CHAPITRE XIII

Discours sur la misère de la vie des hommes, etpm cipalement des princes,. par V exemple de ceux du temps de Vautheur r et premièrement du rqy Loup.

Peu d'espérance doivent avoir les pauvres et menues gens au faict de ce monde, puis qu'un si grand Roy y a tant ftmffert et travaillé, et puis laissé tout, et ne put trouver une seule heure pour esloigner sa mort, quelque diligence qu'il y ait sceu faire. Je Fay cognu , et ay esté son serviteur à la fleur de son aage, et en ses grandes prospérités; mais je ne le vis onques sans peine et sans soucy. Pour tous plaisirs il aimoit la chasse, et les oiseaux en leurs saisons ; mais il n'y prenoit point tant de plaisir comme aux chiens. Des dames, il ne s'en est point meslé tant que j'ay esté avec luy; car à l'heure de mon ar-

DE PHILIPPE DE COMINES. [l4&3] 4°7

rivée luy mourut un fils nommé Joachim, né Fan qua* torze cent cinquante-neuf, dont il eut grand dueil , et fit lors vœu à Dieu, en ma présence, de jamais ne loucher à femme qu'à la Reyne sa femme : et combien qu'ainsi le devoit faire selon l'ordonnance de l'Eglise, si fut-ce grand'chose , à en avoir tant à son commandement, de persévérer en cette promesse, veu encores que la Reyne n'estoit point de celles où on devoit prendre grand plaisir; mais au demeurant fort bonne dame. Encores en cette chasse a voit presqu'autant d'ennui que de plaisir; qur il y prenoit grande peine, pour autant qu'il courait les cerfs à force, et se levoit fort matin, et alloit aucunesfois loin, et ne laissoit point cela pour nul temps qu'il fit : et ainsi s'en retournoit aucunesfois bien las , et presque tousjours couroucé à quelqu'un ; car c'est un mestier qui ne se conduit pas tousjours au plaisir de ceux qui le meinent : toutesfois il s'y connoissoit mieux que nul homme qui ait régné de son temps, selon l'opinion de chacun. A cette chasse estoit sans cesse, et logé par les villages, jusques à ce qu'il venoit quelques nouvelles de la guerre ; car presque tous les estez y a voit quelque chose entre le duc Charles de Bourgogne et luy, et ils fai soient trefves tout l'hy ver.

Aussi il eut plusieurs affaires, pour cette comté d& Roussillon, contre le roy Jehan d'Arragon, père du roy d'Espagne qui règne de présent : car Combien qu'ils fussent fort pauvres et troublez avec leurs subjets, comme ceux de Barcelone et autres, et que le fils n'eut rien (mais il attendoit la succession du roy dom Henry de Castille , frère de sa femme , laquelle

4o8 [l483] MEMOIRES

depuis luy est advenue), toutesfois ils luy faisoient grande résistance ; car ils a voient les cœurs des subjets dudit pays de Roussillon, lequel coùsta fort cher au Roy et au royaume, car il y mourut et s'y perdit maint homme de bien, et y despendit grand argent, car cette guerre dura, longuement". Ainsi le plaisir qu'il prenoit estoit peu de temps en Tan , et en grand travail de sa personne, comme j'ay dit. Le temps qu'il reposoit, son entendement travailloit, car il avoit affaire en tant de lieux que merveille ; et se fut aussi volontiers empesché des affaires de ses voisins comme des siens, et mis gens en leurs maisons, et departy les authoritez d'icelles. Quand il avoit la guerre, il desiroit paix ou trefve : quand il avoit la paix ou la trefve, à grande peine les pouvoit-il endurer. De maintes menues choses de son royaume se mesloit, dont il se fut bien 'passé; mais sa complexion estoit telle, et ainsi vivoit. Aussi sa mémoire estoit si grande, qu'il retenoit toutes choses , et cognoissoit tout le monde y et en tous pays, et à l'entour de luy.

