REMONSTRANCE AUX FRANÇOIS SUR LES MISÈRES QU*ILS SOUFFRENT
François, où la Valeur a mis, comme en cspargne. Sa gloire, son honneur et son glaive tranchant,
i68 PIERRE DE L'ESTOILE
Le soleil d'Occident, Teffroy de TOrient,
La terreur du Romain, la crainte de TEspaigne;
François, oîi la Nature a mis plusieurs Pâmasses, Bel esprit, qui comprendz et l'une et Taultre loy, Politique aime-Dieu, aime-France, aime-Roy, Aultant favorisé des Muses que des Grâces ;
François, que la Vertu a choisy pour son Temple, Ame saincte, ame libre, ame oîi la Charité, La Bonté, la Justice et la Fidélité^ Pouvoyent servir à tous de miroir et d'exemple ;
D'où vient que TEstranger mesprise ta puissance,
Que ton concitoyen est ainsy mutiné,
Que le peuple se plaint de se voir ruiné,
Sans subject^ sans appuy, sans aulcune apparence?
Peut-on s'imaginer qu'une si grande gloire, Acquise avec tant d'heur sur tant de nations. Se soit comme estouffée en tes esmotions Et que tes ennemis en perdent la mémoire ?
Pourras-tu t'excuser dessus ceste anarchie, Si l'on voit tant d'édictz sans force et sans vigueur ? C'est un foible argument, puisque, par un bonheur. Tu as peu restablîr ta saincte Monarchie.
Qui pourra croire aussy qu'une terre fertile. Un fleuve au sable d'or s'espuise en un instant? Néantmoins, nous voyons le peuple languissant. Le Fiscq et le Domaine estre
Non, la Guerre n'a point causé tant de misères ; Ce n'est point le Ligueur, ce n'est point le mutin. Qui t'ont précipité dans le cruel Destin :
Toy-mesme as enfanté ces nouvelles vipères !
Car, lorsqu'il me souvient de la vie insolente Du soldat, soit aux champs ou en sa garnison,
Je dy incontinent : « Ce n^est pas sans raison Si TEstranger se rit et si je me lamente ! »
Si je contemple ceux qui sont pour la Police, Ils sont particuliers gens sans affection, Ennemis du publicq, pleins de corruption :
Bien peu sont vertueux, la pluspart suit le vice !
Que si je jette Toeil sur ceulx de la Finance,
Ne voy-je pas qu'ils sont aujourd'hui des Plutons,
Venus en une nuict comme des champignons,
Et, grandz Dieux ! disposer des trésors de la France ?
N'accuse point le Ciel de ta langueur extresme : Comme une aultre Hécuba, tu portes dans ton flanc Le flambeau de ta ruine, et couves dans ton sang Le venin qu'on ne peut guairir que par soy-mesme.
Mais rentre dedans toy, et chassant ces manies, Remetz ta Militie en son pristin honneur ; Devien homme publicq, sois un juste Censeur,
Et rend fidèlement l'argent que tu manies.
Tu verras l'Estranger t'honnorer et te craindre.
Tu verras ton pays paisible et florissant.
Tu verras que le Peuple ira te bénissant
Et que Ton n'aura plus de subject pour se plaindre.
stranger, qui te ris des misères de France Taschant avec mespris de luy donner la loy, C'est un foiblc subject pour si grande arrogance. Car les vices François ne viennent que de toy !
Espaignol plein de vent, le fléau de l'Europe, L'horreur de tes subjectz, flambeau de nos discordz, Ixion sans repos, barbare de Canope, Qui penses tout mouvoir au poidz de tes ressortz;
Nous apprenons de toy le faste et Timpudence, A violer la foy, à ne point pardonner, A n'avoir point de Dieu sinon qu'en apparence, A piller, à brusler, séduire et mutiner!
Le grossier Allemand, yvrongne, schismatique,
Insolent, querelleux, cruel et fainéant,
Stupide et ignorant, qui faict du politique.
Et se vend comme un serf pour un bien peu d'argent.
Nous apprend le duel avccques la furie.
Et, causant le prétexte à nos dissentions, S'il faict noyer le corps par son yvrongnerie. Il noyé aussy nostre ame en ses opinions.
L'Italien, subtil, tout rempli de finesse,
Simulé, curieux, voluptueux, pipeur.
Grand inventeur d'impostz, voleur de nos richesses,
Aussy lasche au combat, comme il est grand vanteur.
Nous apprend tous les Jours à ruiner nos villes, Par daces, par impostz, par infidélité.
Le blasphème, l'usure et ses ruses subtiles, La simonie aussy, et l'impudicité.
Bref, de tous tant d'Estatz que le soleil esclaire. Je n'en cognoy un seul exempt de nos malheurs. Ils sont tous talonnez d'une esgalle misère Et pâtissent en eulx de semblables douleurs.
Ly donc cecy d'un œil et juste et pitoyable : Balançant tes deflFaultz avec nos passions.
Tu trouveras enfin, si tu es équitable.
Que tu auras en toy nos imperfections.
Je ne veulx point taxer tant de gens honnorables. Que l'on peut remarquer parmy ces nations :
Les hommes vertueux sont tousjours vénérables, Encor qu'ils soyent meslez dans les corrupti^ons.
Je sçay que ce grand Dieu permet, pour nos offenses, Le vice pour un temps régner et subsister ; Mais aussy sa bonté nous donne pour deffenses Cent mille vertueux, afin de résister.
Ce n'est point seulement la Caldée ou la Grèce, Qui rend un homme sage et d'illustre renom ; C'est par tout l'univers qu'on acquiert la Sagesse, Car elle faict partout reluire son beau nom.
J'aime bien l'Estranger qui supporte mon Prince, Qui luy donne secours d'argent et de soldatz, Qui, meslé parmy nous, ne brouille la province, Aussy sage en la paix que vaillant aux combatz.
Mais je hay fort l'impie et le traistre infidèle, Qui faict mille desseings pour troubler le repos; Celluy qui faict armer le citoyen rebelle Et celluy qui nous faict manger jusques aux os.
C'est contre ceste escume et contre ceste lie Que je dicte ces vers, que j'escris ce discours, Et non pas pour celluy qui s'unit et s'allie Du soleil de justice au couchant de nos jours.
Je rends cecy publicq, non par aulcune audace.
Mais de regret de voir cest Estât renverser,
Et ne m'importeroît d'encourir la disgrâce
Des meschantz, s'ils pouvoyent un jour se redresser.
Mon pays, mon amour, ma joye, mon martyre, Qui me conjoincs à toy par un lien si doulx, Que ne puis-je estayer ton déclinant empire.
Ou parer par ma mort tant de dangereux coups !
Mais, hélas ! je ne puis, je suis trop imbécille : Il fauldroit un Hercule, un Auguste, un Caton. Mon amour est ardant, mais ma force est débile : L'oser sans cest Atlas, c'est suivre un Phaëton.
Mais c'est à vous, mon Roy, d'entreprendre et de faire Qu'on voye que ces maulx n'ont point esté permis Et que vostre vertu peut chasser la misère, Comme vostre valeur dompte nos ennemis.
