DE LA VILLE DE TROTES

Ti.:M

OMME nous ayons esté deuëment certifiés et advertis, que aucuns peu zelez et affectionnez en la cause de Dieu, à son service et honneur, à nostre Religion Catholique, Apostolique et Romaine, et à la conservation d^celle et de ceste ville et patrie, sèment et font semer et courir plusieurs faux bruits et rapports tendans à nous desunir, et desgouter d^embrasser ceste cause, qui importe du tout à nous et à nostre postérité. Estant par ce moyen un suject à plusieurs bons citoyens et habitans, et autre menu peuple, pour refroidir de Tardeur, bons offices et debvoir que chascun y doibt

la PIERRE DE L'ESTOILE ibSg

apporter, pour obvier aux périls et ruines eminentes et proches, qui nous menacent et talonnent de près, si par prompts et bons remèdes n'y estoit obvié et pourveu. A ces causes, deffenses sont faites à tous habitans et tous autres, de quelque qualité et condition quMls soient, à peine de la vie et d'estre tenuz comme suspeas, sectateurs, fauteurs et adherans des massacres, assasignats, et trahisons naguères commises et perpétrées aux Estats de Blois, d'user des propos tendans à telles intimidations, afin de nous distraire et que nous ne nous opposions aux malheureux et pernicieux desseings, projects et machinations des ennemis de Dieu et de son Esglise. Et par mesme moyen, commandemens sont faicts, sur certaines et grandes peines, à tous ceux qui entendront quelque chose, de nous le venir dire et dénoncer promptement, afin que justice en soit faite et la ville nettoyée et repurgée de telles gens appostez, factieux et mal sentans de la foy. Et, à faute de le venir déclarer, d'encourir pareilles peines que les délinquans.

Publié à Troyes par les carrefours ordinaires à faire

cris et proclamations, le ... . jour de

mil cinq cens quatre-vingts et neuf.