A la vérité il sembloit mieux pour secourir et seigneurier un monde qu'un royaume. Je ne parle point de sa grande jeunesse, car je n'estois point avec luy; mais en l'aage d'onze ans, par. aucuns seigneurs et autres du royaume, il fut embrouillé contre le roy Charles vu son père en une guerre qui peu dura, appellée la Praguerie. Quand il fut homme, il fut marié à une fille d'EscosseC 1 ), à son déplaisir, et tant. qu'elle vesquit il y eut regret : et après , pour les bendes et broûillis de la maison du Roy son père, il se retira

(0 Fille (FEscosse : Marguerite, fille de Jacques i, roi d'Ecosse, mariée en i436. ;

au Dauphiné (qui estoit sien), où beaucoup de gens de bien le suivirent, et plus qu'il n'en pouvoit nourrir. Luy estant en Dauphiné, il se maria avec la fille (0 du duc de Savoye; et tost après ce mariage il eut débat avec son beau-pere, et se firent trés-aspres guerres. Le roy Charles son père voyant son fils trop accompagné de gens de bien et de gens-d'armes, à son gré, délibéra d'y aller en personne en grand nombre de gens , et de l'en mettre dehors : et se mit en chemin , et prit peine d'en retirer plusieurs, en leur commandant comme à ses subjets, et sur les peines accoustumées, se retirer devers luy. A quoy plusieurs obeyssoient, au grand desplaisir du Roy nostre maistre, lequel voyant le courroux de son père, nonobstant qu'il fust fort, se délibéra partir de là, et luy laisser le pays; et s'en alla par la Bourgogne, avec peu de gens, devers le duc Philippe de Bourgogne, lequel à grand honneur le recueillit, et luy départit de ses biens, et à ses principaux serviteurs, comme le comte de Comminges, le seigneur de Montauban et autres, par forme de pension, par chascun an, et fit, durant le temps qu'il y fut, dons à ses serviteurs.

Toutesfois, à la despense qu'il faisoit de tant de gens qu'il avoit, l'argent luy failloit souvent 00, qui luy estoit

( 7 ) Charlotte , fille de Louis , duc de Savoie.

(*) Louis xi , retiré en Bourgogne, se trouva dans* une telle nécessité et disette d'argent, qu'il fut obligé de faire au sieur de Sassenage un billet de trente écus ; le voici tel qu'il existe dans la bibliothèque du Roi : « Nous Loys, ainsné fils du roy de France, daulphin de Viennois, « confessons devoir à Jacques, sieur de Chacenage (Sassenage), la « somme de trente escus , pour ung cheval moreau qu'il a baillé et de-. « livré par nostre ordonnance à Henri Guerin , auquel nous l'avons « donné ; laquelle somme de trente escus nous lui promettons payer

4lO [l483] MEMOIRBS

grande peine et soucy, et lui en falloit chercher ou emprunter, ou ses gens l'eussent laissé : qui est grande angoisse à un prince qui ne l'a point accoustumé. Et par ainsi n'estoit point sans peine en cette maison de Bourgogne, et luy falloit entretenir le prince et ses principaux gouverneurs, de peur qu'on ne s'ennuyast de luy à y estre tant, car il y fut six ans (0 : et incessamment le Roy son père y envoyoit ambassadeurs pour l'en mettre hors, ou qu'il luy fut renvoyé. Et en cela vous pouvez penser qu'il n'estoit point oisif, et sans grandes pensées et soucy (*). Or donc en quel temps pourroit-1'on dire qu'il eut eu joye ne plaisir à voir toutes les choses dessusdites? Je croy que depuis son enfance il n'eut jamais que tout mal et travail, jusques à la mort; et suis certain que si tous les bons jours qu'il a eu en sa vie, esquels il a eu plus de joye et de plaisir que de travail et d'ennuy, estaient bien nombrez, qu'il s'en trouverait bien peu, et me semble qu'il s*en trouveroit bien vingt de peine et de travail , contre un de plaisir et d'aise. Il vesquit environ soixante-un ans : toutesfois il avoit tousjours imagination de ne passer point soixante ans, et disoit que depuis long-temps roy de France ne les passa; aucuns veulent dire depuis Charles le Grand : toutesfois le Roy nostrfedit maistre fut bien avant au soixante et unième.

Le duc Charles de Bourgogne, quel aise ne quel

« dedans Nouel prochain Tenant. Ea tesmoing de ce , nous avons ôpé m cette présente cedule de nostre main le trente-uniasme jour de scp- « tembre Tan i4$9- Signé Lots. »

( l ) Six ans : il n'y fat que cinq ans.

