Faire garrouw, carroux ou carrousse, boire

330 MÉU0IRB8 DE LA HUGURRYE.

conseilloit aud. sr prince de déclarer franchement aud. sr duc qu'il y apportait bien son consentement, mays que le moyem de l'effect debvoit venir de luy et de ses forces et qu'il le seconderait tousjours et jamais ne ferait chose ny accord contraire qu'avec luy, affîn que led. sr duc recongneust que ce n'estoit faulte de bonne volonté, mays à cause de la difficulté ou impossibilité qu'il congnoissoit mieux que luy; et toutesfois, que led. sr prince estoit sage et n'avoit faulte de bon conseil. Sur quoy, ayant pris ses lectres et congé de luy, nous partismes après lesd. colonelz, qui alloient assembler leurs reittermaistres sur le chemin de Francford, en résolution toutesfois de ne leur pas descouvrir la promesse de ne demander le moys de la monstre.

Et retournasmes en diligence à Heydelberg, où je ftiz trouver seul led. sr électeur, qui ne congnoissoit poinct led. sr de Couvrelles, et luy fei voir l'original de nostre capitulation, le suppliant de vouloir donner si bon ordre au fournissement de la somme d'Angleterre, qu'il n'y eust faulte à nostre promesse ny retardement à l'affaire; dont ce bon prince, estant fort joyeux et m' ayant asseuré qu'il n'y aurait faulte au jour promis, me deist qu'il espérait encores, sur ceste capitulation-là, que tout irait bien et n'y aurait poinct de temps perdu ; qu'il attendoit en brief le retour de son ambassadeur, qui estoit allé en Savoye et l'avoit adverty secrètement qu'il ne falloit rien espérer du roy, et que, sur l'asseurance qu'il avoit donné de sa part aud. sr mareschal DampviUe1, recongnoissant aux

1 . Après une entrevue pleine d'une cordialité apparente, Dam-

paroles du roy encores pis que luy, il s'en estait retourné en Languedoc, résolu à son arrivée de se déclarer ouvertement et prendre le party, luy ayant promis de faire argent de tous costez pour envoyer en Alemaigne, et d'advancer les affaires tant qu'il pourrait, attendant l'entrée de l'armée en France ; que j'en advertisse led. sr prince, mon maistre, et que bientost il auroit de ses nouvelles.

Et me prenant après par la main, estant seul en son cabinet: «Venez çà, La Huguerye, me deist-il, monsr le prince, vostre maistre, auroit bien une femme, s'il vouloit, de meilleure maison que la fille du prince d'Orenge, et dont il tireroit beaucoup plus de support et d'amitié; et quant à la grandeur du royaume de France, à laquelle vous avez tendu en traictant avec le prince d'Orenge, elle ne laisserait d'aller son grand chemin, selon vostre intention ; et de plus grands que le prince d'Orenge s'en mesleroient avec telle force, authorité et affection, qu'il en réussirait de bons effectz. » Et ne disant mot et faisant semblant de n'entendre ce que je sçavois bien qu'il vouloit dire, car j'en avois jecté les fondemens, en luy comptant l'histoire dud. sr prince d'Orenge, il redoubla, me disant : « Ne m'entendez-vous pas bien? Je vous en veux parler confidemment tout ouvertement. Je vous congnoy et sçay que vous aymez le bien (ce qu'il me disoit en langage françoys, assez in-

ville et le roi s'étaient séparés à Turin plus mécontents l'un de l'autre que jamais. Damville s'était enfui à Nice avec l'aide des gens du duc de Savoie et s'y était embarqué pour le Languedoc. Voyez YHist. du Languedoc, t. V, p. 333.

telligiblement), c'est ma fille1; que vous en semble? • Lors je commençay à parler, luy disant que led. sr prince, mon maistre, l'honoroit tant et toute sa maison que je croyois qu'il seroit content de traicter quelque alliance avec luy, qui peust apporter de Futilité au public plus tost qu'à son particulier, c J'ay, deist-il, délibéré d'en faire l'ouverture, pour accommoder toutes choses, et aller plus tost, tel que vous me voyez, en personne en France, que l'affaire demeure, si mon filz n'y veult aller; et de vostre costé, je vous prie y servir et en communiquer à monsr d'Hargenlieu seul, regardant tous deux à y disposer mon cousin, vostre maistre ; et nous ferons ung tel coup ensemble qu'il ne sera de longtemps besoing d'y retourner, • Je le remerciay très humblement, luy remonstrant que je craignois tousjours les difficultez passées et que je ne voyois qu'ung chemin, d'accord sur ce poinct-là de mectre mon maistre fort à cheval pour exécuter ce que demandoit monsr le duc, son filz, à moictié pour les Eyeschez8, demeurant le gouvernement aud. sr prince seul, d'y faire la résidence près de luy; à quoy, s'il pouvoit renger led. sr prince, son filz, j'en a vois bonne espérance. Sur quoy, me disant adieu, donna ses lectres ; iljme feist assez congnoistre qu'il n'y avoit rien qui ne se peust faire, qu'il advertiroit de tout son filz, à Lautern8, et que bien tost led. sr prince auroit de ses nouvelles.

Ainsy nous en allasmes à Strasbourg, où led.

1. Probablement Gunégonde-Jacqueline de Bavière, qui épousa plus tard Jean de Nassau. Elle mourut le 26 janvier 1586.