Le Glay : s'afferme
2, Le Glay : de Vélévation.
APPENDICE
Et quant lesdits Guillaume et Bastjen, mes nepveux, auront présenté ladite sépulture en petit volume à ma dicte dame, et icelle dressée en sa présence et déclairé toutes les circumstances et dépendences d'icelle, s'il plaît à Madame, j'entreprandray voulentiers la charge et marche d icelle faire réduire en g-rant volume par ledit Guillaume, tailleur d vmai<^es, et Bastien, masson. Lesquelz j'envoiray sur le lieu dudit couvent lez Bourg en Bresse, avecques Jehan de Chartres', mon disciple et serviteur, lequel m'a servy l'espace de dix-huit ou vingt ans, et maintenant est tailleur d'ymaiges de madame de Bourbon, et aussi autres mes serviteurs dont je respondray de leur science et preudhommie, et dont je ne penseray avoir honte ne dommaige.
Et ce, pour autant que, k cause de mon aaige et pesanteur, je ne me puis transporter sur ledit lieu personnellement ; ce que autrement j'eusse fait voulentiers pour l'honneur, excellance et bonté de la dicte très noble princesse.
Et pour ce faire, si le cas advient que madame soit conseillée d'exécuter sa bonne intencion parle labeur de moy et des miens, d'icy et desja j'advoue, ratiflie et tiens à bons, fermes et approuvez tous les marchez que les diz Guillaume, tailleur d'ymaiges et son gendre, masson, feront avec ma dicte dame en mon nom et au leur, touchant ladicte sépulture et autres choses concernans notre art d'ymaigerie et architecture, comme se moy-memes y estoie présent ; et à leur parlement leur en feray procuracion expresse, se besoing fait, ce que je faiz desja.
Et affîn que le voiaige du pays de Flandres encoires incongneu à mesdis nepveux, leur soit plus seur et plus certain, est moyenné que Jan Lemaire nous laisse ou envoie icy ung solliciteur et guide pour conduire jusques là mesdis nepveux ; c'est assavoir son nepveu Jehan de Maroilles ou son serviteur Jehan Poupart. Et avons convenu avec ledit Jan Lemaire, que chacun de mesdits nepveux aura par jour, compté depuis leur parlement de ceste cité de Tours, dont je feray certifficacion par mes lectres jusques à leur retour, la somme de ung - philippus d'or vallant vingt cinq solz tournois, sauf ce qu'il plaira mieulx tauxer à Madame et recognoistre leurs labeurs et dilligences comme moy et les miens avons parfaicte confiance en Son Excellence très renommée, laquelle nous tous désirons servir de bon cueur, s'il luy vient à plaisir.
Au surplus, ledit Jan Lemaire nous a apporté une pièce de marbre d'albastre de Sainct-Lothain lèz Poligny, en la conté de Bourgoigne, dont il a nouvellement descouverte la carrière ou perrière. Laquelle, comme nous avons entendu pour'^ certaine renommée, a autreffoy esté en grant bruit et estimation, et en ont esté faictes aux Chartreux de Dijon, aucunes des sépultures de feuz messeigneurs les ducz de Bourgoigne, mesmement par maistre Claux et maistre Anthoniet, souverains tailleurs d'ymaiges, dont je, Michiel Coulombe, ay autrefiby eu la congnoissance ; et à la requeste dudict Jan Lemaire, ay taillé, de ma propre main, ung visaige de saincte Marguerite ; et mon nepveu Guillaume l'a poly et mis en euvre, dont je faitz ung petit présent à madicte dame et lui prye qu'il lu\' plaise le recevoir en gré.
Gertitfyant et affermant que, pourveu que ladicte pierre soit tirée en bonne saison,
