Le Glay : en présence
APPENDICE
patrons de terre cuitte, selon la grandeur et volume dont j'envole a ma dite dame deux pourtraictz, l'un en platte forme pour le gisant, l'autre en élévation, faiz les diz patrons de la main desdis François Coulombe, enlumineur, et Bastyen François, masson, mes nepveux. Et ledis Bastyen fera de pierre de taille toute la massonnerie servant à ladicte sépulture en petit volume par vrayz traictz et mesures, tellement que en l'éduisant le petit pié au grand, Madame pourra veoir toute la sépulture de mondit feu Seigneur de Savoie, dedans le terme de Pasques, pourveu que aucun inconvénient, ou fortune ne surviengne audit Coulombe durant ledit temps ; et iceulx patrons je promectz loyaument, à l'aide de Dieu, faire pour ung chief deuvre selon la possiliilité de mon art et industrie.
Oultre plus, pour ce que ledit solliciteur Jan Lemaire nous a affermé que Madame désire d'estre servye en ses édiffices de gens meurs, graves, savans, seurs, certains, expérimentez, bien condicionnez, et observans leur promesse, comme bien raison le veult, mesmement de ceulx que je dessus nommez, asseureray k madicte dame estre telz ; d'icy, et desja j'asseureet afferme que Guillaume Regnault, tailleur d'ymaiges, mon nepveu, est souffisant et bien expérimenté pour réduire en grant volume la taille des yniaiges servans à ladite sépulture, en ensuivant mes patrons ; car il m'a servy et aidé l'espace de quarante ans ou environ, en lel affaire, en toutes grands besoignes, petites et moyennes que par la grâce de Dieu, j'ay eues en mains jusques aujourd'huy et auray encoires et tant qu'il plaira à Dieu. Mesmement il m'a très bien servy et aidé en la dernière euvre que j'ay achevée ; c'est assavoir la sépulture du duc François de Bretaigne, père de la royne ; de laquelle sépulture j'envoye un pourtraict à Madame. D'autre part, ledit Bastyen Françoys, gendre de mondit nepveu, j'aiferme* estre souffisant pour exploicter et dresser en grand volume les patrons de la dicte sépulture, quant à l'art de massonnerie et architecture. Lesquelz patrons seront faitz en petit volume de sa main propre.
En après lesdiz patrons achevez, dedens le terme de pasques, dessus diz, et iceulx estolTéz depaincture blanche et noire, selon ce que la nature du marbre le requierct, par ledit Françoys Coulombe, enlumineur, la taulette de bronce dorée et les lisières, armes fourures d'ermines, carnations de visaiges et de mains, escriptures et toutes autres choses à ce pertinentes fournies, selon que le debvoir le requierct ; je dessoubz signé promectz envo3^er le.sdis Guillaume Regnault, mon nepveu, et Bastyen François, son gendre, porter la dite sépulture en petit volume à Madame, quelque part qu'elle soit, dedans le terme de la purification Notre-Dame.
Ensemble l'élévation de la platte forme de son église, mesmement touchant les sépultures des deux princesses, dont nous avons les pourtraictz et tableaux, faitz de la main de Jehan de Paris ; et aussi ledit Bastyen François portera la montée et élévation - du portai et des arcz boutants par dehors ; pour lesquelles choses estre faictes par lesditz Bastyen Françoys, j'ai retenu le double de la platte forme de la dicte église du couvent de Sainct-Nicolas de Tolentin lez Bourg en Bresse, icelle platte forme faicte et très bien ordonnée sur le lieu, mesurés de la main de maistre Jehan de Paris, avec l'advis, en présence de maistre Henriet et maistre Jehan de Lorraine, tous deux très grans ouvriers en l'art de massonnerie.
