdre ceste belle occasion d'y aller en personne ; et, quant à luy, qu'il avoit tant eu de peine avec le feu duc des Deux Pontz, qu'il ne vouldroit jamais se charger d'un

tel faix, mays qu'il moyenneroit nostré affaire avec lesd. colonelz et mectroit peine de résouldre toutes noz difficultés, désirant faire tout service aud. sr prince qu'il honoroit.

Et de faict, il nous donna advis de ne tenir roide avec lesd. colonelz, sur le faict dud. duc Casimir, estant de mon opinion qu'ilz aymeroient mieux y aller seulz qu'avec luy, lequel ilz congnoissoient très bien, et que le colonel Stain seroit beaucoup esmeu à s'accommoder, en luy donnant espérance de la lieutenance générale, dont il s'acquiteroit bien et servirait à faire contenter les aultres colonelz, qui estaient gentilzhommes riches ; que nous ne feissions semblant d'avoir parlé à luy, qu'ilz ne fauldroient de le voir et luy communiquer de leurs affaires et qu'il y feroit ung bon service aud. sr prince. Et de faict nous trouvasmes fort bien de son conseil et entremise vers led. colonelz, avec lesquelz enfin nous tombasmes d'accord par son advis, que led. colonel Stain seroit lieutenant général et demeurerait tel soubz led. duc Casimir, s'il marchoit, avec troys mil escuz d'estat par mois, tant de lieutenant général que de colonel de deux mil chevaux; deux mil escuz aud. sr Bouch, colonel de troys mil chevaux, et mil escuz au sr Dech, colonel de mil chevaux, douze florins pour cheval d'enritgeld, et, en faveur de ce qu'ilz attendoient le moys de la monstre, six florins pour chacun cheval, à la fin de la guerre, avec l'asseurance de leurs debtes passées; et moyennant cela ilz s'obligèrent de marcher et faire monstre sans payement, deux moys après avoir receu leur enritgeld, à Francford, au jour plus proche que nous leur assignasmes et où ilz se trouvèrent. Et pour

asseurance de noz promesses nous obligeasmes de leur délivrer, avant partir de la place monstre1, le sr d'Àndelot*, frère du sr de ChastiUon, filz du feu sr admirai, et le sr de Rieux*, frère du sr comte de Laval4, fils du feu sr d'Àndelot, qui demeurèrent ostages en la ville de Strasbourg, à cet effect, sur lesquelz poinctz fut la capitulation par moy dressée, signée et cachetée desd. colonelz et de nous.

Et après avoir bien souppé et faict garrous5 ensemble, nous partismes de Herford, après avoir encores communiqué avec led. sr comte Wolrad, lequel feist respondre aud. sr prince et nous chargea de luy dire de sa part, comme son serviteur, qu'à quelque prix que ce feust, il tachast d'accorder avec led. sr duc Casimir, qu'aultrement il aurait mille peines et courroit mille mauvaises fortunes avec telles gens, qui n'ont que le gain devant les yeux. Et, s'il estoit contrainct passer, comme nous luy avions faict entendre des poinctz ou difficiles ou du tout impossibles, qu'il

1. Il y a ici une ellipse qui rend la phrase obscure. Nous la

comprenons ainsi : c de leur délivrer, avant partir de la place

où ils dévoient faire monstre, le s. d'Àndelot etc. »

2. Charles de Goligny, marquis d'Andelot, né le 40 décembre 1564, capitaine ambitieux et intrigant, peu digne du nom qu'il portait. Il servit sous les ordres de son frère François pendant le règne de Henri III , mais bientôt il passa au parti des Guises , et se fit catholique. Il mourut le 27 janvier 1632.

S. François de Goligny, s. de Rieux, né le 23 août 1559, suivit le parti du roi de Navarre; il fat tué le 7 avril 1586 près de Saintes.

4. Paul de Goligny, dit Guy, comte de Laval, fils aîné de François de Coligny, seigneur d'Andelot, et de Claude de Rieux , né le 13 août 1555, mort le 15 avril 1586.