DONT M. DE RHOSNI ESTOIT GOUVERNEUR
(VersioQ d'une pièce de 34 vers latins.)
Adieu, maison ! Adieu, forteresse, que j'ay eu en garde et gouvernement plus de douze ans I Adieu, temple de la déesse Monête, qui m'avez fait porter tant d'ennuis ! Laissez-moi aller, maintenant que je suis ennuyé des affaires, et me rendez à une vie privée où je n'aye plus tant de soin ! Je suis cellui qui, puissant d'esprit et de courage, ayant compris le fond des richesses du Roy et du Royaume, les ay gouvernées; celluyà qui le bonheur de cest Estât, accreu en nouveaux revenuz, et les coffres de nostre jeune maistre, remplys par moyens justes et légitimes, sont obligés de Tordre clair et assuré que j'ay establi. J'ay porté de grands honneurs et des grandes récompences du soin industrieux que j'ay heu soubz un grand Roy. J'ay heu un grand pouvoir et une grande authorité; mais, en moins de rien, en sa sanglante cheute, je l'ay veue descheoir. En ce mesme malheur, j'ay veuexteincte toute cette envie qui a faict que plusieurs m'ont souvent menacé de me perdre et me ruiner, cependant que je pourchassois le bien de l'Estat et que je ne taschois, sinon d'aquérir les bonnes grâces de mon maistre seulement, sans me soucier des Grands, et ne sçachant que c'estoit que de rechercher la faveur et bienveillance du peuple, m'oppiniastrant tousjours à ce dessein. Mais enfin, loin de moy, soin fascheux ! J'ay résolu maintenant de retirer ma nef en un port calme et assuré. Peult-estre que l'Estat, m'ayant perdu, recognoistra mieux à quoy je luy ay esté utile, et les peuples
en auront aussy connoissance. Alors, mais trop tard, la faveur et Taffection succéderont à la hayne. Mais je n'ay pas tant en recommcndation ma propre gloire, que je désire Taquérir par les désastres et malheurs de ma patrie. Au contraire, faites, ô Dieu, que la fortune de ce Royaume demeure tousjours en bon estât, que je ne la voye jamais renverser, et qu'elle n'ayt pas subject de me regretter !
A la suite de cette prière, sont ces six vers, jetés là comme une note :
Maints homs recerchcnt...
De moy qui suis Hugues Capet nommé, Hardy, vaillant et sage renomme, Jadis extrait, voire sans menterie, De royal sang, et non de boucherie, Quoy qu'en ayt dit Dante le Florentin.