(*) II y a peu d'exactitude dans les détails que Comines donne «r la jeunesse de Louis xi. ( Voyez Flntroduction. )

plaisir sçauroit-on dire qu'il ait eu plus grand que nostre Roy dont j'ay parlé? Il est vray qu'en sa jeunesse il eut peu de soucy, car il n'entreprit rien qu'il n'eust environ vingt-deux ans, et jusques-là vesquit sain , et sans trouble. Alors commença se troubler -avec les gouverneurs de son père, lesquels sondit père soustint : pourquoy le fils s'absenta de sa présence , et s'en alla tenir en Hollande, où il fut bien recueilly, et prit intelligence avec ceux de Gand, et par fois y venait. Il n'avoit rien de son père; mais ce pays de Hol-r lapide estoit fort riche, et luy faisoit de grands dons, et plusieurs grosses villes des autres pays, pour Tes* perance qu'ils avoient d'acquérir sa grâce pour le temps advenir : qui est coustume générale que tousjours on compkist plus aux gens de qui on espère la puissance et authorité'accroistre pour le temps advenir, que l'on ne fait pour celuy qui est ja en tel degré qu'il ne peut monter plus haut; et y est l'amour plus grande, par espectal entre le peuple. C'est pour* quoy le duc Philippe, quand on luy disoitque les Gandpis aimoient tant son fils, et qu'il les sçavoit si bien conduire, respondoit qu'ils avoienf tousjours bien aimé leur seigneur avenir : mais depuis qu'il estoit seigneur, ils le haïssoient. Et ce proterbe fut véritable ; car onques puis que le duc Charles fut seigneur, ils ne l'aimerënt, et luy monstrerent bien, comme j'ay dit ailleurs; et aussi de son costé ne les aimoit pbint: mais à ce qui est descendu de luy ils ont fait plus de dommage qu'ils n'eussent sceu faire à luy.

Pour tousjours continuer mon propos, depuis que le duc Charles entreprit la guerre pour les terres de Picardie, que nostre maistre a voit rachetées de son

4 12 [l483] MEMOIRES

père le duc Philippe, et qu'il se fut mis avec les autres seigneurs, du royaume en cette guerre du Bien public, quel aise e#t-il depuis? Il eut tousjours travail, sans nul .plaisir, et de sa personne et de l'entendement; car la glaire luy monta au cœur, et l'esmeut de conquérir tout ce qui luy estoit bien séant. Tous les estez tenoit les champs, en grand péril de sa personne, et prenoit tout le soin et la cure de l'ost,et n'en avoit pas encore assez à son gré. Il se levoit le premier et se couchoit le dernier, tout vestu , comme le plus pauvre de son ost. S'il se reposôit aucun hyrer, il faisoit ses diligences de trouver argent. A chacun jour il besognoit dés six heures au matin, et prenoit grande peine à recueillir et oùyr grand nombre d'ambassadeurs : et en ce travail et misère finit ses jours, et fut tué des Suisses devant' Nancy , comme avez veu devant; et ne pourroit-1'on dire qu'il eut jamais eu un bon jour, depuis qu'il commença à entreprendre de se faire plus grand, jusques à son trespas. Quel acquest a-il eu en ce labeur, ne quel besoin en avoit-il, luy qui estoit si riche seigneur, et avoit tant de belles villes et seigneuries en son obéissance , où il eust esté si aise s'il eut Voulu ?

Apres faut parler du roy Edouard d'Angleterre, qui a esté très-grand roy et puissant. En sa très-grande jeunesse il vit son père le duc d*Yorck desconfit et mort x en bataille, et avec luy le père du comte de Warvic. Ledit comte de Warvic gouvernoit ce rdy Edouard en sa jeunesse, et conduisoit ses affaires. A la vérité dire, il le fit roy, et fut cause de deffaire son roy Henry, qui plusieurs ans avoit régné en Angleterre , lequel ( selon mon jugement et selon le monde)

