HENRY

Et plus bas :

De Neufville.

Lettre DU Roy a Sinan Bassa, premier Vizir de LA Porte; sur le renouvellement des Capitulations accordées entre les Roys ses prédécesseurs, ET LE Grand Seigneur.

Très Illustre et Magnifique Seigneur, le Sieur de Germigny nostre Conseiller, et ambassadeur, résident prés du grand Empereur des Monsulmans, nostre trèscher et parfaict amy, nous a bien informé par plusieurs de ses lettres du grand lieu et rang que vous tenez près de Sa Hautesse, à cause de vos louables vertus et mérites, qui est cause que, conjecturant par là que vous sçaurez mieux juger que nul autre, de combien il importe que l'amitié et bien-vueillance qui a esté dés long-temps entre ses prédécesseurs et les nostres, soit conservée et maintenue : Nous vous prierons que

VOUS VOUS employez volontiers, selon que les occasions s'en pourront présenter, pour le renouvellement des anciennes Capitulations qui ont esté sur ce faîtes ; à ce qu'au plûtost il se puisse effectuer, en quoy outre que vous ferez chose qui servira infiniment à la conser\^ation de nostre dite amitié, nous le recevrons à singulier plaisir, et nous vous en sçaurons infiniment bon gré. Nous vous prierons aussi, qu'ayant jà Sa Hautesse eslargy sa grâce et bonté envers le Prince de la Grande Vallaquie en luy accordant sauf-conduit pour se transporter de delà, vous vueillez ayder qu'il l'accomplisse entier, et en le faisant mettre en la possession et joîiyssance de la susdite Province; ainsi que de toutes ces choses, il vous sera plus amplement parlé de nostre part, par nostre dit ambassadeur, qu'il vous plaira de croire comme nous mesmes.

Priant Dieu, très illustre et magnifique seigneur qu'il vous ayt en sa très saincte et digne garde.

Escrit à Bloys.

Henri.

Et plus bas : Brulart.

Capitulations du Roy avec le Grand Seigneur, CONFIRMÉES ET RENOUVELÉES DE

Monsieur de Germigny, Conseiller et Ambassadeur, résident pour sa Majesté A LA Porte de sa Hautesse, du mois de