I. Règlements

Voulons aussi que toutes les choses contenues et escriptes en la nostre très haute Capitulation accordée et baillée aux Vénitiens, qu'elles soyent et demeurent encores certifiées en faveur des François. Et que contre nostre puissante raison et très haute Capitulation, nul ne Tempesche et donne moleste.

Que les dessudicts galions et autres vaisseaux, des lors qu'ilz seront venuz en nos dicts pays et citez, soyent gardez et conservez, et s'en retournent avec toute liberté et seureté. Et advenant que leurs robbes ou deniers se trouvent depredez , soit faicte toute instance et diligence à ce que cela vienne en lumière et que les delinquans (quelz qu'ils puissent ou veuillent estre), soyent chastiez comme il se requiert.

Noz lieutenans généraux de noz provinces, gouverneurs, capitaines non esclaves , les juges ordinaires des lieux, dassiers, maistres et capitaines de noz vaisseaux impériaux et d'autres vaisseaux voluntaires, croyront la présente nostre très haute Capitulation, et au contraire d'icelle n'iront ne monstreront le visage. Et de nostre part, cependant que les dicts François auront le pied

ferme à la droite voye et à nostre amitié, nous encores sur la promesse des choses cy dessus narrées acceptons la dicte amitié et jurons que par le vray Nutriteur et Créateur du ciel et de la terre, et par les âmes de mes anciens et grands ayeuls et de mondict père, que encores de ceste nostre part et contre nostre dicte promesse, ne sera faicte aucune chose. Et cecy saiche tout le monde. Et à ce très-grand et sacré Seing doibt prester foy et créance.

Escript en la ville et cité de Constantinople au commencement de la lune de Kuinàmayel (Rebi'ul evvel) Tan neuf cens soixante et dix-sept.

Et de Christ 1569 au mois d'octobre.

Traduction faicte à Toriginal estant en langue arabicque, signée dudict Grand Seigneur, par Dominico Olivery, soussigné, truchement et interprète du Roy en ladicte langue.

Ainsy signé.

Dominico Olivery.

Lettre du Roy au Grand Seigneur

Du 6 janvier 1581. Receae le 10 de May par le S' Berthier.

Très hault, très excellent, très puissant, très invincible et magnanime prince, le grand Empereur des

Monsulmans, Sultan Amurat, en qui tout honneur et vertu abonde, nostre très cher et parfaict amy, Dieu veuille augmenter vostre grandeur et hautesse avec fin très heureuse.

Nous avons eu les lettres que nous a voulu escrire Vostre Hautesse, du 15 de juillet dernier passé, esquelles en nous faisant responce sur plusieurs des nostres que luy avions auparavant escrit, elle nous donne* un excellent et remarquable tesmoignage de la continuation de son amitié parfaitte et sincère en ce qu'à la première réquisition qui luy a esté faicte de nostre part sur le renouvellement des capitulations qui ont esté entre nostre couronne et vos prédécesseurs d'heureuse et louable mémoire, Vostre Hautesse a incontinent commandé qu'il y fût satisfaict, nous faisant en cela une claire ouverture de son entière affection, laquelle nous recevons à grand plaisir. Toutesfois, nous avons sceu par le sieur de Germigny nostre ambassadeur résident prez de Vostre Hautesse qu'il n'en est encores réussi aucun eâèct, quelque instance qu'il ayt faict un an en ça, et causant cela beaucoup de dommages et inconvénients pour le traffic de noz subjects, selon les plaintes que nous en recevons ordinairement. Nous sommes contraints de vous prier de vouloir faire efectuer le renouvellement des dictes capitulations lesquelles, à cette fin, il vous plaira commander estre recherchéez parmy les registres de Vostre Hautesse en cas que d'icelle ne s'en treuvast un original es mains de nostre ambassadeur; cependant nous vous promettons que, suivant le contenu en icelles.

et les commandements qu^avez par plusieurs fois accordez en faveur du seur et libre trafficde nosdits subjects, ils recevront tousjours de vostre grâce Imperialle toute faveur, bon et honnorable traictement et seront garantis es pays de vostre obeyssance d'injures et dommages, tant en leurs biens, marchandises qu'en leurs propres personnes : de quoy, derechef, nous vous prions autant afiëctueusement qu'il nous est possible, mesmementpour ceux.quipouvoient estre détenus esclaves, sur la délivrance desquels nous desvions intervenir vostre prompt commandement a ce que la renommée de la sincère observation de toutes choses qui conviennent à nostre commune et inviolable amitié soit tant plus espanduë par tout le monde et que vous soyez connu juste vengeur des torts et injures qui sont faictes à ceux qui appartiennent à vos alliez.

Nous ne pouvons aussi celer à Vostre Hautesse le grand contentement qu'elle nous a donné en la déclaration qu'elle a faicte, selon son équitable justice, sur la précédence que nos ambassadeurs ont tousjours eue en toutes assemblées et congrégations avant tous autres Roys chrestiens. Nous nous sentons semblablement fort obligez à elle de l'offre qu'elle nous fait de son aymable secours, en cas que nous en eussions besoing, desirans qu'elle nous veuille perpétuellement conserver ceste bonne volonté, véritablement digne d'un si haut et si magnanime courage que le vostre, avec asseurance que de nostre part, nous luy rendrons en toutes occasions une pareille et réciproque correspondance qui fera con-

noistre a ung chascun que nous ne défaillons en rien de Tamitié et bien-veuillance que nous devons à la yostre, mais que nous la mentons avec tous bons et louables offices, ausquels nous sommes bien délibérez de ne manquer en sorte du monde, y estant conviez, parce que nous voyons qu'en toutes les réquisitions que nous faisons à Vostre Hautesse, elle se montre fort favorable, comme elle a faict recentemment au sauf conduit qu'elle nous a voulu envoyer pour le regard du prince de Vallaquie, afin de pouvoir soubs une protection, entrer en possession de la dicte province : de quoy nous vous prions autant affectueusement qu'il nous est possible par la présente, oultre ce que nous luy escrivons d'ailleurs et ne l'estendrons pas plus avant que pour la prier qu'elle veuille croire nostre dict ambassadeur de toutes aultres choses qu'il luy pourra dire de nostre part, et luy adjouster sa mesme foy qu'elle feroit à nostre propre personne. Ayant, oultre cela, à la supplier, comme nous faisons bien affectueusement qu'elle veuille, pour l'amour de nous honnorer, Aly Cheleby l'ung de voz escrivains, fort affectionné à nostre service, de la charge de Mustaferaga*, avec quarante aspres le jour, lequel nous luy recommandons d'autant plus volontiers qu'il est trez fidel à l'entremise des affaires d'entre Vostre Hautesse et nous ausquelles il a esté député, et sur ce, nous supplierons le Créateur, très hault, très

I. Muteferrika, cavalier pourvu d'an fief. Les Mnteferrika étaient souvent chargés de missions par le Sultan.

excellent, très puissant, très invincible et magnanime Prince nostre très cher et parfaict amy, qu'il vous ayt en sa très saincte et digne garde.

Escript à Bloys le 15* jour du mois de janvier 1581 .

Et au dessoubs : Vostre bon et parfaict amy.