DE PHILIPPE DE COMINES. [l483] 4*3

estoit vrây roy. Mais de telles causes, comme de royaumes et grandes seigneuries, Nostre Seigneur les tient en sa main, et en dispose; car tout vient de luy. La cause pourquoy le comte de Warvic ser voit la maison d'Yorck contre le roy Henry de Lanclastre estoit pour une bende ou partialité qui estoit en la maison dudit roy Henry, qui n'estoit gueres sage; et la Reyne sa femme, laquelle estoit de la maison d'Anjou, fille du roy René de Cécile, prit le party du duc de Sombresset contre le comte de Warvic : car tous avoient tenu ledit roy Henry, et son père et grandpere , pour roys. Ladite dame eut mieux fait beaucoup de faire office de juge, ou de médiateur entre les parties, que de dire , «Je soustiendray cette part, » comme il apparut; car ils en eurent maintes batailles en Angleterre, et en dura la guerre vingt fct neuf ans : et, fin de compte , le tout y irçourut , quasi d'une part et d'autre. Et pour C 1 ) parler des bendes et partiâlitez , elles sont tçés-perilleuses, et mesmement quant aux nobles, enclins aies nourrir et entretenir. Mais l'on dit que par là ils sçaurônt des nouvelles, et tiendront les deux parties en crainte. Je m'accorderay assez qu'un jeune roy le fasse entre les dames; car il en aura du passe-temps et du plaisir assez, et sçaura des nouvelles d'entre elles : mais nourrir les partiâlitez entre les hommes, comme princes et gens de vertus et de courage, il n'est rien plus dangereux : c'est allumer un feu en sa maison; car tantost l'un ou l'autre dira : « Le «Roy est contre nous,» et puis pensera de se fortifier, et de s'accointer de ses ennemis. Au fort , les bendes d'Or- Ci) Et pour, jusques à entretenir .'cette phrase manque au manuscrit de Saint-Germain.

4l4 [l483] MEMOIRES

leans et de Bourgogne les en doivent avoir fait saga. La guerre en dura soixante et deux ans, Içs Ànglois meslez parmy, qui en cuiderent posséder le royaume.

A revenir à nostre roy Edouard, il estoit fort jeune, et beau prince entre les beaux du monde. A l'heure qu'il fut de tous points au-dessus de ses affaires, il ne complut qu'à son plaisir et aux dames, f est es, banquets, et aux chasses; et me semble que ce temps luy dura bien seize ans ou environ, jusques à ce que le différend dudit comte de Warvic et de luy commença. Et combien que ledit Roy fust jette hors du royaume, si ne dura ledit débat gueres, car il retourna, et obtint la victoire, et après prit ses plaisirs plus que devant, ne craignant personne, et se fit fort gras et plein : et en fleur d'âge le vindrent à ronger ses excez, et mourut assez soudainement (comme j'ai dit) d'une apoplexie, et perdit sa lignée et le royaume après luy (0, comme avez oûy, quant aux enfans masles.

En nostre temps ont aussi régné deux vaîlians et sages princes, c'est à sçavoir le roy de Hongrie Mathias, et Mahomet Ottoman, empereur des Turcs. Ledit roy Mathias estoit fils d'un très* vaillant chevalier, appelle le chevalier Blanc ( a ), de la Walacquie, gentil-homme de grand sens et vertus, qui longuement gouverna ce royaume de Hongrie, et eut maintes belles victoires, contre les Turcs, qui sont voisins dudit royaume, à cause des seigneuries qu'ils ont usurpées en Grèce et Esclavonie. Et tbst après son decés

(0 Et perdu sa lignée, et le royaume après luy : suivant le manuscrit de Saint-Germain , et périt sa. lignée après luy. — (a) Le chevalier Blanc ; c'est ainsi que l'on nommoit le fameux Jean Corrin , dit Honniades.

DE PHILIPPE DE GOMINES. [l483] 4*5

vint en aage d'homme le roy Lancelot (0 , à qui ledit royaume appartenoit , avec Behaîgne et Poullaine 00. Cestuy-là se trouva conseillé par aucuns , comme Ton dit, de prendre les deux fils dudit chevalier Blanc, disant que leur père avoit trop de maistrise et de seigneurie audit royaume durant son enfance , et que les enfans (qui estoient bons personnages) pourraient bien vouloir faire comme luy. Parquoy cônclud ledit roy Lancelot de les faire prendre tous deux, ce qu'il fit ; et incontinent fit mourir l'aisné , et ledit Mathias ( 3 ) mettre en prison à Bude, principale ville de Hongrie : mais il n'y fut gueres , et peut-estre que Nostre Seigneur eut agréables les services de son père ; car tost après ledit roy Lancelot fut empoisonné à Prague, en Bèhaigne , par une femme de bonne maison ( et en ay veu le frère) de laquelle il estoit amoureux, et elle de luy : tellement que , comme malcontente de ce qu'il se marioit en France avec la fille (4) du roy Charles vn, 4e présent appellée la princesse de Viane (qui estoit contre ce qu'il luy avoit promis), elle l'empoisonna en un baing , en luy donnant à manger d'une pomme , et mit la poison au manche du Cousteau* Incontinent que fut mort ledit roy Lancelot ( 5 ), les barons de Hongrie s'assemblèrent audit Bude

(z) Lancelot : Ladislas yi, qui ne commença à régner en Hongrie qu'en 1 491 ; on a pu voir (note de la page 391) que Comines termina ses Mémoires sur Louis zi avant la fin de Tannée 1493. On a ici la preuve qu'il y travailloit encore en. 1491. — (*) Bèhaigne et Poullaine : la Bohême et la Pologne. — ( 3 ) Matthias Corvin, fils de Jean Hunniades, fut élu roi de Hongrie à Page de dix-huit ans, après la mort de Ladislas v, environ l'an 1457. — (4) La fille : Madeleine , fille du roi Charles vu , mariée depuis à Gaston de Foix. — ( 5 ) Ce Lancelot, dont on raconte ici la mort, est le même que Ladislas v de nom.

4i6 [i483] mémoires

pour faire élection de roy, selon l'usage et privilège qu'ils ont deslire quand leur roy meurt sans enfans: et estans là en hayne et grande division entre eux pour cette dignité, survint en la ville la veufve dudit chevalier Blanc et mère audit Mathias, bien fort accompagnée , car elle estoit riche femme d'argent contant que son mary avoit laissé ; parquoy elle avoit pu faire grands amas soudainement : et croy bien qu'elle avoit bonne intelligence en cette compagnie et en la ville , veu le crédit et authorité que son maiy avoit eu audit royaume. Elle tira en la prison , et mit son fils dehors. Partie des barons et prélats qui estoient là assemblez pour faire leur- roy s'enfuirent de peur ; les autres créèrent ledit Mathias roy, lequel a régné (0 audit royaume en grande prospérité, et autant loué et prisé que nul roy qui ait régné longtemps a, et plus en aucunes choses. Il a esté des plus vaillans hommes qui ayent régné de son temps, et a gagné de grandes batailles contre les Turcs de son temps , qui durant son règne n'ont en rien endommagé le royaume ; mais il l'a augmenté , tant de leur costé qu'en Bohême dont il tenoit la pluspart, et en Walaquie dont il estoit, et en Esclavonie; et du costé d'Allemagne, prit la pluspart d'Aust riche sur l'empereur Frédéric, qui vit encores, et Pa possédée jusques à la mort, qui fut en la ville de Vienne, chef du pays d'Austriche , en cet an 1491 W. Il estoit roy

(0 Matthias Coran a régné, en Hongrie trente-deux ans; il aima A protégea les lettres. C'est de sa bibliothèque que sont venus tous les manuscrits grecs qui enrichissent la bibliothèque de Vienne.

(2), Qui fut en la 'ville de Vienne , chef du pays d'Austriche, e*t* an 1491 : ces mots manquent au manuscrit de Saint-Germain.

DE PHILIPPE DE C&MINES. [l483] 4*7

qui, gouvernoit aussi sagement ses affaires en temps de paix cqmme en temps de guerre. Sur la fin de ses jours , et se voyant sans crainte d'ennemis, il est devenu fort pompeux et triomphant roy en sa maison , et fit grands amas de beaux meubles, bagues et vaisselles pour parer sa maison. Toutes choses depeschoit de soy, ou par son commandement. Il se faisoit fort craindre ; car il devint cruel, et puis tomba en grief ve maladie incurable en assez jeune âge , comme de vingt et huict ans ou environ (0. Il est mort ( a ) ; ayant eu toute sa vie labeur et travail, et trop plus que de plaisirs. , . . ',,••}, > >

Le Turc que devant ay nommé a esté sage ^ et vaillant prince ( 3 ), plus usant de sens et de cautelle que de valeur et hardiesse.; Vray est que son père; le laissa bien grand , et fut vaillant prince , et prit Adrianopoli, qui vaut à dire ville d'Adrian. Celui dont je • parle prit en l'aage de vingt trois ans Constantinople, qui vaut à dire cité de Constantin. Je I'ay veu peinct de cet aage, et sernbloit bien qu'il fusthommç de grand esprit. Ce fut. une grande honte à tous les chrestiens de la laisser perdre. Il la prit d'assaut, et fut tué à la brèche l'empereur de l'Orient (4) , que nous appelions de Constantinople , et maints autres hommes de bien ; maintes femmes forcées, de grandes et nobles maisons : nulle cruauté ne demeura à y estre faicte. Ce fut son premier exploict. Il a continué à faire ces grandes choses ; tellement que j'ouys une fois dire

(0 Comme de vingt et huict ans ou environ : ces mots manquent au manuscrit de Saint-Germain. — (>) Il a vécu cinquante ans, sur lesquels il a régné trente-deux. — ( 3 ) Mahomet n. — (4) Cet empereur * se nommoit Constantin n , fils de Manuel.

il. 27

4l8 [l483] «EMOfHBS ■ " %

à un ambassadeur vénitien , devafrt le duc Charles Je Bourgogne, qull atoit conquis deux empires , quatre royaumes , et deux cefcs citefc. II vouloit dire de Constantinople et de celuy dé Trebfeonde, les royaumes de la Bossene (0 , la Si*rie<*), et Arménie. Je né sçay s'il prenoit la Moréé pour un. Il a conquis maintes belles isles de mer en cet archipel oit est ladite Morée (le$ Vénitiens y tenoient Scores deux places), aussi Fiole de Negrepônt et de Methelin ; et aussi à conquis presque toute l'Albanie et l'Êsclavonie. Et si ses conquestes ont esté grandes sur les chrestiens , aussi ont-* elles esté sur ceulx de sa loy propre , et y a destruit maint grand Seigneur, comme le Carmaîn (3) et autres. La pluspart de ses oeuvres, il les eonduisoit de luy et de sort sens; si faisoit nostre Roy et aussi le roy de Hongrie , et ottt esté les trdis plus grands hommes qui ayent régné depuis cent ans : mais l'honiiesteté et formé de vivre de nostre Roy , et les bons termes qu'il tenoit aux! gens privez et estrangieFâ, a esté tout autre, et meilleur que des deux autres; aussi estoit-il rôy très - chrestiett. Quarit aux plaisirs du monde, ce Turè en a pris à cœur saoul, et y a usé grande partie de son temps; et eut encore fait plus de maux qu'il n'a , s'il ne se fut tant occupé au vice de la fchair. Il estoit gourmand outré mesure. Aussi lés maladies luy sont Vënuëâ tost, et selon la vie; car il luy prit un£ enfleure dé jambes , comme j'ay ouy dire à ceux qui l'ont veu, et \m venoit au commencement de l'esté qu'elles grossissoient comme un homme par le corps, et ny a volt nulle ouverture,

(<) Bo s série : Bossine ou Bosnie. — (*) Surié : la Servie. (3) to-

main : ce doit être la Car a manie.

DE PHILIPPE DE CSÉMlNfiS. [l483] 4*9

et puis s'en alloient; ny jamais chirurgien ne sceut entendre ce que c'estoit , mais bien disoit-on que sa grande gourmandise y aidoit bien ; et que ce pouvoit estre quelque punition de Dieu. Et ce qu'il se laissoit si peu voir, et se tenoit tant clos en son sérail, estoit afin que l'on ne le cognut si deffaict, et qu'à cette occasion ne l'eussent tant en mespris. Il est mort en l'aagede cinquante et deux ans ou environ, assez soudainement : toutefois il fit testament , lequel j'ay veu , et fit conscience d'un impost que nouvell&ntrit il avoit mis sur ses sujets, si ledit testament est vray. Or regardez que doit. faire un prince chrétien, qui n'a au* thorité fondée en raison de rien imposer sans le congé et permission de son peuple (0.